<p><strong>ರಾಯಚೂರು:</strong> ರಾಜ್ಯದ ಕರಾವಳಿ ಜಿಲ್ಲೆಗಳಾದ ದಕ್ಷಿಣ ಕನ್ನಡ, ಉಡುಪಿ, ಉತ್ತರ ಕನ್ನಡ ಮತ್ತು ಮಹಾರಾಷ್ಟ್ರದ ಮುಂಬೈಗೆ ಲಾಕ್ಡೌನ್ ದಿನಗಳಲ್ಲಿ ರಾಯಚೂರಿನಿಂದ ಸಿಗಡಿ ಮೀನು ಸರಬರಾಜು ಆಗುತ್ತಿದೆ!</p>.<p>ಬಿಸಿಲೂರಿನಲ್ಲಿ ಕೃಷ್ಣಾ ನದಿ ತೀರದಲ್ಲಿ ಸಿಗಡಿ ಮೀನು ಸಾಕಾಣಿಕೆ ಮಾಡುವ ಸಾಹಸವನ್ನು ಯುವ ರೈತರಾದತಾಲ್ಲೂಕಿನ ದೇವುಸುಗೂರು ಗ್ರಾಮದ ಸರ್ವೇಶ್ ರಾಯ್ಡು, ಸತೀಶ್ ದೊಡ್ಡಿ, ವೆಂಕಟೇಶ ಭೂತಪಲ್ಲಿ, ಸುರೇಶ ಪಾಟೀಲ ಮತ್ತು ರಾಜಕುಮಾರ ವರಪೇಟೆ ಅವರು ಮಾಡಿದ್ದಾರೆ.</p>.<p>12 ಎಕರೆ ಜಮೀನಿನಲ್ಲಿ 12 ದೊಡ್ಡ ದೊಡ್ಡ ಹೊಂಡಗಳನ್ನು ನಿರ್ಮಿಸಿ ಸಿಗಡಿ ಮೀನುಗಾರಿಕೆ ಆರಂಭಿಸಿ ಆರು ತಿಂಗಳಾಗಿದೆ.ಇದಕ್ಕಾಗಿ ರೈತರು ₹1.2 ಕೋಟಿ ವೆಚ್ಚ ಮಾಡಿದ್ದಾರೆ. ಡಿಸೆಂಬರ್ನಲ್ಲಿ ಮರಿ ಬೆಳೆಸಲು ಆರಂಭಿಸಿದ ಅವರಿಗೆ ಆರು ತಿಂಗಳಲ್ಲೇ ಅರ್ಧದಷ್ಟು ಬಂಡವಾಳ ವಾಪಸ್ ಬಂದಿದೆ.</p>.<p>ಏಪ್ರಿಲ್ನಲ್ಲಿ ಸಿಗಡಿ ಮೀನು ಮಾರುಕಟ್ಟೆಗೆ ಒಯ್ಯಲು ಸಿದ್ಧವಾಗಿದ್ದ ವೇಳೆಯಲ್ಲೇ ಲಾಕ್ಡೌನ್ ಶುರುವಾಯಿತು. ಮೀನುಗಾರಿಕೆ ಸ್ಥಗಿತವಾಗಿದ್ದ ಕರಾವಳಿ ಜಿಲ್ಲೆಗಳಿಂದ ರಾಯಚೂರಿನ ಸಿಗಡಿ ಮೀನುಗಳಿಗೆ ಬೇಡಿಕೆ ಬಂದಿದೆ. ಈವರೆಗೂ ₹ 70 ಲಕ್ಷದವರೆಗೆ ಸಿಗಡಿ ಮೀನು ವ್ಯವಹಾರ ಮಾಡಿದ್ದಾಗಿ ಈ ಯುವ ರೈತರು ಹೇಳುತ್ತಾರೆ.</p>.<p>ಕರಾವಳಿ ಭಾಗದವರಿಗೆ ರಾಯಚೂರಿನ ಸಿಗಡಿ ಮೀನು ಇಷ್ಟವಾಗಿದ್ದು, ಪ್ರತಿ ಬುಧವಾರ ಮತ್ತು ಭಾನುವಾರ ಸಿಗಡಿ ರವಾನಿಸಲಾಗುತ್ತಿದೆ. ಜಿಲ್ಲಾಡಳಿತ ಮತ್ತು ತೋಟಗಾರಿಕೆ ಇಲಾಖೆ ಪಾಸ್ ಒದಗಿಸಿದೆ. ಒಂದು ಕೆ.