<p><strong>ರಾವಲ್ಪಿಂಡಿ</strong>: ಸ್ಪಿನ್ನರ್ಗಳಾದ ನೊಮಾನ್ ಅಲಿ ಮತ್ತು ಸಾಜಿದ್ ಖಾನ್ ದಾಳಿಗೆ ಇಂಗ್ಲೆಂಡ್ ತಂಡ ಕುಸಿಯಿತು. ಪಾಕಿಸ್ತಾನ ತಂಡ ಮೂರನೇ ಹಾಗೂ ಅಂತಿಮ ಟೆಸ್ಟ್ ಪಂದ್ಯವನ್ನು ಮೂರನೇ ದಿನವಾದ ಶನಿವಾರ ಭೋಜನವಿರಾಮಕ್ಕೆ ಮೊದಲೇ 9 ವಿಕೆಟ್ಗಳಿಂದ ಗೆದ್ದುಕೊಂಡಿತು.</p>.<p>ಎಡಗೈ ಸ್ಪಿನ್ನರ್ ನೊಮಾನ್ ಅಲಿ 42 ರನ್ನಿಗೆ 6 ವಿಕೆಟ್ ಪಡೆದರೆ, ಆಫ್ ಬ್ರೇಕ್ ಬೌಲರ್ ಸಾಜಿದ್ ಖಾನ್ 69 ರನ್ನಿಗೆ 4 ವಿಕೆಟ್ ಪಡೆದು ಇಂಗ್ಲೆಂಡ್ನ ಎಲ್ಲ ವಿಕೆಟ್ಗಳನ್ನು ತಮ್ಮೊಳಗೆ ಹಂಚಿಕೊಂಡರು. 3 ವಿಕೆಟ್ಗೆ 24 ರನ್ಗಳೊಡನೆ ದಿನದಾಟ ಮುಂದುವರಿಸಿದ ಇಂಗ್ಲೆಂಡ್ 37.2 ಓವರುಗಳಲ್ಲಿ 112 ರನ್ಗಳಿಗೆ ಕುಸಿಯಿತು. ಶುಕ್ರವಾರ ಅಜೇಯರಾಗಿದ್ದ ಜೋ ರೂಟ್ (33, 52ಎ) ಮತ್ತು ಹ್ಯಾರಿ ಬ್ರೂಕ್ (26, 40ಎ) ನಾಲ್ಕನೇ ವಿಕೆಟ್ಗೆ 46 ರನ್ ಸೇರಿದರು. ನಂತರ ಇಂಗ್ಲೆಂಡ್ ಕುಸಿಯಿತು.</p>.<p>ಮೊದಲ ಇನಿಂಗ್ಸ್ನಲ್ಲಿ 77 ರನ್ ಮುನ್ನಡೆ ಸಂಪಾದಿಸಿದ್ದ ಪಾಕಿಸ್ತಾನ ಗೆಲುವಿಗೆ ಬೇಕಿದ್ದ 36 ರನ್ಗಳನ್ನು 3.1 ಓವರುಗಳಲ್ಲಿ 1 ವಿಕೆಟ್ ನಷ್ಟದಲ್ಲಿ ತಲುಪಿತು. ನಾಯಕ ಶಾನ್ ಮಸೂದ್ ಲಗಬಗನೇ ಆಡಿ ನಾಲ್ಕು ಬೌಂಡರಿ, ಒಂದು ಸಿಕ್ಸರ್ ಇದ್ದ ಅಜೇಯ 23 ರನ್ ಗಳಿಸಿದರು.</p>.<p>ಪಾಕಿಸ್ತಾನ ಸರಣಿಯನ್ನು 2–1 ರಿಂದ ಗೆದ್ದುಕೊಂಡಿತು.</p>.