ತೈವಾನ್‌ ಮೇಲೆ ಯುದ್ಧ: ಚೀನಾ ಎಚ್ಚರಿಕೆ

ಬೀಜಿಂಗ್ : ತೈವಾನ್ ದ್ವೀಪದ ಸುತ್ತಲೂ ಸೇನಾ ತಾಲೀಮು ನಡೆಸುತ್ತಿರುವ ಚೀನಾ, ಸ್ವಯಂ ಆಡಳಿತವಿರುವ ಈ ದ್ವೀಪ ರಾಷ್ಟ್ರದ ಮೇಲೆ ಯುದ್ಧ ನಡೆಸುವುದಾಗಿ ಶುಕ್ರವಾರ ಎಚ್ಚರಿಕೆ ನೀಡಿದೆ.

. ತೈವಾನ್ ಅನ್ನು ಸಂಪೂರ್ಣವಾಗಿ ತನ್ನ ತೆಕ್ಕೆಗೆ ಸೇರಿಸಿಕೊಂಡು ಪುನರ್ ಏಕೀಕರಣಗೊಳಿಸುವ ಕಾರ್ಯವನ್ನು ಸಾಧಿಸುವವರೆಗೂ ಪ್ರತಿರೋಧದ ಕ್ರಮಗಳನ್ನು ತೀವ್ರಗೊಳಿಸುವುದಾಗಿ ಚೀನಿ ಪಡೆಗಳು ಎಚ್ಚರಿಕೆ ನೀಡಿವೆ.

. ಲಾಯ್ ಚಿಂಗ್-ಟೆ ಅವರು ತೈವಾನ್ ಅಧ್ಯಕ್ಷರಾಗಿ ಅಧಿಕಾರ ವಹಿಸಿಕೊಂಡ ಮೂರು ದಿನಗಳ ನಂತರ ಚೀನಾ ಸೇನೆ ಯುದ್ಧ ತಾಲೀಮು ಪ್ರಾರಂಭಿಸಿತು. ತೈವಾನ್ ಅಧ್ಯಕ್ಷರ ಭಾಷಣವನ್ನು ‘ಇದು ಸ್ವಾತಂತ್ರ್ಯದ ತಪ್ಪೊಪ್ಪಿಗೆ’ ಎಂದು ಚೀನಾ ಖಂಡಿಸಿತು.

. ಚೀನಾ ಸೇನೆ ಎರಡು ದಿನಗಳ ಯುದ್ಧ ತಾಲೀಮನ್ನು ಗುರುವಾರ ಬೆಳಿಗ್ಗೆಯೇ ಪ್ರಾರಂಭಿಸಿತ್ತು. ಚೀನಾದ ಯುದ್ಧ ನೌಕೆಗಳು ಮತ್ತು ಸೇನಾ ವಿಮಾನಗಳು ಪ್ರಜಾಪ್ರಭುತ್ವ ರಾಷ್ಟ್ರ ತೈವಾನ್ ಅನ್ನು ಸುತ್ತುವರೆದಿವೆ. ದ್ವೀಪರಾಷ್ಟ್ರದ ‘ಸ್ವತಂತ್ರ ಪಡೆಗಳ’ ರಕ್ತ ಹರಿಸುವ ಪ್ರತಿಜ್ಞೆಯನ್ನು ಮಾಡಿದೆ.

. ಎರಡನೇ ದಿನದ ತಾಲೀಮಿನ ವೇಳೆ ಶುಕ್ರವಾರ ಚೀನಿ ಯುದ್ಧನೌಕೆಗಳು ಮತ್ತು ಯುದ್ಧ ವಿಮಾನಗಳು ತೈವಾನ್ ಅನ್ನು ಸಂಪೂರ್ಣ ಸುತ್ತುವರಿದವು. ಇದು ದ್ವೀಪವನ್ನು ವಶಪಡಿಸಿಕೊಳ್ಳುವ ನಮ್ಮ ಸಾಮರ್ಥ್ಯದ ಪರೀಕ್ಷೆ ಎಂದು ಚೀನಾ ಹೇಳಿದೆ.

