<p><strong>ನ್ಯೂಯಾರ್ಕ್:</strong> ಡೊನಾಲ್ಡ್ ಟ್ರಂಪ್.. ಸದ್ಯ ಜಾಗತಿಕವಾಗಿ ಬಹು ಚರ್ಚಿತ ಹೆಸರು. ಉದ್ಯಮ ಕ್ಷೇತ್ರದಿಂದ ರಿಯಲ್ ಎಸ್ಟೇಟ್ ವಹಿವಾಟು, ರಿಯಾಲಿಟಿ ಟಿ.ವಿ. ಕಾರ್ಯಕ್ರಮದ ಸ್ಟಾರ್ ಪಟ್ಟದಿಂದ ಹಿಡಿದು ಕ್ರಿಮಿನಲ್ ಪ್ರಕರಣದಲ್ಲಿ ಶಿಕ್ಷೆಗೊಳಗಾದ ಅಮೆರಿಕದ ಮೊದಲ ಮಾಜಿ ಅಧ್ಯಕ್ಷ ಎಂಬ ‘ಕುಖ್ಯಾತಿ’ವರೆಗೆ ಅವರದು ‘ಬಹುಮುಖ ಪ್ರತಿಭೆ’.</p>.<p>ಅಧ್ಯಕ್ಷೀಯ ಚುನಾವಣೆ ಪ್ರಚಾರದ ವೇಳೆ ಎರಡು ಬಾರಿ ನಡೆದಿದ್ದ ಹತ್ಯೆ ಯತ್ನಗಳಿಂದ ಸುರಕ್ಷಿತವಾಗಿ ಪಾರಾದ ಟ್ರಂಪ್ ಈಗ ಹೊಸ ಇತಿಹಾಸ ಬರೆದಿದ್ದಾರೆ. </p>.<p>ಈ ಪ್ರಕ್ರಿಯೆಯಲ್ಲಿ ಅವರು ಡೆಮಾಕ್ರಟಿಕ್ ಪಕ್ಷ ಮತ್ತು ಹಾಲಿ ಉಪಾಧ್ಯಕ್ಷೆ ಕಮಲಾ ಹ್ಯಾರಿಸ್ ಅವರ ಅಸಂಖ್ಯ ಬೆಂಬಲಿಗರ ಕನಸುಗಳನ್ನು ನುಚ್ಚುನೂರು ಮಾಡಿದ್ದಾರೆ. </p>.<p>2020ರಲ್ಲಿ ಅಧ್ಯಕ್ಷ ಸ್ಥಾನದಿಂದ ನಿರ್ಗಮಿಸಿ, 2024ರ ಚುನಾವಣೆಗೆ ಮತ್ತೆ ನಾಮಪತ್ರ ಸಲ್ಲಿಸುವ ನಡುವಿನ ನಾಲ್ಕು ವರ್ಷದಲ್ಲಿ ಎಂದಿಗೂ ಟ್ರಂಪ್ ಸುದ್ದಿಯ ತೆರೆಮರೆಗೆ ಸರಿಯಲೇ ಇಲ್ಲ. ಅಧಿಕಾರ ಇಲ್ಲದಿದ್ದಾಗಲೂ ಭಿನ್ನ ಕಾರಣಗಳಿಗಾಗಿ ಸುದ್ದಿಯಲ್ಲಿದ್ದರು. ಅವರು ಅಮೆರಿಕನ್ನರ ಪಾಲಿಗೆ ‘ಮಾಸದ’ ಅಧ್ಯಕ್ಷ!.</p>.<p>2020ರಲ್ಲಿ ಜೋ ಬೈಡನ್ ಚುನಾಯಿತರಾದರೂ, ಆ ಫಲಿತಾಂಶ ಒಪ್ಪಲು ಟ್ರಂಪ್ ಸಿದ್ಧರಿರಲಿಲ್ಲ. ಅವರ ಬೆಂಬಲಿಗರು ಆ ವರ್ಷ ಜನವರಿ 6ರಂದು ಅಮೆರಿಕದ ರಾಜಧಾನಿಗೆ ಲಗ್ಗೆ ಇಟ್ಟಿದ್ದರು. ದೊಂಬಿಯಾಯಿತು. ಈ ಬೆಳವಣಿಗೆಗಳನ್ನು ಖುದ್ದು ಅಮೆರಿಕವಷ್ಟೇ ಅಲ್ಲ, ಜಗತ್ತು ಬೆರಗುಕಣ್ಣುಗಳಿಂದ ನೋಡಿತು.