<p><strong>ಜಿನೆವಾ:</strong> ವಿಶ್ವದಾದ್ಯಂತ ದಾಖಲೆಯ 11 ಕೋಟಿಯಷ್ಟು ಜನರು ಬಲವಂತವಾಗಿ ಸ್ಥಳಾಂತರಗೊಂಡಿದ್ದಾರೆ ಎಂದು ನಿರಾಶ್ರಿತರಿಗಾಗಿನ ವಿಶ್ವಸಂಸ್ಥೆಯ ಹೈ–ಕಮಿಷನ್ (ಯುಎನ್ಎಚ್ಸಿಆರ್) ಬುಧವಾರ ಹೇಳಿದೆ.</p><p>ಉಕ್ರೇನ್ನಲ್ಲಿ ರಷ್ಯಾ ನಡೆಸುತ್ತಿರುವ ಕದನ, ಅಫ್ಗಾನಿಸ್ತಾನದಿಂದ ನಿರಾಶ್ರಿತರ ವಲಸೆ ಮತ್ತು ಸುಡಾನ್ನಲ್ಲಿನ ಬಿಕ್ಕಟ್ಟು ಆಂತರಿಕ ಕಲಹ ಸ್ಥಳಾಂತರದ ಸಂಖ್ಯೆಯನ್ನು ಹೆಚ್ಚಿಸಿದ್ದು, ಜನರು ಹಿಂದೆಂದಿಗಿಂತಲೂ ಹೆಚ್ಚಾಗಿ ತಮ್ಮದೇ ದೇಶದಲ್ಲಿ ನೆಲೆ ಕಳೆದುಕೊಳ್ಳುವಂತೆ ಮತ್ತು ವಿದೇಶಗಳಲ್ಲಿ ನೆಲೆ ಹುಡುಕಿಕೊಳ್ಳುವಂತೆ ಮಾಡಿದೆ ಎಂದು ಯುಎನ್ಎಚ್ಸಿಆರ್ ತಿಳಿಸಿದೆ.</p><p>ಬಲವಂತದ ಸ್ಥಳಾಂತರದ ಜಾಗತಿಕ ಪ್ರವೃತ್ತಿ ಕುರಿತ ವಾರ್ಷಿಕ ವರದಿ ಬಿಡುಗಡೆ ಮಾಡಿರುವ ಯುಎನ್ಎಚ್ಸಿಆರ್, ಕಳೆದ ವರ್ಷದ ಅಂತ್ಯದ ವೇಳೆಗೆ 10.84 ಕೋಟಿ ಜನರು ಸ್ಥಳಾಂತರಗೊಂಡಿದ್ದರು ಎಂದು ಮಾಹಿತಿ ನೀಡಿದೆ.</p><p>ಸುಡಾನ್ ಬಿಕ್ಕಟ್ಟು ಈ ವರ್ಷ ಮೇ ವೇಳೆಗೆ ಜಾಗತಿಕ ಸ್ಥಳಾಂತರದ ಪ್ರಮಾಣವನ್ನು ಅಂದಾಜು 11 ಕೋಟಿಗೆ ತಲುಪುವಂತೆ ಮಾಡಿದೆ.</p><p>'ಬಿಕ್ಕಟ್ಟು, ಹಿಂಸಾಚಾರ, ತಾರತಮ್ಯ, ಗಲಭೆ, ಹವಾಮಾನ ವೈಪರೀತ್ಯ ಹಾಗೂ ಇತರ ಕಾರಣದಿಂದಾಗಿ 11 ಕೋಟಿ ನಿರಾಶ್ರಿತರನ್ನು ಹೊಂದಿದ್ದೇವೆ. ಇದು ಪ್ರಪಂಚದ ವಸ್ತುಸ್ಥಿತಿಯ ಮೇಲಿನ 'ದೋಷಾರೋಪ'ವಾಗಿದೆ' ಎಂದು ಯುಎನ್ಎಚ್ಸಿಆರ್ ಮುಖ್ಯಸ್ಥ ಫಿಲಿಪ್ಪೋ ಗ್ರಾಂಡಿ ಹೇಳಿದ್ದಾರೆ.</p><p>2022ರಲ್ಲಿ ಜಾಗತಿಕ ಒಟ್ಟು ಸಂಖ್ಯೆಯಲ್ಲಿ 3.53 ಕೋಟಿ ನಿರಾಶ್ರಿತರು ವಿದೇಶಗಳಿಗೆ ಹೋಗಿದ್ದಾರೆ. 6.25 ಕೋಟಿಯಷ್ಟು ಮಂದಿ ತಮ್ಮದೇ ದೇಶಗಳಲ್ಲಿ ಸ್ಥಳಾಂತರಗೊಂಡಿದ್ದಾರೆ.