ಪಿಡಿಒ ಕಾರಿನಲ್ಲಿ ₹42,000
ದಾಸನಪುರ ಗ್ರಾಮ ಪಂಚಾಯತಿ ಮಹಿಳಾ ಪಿಡಿಒ ಕಾರಿನಲ್ಲಿ ₹42,000 ಪತ್ತೆಯಾಗಿದೆ ಎಂದು ಲೋಕಾಯುಕ್ತ ಪೊಲೀಸರು ಮಾಹಿತಿ ನೀಡಿದ್ದಾರೆ. ‘ಕಚೇರಿ ಆವರಣದಲ್ಲಿ ಇದ್ದ ಕಾರನ್ನು ಪರಿಶೀಲಿಸುವ ಸಲುವಾಗಿ ಕೀ ನೀಡುವಂತೆ ಕೇಳಿದಾಗ, ಪಿಡಿಒ ನಿರಾಕರಿಸಿದರು. ಕಾರನ್ನು ವಶಕ್ಕೆ ಪಡೆದು ಎಳೆದೊಯ್ಯುತ್ತೇವೆ. ನಂತರ ಪರಿಶೀಲನೆ ನಡೆಸುತ್ತೇವೆ ಎಂದು ಎಚ್ಚರಿಕೆ ನೀಡಿದೆವು. ಆಗ ಕಾರಿನ ಕೀ ನೀಡಿದರು. ಕಾರಿನ ಬಾಗಿಲು ತೆರೆದು ಪರಿಶೀಲಿಸಿದಾಗ ಹಣ ಪತ್ತೆಯಾಯಿತು’ ಎಂದು ಪೊಲೀಸರು ತಿಳಿಸಿದ್ದಾರೆ.