</p>.<p>ಅಧ್ಯಕ್ಷ ಸ್ಥಾನದ ಓಟದಲ್ಲಿ ಈಗಿನದು ಅವರ 3ನೇ ಯತ್ನ. ಓಟದ ಹಾದಿಯಲ್ಲಿ ಅಡ್ಡಿಗಳಿದ್ದವು. ಬೆನ್ನಿಗೆ ಕ್ರಿಮಿನಲ್ ಆರೋಪಗಳಿದ್ದವು. ದಾಖಲೆ ತಿರುಚಿದ್ದ ಪ್ರಕರಣದಲ್ಲಿ ನ್ಯೂಯಾರ್ಕ್ ಕೋರ್ಟ್ ಶಿಕ್ಷೆಗೂ ಗುರಿಪಡಿಸಿತ್ತು. ಆಗಲೂ ಟ್ರಂಪ್ ಸುದ್ದಿಯಾದರು. ಆಗವರು ಶಿಕ್ಷೆಗೊಳಗಾದ ಮೊದಲ ಮಾಜಿ ಅಧ್ಯಕ್ಷ!</p>.<p>ಪೆನ್ಸಿಲ್ವೇನಿಯಾದಲ್ಲಿ ಚುನಾವಣೆ ರ್ಯಾಲಿಯಲ್ಲಿ ಟ್ರಂಪ್ ಗುರಿಯಾಗಿಸಿ ಗುಂಡಿನ ದಾಳಿ ನಡೆಯಿತು. ಒಂದು ಗುಂಡು ಅವರ ಬಲಕಿವಿಯನ್ನು ಸವರಿಕೊಂಡೇ ಹೋಯಿತು. ಟ್ರಂಪ್ ಪ್ರಾಣಾಪಾಯದಿಂದ ಪಾರಾಗಿದ್ದರು. </p>.<p>ಕಿವಿಗೆ ಬ್ಯಾಂಡೇಜ್ ಹಾಕಿದ ಸ್ಥಿತಿಯಲ್ಲೇ ಮಿಲ್ವಾಕಿಯಲ್ಲಿ ಜುಲೈನಲ್ಲಿ ನಡೆದಿದ್ದ ರಿಪಬ್ಲಿಕನ್ ಪಕ್ಷದ ರಾಷ್ಟ್ರೀಯ ಸಮಾವೇಶದಲ್ಲಿ ಭಾಗಿಯಾಗಿದ್ದರು. </p>.<p>ಮತ್ತೊಮ್ಮೆ ಸೆಪ್ಟೆಂಬರ್ 15ರಲ್ಲಿ ಫ್ಲಾರಿಡಾ ಗಾಲ್ಫ್ ಕ್ಲಬ್ನಲ್ಲಿ ಅವರ ಮೇಲೆ ಹತ್ಯೆಗೆ ಸಂಚು ನಡೆದಿತ್ತು. ಯತ್ನ ನಡೆಯುವ ಮೊದಲೇ ಆರೋಪಿಯು ಸಿಕ್ಕಿಬಿದ್ದಿದ್ದ.</p>.<p>ಈ ಬೆಳವಣಿಗೆಗಳಿಂದ ಟ್ರಂಪ್ ಧೃತಿಗೆಡಲಿಲ್ಲ. ಬೆಂಬಲಿಗರ ಉತ್ಸಾಹವೂ ಕುಗ್ಗಲಿಲ್ಲ. ಅವರ ಅವಧಿಯ ನೀತಿಗಳನ್ನು ಮೆರೆಸುತ್ತಾ ಟ್ರಂಪ್ ಧ್ಯಾನ, ರ್ಯಾಲಿ ಅವಿರತ ನಡೆಯಿತು. ಆ ಯತ್ನಗಳೀಗ ಯಶಸ್ಸು ನೀಡಿವೆ.</p>.