. ‘ಮದ್ದುಗುಂಡು, ಶಸ್ತಾಸ್ತ್ರಗಳನ್ನು ತುಂಬಿದ ಯುದ್ಧ ವಿಮಾನಗಳು ನಮ್ಮ ಗುರಿಗಳ ಕಡೆಗೆ ಹಾರಿದವು. ಪ್ರಮುಖ ಗುರಿಗಳ ಮೇಲೆ ಯುದ್ಧನೌಕೆಗಳೊಂದಿಗೆ ಸಂಯೋಜಿತ ದಾಳಿ ನಡೆಸಲು ಬಾಂಬರ್ ವಿಮಾನಗಳು ಹೊರಟವು’ ಎಂದು ದೇಶದ ಸರ್ಕಾರಿ ವಾಹಿನಿ ‘ಸಿಸಿಟಿವಿ’ ವರದಿ ಮಾಡಿದೆ.

. ಚೀನಿ ಸೇನೆಯು ತೈವಾನ್ನ ಪ್ರಮುಖ ದ್ವೀಪದಿಂದ 24 ನಾಟಿಕಲ್ ಮೈಲುಗಳಷ್ಟು ದೂರದಲ್ಲಿದೆ. ನಾಲ್ಕು ಚೀನಿ ಹಡಗುಗಳು ತೈವಾನ್ನ ಎರಡು ದ್ವೀಪಗಳ ‘ನಿರ್ಬಂಧಿತ ಜಲ’ ಪ್ರದೇಶವನ್ನು ಶುಕ್ರವಾರ ಪ್ರವೇಶಿಸಿವೆ. ಈ ಹಡುಗುಗಳಿಗೆ ಹತ್ತಿರದಿಂದ ಇತರ ಎರಡು ಹಡಗುಗಳು ಬೆಂಬಲ ಒದಗಿಸಿವೆ ಎಂದು ತೈವಾನ್ ರಕ್ಷಣಾ ಸಚಿವಾಲಯ ಹೇಳಿದೆ.

. ‘ಒಂದೇ ಚೀನಾ’ ತತ್ವಕ್ಕೆ ತೈವಾನ್ ಸವಾಲೊಡ್ಡಿದೆ:

. ‘ಲಾಯ್ ಅವರು ‘ಒಂದೇ ಚೀನಾ’ ತತ್ವಕ್ಕೆ ಗಂಭೀರ ಸವಾಲೊಡ್ಡಿದ್ದಾರೆ. ತೈವಾನ್ನಲ್ಲಿರುವ ನಮ್ಮ ದೇಶವಾಸಿಗಳನ್ನು ಯುದ್ಧದಂತಹ ಅಪಾಯ ಮತ್ತು ಅಪಾಯಕಾರಿ ಪರಿಸ್ಥಿತಿಗೆ ತಳ್ಳುತ್ತಿದ್ದಾರೆ’ ಎಂದು ಚೀನಾ ರಕ್ಷಣಾ ಸಚಿವಾಲಯದ ವಕ್ತಾರ ವು ಕಿಯಾನ್ ಶುಕ್ರವಾರ ಹೇಳಿದರು.

. ‘ಪ್ರತಿ ಬಾರಿಯು ‘ತೈವಾನ್ ಸ್ವಾತಂತ್ರ್ಯ’ ನಮಗೆ ಪ್ರಚೋದನೆ ನೀಡುತ್ತದೆ. ಮಾತೃಭೂಮಿಯ ಸಂಪೂರ್ಣ ಪುನರ್ ಏಕೀಕರಣವನ್ನು ನಾವು ಸಾಧಿಸುವವರೆಗೆ ನಮ್ಮ ಪ್ರತಿತಂತ್ರಗಳು ಒಂದು ಹೆಜ್ಜೆ ಮುಂದಿರುತ್ತವೆ’ ಎಂದು ಅವರು ಹೇಳಿದರು.

. ‘ಅವರು (ತೈವಾನ್) ಅಧಿಕಾರ ವಶಪಡಿಸಿಕೊಳ್ಳುವ ನಮ್ಮ ಸಾಮರ್ಥ್ಯ, ಜಂಟಿ ದಾಳಿಗಳು ಮತ್ತು ಪ್ರಮುಖ ಪ್ರದೇಶಗಳ ಮೇಲೆ ನಿಯಂತ್ರಣ ಸಾಧಿಸುವ ಸಾಮರ್ಥ್ಯವನ್ನು ಪರೀಕ್ಷಿಸುತ್ತಿದ್ದಾರೆ’ ಎಂದು ಪೀಪಲ್ಸ್ ಲಿಬರೇಶನ್ ಆರ್ಮಿ (ಪಿಎಲ್ಎ) ಈಸ್ಟರ್ನ್ ಥಿಯೇಟರ್ ಕಮಾಂಡ್ನ ವಕ್ತಾರ ಲೀ ಷಿ ಹೇಳಿದ್ದಾರೆ.