ಜಿ ಸಿಗಡಿ ಮೀನು ದರ ₹ 300ರಿಂದ ₹ 500ರವರೆಗೆ ಇದೆ. ಸಿಗಡಿ ದರ ಪಟ್ಟಿ ಕೂಡಾ ಮುಂಬೈನಿಂದ ಪ್ರತಿದಿನ ಆನ್ಲೈನ್ನಲ್ಲಿ ಬರುತ್ತದೆ.</p>.<p>‘ಆಂಧ್ರಪ್ರದೇಶದ ಕಾಕಿನಾಡದಲ್ಲಿ ರೈತರು ಸಿಗಡಿ ಮೀನುಗಾರಿಕೆ ಮಾಡಿದ್ದನ್ನು ನೋಡಿದ್ದೆವು. ಅದರ ಉಸ್ತುವಾರಿಗಾಗಿ ಆಂಧ್ರಪ್ರದೇಶದಿಂದ 18 ಕಾರ್ಮಿಕರನ್ನು ನೇಮಿಸಿಕೊಂಡಿದ್ದೇವೆ. ಪ್ರತಿದಿನ ಸಿಗಡಿಗೆ ಆನ್ಲೈನ್ ಬುಕಿಂಗ್ ಬರುತ್ತಿದೆ’ ಎಂದು ಸರ್ವೇಶ್ ರಾಯ್ಡು ಅವರು ಸಂತಸ ಹಂಚಿಕೊಂಡರು.</p>.<p>‘ಸಿಗಡಿ ಮೀನು ಸ್ಥಳೀಯವಾಗಿ ಪ್ರತಿ ವಾರ ಒಂದೂವರೆ ಟನ್ ಮಾರಾಟವಾಗುತ್ತಿದೆ. ಇನ್ನುಳಿದ ಮೀನುಗಳನ್ನು ಹೊರಗೆ ಕಳುಹಿಸುತ್ತಿದ್ದೇವೆ’ ಎಂದು ಮಾಹಿತಿ ನೀಡಿದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ರಾಯಚೂರು:</strong> ರಾಜ್ಯದ ಕರಾವಳಿ ಜಿಲ್ಲೆಗಳಾದ ದಕ್ಷಿಣ ಕನ್ನಡ, ಉಡುಪಿ, ಉತ್ತರ ಕನ್ನಡ ಮತ್ತು ಮಹಾರಾಷ್ಟ್ರದ ಮುಂಬೈಗೆ ಲಾಕ್ಡೌನ್ ದಿನಗಳಲ್ಲಿ ರಾಯಚೂರಿನಿಂದ ಸಿಗಡಿ ಮೀನು ಸರಬರಾಜು ಆಗುತ್ತಿದೆ!</p>.<p>ಬಿಸಿಲೂರಿನಲ್ಲಿ ಕೃಷ್ಣಾ ನದಿ ತೀರದಲ್ಲಿ ಸಿಗಡಿ ಮೀನು ಸಾಕಾಣಿಕೆ ಮಾಡುವ ಸಾಹಸವನ್ನು ಯುವ ರೈತರಾದತಾಲ್ಲೂಕಿನ ದೇವುಸುಗೂರು ಗ್ರಾಮದ ಸರ್ವೇಶ್ ರಾಯ್ಡು, ಸತೀಶ್ ದೊಡ್ಡಿ, ವೆಂಕಟೇಶ ಭೂತಪಲ್ಲಿ, ಸುರೇಶ ಪಾಟೀಲ ಮತ್ತು ರಾಜಕುಮಾರ ವರಪೇಟೆ ಅವರು ಮಾಡಿದ್ದಾರೆ.</p>.<p>12 ಎಕರೆ ಜಮೀನಿನಲ್ಲಿ 12 ದೊಡ್ಡ ದೊಡ್ಡ ಹೊಂಡಗಳನ್ನು ನಿರ್ಮಿಸಿ ಸಿಗಡಿ ಮೀನುಗಾರಿಕೆ ಆರಂಭಿಸಿ ಆರು ತಿಂಗಳಾಗಿದೆ.