ಚುರುಮುರಿ: ದೀಪಾವಳಿ ಕವನ

‘ಯಾಕೋ ತೆಪರಾ ಸಪ್ಪಗೆ ಕೂತಿದೀಯ? ರಾಜ್ಯೋತ್ಸವ ಪ್ರಶಸ್ತಿ ಸಿಗ್ಲಿಲ್ಲ ಅಂತಾನಾ? ಬೇಜಾರ್ ಮಾಡ್ಕಾಬೇಡ, ಮುಂದಿನ ಸಲ ಸಿಗುತ್ತೆ ಬಿಡು’ ಹರಟೆಕಟ್ಟೆಯಲ್ಲಿ ಮಂಜಮ್ಮ ತೆಪರೇಸಿಯನ್ನು ಸಮಾಧಾನಿಸಿದಳು.

. ‘ಈ ತೆಪರ ಅರ್ಜಿ ಜತಿ ರಾಜ್ಯಪಾಲರ ಫೋಟೊ ಕಳಿಸೋ ಬದ್ಲು ಇ.ಡಿ. ಅವರಿಂದ ಒಂದು ರೆಕ್ಮಂಡೇಶನ್ ಮಾಡಿಸಿದ್ದಿದ್ರೆ ಗ್ಯಾರಂಟಿ ಪ್ರಶಸ್ತಿ ಸಿಕ್ಕಿರೋದು. ಮುಂದಿನ ಸಲ ಈ ಐಡಿಯಾ ಮಾಡೋ ತೆಪರ’ ಗುಡ್ಡೆ ನಕ್ಕ.

. ‘ಪುನರಪಿ ಪ್ರಯತ್ನಂ, ಪುನರಪಿ ನಿರಾಕರಣಂ’ ದುಬ್ಬೀರ ಹೊಸ ಶ್ಲೋಕ ಹೊಸೆದ.

. ‘ಪ್ರಶಸ್ತಿ ಮನೆ ಹಾಳಾಗ್ಲಿ, ದೀಪಾವಳಿ ಹೆಂಗೆ ನಡೆದೈತಿ ಹೇಳ್ರಪ’ ಮಂಜಮ್ಮ ಮಾತು ಬದಲಿಸಿದಳು.

. ‘ಮಕ್ಕಳಿಗೆ ಪಟಾಕಿ, ತನಗೆ ರೇಷ್ಮೆ ಸೀರೆ ಕೊಡ್ಸಬೇಕು ಅಂತ ನನ್ ಹೆಂಡ್ತಿ ಗಂಟು ಬಿದ್ದಿದ್ಲು, ಒಂದೆರಡು ಕವನ ಹೇಳಿ ಮೆಲ್ಲಕೆ ಬಚಾವಾದೆ’ ಎಂದ ಪರ್ಮೇಶಿ.

. ‘ಹೌದಾ? ಏನಪ ಅವು ಕವನ?’

. ‘ಪ್ರಿಯೆ, ಈ ದೀಪಾವಳಿಗೆ ಪಟಾಕಿಗಳೇಕೆ ಬೇಕು, ನಿನ್ನ ಮಾತುಗಳೇ ಸಾಕು ಅಂದೆ. ಜೋರು ಜಗಳಕ್ಕೇ ಬಿದ್ಲು’.

. ‘ಮತ್ತೆ ಬಿಡ್ತಾಳಾ? ಆಮೇಲೆ?’

. ‘ಸೀರೆಗಾಗಿ ನಿನ್ನ ಸೊರಸೊರ ಅಳು... ಅದೇ ಸುರುಸುರು ಬತ್ತಿ... ನಿನ್ನ ಸಿಟ್ಟು, ಸೆಡವು, ದುಃಖ ದುಮ್ಮಾನ, ಆಟಂಬಾಂಬಿಗೆ ಸಮಾನ’ ಅಂದೆ. ಅಡುಗೆ ಮನೇಲಿ ಪಾತ್ರೆ ಪಡಗ ಸೌಂಡ್ ಜೋರಾದ್ವು’.

. ‘ನಿನ್ ಮೇಲೆ ಬಾಣ ಬಿರುಸು ಬಿಡ್ಲಿಲ್ವಾ?’

. ‘ಇಲ್ಲ, ‘ನೀನೊಮ್ಮೆ ಕಿರು ನಕ್ಕರೂ ಸಾಕು ಅರಳುತ್ತವೆ ಅಲ್ಲಲ್ಲಿ ಹೂ ಮತಾಪು’ ಅಂದೆ. ಸ್ವಲ್ಪ ಮೆತ್ತಗಾದ್ಲು’.

