ಯೂರೊ ಕಪ್‌: ವಿಶ್ವ ಚಾಂಪಿಯನ್‌ ಫ್ರಾನ್ಸ್‌ಗೆ ಆಘಾತ

ಬುಕಾರೆಸ್ಟ್: ಗೋಲ್ಕೀಪರ್ ಯಾನ್ ಸೋಮರ್ ಸ್ವಿಟ್ಜರ್ಲೆಂಡ್ ತಂಡದ ಪಾಲಿನ ‘ಹೀರೊ‘ ಎನಿಸಿಕೊಂಡರು. ವಿಶ್ವದ ಶ್ರೇಷ್ಠ ಆಟಗಾರರಲ್ಲೊಬ್ಬರಾದ ಕಿಲಿಯನ್ ಬಾಪೆ ಗೋಲು ಗಳಿಸುವುದನ್ನು ತಡೆದು ತಮ್ಮ ತಂಡವು ಯೂರೊ ಕಪ್ ಫುಟ್ಬಾಲ್ ಟೂರ್ನಿಯಲ್ಲಿ ಕ್ವಾರ್ಟರ್ಫೈನಲ್ ತಲುಪುವಂತೆ ನೋಡಿಕೊಂಡರು.

. ಸೋಮವಾರ ತಡರಾತ್ರಿ ನಡೆದ ಪ್ರೀಕ್ವಾರ್ಟರ್ಫೈನಲ್ ಹಣಾಹಣಿಯಲ್ಲಿ ಸ್ವಿಟ್ಜರ್ಲೆಂಡ್ ಪೆನಾಲ್ಟಿ ಶೂಟೌಟ್ನಲ್ಲಿ 5–4ರಿಂದ ವಿಶ್ವ ಚಾಂಪಿಯನ್ ಫ್ರಾನ್ಸ್ ತಂಡವನ್ನು ಮಣಿಸಿತು. ಆ ಮೂಲಕ 67 ವರ್ಷಗಳಲ್ಲಿ ಮೊದಲ ಬಾರಿ ಪ್ರಮುಖ ಟೂರ್ನಿಯೊಂದರ ಎಂಟರಘಟ್ಟ ತಲುಪಿದ ಸಾಧನೆ ಮಾಡಿತು.

. ಪಂದ್ಯದ ನಿಗದಿತ ಅವಧಿಯಲ್ಲಿ ಉಭಯ ತಂಡಗಳು 3–3ರ ಸಮಬಲ ಸಾಧಿಸಿದ್ದವು. ಫ್ರಾನ್ಸ್ ಪರ ಕರೀಂ ಬೆಂಜೆಮಾ (57, 59ನೇ ನಿಮಿಷ) ಎರಡು ಗೋಲು ದಾಖಲಿಸಿದ್ದರು. ಪಾಲ್ ಪೋಗ್ಬಾ (75ನೇ ನಿ.) ಒಂದು ಬಾರಿ ಕಾಲ್ಚಳಕ ತೋರಿದರು.

. ಹ್ಯಾರಿಸ್ ಸ್ಟೆಫೊವಿಚ್ (15, 81ನೇ ನಿಮಿಷ) ಮತ್ತು ಮಾರಿಯೊ ಗವ್ರನೊವಿಚ್ (90ನೇ ನಿಮಿಷ) ಸ್ವಿಟ್ಜರ್ಲೆಂಡ್ ತಂಡದ ಪರ ಮಿಂಚಿದ್ದರು.

. ಪೆನಾಲ್ಟಿ ಶೂಟೌಟ್ನಲ್ಲಿ ಸ್ವಿಟ್ಜರ್ಲೆಂಡ್ ಐದು ಅವಕಾಶಗಳನ್ನು ಗೋಲಾಗಿಸುವಲ್ಲಿ ಯಶಸ್ವಿಯಾದರೆ, ಫ್ರಾನ್ಸ್ ನಾಲ್ಕು ಬಾರಿ ಮಾತ್ರ ಚೆಂಡನ್ನು ಗೋಲುಪೆಟ್ಟಿಗೆಗೆ ಸೇರಿಸಿತು.

. ಫ್ರಾನ್ಸ್ ತಂಡದ ಐದನೇ ಅವಕಾಶದಲ್ಲಿ ಕಿಲಿಯನ್ ಬಾಪೆ ಒದ್ದ ಚೆಂಡನ್ನು ಗೋಲ್ಕೀಪರ್ ಸೋಮರ್ ಬಲಕ್ಕೆ ನೆಗೆದು ಹಿಡಿತಕ್ಕೆ ಪಡೆಯುತ್ತಿದ್ದಂತೆಯೇ ಸ್ವಿಸ್ ತಂಡದ ಸಂಭ್ರಮದ ಕಟ್ಟೆಯೊಡೆಯಿತು.

