<p><strong>ಕೀವ್: </strong>ಉಕ್ರೇನ್ ಮೇಲಿನ ರಷ್ಯಾದ ಆಕ್ರಮಣದ ನಡುವೆ 11 ವರ್ಷದ ಉಕ್ರೇನ್ ಬಾಲಕನೊಬ್ಬ ಬ್ಯಾಕ್ಪ್ಯಾಕ್ ಹಿಡಿದು, ತನ್ನ ತಾಯಿ ಕೊಟ್ಟಿದ್ದ ಸಂದೇಶ ಮತ್ತು ಟೆಲಿಫೋನ್ ಸಂಖ್ಯೆಯನ್ನು ಕೈಯಲ್ಲಿ ಬರೆದುಕೊಂಡು 1,000 ಕಿಲೋಮೀಟರ್ ಒಬ್ಬನೇ ಪ್ರಯಾಣಿಸಿದ ನಂತರ ಸ್ಲೊವಾಕಿಯಾ ತಲುಪಿದ್ದಾನೆ.</p>.<p>ಕಳೆದ ವಾರ ರಷ್ಯಾ ಪಡೆಗಳು ವಶಪಡಿಸಿಕೊಂಡ ವಿದ್ಯುತ್ ಸ್ಥಾವರವಿರುವ ಆಗ್ನೇಯ ಉಕ್ರೇನ್ನ ಝಪೊರಿಝಿಯಾದಿಂದ ಬಾಲಕ ಬಂದಿದ್ದಾನೆ. ವರದಿಗಳ ಪ್ರಕಾರ, ಅನಾರೋಗ್ಯ ಪೀಡಿತ ಸಂಬಂಧಿಯೊಬ್ಬರನ್ನು ನೋಡಿಕೊಳ್ಳಲು ಆತನ ಪೋಷಕರು ಉಕ್ರೇನ್ನಲ್ಲಿಯೇ ಉಳಿಯಬೇಕಾಯಿತು ಎಂದು ಎನ್ಡಿಟಿವಿ ವರದಿ ಮಾಡಿದೆ.</p>.<p>ಬಹುದೂರದ ಪ್ರಯಾಣವನ್ನು ಪೂರ್ಣಗೊಳಿಸಿದ ನಂತರ, 'ಬಾಲಕನ ನಗು, ನಿರ್ಭಯತೆ ಮತ್ತು ದೃಢ ನಿಶ್ಚಯ ಹೊಂದಿರುವ ಈತ ನಿಜವಾದ ನಾಯಕ ಎಂಬುದನ್ನು ತೋರಿಸುತ್ತದೆ' ಎಂದು ಅಧಿಕಾರಿಗಳೇ ಆತನಿಗೆ ಮನಸೋತಿರುವುದಾಗಿ ಸ್ಲೋವಾಕಿಯಾದ ಆಂತರಿಕ ಸಚಿವಾಲಯವು ಫೇಸ್ಬುಕ್ ಪೋಸ್ಟ್ನಲ್ಲಿ ತಿಳಿಸಿದೆ.</p>.<p>ವರದಿಗಳ ಪ್ರಕಾರ, ಸಂಬಂಧಿಕರನ್ನು ಹುಡುಕಲು ಆತನನ್ನು ರೈಲಿನಲ್ಲಿ ಸ್ಲೋವಾಕಿಯಾಕ್ಕೆ ಕಳುಹಿಸಲಾಗಿತ್ತು. ಆತನ ಬಳಿ ಪ್ಲಾಸ್ಟಿಕ್ ಚೀಲ, ಪಾಸ್ ಪೋರ್ಟ್ ಮತ್ತು ಸಂದೇಶವೊಂದು ಇತ್ತು ಎಂದು ಆತನ ತಾಯಿ ತಿಳಿಸಿದ್ದಾರೆ.</p>.