<p>ಮುಲ್ತಾನ್ನಲ್ಲಿ ಮೊದಲ ಟೆಸ್ಟ್ ಪಂದ್ಯವನ್ನು ಇನಿಂಗ್ಸ್ ಅಂತರದಲ್ಲಿ ಸೋತ ಬಳಿಕ ಹಿರಿಯ ಕ್ರಿಕೆಟಿಗರ ಆಕ್ರೋಶಕ್ಕೆ ಒಳಗಾದ ಪಾಕಿಸ್ತಾನ ಆಯ್ಕೆ ಮಂಡಳಿ, ಶಾಹಿನ್ ಶಾ ಅಫ್ರೀದಿ ಮತ್ತು ನಸೀಮ್ ಶಾ ಅವರನ್ನು ಕೈಬಿಟ್ಟಿತು. ಅವರ ಬದಲು ತಂಡ ಸೇರಿಕೊಂಡ ನೊಮಾನ್ ಮತ್ತು ಸಾಜಿದ್ 2 ಟೆಸ್ಟ್ಗಳಲ್ಲಿ 39 ವಿಕೆಟ್ಗಳನ್ನು ತಮ್ಮೊಳಗೆ ಬಾಚಿಕೊಂಡರು.</p>.<p>ಸ್ಕೋರುಗಳು: ಇಂಗ್ಲೆಂಡ್: 267 ಮತ್ತು 37.2 ಓವರುಗಳಲ್ಲಿ 112 (ಜೋ ರೂಟ್ 33, ಹ್ಯಾರಿ ಬ್ರೂಕ್ 26; ನೊಮಾನ್ ಅಲಿ 42ಕ್ಕೆ6, ಸಾಜಿದ್ ಖಾನ್ 69ಕ್ಕೆ4); ಪಾಕಿಸ್ತಾನ: 344 ಮತ್ತು 3.1 ಓವರುಗಳಲ್ಲಿ 1 ವಿಕೆಟ್ಗೆ 37 (ಶಾನ್ ಮಸೂದ್ ಔಟಾಗದೇ 23). ಪಂದ್ಯದ ಆಟಗಾರ: ಸಾದ್ ಶಕೀಲ್ (134).</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ರಾವಲ್ಪಿಂಡಿ</strong>: ಸ್ಪಿನ್ನರ್ಗಳಾದ ನೊಮಾನ್ ಅಲಿ ಮತ್ತು ಸಾಜಿದ್ ಖಾನ್ ದಾಳಿಗೆ ಇಂಗ್ಲೆಂಡ್ ತಂಡ ಕುಸಿಯಿತು. ಪಾಕಿಸ್ತಾನ ತಂಡ ಮೂರನೇ ಹಾಗೂ ಅಂತಿಮ ಟೆಸ್ಟ್ ಪಂದ್ಯವನ್ನು ಮೂರನೇ ದಿನವಾದ ಶನಿವಾರ ಭೋಜನವಿರಾಮಕ್ಕೆ ಮೊದಲೇ 9 ವಿಕೆಟ್ಗಳಿಂದ ಗೆದ್ದುಕೊಂಡಿತು.</p>.<p>ಎಡಗೈ ಸ್ಪಿನ್ನರ್ ನೊಮಾನ್ ಅಲಿ 42 ರನ್ನಿಗೆ 6 ವಿಕೆಟ್ ಪಡೆದರೆ, ಆಫ್ ಬ್ರೇಕ್ ಬೌಲರ್ ಸಾಜಿದ್ ಖಾನ್ 69 ರನ್ನಿಗೆ 4 ವಿಕೆಟ್ ಪಡೆದು ಇಂಗ್ಲೆಂಡ್ನ ಎಲ್ಲ ವಿಕೆಟ್ಗಳನ್ನು ತಮ್ಮೊಳಗೆ ಹಂಚಿಕೊಂಡರು. 