<p>‘ಲೇಯ್, ಪೇಪರ್ ನೋಡುದ್ರಾ? ಜಮ್ಮು ಕಾಶ್ಮೀರ ಸೀಎಂ ಒಮರ್ ಅಬ್ದುಲ್ಲಾ ಸಾಹೇಬ್ರು 54ನೇ ವಯಸ್ಸಲ್ಲಿ 21 ಕಿ.ಮೀ. ಮ್ಯಾರಥಾನ್ ಓಡಿ ಸೈ ಅನಿಸ್ಕೊಂಡವ್ರೆ’ ಎಂದ ಹರಟೆಕಟ್ಟೇಲಿ ಗುದ್ಲಿಂಗ.</p>.<p>‘ಊ ಕಣ್ಲಾ, ಎಲ್ಲಾ ಅಧಿಕಾರ ಸಿಕ್ಲಿ ಅಂತ ಓಡ್ತಾರೆ. ಆದ್ರೆ ಇವರು ಅಧಿಕಾರ ಬಂದ್ಮೇಲೆ ಮ್ಯಾರಥಾನ್ ಓಡವ್ರಲ್ಲ ಅದೇ ಗ್ರೇಟು ಕಣ್ಲಾ’ ಎಂದ ಮಾಲಿಂಗ.</p>.<p>‘ಬಹಳಷ್ಟು ಜನ ರಾಜಕೀಯದೋರ್ಗೆ ಇದೆಲ್ಲಾ ಆಗದಲ್ಲ ಹೋಗದಲ್ಲ ಬಿಡು. ಸಂಧಿವಾತ, ಮೂಳೆ ಸವೆತ, ಮೊಳೆ ಕೊರೆತ ಅಂತ ಪ್ರಕೃತಿ ಚಿಕಿತ್ಸಾ ಕೇಂದ್ರ ಸೇರ್ಕಂಡಿರ್ತಾರೆ’.</p>.<p>‘ಅಂಗೆಲ್ಲ ನಮ್ ರಾಜಕೀಯದೋರನ್ನ ಅಂಡರ್ ಎಸ್ಟಿಮೇಟ್ ಮಾಡ್ಬೇಡ. ನಮ್ಮೋರು ಮೈಲಿಗಟ್ಲೆ ಪಾದಯಾತ್ರೆ ಮಾಡಕಿಲ್ವಾ?’ ಎಂದ ಕಲ್ಲೇಶಿ.</p>.<p>‘ಆಮೆ ನಡ್ದಂಗೆ ನಡ್ಕಂಡು ಓಗಾದು ದೊಡ್ದಲ್ಲ ಕಣ್ಲಾ? ಓಮರ್ ಅಂಗೆ ಮೊಲದ ತರ ಓಡ್ಬೇಕು’.</p>.<p>‘ಟಾರೇ ಇಲ್ಲದ ರಸ್ತೇಲಿ ಟಾರ್ಟಾಯ್ಸ್ ತರ ಓಡಕ್ಕಾಯ್ತದೇ ಹೊರತು ಮೊಲದ್ ತರ ಎಂಗ್ಲಾ ಓಡಕ್ಕಾಯ್ತದೆ’.</p>.<p>‘ಅದೂ ಅಲ್ದೆ ನಮ್ಮೋರು ನಿಧಾನವೇ ಪ್ರಧಾನ ಅಂತ ತಿಳ್ಕಂಡವ್ರೆ. ಅಂಗೆಲ್ಲಾ ಓಡಿ ಸುಮ್ನೆ ಗಾಳಿಗ್ ಗುದ್ ಮೈ ಯಾಕ್ ನೋವ್ ಮಾಡ್ಕಬೇಕು ಅಂತ’.</p>.<p>‘ಇರ್ಬೋದೇನೋ? ನಮ್ಮಲ್ಲಿ ಕೆಲವರು ಮ್ಯಾರಥಾನ್ ಓಡದೇ ಇದ್ರೂ ‘ಮ್ಯಾರಿ’ಥಾನ್ ಮಾಡವ್ರೆ ಕಣ್ಲಾ’.</p>.<p>‘ಮ್ಯಾರಿಥಾನ್ ಅಂದ್ರೆ ಏನ್ಲಾ?’</p>.<p>‘ಹೆಂಡ್ತಿ ಹಿಂದೆ ಓಡಾದು. ಅದ್ರಲ್ಲೂ ಕೆಲವರು ಇಬ್ರಿಬ್ಬ ಹಿಂದೆ ಓಡಿ ಹೈರಾಣಾಗಿರ್ತಾರೆ’.