ಇದಕ್ಕಾಗಿ ರೈತರು ₹1.2 ಕೋಟಿ ವೆಚ್ಚ ಮಾಡಿದ್ದಾರೆ. ಡಿಸೆಂಬರ್ನಲ್ಲಿ ಮರಿ ಬೆಳೆಸಲು ಆರಂಭಿಸಿದ ಅವರಿಗೆ ಆರು ತಿಂಗಳಲ್ಲೇ ಅರ್ಧದಷ್ಟು ಬಂಡವಾಳ ವಾಪಸ್ ಬಂದಿದೆ.</p>.<p>ಏಪ್ರಿಲ್ನಲ್ಲಿ ಸಿಗಡಿ ಮೀನು ಮಾರುಕಟ್ಟೆಗೆ ಒಯ್ಯಲು ಸಿದ್ಧವಾಗಿದ್ದ ವೇಳೆಯಲ್ಲೇ ಲಾಕ್ಡೌನ್ ಶುರುವಾಯಿತು. ಮೀನುಗಾರಿಕೆ ಸ್ಥಗಿತವಾಗಿದ್ದ ಕರಾವಳಿ ಜಿಲ್ಲೆಗಳಿಂದ ರಾಯಚೂರಿನ ಸಿಗಡಿ ಮೀನುಗಳಿಗೆ ಬೇಡಿಕೆ ಬಂದಿದೆ. ಈವರೆಗೂ ₹ 70 ಲಕ್ಷದವರೆಗೆ ಸಿಗಡಿ ಮೀನು ವ್ಯವಹಾರ ಮಾಡಿದ್ದಾಗಿ ಈ ಯುವ ರೈತರು ಹೇಳುತ್ತಾರೆ.</p>.<p>ಕರಾವಳಿ ಭಾಗದವರಿಗೆ ರಾಯಚೂರಿನ ಸಿಗಡಿ ಮೀನು ಇಷ್ಟವಾಗಿದ್ದು, ಪ್ರತಿ ಬುಧವಾರ ಮತ್ತು ಭಾನುವಾರ ಸಿಗಡಿ ರವಾನಿಸಲಾಗುತ್ತಿದೆ. ಜಿಲ್ಲಾಡಳಿತ ಮತ್ತು ತೋಟಗಾರಿಕೆ ಇಲಾಖೆ ಪಾಸ್ ಒದಗಿಸಿದೆ. ಒಂದು ಕೆ.ಜಿ ಸಿಗಡಿ ಮೀನು ದರ ₹ 300ರಿಂದ ₹ 500ರವರೆಗೆ ಇದೆ. ಸಿಗಡಿ ದರ ಪಟ್ಟಿ ಕೂಡಾ ಮುಂಬೈನಿಂದ ಪ್ರತಿದಿನ ಆನ್ಲೈನ್ನಲ್ಲಿ ಬರುತ್ತದೆ.</p>.<p>‘ಆಂಧ್ರಪ್ರದೇಶದ ಕಾಕಿನಾಡದಲ್ಲಿ ರೈತರು ಸಿಗಡಿ ಮೀನುಗಾರಿಕೆ ಮಾಡಿದ್ದನ್ನು ನೋಡಿದ್ದೆವು. ಅದರ ಉಸ್ತುವಾರಿಗಾಗಿ ಆಂಧ್ರಪ್ರದೇಶದಿಂದ 18 ಕಾರ್ಮಿಕರನ್ನು ನೇಮಿಸಿಕೊಂಡಿದ್ದೇವೆ. ಪ್ರತಿದಿನ ಸಿಗಡಿಗೆ ಆನ್ಲೈನ್ ಬುಕಿಂಗ್ ಬರುತ್ತಿದೆ’ ಎಂದು ಸರ್ವೇಶ್ ರಾಯ್ಡು ಅವರು ಸಂತಸ ಹಂಚಿಕೊಂಡರು.</p>.<p>‘ಸಿಗಡಿ ಮೀನು ಸ್ಥಳೀಯವಾಗಿ ಪ್ರತಿ ವಾರ ಒಂದೂವರೆ ಟನ್ ಮಾರಾಟವಾಗುತ್ತಿದೆ. ಇನ್ನುಳಿದ ಮೀನುಗಳನ್ನು ಹೊರಗೆ ಕಳುಹಿಸುತ್ತಿದ್ದೇವೆ’ ಎಂದು ಮಾಹಿತಿ ನೀಡಿದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