3 ವಿಕೆಟ್ಗೆ 24 ರನ್ಗಳೊಡನೆ ದಿನದಾಟ ಮುಂದುವರಿಸಿದ ಇಂಗ್ಲೆಂಡ್ 37.2 ಓವರುಗಳಲ್ಲಿ 112 ರನ್ಗಳಿಗೆ ಕುಸಿಯಿತು. ಶುಕ್ರವಾರ ಅಜೇಯರಾಗಿದ್ದ ಜೋ ರೂಟ್ (33, 52ಎ) ಮತ್ತು ಹ್ಯಾರಿ ಬ್ರೂಕ್ (26, 40ಎ) ನಾಲ್ಕನೇ ವಿಕೆಟ್ಗೆ 46 ರನ್ ಸೇರಿದರು. ನಂತರ ಇಂಗ್ಲೆಂಡ್ ಕುಸಿಯಿತು.</p>.<p>ಮೊದಲ ಇನಿಂಗ್ಸ್ನಲ್ಲಿ 77 ರನ್ ಮುನ್ನಡೆ ಸಂಪಾದಿಸಿದ್ದ ಪಾಕಿಸ್ತಾನ ಗೆಲುವಿಗೆ ಬೇಕಿದ್ದ 36 ರನ್ಗಳನ್ನು 3.1 ಓವರುಗಳಲ್ಲಿ 1 ವಿಕೆಟ್ ನಷ್ಟದಲ್ಲಿ ತಲುಪಿತು. ನಾಯಕ ಶಾನ್ ಮಸೂದ್ ಲಗಬಗನೇ ಆಡಿ ನಾಲ್ಕು ಬೌಂಡರಿ, ಒಂದು ಸಿಕ್ಸರ್ ಇದ್ದ ಅಜೇಯ 23 ರನ್ ಗಳಿಸಿದರು.</p>.<p>ಪಾಕಿಸ್ತಾನ ಸರಣಿಯನ್ನು 2–1 ರಿಂದ ಗೆದ್ದುಕೊಂಡಿತು.</p>.<p>ಮುಲ್ತಾನ್ನಲ್ಲಿ ಮೊದಲ ಟೆಸ್ಟ್ ಪಂದ್ಯವನ್ನು ಇನಿಂಗ್ಸ್ ಅಂತರದಲ್ಲಿ ಸೋತ ಬಳಿಕ ಹಿರಿಯ ಕ್ರಿಕೆಟಿಗರ ಆಕ್ರೋಶಕ್ಕೆ ಒಳಗಾದ ಪಾಕಿಸ್ತಾನ ಆಯ್ಕೆ ಮಂಡಳಿ, ಶಾಹಿನ್ ಶಾ ಅಫ್ರೀದಿ ಮತ್ತು ನಸೀಮ್ ಶಾ ಅವರನ್ನು ಕೈಬಿಟ್ಟಿತು. ಅವರ ಬದಲು ತಂಡ ಸೇರಿಕೊಂಡ ನೊಮಾನ್ ಮತ್ತು ಸಾಜಿದ್ 2 ಟೆಸ್ಟ್ಗಳಲ್ಲಿ 39 ವಿಕೆಟ್ಗಳನ್ನು ತಮ್ಮೊಳಗೆ ಬಾಚಿಕೊಂಡರು.</p>.<p>ಸ್ಕೋರುಗಳು: ಇಂಗ್ಲೆಂಡ್: 267 ಮತ್ತು 37.2 ಓವರುಗಳಲ್ಲಿ 112 (ಜೋ ರೂಟ್ 33, ಹ್ಯಾರಿ ಬ್ರೂಕ್ 26; ನೊಮಾನ್ ಅಲಿ 42ಕ್ಕೆ6, ಸಾಜಿದ್ ಖಾನ್ 69ಕ್ಕೆ4); ಪಾಕಿಸ್ತಾನ: 344 ಮತ್ತು 3.1 ಓವರುಗಳಲ್ಲಿ 1 ವಿಕೆಟ್ಗೆ 37 (ಶಾನ್ ಮಸೂದ್ ಔಟಾಗದೇ 23). ಪಂದ್ಯದ ಆಟಗಾರ: ಸಾದ್ ಶಕೀಲ್ (134).</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>