</p>.<p>‘ನೋಡಿ, ನಾನು ಯೋಳ್ತೀನಿ ಕೇಳಿ. ರಾಜಕೀಯದಲ್ಲಿ ತುಂಬಾ ಜನ ಭಾರ ಹಿಡ್ಕೊಂಡು ಓಡ್ಬೇಕು. ಆ ಜವಾಬ್ದಾರಿ ಇರುತ್ತಲ್ಲ!’</p>.<p>‘ಭಾರನಾ?’</p>.<p>‘ಅದೇ, ರಾಜಕೀಯ ಅಂದ್ಮೇಲೆ ನೋಟಿನ ಕಂತೆ ಇರೋ ಸೂಟ್ಕೇಸು, ಬ್ಯಾಗು ಎಲ್ಲಾ ಇರುತ್ವಲ್ಲ, ಅಂಥ ಭಾರ ಹೊತ್ಕಂಡು ಮ್ಯಾರಥಾನ್ ಓಡಕ್ಕಾಗುತ್ತಾ?’</p>.<p>‘ಅದೂ ನಿಜನೇ, ಅದಕ್ಕಿಂತ ದೊಡ್ದು ಒಂದಿದೆ. ಇಲ್ ತೊಡ್ರುಗಾಲ್ ಕೊಡೋರೂ ಜಾಸ್ತಿ. ಮ್ಯಾರಥಾನ್ ಇರ್ಲಿ, ವಿಧಾನಸೌಧದ ಕಾರಿಡಾರ್ ರನ್ನಿಗೂ ಬಿಡಲ್ಲ. ಏನಿದ್ರೂ ಟೆಂಪಲ್ ರನ್ ಅಷ್ಟೇ’ ಎಂದ ಪರ್ಮೇಶಿ. ಎಲ್ಲಾ ತಲೆಯಾಡಿಸಿ ನಕ್ಕರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p>‘ಲೇಯ್, ಪೇಪರ್ ನೋಡುದ್ರಾ? ಜಮ್ಮು ಕಾಶ್ಮೀರ ಸೀಎಂ ಒಮರ್ ಅಬ್ದುಲ್ಲಾ ಸಾಹೇಬ್ರು 54ನೇ ವಯಸ್ಸಲ್ಲಿ 21 ಕಿ.ಮೀ. ಮ್ಯಾರಥಾನ್ ಓಡಿ ಸೈ ಅನಿಸ್ಕೊಂಡವ್ರೆ’ ಎಂದ ಹರಟೆಕಟ್ಟೇಲಿ ಗುದ್ಲಿಂಗ.</p>.<p>‘ಊ ಕಣ್ಲಾ, ಎಲ್ಲಾ ಅಧಿಕಾರ ಸಿಕ್ಲಿ ಅಂತ ಓಡ್ತಾರೆ. ಆದ್ರೆ ಇವರು ಅಧಿಕಾರ ಬಂದ್ಮೇಲೆ ಮ್ಯಾರಥಾನ್ ಓಡವ್ರಲ್ಲ ಅದೇ ಗ್ರೇಟು ಕಣ್ಲಾ’ ಎಂದ ಮಾಲಿಂಗ.</p>.<p>‘ಬಹಳಷ್ಟು ಜನ ರಾಜಕೀಯದೋರ್ಗೆ ಇದೆಲ್ಲಾ ಆಗದಲ್ಲ ಹೋಗದಲ್ಲ ಬಿಡು. ಸಂಧಿವಾತ, ಮೂಳೆ ಸವೆತ, ಮೊಳೆ ಕೊರೆತ ಅಂತ ಪ್ರಕೃತಿ ಚಿಕಿತ್ಸಾ ಕೇಂದ್ರ ಸೇರ್ಕಂಡಿರ್ತಾರೆ’.</p>.<p>‘ಅಂಗೆಲ್ಲ ನಮ್ ರಾಜಕೀಯದೋರನ್ನ ಅಂಡರ್ ಎಸ್ಟಿಮೇಟ್ ಮಾಡ್ಬೇಡ. ನಮ್ಮೋರು ಮೈಲಿಗಟ್ಲೆ ಪಾದಯಾತ್ರೆ ಮಾಡಕಿಲ್ವಾ?’ ಎಂದ ಕಲ್ಲೇಶಿ.</p>.<p>‘ಆಮೆ ನಡ್ದಂಗೆ ನಡ್ಕಂಡು ಓಗಾದು ದೊಡ್ದಲ್ಲ ಕಣ್ಲಾ? ಓಮರ್ ಅಂಗೆ ಮೊಲದ ತರ ಓಡ್ಬೇಕು’.</p>.<p>‘ಟಾರೇ ಇಲ್ಲದ ರಸ್ತೇಲಿ ಟಾರ್ಟಾಯ್ಸ್ ತರ ಓಡಕ್ಕಾಯ್ತದೇ ಹೊರತು ಮೊಲದ್ ತರ ಎಂಗ್ಲಾ ಓಡಕ್ಕಾಯ್ತದೆ’.</p>.<p>‘ಅದೂ ಅಲ್ದೆ ನಮ್ಮೋರು ನಿಧಾನವೇ ಪ್ರಧಾನ ಅಂತ ತಿಳ್ಕಂಡವ್ರೆ. ಅಂಗೆಲ್ಲಾ ಓಡಿ ಸುಮ್ನೆ ಗಾಳಿಗ್ ಗುದ್ ಮೈ ಯಾಕ್ ನೋವ್ ಮಾಡ್ಕಬೇಕು ಅಂತ’.</p>.<p>‘ಇರ್ಬೋದೇನೋ? ನಮ್ಮಲ್ಲಿ ಕೆಲವರು ಮ್ಯಾರಥಾನ್ ಓಡದೇ ಇದ್ರೂ ‘ಮ್ಯಾರಿ’ಥಾನ್ ಮಾಡವ್ರೆ ಕಣ್ಲಾ’.</p>.<p>‘ಮ್ಯಾರಿಥಾನ್ ಅಂದ್ರೆ ಏನ್ಲಾ?’</p>.<p>‘ಹೆಂಡ್ತಿ ಹಿಂದೆ ಓಡಾದು. ಅದ್ರಲ್ಲೂ ಕೆಲವರು ಇಬ್ರಿಬ್ಬ ಹಿಂದೆ ಓಡಿ ಹೈರಾಣಾಗಿರ್ತಾರೆ’.</p>.<p>‘ನೋಡಿ, ನಾನು ಯೋಳ್ತೀನಿ ಕೇಳಿ. ರಾಜಕೀಯದಲ್ಲಿ ತುಂಬಾ ಜನ ಭಾರ ಹಿಡ್ಕೊಂಡು ಓಡ್ಬೇಕು. ಆ ಜವಾಬ್ದಾರಿ ಇರುತ್ತಲ್ಲ!’</p>.<p>‘ಭಾರನಾ?’</p>.<p>‘ಅದೇ, ರಾಜಕೀಯ ಅಂದ್ಮೇಲೆ ನೋಟಿನ ಕಂತೆ ಇರೋ ಸೂಟ್ಕೇಸು, ಬ್ಯಾಗು ಎಲ್ಲಾ ಇರುತ್ವಲ್ಲ, ಅಂಥ ಭಾರ ಹೊತ್ಕಂಡು ಮ್ಯಾರಥಾನ್ ಓಡಕ್ಕಾಗುತ್ತಾ?’</p>.<p>‘ಅದೂ ನಿಜನೇ, ಅದಕ್ಕಿಂತ ದೊಡ್ದು ಒಂದಿದೆ. ಇಲ್ ತೊಡ್ರುಗಾಲ್ ಕೊಡೋರೂ ಜಾಸ್ತಿ. ಮ್ಯಾರಥಾನ್ ಇರ್ಲಿ, ವಿಧಾನಸೌಧದ ಕಾರಿಡಾರ್ ರನ್ನಿಗೂ ಬಿಡಲ್ಲ. ಏನಿದ್ರೂ ಟೆಂಪಲ್ ರನ್ ಅಷ್ಟೇ’ ಎಂದ ಪರ್ಮೇಶಿ. ಎಲ್ಲಾ ತಲೆಯಾಡಿಸಿ ನಕ್ಕರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
