ತವರೂರಿನತ್ತ ಕಾರ್ಮಿಕರ ಹೆಜ್ಜೆ

ಮಡಿಕೇರಿ: ಕೊಡಗಿನಲ್ಲಿ ಮಹಾಮಳೆ ಸೃಷ್ಟಿಸಿದ ಅನಾಹುತಕ್ಕೆ ಕೊನೆಯೇ ಇಲ್ಲವಾಗಿದೆ. ಕಾಫಿ ತೋಟಗಳಲ್ಲಿ ಕೂಲಿಮಾಡಿ ಬದುಕು ರೂಪಿಸಿಕೊಂಡಿದ್ದ ಸಾವಿರಾರು ಕಾರ್ಮಿಕರು ಬೀದಿಗೆ ಬಿದ್ದಿದ್ದು, ಭವಿಷ್ಯದ ಚಿಂತೆಯಲ್ಲಿದ್ದಾರೆ.

. ಕೆಲಸ ಅರಸಿ ಉತ್ತರ ಕರ್ನಾಟಕದ ಜಿಲ್ಲೆಗಳಿಂದ ಗುಳೆ ಬಂದಿದ್ದ ಕಾರ್ಮಿಕರು ಭೂಕುಸಿತ, ಮಹಾಮಳೆಗೆ ನಲುಗಿದ್ದು, ತವರಿಗೆ ಮರಳುತ್ತಿದ್ದಾರೆ. ಸದಾ ಚಟುವಟಿಕೆಯ ತಾಣವಾಗಿರುತ್ತಿದ್ದ ಕಾಫಿ ತೋಟದ ‘ಲೈನ್ಮನೆ’ಗಳು ಈಗ ಖಾಲಿ ಖಾಲಿ.

. ಕಾಫಿ, ಕಾಳುಮೆಣಸು, ಏಲಕ್ಕಿ ಪ್ರಧಾನ ವಾಣಿಜ್ಯ ಬೆಳೆಗಳು. ಬಾಳೆಯೂ ರೈತರ ಬಾಳು ಬೆಳಗಿತ್ತು. ಗಾಳಿ, ಮಳೆಗೆ ಬಹುತೇಕ ಬೆಳೆಗಳು ನೆಲಕಚ್ಚಿವೆ. ಕೆಲಸಕೊಟ್ಟು, ಅನ್ನ ನೀಡಿ ಕಾರ್ಮಿಕರ ಬದುಕಿಗೆ ನೆರವಾಗುತ್ತಿದ್ದ ಮಾಲೀಕರೇ ಸಂಕಷ್ಟಕ್ಕೆ ಸಿಲುಕಿರುವುದು ಕಾರ್ಮಿಕರನ್ನೂ ಅತಂತ್ರರಾಗುವಂತೆ ಮಾಡಿದೆ.

. ನೆಲೆ ಕಳೆದುಕೊಂಡಿರುವ ಕೆಲವು ಕಾರ್ಮಿಕರು ಪರಿಹಾರ ಕೇಂದ್ರ ಸೇರಿದ್ದಾರೆ. ಮಕ್ಕಂದೂರು, ಇಗ್ಗೊಡ್ಲು, ತಂತಿಪಾಲ, ಮುಕ್ಕೋಡ್ಲು, ಹಮ್ಮಿಯಾಲ, ಗಾಳಿಬೀಡು, ಕಾಲೂರು, ಮಾಂದಲ್ಪಟ್ಟಿ, ಹೆಮ್ಮೆತಾಳ, ಮೊಣ್ಣಂಗೇರಿ ಭಾಗಗಳಲ್ಲಿ ಭೂಕುಸಿತದಿಂದ ತೋಟಗಳೇ ಸರ್ವನಾಶ ಆಗಿವೆ. ಎಸ್ಟೇಟ್ ಮಾಲೀಕರು ನೆಂಟರ ಮನೆ ಸೇರಿದ್ದಾರೆ.