</p><p>'ಈ ಸಂಖ್ಯೆ ಇನ್ನಷ್ಟು ಹೆಚ್ಚಾಗುವ ಸಾಧ್ಯತೆ ಇದೆ ಎಂಬುದು ಆತಂಕಕಾರಿ' ಎಂದೂ ಗ್ರಾಂಡಿ ಕಳವಳ ವ್ಯಕ್ತಪಡಿಸಿದ್ದಾರೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಜಿನೆವಾ:</strong> ವಿಶ್ವದಾದ್ಯಂತ ದಾಖಲೆಯ 11 ಕೋಟಿಯಷ್ಟು ಜನರು ಬಲವಂತವಾಗಿ ಸ್ಥಳಾಂತರಗೊಂಡಿದ್ದಾರೆ ಎಂದು ನಿರಾಶ್ರಿತರಿಗಾಗಿನ ವಿಶ್ವಸಂಸ್ಥೆಯ ಹೈ–ಕಮಿಷನ್ (ಯುಎನ್ಎಚ್ಸಿಆರ್) ಬುಧವಾರ ಹೇಳಿದೆ.</p><p>ಉಕ್ರೇನ್ನಲ್ಲಿ ರಷ್ಯಾ ನಡೆಸುತ್ತಿರುವ ಕದನ, ಅಫ್ಗಾನಿಸ್ತಾನದಿಂದ ನಿರಾಶ್ರಿತರ ವಲಸೆ ಮತ್ತು ಸುಡಾನ್ನಲ್ಲಿನ ಬಿಕ್ಕಟ್ಟು ಆಂತರಿಕ ಕಲಹ ಸ್ಥಳಾಂತರದ ಸಂಖ್ಯೆಯನ್ನು ಹೆಚ್ಚಿಸಿದ್ದು, ಜನರು ಹಿಂದೆಂದಿಗಿಂತಲೂ ಹೆಚ್ಚಾಗಿ ತಮ್ಮದೇ ದೇಶದಲ್ಲಿ ನೆಲೆ ಕಳೆದುಕೊಳ್ಳುವಂತೆ ಮತ್ತು ವಿದೇಶಗಳಲ್ಲಿ ನೆಲೆ ಹುಡುಕಿಕೊಳ್ಳುವಂತೆ ಮಾಡಿದೆ ಎಂದು ಯುಎನ್ಎಚ್ಸಿಆರ್ ತಿಳಿಸಿದೆ.</p><p>ಬಲವಂತದ ಸ್ಥಳಾಂತರದ ಜಾಗತಿಕ ಪ್ರವೃತ್ತಿ ಕುರಿತ ವಾರ್ಷಿಕ ವರದಿ ಬಿಡುಗಡೆ ಮಾಡಿರುವ ಯುಎನ್ಎಚ್ಸಿಆರ್, ಕಳೆದ ವರ್ಷದ ಅಂತ್ಯದ ವೇಳೆಗೆ 10.84 ಕೋಟಿ ಜನರು ಸ್ಥಳಾಂತರಗೊಂಡಿದ್ದರು ಎಂದು ಮಾಹಿತಿ ನೀಡಿದೆ.</p><p>ಸುಡಾನ್ ಬಿಕ್ಕಟ್ಟು ಈ ವರ್ಷ ಮೇ ವೇಳೆಗೆ ಜಾಗತಿಕ ಸ್ಥಳಾಂತರದ ಪ್ರಮಾಣವನ್ನು ಅಂದಾಜು 11 ಕೋಟಿಗೆ ತಲುಪುವಂತೆ ಮಾಡಿದೆ.</p><p>'ಬಿಕ್ಕಟ್ಟು, ಹಿಂಸಾಚಾರ, ತಾರತಮ್ಯ, ಗಲಭೆ, ಹವಾಮಾನ ವೈಪರೀತ್ಯ ಹಾಗೂ ಇತರ ಕಾರಣದಿಂದಾಗಿ 11 ಕೋಟಿ ನಿರಾಶ್ರಿತರನ್ನು ಹೊಂದಿದ್ದೇವೆ. ಇದು ಪ್ರಪಂಚದ ವಸ್ತುಸ್ಥಿತಿಯ ಮೇಲಿನ 'ದೋಷಾರೋಪ'ವಾಗಿದೆ' ಎಂದು ಯುಎನ್ಎಚ್ಸಿಆರ್ ಮುಖ್ಯಸ್ಥ ಫಿಲಿಪ್ಪೋ ಗ್ರಾಂಡಿ ಹೇಳಿದ್ದಾರೆ.</p><p>2022ರಲ್ಲಿ ಜಾಗತಿಕ ಒಟ್ಟು ಸಂಖ್ಯೆಯಲ್ಲಿ 3.53 ಕೋಟಿ ನಿರಾಶ್ರಿತರು ವಿದೇಶಗಳಿಗೆ ಹೋಗಿದ್ದಾರೆ. 6.25 ಕೋಟಿಯಷ್ಟು ಮಂದಿ ತಮ್ಮದೇ ದೇಶಗಳಲ್ಲಿ ಸ್ಥಳಾಂತರಗೊಂಡಿದ್ದಾರೆ.</p><p>'ಈ ಸಂಖ್ಯೆ ಇನ್ನಷ್ಟು ಹೆಚ್ಚಾಗುವ ಸಾಧ್ಯತೆ ಇದೆ ಎಂಬುದು ಆತಂಕಕಾರಿ' ಎಂದೂ ಗ್ರಾಂಡಿ ಕಳವಳ ವ್ಯಕ್ತಪಡಿಸಿದ್ದಾರೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
