<p><strong>ಬೆಂಗಳೂರು:</strong> ಶಿಕ್ಷಣ ಹಕ್ಕು ಕಾಯ್ದೆಯಂತೆ (ಆರ್ಟಿಇ) ರಾಜ್ಯದಲ್ಲಿ 43,626 ವಿದ್ಯಾರ್ಥಿಗಳು ವಿವಿಧ ಖಾಸಗಿ ಶಾಲೆಗಳಲ್ಲಿ ವ್ಯಾಸಂಗ ಮಾಡುತ್ತಿದ್ದು, 9ನೇ ತರಗತಿಗೆ ಅವರಿಗೆ ಸರ್ಕಾರವೇ ಶುಲ್ಕ ಭರಿಸುವ ನಿಟ್ಟಿನಲ್ಲಿ ಇದುವರೆಗೆ ಯಾವ ಭರವಸೆಯೂ ದೊರೆತಿಲ್ಲ.</p>.<p>2012–13ನೇ ಸಾಲಿನಲ್ಲಿ ಆರ್ಟಿಇ ಅಡಿಯಲ್ಲಿ 1ನೇ ತರಗತಿಗೆ ದಾಖಲಾದ ಈ ವಿದ್ಯಾರ್ಥಿಗಳು ಇದೀಗ 8ನೇ ತರಗತಿಯಲ್ಲಿ ವ್ಯಾಸಂಗ ಮಾಡುತ್ತಿದ್ದಾರೆ. ಸರ್ಕಾರ ತಕ್ಷಣ ಇವರ ಭವಿಷ್ಯದ ಕುರಿತಂತೆ ಗಮನ ಹರಿಸುವ ನಿಟ್ಟಿನಲ್ಲಿ ‘ಪ್ರಜಾವಾಣಿ’ ಇದೇ 12ರಂದು ‘ಒಳನೋಟ’ ಪ್ರಕಟಿಸಿತ್ತು.</p>.<p>‘ಸರ್ಕಾರ ಏನು ನಿರ್ಧಾರ ಕೈಗೊಳ್ಳುತ್ತದೋ ಎಂಬ ನಿರೀಕ್ಷೆಯಲ್ಲಿ ನಾನಿದ್ದೇನೆ, ಸಣ್ಣಪುಟ್ಟ ಕೃಷಿ ಮಾಡಿ ಜೀವನ ಮಾಡುತ್ತಿರುವವನು ನಾನು, ಈ ಹಂತದಲ್ಲಿ ದುಬಾರಿ ಶುಲ್ಕ ಕೊಟ್ಟು ಶಾಲೆಗೆ ಮಗಳನ್ನು ಕಳುಹಿಸುವ ಪರಿಸ್ಥಿತಿ ಬಂದುಬಿಟ್ಟಿದೆ’ ಎಂದು ಹೇಸರ ಘಟ್ಟದ ಬಾಲಕಿಯೊಬ್ಬಳ ತಂದೆ ಎಸ್.ವಿ.ಗೋವಿಂದರಾಜು ಹೇಳಿದರು.</p>.<p>‘ನನ್ನ ಮಗಳಿಗೆ ₹ 79 ಸಾವಿರ ಶುಲ್ಕ ಕಟ್ಟಲು ನಾಗರಬಾವಿಯ ಪ್ರತಿಷ್ಠಿತ ಶಾಲೆಯಿಂದ ಸೂಚನೆ ಬಂದಿದೆ. 7ನೇ ತರಗತಿಯಲ್ಲೇ ಈ ನಿಯಮ ಬಂದಿದ್ದರೆ 8ನೇ ತರಗತಿಗೆ ಅವಳನ್ನು ಬೇರೆ ಶಾಲೆಗೆ ಸೇರಿಸಬಹುದಿತ್ತು. ಇದೀಗ ನನಗೆ ಶುಲ್ಕ ಕಟ್ಟದೆ ಬೇರೆ ದಾರಿಯೇ ಇಲ್ಲ, ನಮ್ಮಂತಹವರ ಗೋಳನ್ನು ಸರ್ಕಾರ ಗಮನಿಸಬೇಕು ’ ಎಂದು ಲ್ಯಾಬ್ ಟೆಕ್ನಿಷಿಯನ್ ಆದ ನಂಜುಂಡಯ್ಯ ಹೇಳಿದರು.</p>.<p>‘ಪ್ರತಿದಿನ ಕಚೇರಿಗೆ ದೂರುಗಳು ಬರುತ್ತಲೇ ಇವೆ, ಸರ್ಕಾರ ತಕ್ಷಣ ಈ ಸಮಸ್ಯೆಗೆ ಪರಿಹಾರ ಒದಗಿಸಬೇಕು’ ಎಂದು ಆರ್ಟಿಇ ವಿದ್ಯಾರ್ಥಿಗಳು ಮತ್ತು ಪೋಷಕರ ಸಂಘಟನೆಯ ಅಧ್ಯಕ್ಷ ಬಿ.