<p>2016ರಲ್ಲಿ ಟ್ರಂಪ್ ಮೊದಲ ಬಾರಿಗೆ ಡೆಮಾಕ್ರಟಿಕ್ ಪಕ್ಷದ ಅಭ್ಯರ್ಥಿ ಹಿಲರಿ ಕ್ಲಿಂಟನ್ ವಿರುದ್ಧ ಜಯಗಳಿಸಿದ್ದರು. ಈಗ ಮತ್ತೆ ಅದೇ ಪಕ್ಷದ ಮಹಿಳಾ ಅಭ್ಯರ್ಥಿ ಕಮಲಾ ಹ್ಯಾರಿಸ್ ವಿರುದ್ಧ ಗೆದ್ದಿದ್ದಾರೆ. </p>.<p>ಟ್ರಂಪ್ ಪ್ರವೇಶಕ್ಕೆ ಶ್ವೇತಭವನವೀಗ ಕಾಯುತ್ತಿದೆ. ಅಮೆರಿಕಲ್ಲಿ ಮುಂದಿನ ನಾಲ್ಕು ವರ್ಷ ‘ಟ್ರಂಪ್‘ ಕಾಲ! ‘ತಂಪು ಕಾಲ’ ಎಂಬ ಸಂಭ್ರಮದಲ್ಲಿ ಅವರ ಬೆಂಬಲಿಗರಿದ್ದಾರೆ.</p>.<h2>ನಿಯೋಜಿತ ಅಧ್ಯಕ್ಷರ ಬದುಕಿನ ಪ್ರಮುಖ ಹಂತ</h2>.<ul><li><p>ಜೂನ್ 14, 1946ರಂದು ನ್ಯೂಯಾರ್ಕ್ನ ಕ್ವೀನ್ಸ್ನಲ್ಲಿ ಮೇರಿ–ಫ್ರೆಡ್ ಟ್ರಂಪ್ ದಂಪತಿ ಪುತ್ರನಾಗಿ ಡೊನಾಲ್ಡ್ ಜನನ. ದಂಪತಿಯ ಐವರು ಮಕ್ಕಳಲ್ಲಿ ಇವರು 4ನೇಯವರು. ತಂದೆ ರಿಯಲ್ ಎಸ್ಟೇಟ್ ಉದ್ಯಮಿ.</p></li><li><p>1968ರಲ್ಲಿ ಪೆನ್ಸಿಲ್ವೇನಿಯಾದ ವಾರ್ಟನ್ ಸ್ಕೂಲ್ ಆಫ್ ಫೈನಾನ್ಸ್ ಅಂಡ್ ಕಾಮರ್ಸ್ನಿಂದ ಪದವೀಧರನಾಗಿ ಹೊರಹೊಮ್ಮಿದರು. </p></li><li><p>1971ರಲ್ಲಿ ತಂದೆ ನಡೆಸುತ್ತಿದ್ದ ಕಂಪನಿಯ ಉಸ್ತುವಾರಿ ಪಡೆದ ಟ್ರಂಪ್ ಆರ್ಗನೈಸೇಷನ್ ಎಂದು<br>ನಾಮಕರಣ ಮಾಡಿದರು. ಹೋಟೆಲ್,<br>ರೆಸಾರ್ಟ್, ವಸತಿ, ವಾಣಿಜ್ಯ ಕಟ್ಟಡಗಳು, ಗಾಲ್ಫ್ ಕೋರ್ಸ್ ಹೀಗೆ ಉದ್ಯಮದ ಕವಲುಗಳು ವಿವಿಧ ಕ್ಷೇತ್ರಗಳಲ್ಲಿ ಬೆಳೆದವು.</p></li><li><p>2004ರಲ್ಲಿ ರಿಯಾಲಿಟಿ ಟಿ.ವಿ ಷೋ ‘ದ ಅಪ್ರೈಂಟೀಸ್’ ಕಾರ್ಯಕ್ರಮದಲ್ಲಿ ಭಾಗಿಯಾದರು. ಈ ಮೂಲಕ ಮನೆಮಾತಾದರು.