<p>‘ನಾನು ಈ ದರಿದ್ರ ರಾಜಕೀಯ ಬಿಟ್ಟು ನಾಲ್ಕು ಕತ್ತೆ ಸಾಕೋಣ ಅಂತಿದೀನಿ’ ಎಂದ ದುಬ್ಬೀರ.</p>.<p>‘ಕತ್ತೇನಾ? ಯಾಕೆ?’ ಗುಡ್ಡೆ ನಕ್ಕ.</p>.<p>‘ಈಗ ಕತ್ತೆಗೂ ಒಂದು ಕಾಲ ಬಂದಿದೆ ಅದಕ್ಕೆ’.</p>.<p>‘ಕತ್ತೆಗೂ ಒಂದು ಕಾಲನಾ? ಹೆಂಗೆ?’</p>.<p>‘ಪೇಪರ್ ನೋಡಿಲ್ವಾ? ಹೊಸಪೇಟೇಲಿ ಸಾಫ್ಟ್ವೇರ್ ಕಂಪನಿ ತರ ಕತ್ತೆ ಹಾಲಿನ ಮಿಲ್ಕ್ವೇರ್ ಕಂಪನಿ ಶುರು ಮಾಡಿದಾರಂತೆ. ಕತ್ತೆ ಸಾಕಿ, ಹಾಲು ಮಾರಿ ಕೋಟಿಗಟ್ಲೆ ದುಡ್ಡು ಮಾಡ್ತದಾರಂತೆ’.</p>.<p>‘ಹೌದು, ಒಂದು ಲೀಟರ್ ಕತ್ತೆ ಹಾಲಿಗೆ ಎರಡು ಸಾವಿರ ರೂಪಾಯಂತೆ. ಅದ್ರಲ್ಲಿ ಭಾರೀ ಔಷಧ ಗುಣ ಅದಾವಂತೆ. ಕತ್ತೆ ಹಾಲು ಸೌಂದರ್ಯವರ್ಧಕ ಅಂತೆ’ ಮಂಜಮ್ಮ ವರದಿ ಒಪ್ಪಿಸಿದಳು.</p>.<p>‘ಹಂಗಾದ್ರೆ ಈ ಪೌಡ್ರು, ಕ್ರೀಮು, ಸೋಪ್ ಕಂಪನಿ ಎಲ್ಲ ಢಮಾರ್ ಅನ್ನು. ಮುಖಕ್ಕೆ ಕತ್ತೆ ಹಾಲು ಹಚ್ಕಂಡ್ರೆ ಮುಗೀತು’ ಗುಡ್ಡೆ ಮಂಜಮ್ಮನ್ನ ನೋಡಿ ನಕ್ಕ.</p>.<p>‘ಈಗ ದುಬ್ಬೀರ ಹೇಳಿದಂಗೆ ನಾವೂ ನಾಲ್ಕು ಕತ್ತೆ ಸಾಕಿ ಹಾಲು ಮಾರಿದ್ರೆ ಹೆಂಗೆ?’ ಕೊಟ್ರೇಶಿ ಕೇಳಿದ.</p>.<p>‘ಕರೆಕ್ಟ್, ಈ ದರಿದ್ರ ರಾಜಕೀಯಕ್ಕಿಂತ ಕತ್ತೆ ಸಾಕೋದು ವಾಸಿ. ಕತ್ತೆಗಳು ರಾಜಕಾರಣಿಗಳ ತರ ಕುರ್ಚಿ ಕೇಳಲ್ಲ, ಕೆಟ್ಟದಾಗಿ ಮಾತಾಡಲ್ಲ, ದುಡ್ಡು ತಿನ್ನಲ್ಲ, ಭಾರ ಹೊರ್ತಾವೆ, ಬೈದ್ರು ಬೈಸ್ಕಂತಾವೆ’.</p>.<p>‘ಅಷ್ಟೇ ಅಲ್ಲ, ಎಷ್ಟು ಹುಲ್ಲು ಹಾಕ್ತೀವೋ ಅಷ್ಟು ಹಾಲು ಕೊಡ್ತಾವೆ. ರಾಜಕಾರಣಿಗಳ ತರ ಆಶ್ವಾಸನೆ ಕೊಡಲ್ಲ’ ತೆಪರೇಸಿ ನಕ್ಕ.</p>.<p>‘ಇನ್ಮೇಲೆ ಯಾರನ್ನೂ ‘ಕತ್ತೆ’ ಅಂತ ಬೈಯಂಗಿಲ್ಲ, ‘ಕತ್ತೆ ಕಾಯಾಕೆ ಹೋಗು’ ಅನ್ನಂಗಿಲ್ಲ’.</p>.<p>‘ಅಲ್ಲ, ಎಲ್ಲ ಸರಿ, ನಂಗೊಂದು ಡೌಟು’ ಕೊಟ್ರೇಶಿ ಕೊಕ್ಕೆ.</p>.<p>‘ಏನು?’</p>.<p>‘ಕತ್ತೆ ಹಾಲು ಕುಡಿದೋರು ರಾಜಕಾರಣಿಗಳ ತರ ಜಾಡ್ಸಿ ಒದೆಯಲ್ಲ ತಾನೆ?’</p>.<p>ಕೊಟ್ರೇಶಿ ಕೀಟಲೆಗೆ ಎಲ್ಲರೂ ಗೊಳ್ಳಂತ ನಕ್ಕರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p>‘ನಾನು ಈ ದರಿದ್ರ ರಾಜಕೀಯ ಬಿಟ್ಟು ನಾಲ್ಕು ಕತ್ತೆ ಸಾಕೋಣ ಅಂತಿದೀನಿ’ ಎಂದ ದುಬ್ಬೀರ.