ಎನ್.ಯೋಗಾನಂದ ಹೇಳಿದರು.</p>.<p><strong>‘ಸರ್ಕಾರ ನಿರ್ಧರಿಸಿದರೆ ಜಾರಿಗೆ ತರುತ್ತೇವೆ’</strong><br />‘ಆರ್ಟಿಇ ನಿಯಮದ ಪ್ರಕಾರ 8ನೇ ತರಗತಿವರೆಗೆ ಮಾತ್ರ ಸರ್ಕಾರ ಮಕ್ಕಳ ಶಾಲಾ ಶುಲ್ಕವನ್ನು ಭರಿಸಬೇಕು. 9 ಮತ್ತು 10ನೇ ತರಗತಿಗೆ ಶುಲ್ಕವನ್ನು ಪೋಷಕರು ಭರಿಸಬೇಕು ಇಲ್ಲವೇ ಮಕ್ಕಳನ್ನು ಸರ್ಕಾರಿ ಶಾಲೆಗೆ ಸೇರಿಸಬೇಕು. ಆರ್ಟಿಇ ಅನ್ನು 9 ಮತ್ತು 10ನೇ ತರಗತಿಗೆ ವಿಸ್ತರಿಸಬೇಕು ಎಂದು ಸರ್ಕಾರ ನಿರ್ಧರಿಸಿದರೆ ನಾವು ಅದನ್ನು ಜಾರಿಗೆ ತರುತ್ತೇವೆ’ ಎಂದು ಸಾರ್ವಜನಿಕ ಶಿಕ್ಷಣ ಇಲಾಖೆಯ ಆಯುಕ್ತ ಡಾ.ಕೆ.ಜಿ.ಜಗದೀಶ್ ಹೇಳಿದರು.</p>.<p>‘ಕೇಂದ್ರ ನೆರವಿನಮಧ್ಯಾಹ್ನದ ಬಿಸಿಯೂಟ ಯೋಜನೆ ಇರುವುದು 1ರಿಂದ 8ನೇ ತರಗತಿ ಮಕ್ಕಳಿಗೆ ಮಾತ್ರ. ಆದರೆ 9 ಮತ್ತು 10ನೇ ತರಗತಿಗೆ ಬಿಸಿಯೂಟ ನೀಡುತ್ತಿರುವುದು ರಾಜ್ಯ ಸರ್ಕಾರದ ದುಡ್ಡಿನಿಂದ. ಇದೇ ರೀತಿ ಆರ್ಟಿಇ ಅನ್ನು 9 ಮತ್ತು 10ನೇ ತರಗತಿಗಳಿಗೆ ರಾಜ್ಯ ಸರ್ಕಾರ ವಿಸ್ತರಿಸಿದ್ದೇ ಆದರೆ ಕೇಂದ್ರ ಸರ್ಕಾರದಿಂದ ಆಕ್ಷೇಪಣೆ ಬರಲಾರದು, ಆದರೆ ಸರ್ಕಾರ ಕೈಗೊಳ್ಳುವ ನಿರ್ಧಾರವೇ ಇಲ್ಲಿ ಪ್ರಮುಖವಾದುದು’ ಎಂದು ತಿಳಿಸಿದರು.</p>.<p>*<br />ಮುಖ್ಯಮಂತ್ರಿ ಅವರೊಂದಿಗೆ ಚರ್ಚಿಸುವುದು ಸಾಧ್ಯವಾಗಿಲ್ಲ, ದಾವೋಸ್ನಿಂದ ಮರಳಿದ ಬಳಿಕ ಈ ಬಗ್ಗೆ ಅವರೊಂದಿಗೆ ಸಮಾಲೋಚನೆ ನಡೆಸುವೆ.<br /><em><strong>-ಎಸ್.