</p></li><li><p>ಮುಂದೆ ಜೆಕ್ ಮೂಲದ ಅಥ್ಲೆಟಿಕ್ ಪಟು, ರೂಪದರ್ಶಿ ಇವಾನಾ ಜೆಲ್ನಿಕೊವಾ ಜೊತೆ ಮದುವೆ. ದಂಪತಿಗೆ ಮೂವರು ಮಕ್ಕಳು. ಡೊನಾಲ್ಡ್ ಜೂನಿಯರ್, ಇವಾಂಕಾ, ಎರಿಕ್, 1990ರಲ್ಲಿ ವಿಚ್ಛೇದನವೂ ಆಯಿತು.</p></li><li><p>1993ರಲ್ಲಿ ನಟಿ ಮಾರ್ಲಾ ಮ್ಯಾಪೆಲ್ಸ್ ಅವರನ್ನು ಟ್ರಂಪ್ ಮದುವೆ ಆದರು.1999ರಲ್ಲಿ ವಿಚ್ಛೇದನ ಆಯಿತು. ಈ ದಂಪತಿಗೆ ಒಂದು ಮಗುವಿದೆ.</p></li><li><p>ಟ್ರಂಪ್ ಅವರ ಹಾಲಿ ಪತ್ನಿ ಹೆಸರು ಮೆಲಾನಿಯಾ. 2005ರಲ್ಲಿ ಇವರ ಜೊತೆಗೆ ಮದುವೆಯಾಯಿತು. ಇವರು ಮಾಜಿ ರೂಪದರ್ಶಿ. ಈ ದಂಪತಿಗೆ ಬರೊನ್ ವಿಲಿಯಂ ಟ್ರಂಪ್ ಹೆಸರಿನ ಪುತ್ರನಿದ್ದಾನೆ.</p></li></ul>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ನ್ಯೂಯಾರ್ಕ್:</strong> ಡೊನಾಲ್ಡ್ ಟ್ರಂಪ್.. ಸದ್ಯ ಜಾಗತಿಕವಾಗಿ ಬಹು ಚರ್ಚಿತ ಹೆಸರು. ಉದ್ಯಮ ಕ್ಷೇತ್ರದಿಂದ ರಿಯಲ್ ಎಸ್ಟೇಟ್ ವಹಿವಾಟು, ರಿಯಾಲಿಟಿ ಟಿ.ವಿ. ಕಾರ್ಯಕ್ರಮದ ಸ್ಟಾರ್ ಪಟ್ಟದಿಂದ ಹಿಡಿದು ಕ್ರಿಮಿನಲ್ ಪ್ರಕರಣದಲ್ಲಿ ಶಿಕ್ಷೆಗೊಳಗಾದ ಅಮೆರಿಕದ ಮೊದಲ ಮಾಜಿ ಅಧ್ಯಕ್ಷ ಎಂಬ ‘ಕುಖ್ಯಾತಿ’ವರೆಗೆ ಅವರದು ‘ಬಹುಮುಖ ಪ್ರತಿಭೆ’.</p>.<p>ಅಧ್ಯಕ್ಷೀಯ ಚುನಾವಣೆ ಪ್ರಚಾರದ ವೇಳೆ ಎರಡು ಬಾರಿ ನಡೆದಿದ್ದ ಹತ್ಯೆ ಯತ್ನಗಳಿಂದ ಸುರಕ್ಷಿತವಾಗಿ ಪಾರಾದ ಟ್ರಂಪ್ ಈಗ ಹೊಸ ಇತಿಹಾಸ ಬರೆದಿದ್ದಾರೆ. </p>.<p>ಈ ಪ್ರಕ್ರಿಯೆಯಲ್ಲಿ ಅವರು ಡೆಮಾಕ್ರಟಿಕ್ ಪಕ್ಷ ಮತ್ತು ಹಾಲಿ ಉಪಾಧ್ಯಕ್ಷೆ ಕಮಲಾ ಹ್ಯಾರಿಸ್ ಅವರ ಅಸಂಖ್ಯ ಬೆಂಬಲಿಗರ ಕನಸುಗಳನ್ನು ನುಚ್ಚುನೂರು ಮಾಡಿದ್ದಾರೆ. </p>.