. ‘ಪಾಕಡ ನೀನು, ಮುಂದೆ?’

. ‘ಪ್ರಿಯೆ, ಈ ದೀಪಾವಳಿಗೆ ದೀಪಗಳೇಕೆ ಬೇಕು? ನಿನ್ನ ಕಣ್ಣ ಬೆಳಕೇ ಸಾಕು’ ಅಂದೆ ನೋಡು, ಫುಲ್ ಬಿದ್ದೋದ್ಲು... ಸೀರೆನೂ ಇಲ್ಲ, ಪಟಾಕಿನೂ ಇಲ್ಲ!’

. ‘ಎಲಾ ಮಳ್ಳ, ಬೆಣ್ಣೆ ಚೆನ್ನಾಗಿ ಹಚ್ತೀಯ’ ಎಂದಳು ಮಂಜಮ್ಮ.

. ಹರಟೆಕಟ್ಟೆಯಲ್ಲಿ ನಗುವಿನ ಅಲೆ ತೇಲಿತು.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಚುರುಮುರಿ: ದೀಪಾವಳಿ ಕವನ

ಚಿನಕುರುಳಿ | ಗುರುವಾರ, ನವೆಂಬರ್ 21 2024

ಮಾಜಿ ಸಚಿವ ಬಿ.ಸಿ. ನಾಗೇಶ್‌ ಮನೆಯಲ್ಲಿ ಬಿಜೆಪಿ ಭಿನ್ನಮತೀಯರು

ಚುರುಮುರಿ: ದುಡ್ಡಿನ ದಾರಿ

ಚಳಿಗಾಲದ ಅಧಿವೇಶದಲ್ಲಿ 5 ಹೊಸ ಮಸೂದೆಗಳು: ವಕ್ಫ್ ತಿದ್ದುಪಡಿ ಬಿಲ್ ಕೂಡ ಮಂಡನೆ

IPL | ಮುಂದಿನ 3 ಐಪಿಎಲ್ ಟೂರ್ನಿಗಳ ದಿನಾಂಕಗಳನ್ನು ಪ್ರಕಟಿಸಿದ ಬಿಸಿಸಿಐ

ಕೊಹ್ಲಿ ಮತ್ತೆ ವೈಫಲ್ಯ, ಜೈಸ್ವಾಲ್-ದೇವದತ್ತ ಶೂನ್ಯ; ಅಶ್ವಿನ್, ಜಡೇಜಗೆ ಕೊಕ್

ಪುರುಷರ ಐಟಿಎಫ್‌ ಟೆನಿಸ್‌: ಭಾರತದ ಸಿದ್ಧಾಂತ್‌–ವಿಷ್ಣು ಜೋಡಿ ಸೆಮಿಗೆ

Perth Test: ಸಂಕಷ್ಟದಲ್ಲಿ ಭಾರತ; ಊಟದ ವಿರಾಮಕ್ಕೆ 51/4

ಒಳನೋಟ | ಪೈರಸಿ ಅಪಾರ, ದೂರು ವಿರಳ

ಒಳನೋಟ: ದಾಂಪತ್ಯ ಸಾಂಗತ್ಯಗಳ ಸುತ್ತ

ಒಳನೋಟ | ಹೆಜ್ಜೆ ಹೆಜ್ಜೆಗೂ ಎಸ್‌ಐಟಿ ತನಿಖೆ

ಒಳನೋಟ | ‘ಅಕ್ರಮ ವಲಸೆ’: ನೆಲೆ ವಿಸ್ತಾರ

ಚಿನಕುರುಳಿ | ಗುರುವಾರ, ನವೆಂಬರ್ 21 2024

ಮಾಜಿ ಸಚಿವ ಬಿ.ಸಿ. ನಾಗೇಶ್‌ ಮನೆಯಲ್ಲಿ ಬಿಜೆಪಿ ಭಿನ್ನಮತೀಯರು

ಚುರುಮುರಿ: ದುಡ್ಡಿನ ದಾರಿ

ಚಳಿಗಾಲದ ಅಧಿವೇಶದಲ್ಲಿ 5 ಹೊಸ ಮಸೂದೆಗಳು: ವಕ್ಫ್ ತಿದ್ದುಪಡಿ ಬಿಲ್ ಕೂಡ ಮಂಡನೆ