ಸುರೇಶ್ ಕುಮಾರ್, ಪ್ರಾಥಮಿಕ ಮತ್ತು ಪ್ರೌಢ ಶಿಕ್ಷಣ ಸಚಿವರು</strong></em></p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಬೆಂಗಳೂರು:</strong> ಶಿಕ್ಷಣ ಹಕ್ಕು ಕಾಯ್ದೆಯಂತೆ (ಆರ್ಟಿಇ) ರಾಜ್ಯದಲ್ಲಿ 43,626 ವಿದ್ಯಾರ್ಥಿಗಳು ವಿವಿಧ ಖಾಸಗಿ ಶಾಲೆಗಳಲ್ಲಿ ವ್ಯಾಸಂಗ ಮಾಡುತ್ತಿದ್ದು, 9ನೇ ತರಗತಿಗೆ ಅವರಿಗೆ ಸರ್ಕಾರವೇ ಶುಲ್ಕ ಭರಿಸುವ ನಿಟ್ಟಿನಲ್ಲಿ ಇದುವರೆಗೆ ಯಾವ ಭರವಸೆಯೂ ದೊರೆತಿಲ್ಲ.</p>.<p>2012–13ನೇ ಸಾಲಿನಲ್ಲಿ ಆರ್ಟಿಇ ಅಡಿಯಲ್ಲಿ 1ನೇ ತರಗತಿಗೆ ದಾಖಲಾದ ಈ ವಿದ್ಯಾರ್ಥಿಗಳು ಇದೀಗ 8ನೇ ತರಗತಿಯಲ್ಲಿ ವ್ಯಾಸಂಗ ಮಾಡುತ್ತಿದ್ದಾರೆ. ಸರ್ಕಾರ ತಕ್ಷಣ ಇವರ ಭವಿಷ್ಯದ ಕುರಿತಂತೆ ಗಮನ ಹರಿಸುವ ನಿಟ್ಟಿನಲ್ಲಿ ‘ಪ್ರಜಾವಾಣಿ’ ಇದೇ 12ರಂದು ‘ಒಳನೋಟ’ ಪ್ರಕಟಿಸಿತ್ತು.</p>.<p>‘ಸರ್ಕಾರ ಏನು ನಿರ್ಧಾರ ಕೈಗೊಳ್ಳುತ್ತದೋ ಎಂಬ ನಿರೀಕ್ಷೆಯಲ್ಲಿ ನಾನಿದ್ದೇನೆ, ಸಣ್ಣಪುಟ್ಟ ಕೃಷಿ ಮಾಡಿ ಜೀವನ ಮಾಡುತ್ತಿರುವವನು ನಾನು, ಈ ಹಂತದಲ್ಲಿ ದುಬಾರಿ ಶುಲ್ಕ ಕೊಟ್ಟು ಶಾಲೆಗೆ ಮಗಳನ್ನು ಕಳುಹಿಸುವ ಪರಿಸ್ಥಿತಿ ಬಂದುಬಿಟ್ಟಿದೆ’ ಎಂದು ಹೇಸರ ಘಟ್ಟದ ಬಾಲಕಿಯೊಬ್ಬಳ ತಂದೆ ಎಸ್.ವಿ.ಗೋವಿಂದರಾಜು ಹೇಳಿದರು.</p>.<p>‘ನನ್ನ ಮಗಳಿಗೆ ₹ 79 ಸಾವಿರ ಶುಲ್ಕ ಕಟ್ಟಲು ನಾಗರಬಾವಿಯ ಪ್ರತಿಷ್ಠಿತ ಶಾಲೆಯಿಂದ ಸೂಚನೆ ಬಂದಿದೆ. 7ನೇ ತರಗತಿಯಲ್ಲೇ ಈ ನಿಯಮ ಬಂದಿದ್ದರೆ 8ನೇ ತರಗತಿಗೆ ಅವಳನ್ನು ಬೇರೆ ಶಾಲೆಗೆ ಸೇರಿಸಬಹುದಿತ್ತು. ಇದೀಗ ನನಗೆ ಶುಲ್ಕ ಕಟ್ಟದೆ ಬೇರೆ ದಾರಿಯೇ ಇಲ್ಲ, ನಮ್ಮಂತಹವರ ಗೋಳನ್ನು ಸರ್ಕಾರ ಗಮನಿಸಬೇಕು ’ ಎಂದು ಲ್ಯಾಬ್ ಟೆಕ್ನಿಷಿಯನ್ ಆದ ನಂಜುಂಡಯ್ಯ ಹೇಳಿದರು.</p>.<p>‘ಪ್ರತಿದಿನ ಕಚೇರಿಗೆ ದೂರುಗಳು ಬರುತ್ತಲೇ ಇವೆ, ಸರ್ಕಾರ ತಕ್ಷಣ ಈ ಸಮಸ್ಯೆಗೆ ಪರಿಹಾರ ಒದಗಿಸಬೇಕು’ ಎಂದು ಆರ್ಟಿಇ ವಿದ್ಯಾರ್ಥಿಗಳು ಮತ್ತು ಪೋಷಕರ ಸಂಘಟನೆಯ ಅಧ್ಯಕ್ಷ ಬಿ.