<p>2020ರಲ್ಲಿ ಅಧ್ಯಕ್ಷ ಸ್ಥಾನದಿಂದ ನಿರ್ಗಮಿಸಿ, 2024ರ ಚುನಾವಣೆಗೆ ಮತ್ತೆ ನಾಮಪತ್ರ ಸಲ್ಲಿಸುವ ನಡುವಿನ ನಾಲ್ಕು ವರ್ಷದಲ್ಲಿ ಎಂದಿಗೂ ಟ್ರಂಪ್ ಸುದ್ದಿಯ ತೆರೆಮರೆಗೆ ಸರಿಯಲೇ ಇಲ್ಲ. ಅಧಿಕಾರ ಇಲ್ಲದಿದ್ದಾಗಲೂ ಭಿನ್ನ ಕಾರಣಗಳಿಗಾಗಿ ಸುದ್ದಿಯಲ್ಲಿದ್ದರು. ಅವರು ಅಮೆರಿಕನ್ನರ ಪಾಲಿಗೆ ‘ಮಾಸದ’ ಅಧ್ಯಕ್ಷ!.</p>.<p>2020ರಲ್ಲಿ ಜೋ ಬೈಡನ್ ಚುನಾಯಿತರಾದರೂ, ಆ ಫಲಿತಾಂಶ ಒಪ್ಪಲು ಟ್ರಂಪ್ ಸಿದ್ಧರಿರಲಿಲ್ಲ. ಅವರ ಬೆಂಬಲಿಗರು ಆ ವರ್ಷ ಜನವರಿ 6ರಂದು ಅಮೆರಿಕದ ರಾಜಧಾನಿಗೆ ಲಗ್ಗೆ ಇಟ್ಟಿದ್ದರು. ದೊಂಬಿಯಾಯಿತು. ಈ ಬೆಳವಣಿಗೆಗಳನ್ನು ಖುದ್ದು ಅಮೆರಿಕವಷ್ಟೇ ಅಲ್ಲ, ಜಗತ್ತು ಬೆರಗುಕಣ್ಣುಗಳಿಂದ ನೋಡಿತು.</p>.<p>ಅಧ್ಯಕ್ಷ ಸ್ಥಾನದ ಓಟದಲ್ಲಿ ಈಗಿನದು ಅವರ 3ನೇ ಯತ್ನ. ಓಟದ ಹಾದಿಯಲ್ಲಿ ಅಡ್ಡಿಗಳಿದ್ದವು. ಬೆನ್ನಿಗೆ ಕ್ರಿಮಿನಲ್ ಆರೋಪಗಳಿದ್ದವು. ದಾಖಲೆ ತಿರುಚಿದ್ದ ಪ್ರಕರಣದಲ್ಲಿ ನ್ಯೂಯಾರ್ಕ್ ಕೋರ್ಟ್ ಶಿಕ್ಷೆಗೂ ಗುರಿಪಡಿಸಿತ್ತು. ಆಗಲೂ ಟ್ರಂಪ್ ಸುದ್ದಿಯಾದರು. ಆಗವರು ಶಿಕ್ಷೆಗೊಳಗಾದ ಮೊದಲ ಮಾಜಿ ಅಧ್ಯಕ್ಷ!</p>.<p>ಪೆನ್ಸಿಲ್ವೇನಿಯಾದಲ್ಲಿ ಚುನಾವಣೆ ರ್ಯಾಲಿಯಲ್ಲಿ ಟ್ರಂಪ್ ಗುರಿಯಾಗಿಸಿ ಗುಂಡಿನ ದಾಳಿ ನಡೆಯಿತು. ಒಂದು ಗುಂಡು ಅವರ ಬಲಕಿವಿಯನ್ನು ಸವರಿಕೊಂಡೇ ಹೋಯಿತು. ಟ್ರಂಪ್ ಪ್ರಾಣಾಪಾಯದಿಂದ ಪಾರಾಗಿದ್ದರು. </p>.