. ಲಾಯ್ ಅವರು ಗುರುವಾರ ಮಾಡಿದ ತಮ್ಮ ಭಾಷಣದಲ್ಲಿ ಚೀನಿ ಪಡೆಗಳ ಯುದ್ಧ ತಾಲೀಮನ್ನು ನೇರವಾಗಿ ಉಲ್ಲೇಖಿಸದೆ, ‘ತೈವಾನ್ ಅನ್ನು ರಕ್ಷಿಸಲು ತಾವು ಮುಂಚೂಣಿ ಸಾಲಿನಲ್ಲಿ ನಿಲ್ಲುತ್ತೇನೆ’ ಎಂದು ಚೀನಾಕ್ಕೆ ಸಡ್ಡುಹೊಡೆದಿದ್ದರು.

. ತೈವಾನ್ನ ಪ್ರಮುಖ ಮಿತ್ರ ಮತ್ತು ಮಿಲಿಟರಿ ಬೆಂಬಲಿಗ ದೇಶ ಅಮೆರಿಕವು, ಚೀನಾ ಸಂಯಮದಿಂದ ವರ್ತಿಸಬೇಕೆಂದು ಗುರುವಾರ ಒತ್ತಾಯಿಸಿದೆ. ವಿಶ್ವಸಂಸ್ಥೆಯು ಸಂಘರ್ಷ ಉಲ್ಬಣಿಸುವುದನ್ನು ತಪ್ಪಿಸುವಂತೆ ಎಲ್ಲ ದೇಶಗಳಿಗೂ ಕರೆ ನೀಡಿದೆ.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ತೈವಾನ್‌ ಮೇಲೆ ಯುದ್ಧ: ಚೀನಾ ಎಚ್ಚರಿಕೆ

ಚಿನಕುರುಳಿ | ಶುಕ್ರವಾರ, ನವೆಂಬರ್ 22 2024

ಚಿನಕುರುಳಿ | ಗುರುವಾರ, ನವೆಂಬರ್ 21 2024

ಮಾಜಿ ಸಚಿವ ಬಿ.ಸಿ. ನಾಗೇಶ್‌ ಮನೆಯಲ್ಲಿ ಬಿಜೆಪಿ ಭಿನ್ನಮತೀಯರು

ಚುರುಮುರಿ: ದುಡ್ಡಿನ ದಾರಿ

IPL | ಮುಂದಿನ 3 ಐಪಿಎಲ್ ಟೂರ್ನಿಗಳ ದಿನಾಂಕಗಳನ್ನು ಪ್ರಕಟಿಸಿದ ಬಿಸಿಸಿಐ

ಕೊಹ್ಲಿ ಮತ್ತೆ ವೈಫಲ್ಯ, ಜೈಸ್ವಾಲ್-ದೇವದತ್ತ ಶೂನ್ಯ; ಅಶ್ವಿನ್, ಜಡೇಜಗೆ ಕೊಕ್

ಪುರುಷರ ಐಟಿಎಫ್‌ ಟೆನಿಸ್‌: ಭಾರತದ ಸಿದ್ಧಾಂತ್‌–ವಿಷ್ಣು ಜೋಡಿ ಸೆಮಿಗೆ

Perth Test: ಬ್ಯಾಟರ್‌ಗಳ ವೈಫಲ್ಯ; ಭಾರತ 150ಕ್ಕೆ ಆಲೌಟ್

ಒಳನೋಟ | ಪೈರಸಿ ಅಪಾರ, ದೂರು ವಿರಳ

ಒಳನೋಟ: ದಾಂಪತ್ಯ ಸಾಂಗತ್ಯಗಳ ಸುತ್ತ

ಒಳನೋಟ | ಹೆಜ್ಜೆ ಹೆಜ್ಜೆಗೂ ಎಸ್‌ಐಟಿ ತನಿಖೆ

ಒಳನೋಟ | ‘ಅಕ್ರಮ ವಲಸೆ’: ನೆಲೆ ವಿಸ್ತಾರ

ಚಿನಕುರುಳಿ | ಶುಕ್ರವಾರ, ನವೆಂಬರ್ 22 2024

ಚಿನಕುರುಳಿ | ಗುರುವಾರ, ನವೆಂಬರ್ 21 2024

ಮಾಜಿ ಸಚಿವ ಬಿ.ಸಿ. ನಾಗೇಶ್‌ ಮನೆಯಲ್ಲಿ ಬಿಜೆಪಿ ಭಿನ್ನಮತೀಯರು

ಚುರುಮುರಿ: ದುಡ್ಡಿನ ದಾರಿ