. ಕೆಲಸ ಸ್ಥಗಿತ: ಕಾಫಿ ತೋಟಗಳಲ್ಲಿ ವರ್ಷವಿಡೀ ಕೆಲಸ ಇರುತ್ತದೆ. ಕಳೆ ತೆಗೆಯುವುದು, ಕೀಟನಾಶಕ ಸಿಂಪಡಣೆ, ರಸಗೊಬ್ಬರ ಹಾಕುವುದು, ಕಾಫಿ ಕೊಯ್ಲು, ಮರ ಕಪಾತು – ಹೀಗೆ ಕಾರ್ಮಿಕರಿಗೆ ಕೈತುಂಬ ಕೆಲಸ. ಕಳೆದೆರಡು ತಿಂಗಳಿಂದ ವಿಪರೀತ ಮಳೆ; ತೋಟದಲ್ಲಿ ಮರಗಳೂ ಧರೆಗುರುಳುತ್ತಿದ್ದವು. ಹೀಗಾಗಿ, ಕೆಲಸವನ್ನೇ ನಿಲ್ಲಿಸಲಾಗಿತ್ತು. ತೋಟದ ಕೆಲಸ ಸ್ಥಗಿತವಾದರೆ ಗಿಡಗಳ ಸುಧಾರಣೆಗೆ ನಾಲ್ಕು ವರ್ಷವೇ ಬೇಕು ಎಂದು ಇಗ್ಗೊಡ್ಲು ಗ್ರಾಮದ ಕಾರ್ಯಪ್ಪ ತಮ್ಮ ತೋಟದ ಸ್ಥಿತಿ ಕಂಡು ಮರುಗಿದರು.

. ‘ನಾಲ್ಕು ವರ್ಷಗಳಿಂದ ಮಕ್ಕಂದೂರು ಎಸ್ಟೇಟ್ನಲ್ಲಿ ಕೆಲಸ ಮಾಡುತ್ತಿದ್ದೆವು. ಮಳೆಗಾಲದಲ್ಲೂ ಕೆಲಸ ಇರುತಿತ್ತು. ಆದರೆ, ಈ ಬಾರಿ ಸಂಕಷ್ಟಕ್ಕೆ ಸಿಲುಕಿಕೊಂಡೆವು. ಊರಲ್ಲಿ ಬರ ಪರಿಸ್ಥಿತಿಯಿದ್ದ ಕಾರಣ ಇಲ್ಲಿಗೆ ಬಂದಿದ್ದೆವು. ಇಲ್ಲಿ ಹಣಕ್ಕೆ ಸಮಸ್ಯೆ ಆಗಿರಲಿಲ್ಲ. ಆದರೆ, ಈ ವರ್ಷ ತೋಟಗಳಲ್ಲಿ ಕೊಯ್ಲು ಮಾಡಲೂ ಕಾಫಿ ಹಣ್ಣು ಇಲ್ಲ. ಗಿಡಗಳು ಬರಿದಾಗಿವೆ. ಬೇಸಿಗೆಯಲ್ಲಿ ಕೂಲಿ ಕೆಲಸ ಸಿಗುವ ನಂಬಿಕೆಯೂ ಇಲ್ಲ’ ಎಂದು ದಾವಣಗೆರೆ ಜಿಲ್ಲೆ ಮಲೇಬೆನ್ನೂರಿಗೆ ತಮ್ಮ ಕುಟುಂಬ ಸದಸ್ಯರೊಂದಿಗೆ ಹೊರಟು ನಿಂತಿದ್ದ ಈರಯ್ಯ ಅಳಲು ತೋಡಿಕೊಂಡರು.

. ನೂರಾರು ಚಾಲಕರ ಬದುಕು ಅತಂತ್ರ

. ಮಡಿಕೇರಿ: ನೂರಾರು ಮಂದಿ ಬಾಡಿಗೆಯ ಜೀಪು, ಕಾರು ಓಡಿಸಿ ಬದುಕು ಸಾಗಿಸುತ್ತಿದ್ದರು. ಮಾಂದಲ್ಪಟ್ಟಿ, ಭಾಗಮಂಡಲ, ತಲಕಾವೇರಿ, ದುಬಾರೆ, ಹಾರಂಗಿ, ಮಲ್ಲಳ್ಳಿ, ಅಬ್ಬಿ ಜಲಪಾತಕ್ಕೆ ಪ್ರವಾಸಿಗರನ್ನು ಕರೆದೊಯ್ಯುತ್ತಿದ್ದರು. ಕಳೆದ 15 ದಿನಗಳಿಂದ ಜೀಪು ಚಾಲಕರ ಸುಳಿವಿಲ್ಲ.

. ಕಾಲೂರು, ಜೋಡುಪಾಲ, ಗಾಳಿಬೀಡು, ಮದೆನಾಡು, ತಾಳತ್ತಮನೆ ಹಲವು ಯುವಕರು ಸಾಲ ಪಡೆದು ಜೀಪು ಖರೀದಿಸಿದ್ದರು. ಈಗ ದಿಕ್ಕು ತೋಚದಾಗಿದೆ. ಚಾಲಕರಿಗೆ ಭವಿಷ್ಯದ ಚಿಂತೆ ಕಾಡುತ್ತಿದೆ.