<p>ಕಿವಿಗೆ ಬ್ಯಾಂಡೇಜ್ ಹಾಕಿದ ಸ್ಥಿತಿಯಲ್ಲೇ ಮಿಲ್ವಾಕಿಯಲ್ಲಿ ಜುಲೈನಲ್ಲಿ ನಡೆದಿದ್ದ ರಿಪಬ್ಲಿಕನ್ ಪಕ್ಷದ ರಾಷ್ಟ್ರೀಯ ಸಮಾವೇಶದಲ್ಲಿ ಭಾಗಿಯಾಗಿದ್ದರು. </p>.<p>ಮತ್ತೊಮ್ಮೆ ಸೆಪ್ಟೆಂಬರ್ 15ರಲ್ಲಿ ಫ್ಲಾರಿಡಾ ಗಾಲ್ಫ್ ಕ್ಲಬ್ನಲ್ಲಿ ಅವರ ಮೇಲೆ ಹತ್ಯೆಗೆ ಸಂಚು ನಡೆದಿತ್ತು. ಯತ್ನ ನಡೆಯುವ ಮೊದಲೇ ಆರೋಪಿಯು ಸಿಕ್ಕಿಬಿದ್ದಿದ್ದ.</p>.<p>ಈ ಬೆಳವಣಿಗೆಗಳಿಂದ ಟ್ರಂಪ್ ಧೃತಿಗೆಡಲಿಲ್ಲ. ಬೆಂಬಲಿಗರ ಉತ್ಸಾಹವೂ ಕುಗ್ಗಲಿಲ್ಲ. ಅವರ ಅವಧಿಯ ನೀತಿಗಳನ್ನು ಮೆರೆಸುತ್ತಾ ಟ್ರಂಪ್ ಧ್ಯಾನ, ರ್ಯಾಲಿ ಅವಿರತ ನಡೆಯಿತು. ಆ ಯತ್ನಗಳೀಗ ಯಶಸ್ಸು ನೀಡಿವೆ.</p>.<p>2016ರಲ್ಲಿ ಟ್ರಂಪ್ ಮೊದಲ ಬಾರಿಗೆ ಡೆಮಾಕ್ರಟಿಕ್ ಪಕ್ಷದ ಅಭ್ಯರ್ಥಿ ಹಿಲರಿ ಕ್ಲಿಂಟನ್ ವಿರುದ್ಧ ಜಯಗಳಿಸಿದ್ದರು. ಈಗ ಮತ್ತೆ ಅದೇ ಪಕ್ಷದ ಮಹಿಳಾ ಅಭ್ಯರ್ಥಿ ಕಮಲಾ ಹ್ಯಾರಿಸ್ ವಿರುದ್ಧ ಗೆದ್ದಿದ್ದಾರೆ. </p>.<p>ಟ್ರಂಪ್ ಪ್ರವೇಶಕ್ಕೆ ಶ್ವೇತಭವನವೀಗ ಕಾಯುತ್ತಿದೆ. ಅಮೆರಿಕಲ್ಲಿ ಮುಂದಿನ ನಾಲ್ಕು ವರ್ಷ ‘ಟ್ರಂಪ್‘ ಕಾಲ! ‘ತಂಪು ಕಾಲ’ ಎಂಬ ಸಂಭ್ರಮದಲ್ಲಿ ಅವರ ಬೆಂಬಲಿಗರಿದ್ದಾರೆ.</p>.<h2>ನಿಯೋಜಿತ ಅಧ್ಯಕ್ಷರ ಬದುಕಿನ ಪ್ರಮುಖ ಹಂತ</h2>.<ul><li><p>ಜೂನ್ 14, 1946ರಂದು ನ್ಯೂಯಾರ್ಕ್ನ ಕ್ವೀನ್ಸ್ನಲ್ಲಿ ಮೇರಿ–ಫ್ರೆಡ್ ಟ್ರಂಪ್ ದಂಪತಿ ಪುತ್ರನಾಗಿ ಡೊನಾಲ್ಡ್ ಜನನ. ದಂಪತಿಯ ಐವರು ಮಕ್ಕಳಲ್ಲಿ ಇವರು 4ನೇಯವರು. ತಂದೆ ರಿಯಲ್ ಎಸ್ಟೇಟ್ ಉದ್ಯಮಿ.