<p>ಬಾಲಕ ಸ್ಲೊವಾಕಿಯಾಕ್ಕೆ ಬಂದಾಗ ಆತನ ಕೈಯಲ್ಲಿ ಫೋನ್ ನಂಬರ್, ಪಾಸ್ಪೋರ್ಟ್ ಮತ್ತು ಮಡಿಚಿಟ್ಟಿದ್ದ ಕಾಗದದ ತುಂಡು ಇತ್ತು. ಇದರಿಂದಾಗಿ ಗಡಿಯಲ್ಲಿದ್ದ ಅಧಿಕಾರಿಗಳು, ರಾಜಧಾನಿ ಬ್ರಾಟಿಸ್ಲಾವಾದಲ್ಲಿರುವ ಅವನ ಸಂಬಂಧಿಕರನ್ನು ಸಂಪರ್ಕಿಸಿದ್ದಾರೆ. ಬಳಿಕ ಆತನನ್ನು ಅವರಿಗೆ ಒಪ್ಪಿಸಿದ್ದಾರೆ.</p>.<p>ವರದಿಗಳ ಪ್ರಕಾರ, ಬಾಲಕನ ತಾಯಿ, ಸ್ಲೋವಾಕಿಯ ಸರ್ಕಾರ ಮತ್ತು ಆತನ ಬಗ್ಗೆ ಕಾಳಜಿ ವಹಿಸಿದ ಪೊಲೀಸರಿಗೆ ಧನ್ಯವಾದ ಸಲ್ಲಿಸಲು ಸಂದೇಶವನ್ನು ಕಳುಹಿಸಿದ್ದಾರೆ.</p>.<p>'ಬಾಲಕನ ಬಳಿಯಲ್ಲಿ ಫೋನ್ ನಂಬರ್ ಮತ್ತು ಕಾಗದದಲ್ಲಿದ್ದ ಸಂದೇಶಕ್ಕೆ ಧನ್ಯವಾದಗಳು. ಇದರಿಂದಾಗಿಯೇ ನಾವು ಆತನ ಸಂಬಂಧಿಕರನ್ನು ಸಂಪರ್ಕಿಸಲು ಸಾಧ್ಯವಾಯಿತು' ಎಂದು ಸಚಿವಾಲಯ ಮಾಹಿತಿ ನೀಡಿದೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಕೀವ್: </strong>ಉಕ್ರೇನ್ ಮೇಲಿನ ರಷ್ಯಾದ ಆಕ್ರಮಣದ ನಡುವೆ 11 ವರ್ಷದ ಉಕ್ರೇನ್ ಬಾಲಕನೊಬ್ಬ ಬ್ಯಾಕ್ಪ್ಯಾಕ್ ಹಿಡಿದು, ತನ್ನ ತಾಯಿ ಕೊಟ್ಟಿದ್ದ ಸಂದೇಶ ಮತ್ತು ಟೆಲಿಫೋನ್ ಸಂಖ್ಯೆಯನ್ನು ಕೈಯಲ್ಲಿ ಬರೆದುಕೊಂಡು 1,000 ಕಿಲೋಮೀಟರ್ ಒಬ್ಬನೇ ಪ್ರಯಾಣಿಸಿದ ನಂತರ ಸ್ಲೊವಾಕಿಯಾ ತಲುಪಿದ್ದಾನೆ.</p>.<p>ಕಳೆದ ವಾರ ರಷ್ಯಾ ಪಡೆಗಳು ವಶಪಡಿಸಿಕೊಂಡ ವಿದ್ಯುತ್ ಸ್ಥಾವರವಿರುವ ಆಗ್ನೇಯ ಉಕ್ರೇನ್ನ ಝಪೊರಿಝಿಯಾದಿಂದ ಬಾಲಕ ಬಂದಿದ್ದಾನೆ. ವರದಿಗಳ ಪ್ರಕಾರ, ಅನಾರೋಗ್ಯ ಪೀಡಿತ ಸಂಬಂಧಿಯೊಬ್ಬರನ್ನು ನೋಡಿಕೊಳ್ಳಲು ಆತನ ಪೋಷಕರು ಉಕ್ರೇನ್ನಲ್ಲಿಯೇ ಉಳಿಯಬೇಕಾಯಿತು ಎಂದು ಎನ್ಡಿಟಿವಿ ವರದಿ ಮಾಡಿದೆ.</p>.