ಎನ್.ಯೋಗಾನಂದ ಹೇಳಿದರು.</p>.<p><strong>‘ಸರ್ಕಾರ ನಿರ್ಧರಿಸಿದರೆ ಜಾರಿಗೆ ತರುತ್ತೇವೆ’</strong><br />‘ಆರ್ಟಿಇ ನಿಯಮದ ಪ್ರಕಾರ 8ನೇ ತರಗತಿವರೆಗೆ ಮಾತ್ರ ಸರ್ಕಾರ ಮಕ್ಕಳ ಶಾಲಾ ಶುಲ್ಕವನ್ನು ಭರಿಸಬೇಕು. 9 ಮತ್ತು 10ನೇ ತರಗತಿಗೆ ಶುಲ್ಕವನ್ನು ಪೋಷಕರು ಭರಿಸಬೇಕು ಇಲ್ಲವೇ ಮಕ್ಕಳನ್ನು ಸರ್ಕಾರಿ ಶಾಲೆಗೆ ಸೇರಿಸಬೇಕು. ಆರ್ಟಿಇ ಅನ್ನು 9 ಮತ್ತು 10ನೇ ತರಗತಿಗೆ ವಿಸ್ತರಿಸಬೇಕು ಎಂದು ಸರ್ಕಾರ ನಿರ್ಧರಿಸಿದರೆ ನಾವು ಅದನ್ನು ಜಾರಿಗೆ ತರುತ್ತೇವೆ’ ಎಂದು ಸಾರ್ವಜನಿಕ ಶಿಕ್ಷಣ ಇಲಾಖೆಯ ಆಯುಕ್ತ ಡಾ.ಕೆ.ಜಿ.ಜಗದೀಶ್ ಹೇಳಿದರು.</p>.<p>‘ಕೇಂದ್ರ ನೆರವಿನಮಧ್ಯಾಹ್ನದ ಬಿಸಿಯೂಟ ಯೋಜನೆ ಇರುವುದು 1ರಿಂದ 8ನೇ ತರಗತಿ ಮಕ್ಕಳಿಗೆ ಮಾತ್ರ. ಆದರೆ 9 ಮತ್ತು 10ನೇ ತರಗತಿಗೆ ಬಿಸಿಯೂಟ ನೀಡುತ್ತಿರುವುದು ರಾಜ್ಯ ಸರ್ಕಾರದ ದುಡ್ಡಿನಿಂದ. ಇದೇ ರೀತಿ ಆರ್ಟಿಇ ಅನ್ನು 9 ಮತ್ತು 10ನೇ ತರಗತಿಗಳಿಗೆ ರಾಜ್ಯ ಸರ್ಕಾರ ವಿಸ್ತರಿಸಿದ್ದೇ ಆದರೆ ಕೇಂದ್ರ ಸರ್ಕಾರದಿಂದ ಆಕ್ಷೇಪಣೆ ಬರಲಾರದು, ಆದರೆ ಸರ್ಕಾರ ಕೈಗೊಳ್ಳುವ ನಿರ್ಧಾರವೇ ಇಲ್ಲಿ ಪ್ರಮುಖವಾದುದು’ ಎಂದು ತಿಳಿಸಿದರು.</p>.<p>*<br />ಮುಖ್ಯಮಂತ್ರಿ ಅವರೊಂದಿಗೆ ಚರ್ಚಿಸುವುದು ಸಾಧ್ಯವಾಗಿಲ್ಲ, ದಾವೋಸ್ನಿಂದ ಮರಳಿದ ಬಳಿಕ ಈ ಬಗ್ಗೆ ಅವರೊಂದಿಗೆ ಸಮಾಲೋಚನೆ ನಡೆಸುವೆ.<br /><em><strong>-ಎಸ್.ಸುರೇಶ್ ಕುಮಾರ್, ಪ್ರಾಥಮಿಕ ಮತ್ತು ಪ್ರೌಢ ಶಿಕ್ಷಣ ಸಚಿವರು</strong></em></p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