</p></li><li><p>1968ರಲ್ಲಿ ಪೆನ್ಸಿಲ್ವೇನಿಯಾದ ವಾರ್ಟನ್ ಸ್ಕೂಲ್ ಆಫ್ ಫೈನಾನ್ಸ್ ಅಂಡ್ ಕಾಮರ್ಸ್ನಿಂದ ಪದವೀಧರನಾಗಿ ಹೊರಹೊಮ್ಮಿದರು. </p></li><li><p>1971ರಲ್ಲಿ ತಂದೆ ನಡೆಸುತ್ತಿದ್ದ ಕಂಪನಿಯ ಉಸ್ತುವಾರಿ ಪಡೆದ ಟ್ರಂಪ್ ಆರ್ಗನೈಸೇಷನ್ ಎಂದು<br>ನಾಮಕರಣ ಮಾಡಿದರು. ಹೋಟೆಲ್,<br>ರೆಸಾರ್ಟ್, ವಸತಿ, ವಾಣಿಜ್ಯ ಕಟ್ಟಡಗಳು, ಗಾಲ್ಫ್ ಕೋರ್ಸ್ ಹೀಗೆ ಉದ್ಯಮದ ಕವಲುಗಳು ವಿವಿಧ ಕ್ಷೇತ್ರಗಳಲ್ಲಿ ಬೆಳೆದವು.</p></li><li><p>2004ರಲ್ಲಿ ರಿಯಾಲಿಟಿ ಟಿ.ವಿ ಷೋ ‘ದ ಅಪ್ರೈಂಟೀಸ್’ ಕಾರ್ಯಕ್ರಮದಲ್ಲಿ ಭಾಗಿಯಾದರು. ಈ ಮೂಲಕ ಮನೆಮಾತಾದರು.</p></li><li><p>ಮುಂದೆ ಜೆಕ್ ಮೂಲದ ಅಥ್ಲೆಟಿಕ್ ಪಟು, ರೂಪದರ್ಶಿ ಇವಾನಾ ಜೆಲ್ನಿಕೊವಾ ಜೊತೆ ಮದುವೆ. ದಂಪತಿಗೆ ಮೂವರು ಮಕ್ಕಳು. ಡೊನಾಲ್ಡ್ ಜೂನಿಯರ್, ಇವಾಂಕಾ, ಎರಿಕ್, 1990ರಲ್ಲಿ ವಿಚ್ಛೇದನವೂ ಆಯಿತು.</p></li><li><p>1993ರಲ್ಲಿ ನಟಿ ಮಾರ್ಲಾ ಮ್ಯಾಪೆಲ್ಸ್ ಅವರನ್ನು ಟ್ರಂಪ್ ಮದುವೆ ಆದರು.1999ರಲ್ಲಿ ವಿಚ್ಛೇದನ ಆಯಿತು. ಈ ದಂಪತಿಗೆ ಒಂದು ಮಗುವಿದೆ.</p></li><li><p>ಟ್ರಂಪ್ ಅವರ ಹಾಲಿ ಪತ್ನಿ ಹೆಸರು ಮೆಲಾನಿಯಾ. 2005ರಲ್ಲಿ ಇವರ ಜೊತೆಗೆ ಮದುವೆಯಾಯಿತು. ಇವರು ಮಾಜಿ ರೂಪದರ್ಶಿ. ಈ ದಂಪತಿಗೆ ಬರೊನ್ ವಿಲಿಯಂ ಟ್ರಂಪ್ ಹೆಸರಿನ ಪುತ್ರನಿದ್ದಾನೆ.</p></li></ul>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