<p>ಬಹುದೂರದ ಪ್ರಯಾಣವನ್ನು ಪೂರ್ಣಗೊಳಿಸಿದ ನಂತರ, 'ಬಾಲಕನ ನಗು, ನಿರ್ಭಯತೆ ಮತ್ತು ದೃಢ ನಿಶ್ಚಯ ಹೊಂದಿರುವ ಈತ ನಿಜವಾದ ನಾಯಕ ಎಂಬುದನ್ನು ತೋರಿಸುತ್ತದೆ' ಎಂದು ಅಧಿಕಾರಿಗಳೇ ಆತನಿಗೆ ಮನಸೋತಿರುವುದಾಗಿ ಸ್ಲೋವಾಕಿಯಾದ ಆಂತರಿಕ ಸಚಿವಾಲಯವು ಫೇಸ್ಬುಕ್ ಪೋಸ್ಟ್ನಲ್ಲಿ ತಿಳಿಸಿದೆ.</p>.<p>ವರದಿಗಳ ಪ್ರಕಾರ, ಸಂಬಂಧಿಕರನ್ನು ಹುಡುಕಲು ಆತನನ್ನು ರೈಲಿನಲ್ಲಿ ಸ್ಲೋವಾಕಿಯಾಕ್ಕೆ ಕಳುಹಿಸಲಾಗಿತ್ತು. ಆತನ ಬಳಿ ಪ್ಲಾಸ್ಟಿಕ್ ಚೀಲ, ಪಾಸ್ ಪೋರ್ಟ್ ಮತ್ತು ಸಂದೇಶವೊಂದು ಇತ್ತು ಎಂದು ಆತನ ತಾಯಿ ತಿಳಿಸಿದ್ದಾರೆ.</p>.<p>ಬಾಲಕ ಸ್ಲೊವಾಕಿಯಾಕ್ಕೆ ಬಂದಾಗ ಆತನ ಕೈಯಲ್ಲಿ ಫೋನ್ ನಂಬರ್, ಪಾಸ್ಪೋರ್ಟ್ ಮತ್ತು ಮಡಿಚಿಟ್ಟಿದ್ದ ಕಾಗದದ ತುಂಡು ಇತ್ತು. ಇದರಿಂದಾಗಿ ಗಡಿಯಲ್ಲಿದ್ದ ಅಧಿಕಾರಿಗಳು, ರಾಜಧಾನಿ ಬ್ರಾಟಿಸ್ಲಾವಾದಲ್ಲಿರುವ ಅವನ ಸಂಬಂಧಿಕರನ್ನು ಸಂಪರ್ಕಿಸಿದ್ದಾರೆ. ಬಳಿಕ ಆತನನ್ನು ಅವರಿಗೆ ಒಪ್ಪಿಸಿದ್ದಾರೆ.</p>.<p>ವರದಿಗಳ ಪ್ರಕಾರ, ಬಾಲಕನ ತಾಯಿ, ಸ್ಲೋವಾಕಿಯ ಸರ್ಕಾರ ಮತ್ತು ಆತನ ಬಗ್ಗೆ ಕಾಳಜಿ ವಹಿಸಿದ ಪೊಲೀಸರಿಗೆ ಧನ್ಯವಾದ ಸಲ್ಲಿಸಲು ಸಂದೇಶವನ್ನು ಕಳುಹಿಸಿದ್ದಾರೆ.</p>.<p>'ಬಾಲಕನ ಬಳಿಯಲ್ಲಿ ಫೋನ್ ನಂಬರ್ ಮತ್ತು ಕಾಗದದಲ್ಲಿದ್ದ ಸಂದೇಶಕ್ಕೆ ಧನ್ಯವಾದಗಳು. ಇದರಿಂದಾಗಿಯೇ ನಾವು ಆತನ ಸಂಬಂಧಿಕರನ್ನು ಸಂಪರ್ಕಿಸಲು ಸಾಧ್ಯವಾಯಿತು' ಎಂದು ಸಚಿವಾಲಯ ಮಾಹಿತಿ ನೀಡಿದೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