. ಉತ್ತಮ ಮಳೆ ಸುರಿಯುವ ನಿರೀಕ್ಷೆ

. ಬೆಂಗಳೂರು: ಮಂಗಳವಾರ ಬೆಳಿಗ್ಗೆ 8.30ಕ್ಕೆ ಕೊನೆಗೊಂಡಂತೆ ಕಳೆದ 24 ಗಂಟೆಗಳಲ್ಲಿ ನೈರುತ್ಯ ಮುಂಗಾರು ಚುರುಕುಗೊಂಡಿದ್ದು, ರಾಜ್ಯದ ಕರಾವಳಿ ಒಳನಾಡಿನಲ್ಲಿ ಸಾಧಾರಣ ಮಳೆ ಬಿದ್ದಿದೆ.

. ಮುಂದಿನ 24 ಗಂಟೆಗಳಲ್ಲಿ ರಾಜ್ಯದ ಕರಾವಳಿ, ದಕ್ಷಿಣ ಮತ್ತು ಉತ್ತರ ಒಳನಾಡಿನಲ್ಲಿ ಉತ್ತಮ ಮಳೆಯಾಗುವ ನಿರೀಕ್ಷೆ ಇದೆ ಎಂದು ಹವಾಮಾನ ಇಲಾಖೆ ತಿಳಿಸಿದೆ.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ತವರೂರಿನತ್ತ ಕಾರ್ಮಿಕರ ಹೆಜ್ಜೆ

ಚಿನಕುರುಳಿ: ಗುರುವಾರ, 07 ನವೆಂಬರ್‌ 2024

ಚುರುಮುರಿ: ಕರುಳ ಸಂಬಂಧ ಸಾಹಿತ್ಯ!

ದಿನ ಭವಿಷ್ಯ: ಮಾತೃ ವರ್ಗದವರ ಸಹಾಯದಿಂದ ಅವಿವಾಹಿತರಿಗೆ ಕಂಕಣ ಭಾಗ್ಯ ದೊರೆಯುವುದು

US Election: ಟ್ರಂಪ್‌ ಅಭಿನಂದಿಸಿದ ಕಮಲಾ; ಕರಾಳ ದಿನ ಸಮೀಪಿಸುವ ಕುರಿತು ಆತಂಕ

ರಣಜಿ ಟ್ರೋಫಿ ಕ್ರಿಕೆಟ್ ಟೂರ್ನಿ: ಶ್ರೇಯಸ್ ಅಯ್ಯರ್ ದ್ವಿಶತಕ

ಐಎಸ್‌ಎಲ್‌: ಬೆಂಗಳೂರು ಎಫ್‌ಸಿಗೆ ನಾರ್ಥ್‌ಈಸ್ಟ್‌ ಸವಾಲು

ವಿಶ್ವ ರ‍್ಯಾಂಕಿಂಗ್‌: ಎರಡನೇ ಸ್ಥಾನಕ್ಕೇರಿದ ಅರ್ಜುನ್‌

ಮೂವರಿಗೆ ಅವಕಾಶ ಸಿಗಲಿ: ವೈಶಾಖ, ಯಶ್, ರಮಣದೀಪ್ ಬಗ್ಗೆ ಕುಂಬ್ಳೆ ಮೆಚ್ಚುಗೆ

ಒಳನೋಟ | ಹೆಜ್ಜೆ ಹೆಜ್ಜೆಗೂ ಎಸ್‌ಐಟಿ ತನಿಖೆ

ಒಳನೋಟ | ‘ಅಕ್ರಮ ವಲಸೆ’: ನೆಲೆ ವಿಸ್ತಾರ

ಒಳನೋಟ | ಸಮ್ಮೇಳನಾಧ್ಯಕ್ಷತೆ: ‘ರಾಜಕೀಯ’ ಗುಂಗು

ಒಳನೋಟ | ಲಾಭದ ಕನವರಿಕೆ: ಆಹಾರ ಕಲಬೆರಕೆ

ಚಿನಕುರುಳಿ: ಗುರುವಾರ, 07 ನವೆಂಬರ್‌ 2024

ಚುರುಮುರಿ: ಕರುಳ ಸಂಬಂಧ ಸಾಹಿತ್ಯ!

ದಿನ ಭವಿಷ್ಯ: ಮಾತೃ ವರ್ಗದವರ ಸಹಾಯದಿಂದ ಅವಿವಾಹಿತರಿಗೆ ಕಂಕಣ ಭಾಗ್ಯ ದೊರೆಯುವುದು

US Election: ಟ್ರಂಪ್‌ ಅಭಿನಂದಿಸಿದ ಕಮಲಾ; ಕರಾಳ ದಿನ ಸಮೀಪಿಸುವ ಕುರಿತು ಆತಂಕ