</p>.<p>‘ಕತ್ತೇನಾ? ಯಾಕೆ?’ ಗುಡ್ಡೆ ನಕ್ಕ.</p>.<p>‘ಈಗ ಕತ್ತೆಗೂ ಒಂದು ಕಾಲ ಬಂದಿದೆ ಅದಕ್ಕೆ’.</p>.<p>‘ಕತ್ತೆಗೂ ಒಂದು ಕಾಲನಾ? ಹೆಂಗೆ?’</p>.<p>‘ಪೇಪರ್ ನೋಡಿಲ್ವಾ? ಹೊಸಪೇಟೇಲಿ ಸಾಫ್ಟ್ವೇರ್ ಕಂಪನಿ ತರ ಕತ್ತೆ ಹಾಲಿನ ಮಿಲ್ಕ್ವೇರ್ ಕಂಪನಿ ಶುರು ಮಾಡಿದಾರಂತೆ. ಕತ್ತೆ ಸಾಕಿ, ಹಾಲು ಮಾರಿ ಕೋಟಿಗಟ್ಲೆ ದುಡ್ಡು ಮಾಡ್ತದಾರಂತೆ’.</p>.<p>‘ಹೌದು, ಒಂದು ಲೀಟರ್ ಕತ್ತೆ ಹಾಲಿಗೆ ಎರಡು ಸಾವಿರ ರೂಪಾಯಂತೆ. ಅದ್ರಲ್ಲಿ ಭಾರೀ ಔಷಧ ಗುಣ ಅದಾವಂತೆ. ಕತ್ತೆ ಹಾಲು ಸೌಂದರ್ಯವರ್ಧಕ ಅಂತೆ’ ಮಂಜಮ್ಮ ವರದಿ ಒಪ್ಪಿಸಿದಳು.</p>.<p>‘ಹಂಗಾದ್ರೆ ಈ ಪೌಡ್ರು, ಕ್ರೀಮು, ಸೋಪ್ ಕಂಪನಿ ಎಲ್ಲ ಢಮಾರ್ ಅನ್ನು. ಮುಖಕ್ಕೆ ಕತ್ತೆ ಹಾಲು ಹಚ್ಕಂಡ್ರೆ ಮುಗೀತು’ ಗುಡ್ಡೆ ಮಂಜಮ್ಮನ್ನ ನೋಡಿ ನಕ್ಕ.</p>.<p>‘ಈಗ ದುಬ್ಬೀರ ಹೇಳಿದಂಗೆ ನಾವೂ ನಾಲ್ಕು ಕತ್ತೆ ಸಾಕಿ ಹಾಲು ಮಾರಿದ್ರೆ ಹೆಂಗೆ?’ ಕೊಟ್ರೇಶಿ ಕೇಳಿದ.</p>.<p>‘ಕರೆಕ್ಟ್, ಈ ದರಿದ್ರ ರಾಜಕೀಯಕ್ಕಿಂತ ಕತ್ತೆ ಸಾಕೋದು ವಾಸಿ. ಕತ್ತೆಗಳು ರಾಜಕಾರಣಿಗಳ ತರ ಕುರ್ಚಿ ಕೇಳಲ್ಲ, ಕೆಟ್ಟದಾಗಿ ಮಾತಾಡಲ್ಲ, ದುಡ್ಡು ತಿನ್ನಲ್ಲ, ಭಾರ ಹೊರ್ತಾವೆ, ಬೈದ್ರು ಬೈಸ್ಕಂತಾವೆ’.</p>.<p>‘ಅಷ್ಟೇ ಅಲ್ಲ, ಎಷ್ಟು ಹುಲ್ಲು ಹಾಕ್ತೀವೋ ಅಷ್ಟು ಹಾಲು ಕೊಡ್ತಾವೆ. ರಾಜಕಾರಣಿಗಳ ತರ ಆಶ್ವಾಸನೆ ಕೊಡಲ್ಲ’ ತೆಪರೇಸಿ ನಕ್ಕ.</p>.<p>‘ಇನ್ಮೇಲೆ ಯಾರನ್ನೂ ‘ಕತ್ತೆ’ ಅಂತ ಬೈಯಂಗಿಲ್ಲ, ‘ಕತ್ತೆ ಕಾಯಾಕೆ ಹೋಗು’ ಅನ್ನಂಗಿಲ್ಲ’.</p>.<p>‘ಅಲ್ಲ, ಎಲ್ಲ ಸರಿ, ನಂಗೊಂದು ಡೌಟು’ ಕೊಟ್ರೇಶಿ ಕೊಕ್ಕೆ.</p>.<p>‘ಏನು?’</p>.<p>‘ಕತ್ತೆ ಹಾಲು ಕುಡಿದೋರು ರಾಜಕಾರಣಿಗಳ ತರ ಜಾಡ್ಸಿ ಒದೆಯಲ್ಲ ತಾನೆ?’</p>.<p>ಕೊಟ್ರೇಶಿ ಕೀಟಲೆಗೆ ಎಲ್ಲರೂ ಗೊಳ್ಳಂತ ನಕ್ಕರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