. ಸೇಂಟ್ ಪೀಟರ್ಸ್ಬರ್ಗ್ನಲ್ಲಿ ನಡೆಯುವ ಎಂಟರಘಟ್ಟದ ಹಣಾಹಣಿಯಲ್ಲಿ ಸ್ವಿಟ್ಜರ್ಲೆಂಡ್ ತಂಡವು ಸ್ಪೇನ್ ತಂಡವನ್ನು ಎದುರಿಸಲಿದೆ.

. ಸೋಮವಾರ ರಾತ್ರಿ ನಡೆದ 16ರ ಘಟ್ಟದ ಇನ್ನೊಂದು ಪಂದ್ಯದಲ್ಲಿ ಸ್ಪೇನ್ 5–3ರಿಂದ ಕ್ರೊವೇಷ್ಯಾ ತಂಡವನ್ನು ಸೋಲಿಸಿತ್ತು.

. ಮೆಸ್ಸಿ ದಾಖಲೆ; ಅರ್ಜೆಂಟೀನಾ ಜಯಭೇರಿ: ಅರ್ಜೆಂಟೀನಾದ ಖ್ಯಾತ ಆಟಗಾರ ಲಯೊನೆಲ್ ಮೆಸ್ಸಿ ಅವರು ರಾಷ್ಟ್ರೀಯ ತಂಡದ ಪರ ಅತಿ ಹೆಚ್ಚು ಪಂದ್ಯಗಳನ್ನು ಆಡಿದ ದಾಖಲೆ ಬರೆದರು. ಕೋಪಾ ಅಮೆರಿಕ ಟೂರ್ನಿಯಲ್ಲಿ ಬ್ರೆಜಿಲ್ನ ಕೂಯಾಬದಲ್ಲಿ ಮಂಗಳವಾರ ನಡೆದ ಪಂದ್ಯದಲ್ಲಿ ಅರ್ಜೆಂಟೀನಾ ತಂಡವು 4–1ರಿಂದ ಬೊಲಿವಿಯಾ ಎದುರು ಗೆದ್ದಿತು.

. 34 ವರ್ಷದ ಮೆಸ್ಸಿ ಅವರಿಗೆ ಇದು ರಾಷ್ಟ್ರೀಯ ತಂಡದ ಪರ 148ನೇ ಪಂದ್ಯವಾಗಿತ್ತು. ಎರಡು ಗೋಲು (33ನೇ ನಿಮಿಷ ಪೆನಾಲ್ಟಿ ಹಾಗೂ 42ನೇ ನಿ.) ದಾಖಲಿಸಿದ ಅವರು ಪಂದ್ಯವನ್ನು ಸ್ಮರಣೀಯವಾಗಿರಿಸಿಕೊಂಡರು. ಸದ್ಯ ಅವರು ಗಳಿಸಿದ ಗೋಲುಗಳ ಸಂಖ್ಯೆ 75ಕ್ಕೆ ತಲುಪಿದೆ.

. ಅರ್ಜೆಂಟೀನಾ ಪರ ಅತಿ ಹೆಚ್ಚು ಪಂದ್ಯಗಳಲ್ಲಿ ಕಣಕ್ಕಿಳಿದ ಈ ಹಿಂದಿನ ದಾಖಲೆ ಜೇವಿಯರ್ ಮಚಾರೆನೊ (147) ಅವರ ಹೆಸರಿನಲ್ಲಿತ್ತು.

. ಅರ್ಜೆಂಟೀನಾ ತಂಡವು ಶನಿವಾರ ನಡೆಯುವ ಕ್ವಾರ್ಟರ್ಫೈನಲ್ ಪಂದ್ಯದಲ್ಲಿ ಈಕ್ವೆಡಾರ್ ತಂಡಕ್ಕೆ ಮುಖಾಮುಖಿಯಾಗಲಿದೆ.

. ದಿನದ ಇನ್ನೊಂದು ಪಂದ್ಯದಲ್ಲಿ ಉರುಗ್ವೆ 1–0ಯಿಂದ ಪರಾಗ್ವೆ ತಂಡವನ್ನು ಸೋಲಿಸಿತು.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಯೂರೊ ಕಪ್‌: ವಿಶ್ವ ಚಾಂಪಿಯನ್‌ ಫ್ರಾನ್ಸ್‌ಗೆ ಆಘಾತ

ಚಿನಕುರುಳಿ | ಗುರುವಾರ, ನವೆಂಬರ್ 21 2024

ಚುರುಮುರಿ: ದುಡ್ಡಿನ ದಾರಿ

ಚಳಿಗಾಲದ ಅಧಿವೇಶದಲ್ಲಿ 5 ಹೊಸ ಮಸೂದೆಗಳು: ವಕ್ಫ್ ತಿದ್ದುಪಡಿ ಬಿಲ್ ಕೂಡ ಮಂಡನೆ

ನಟ ದರ್ಶನ್‌ಗೆ ಜಾಮೀನು ನೀಡದಂತೆ ಸುಪ್ರೀಂ ಕೋರ್ಟ್‌ಗೆ ಅರ್ಜಿ: ಸಚಿವ ಜಿ.ಪರಮೇಶ್ವರ

Perth Test: ಭಾರತ ಬ್ಯಾಟಿಂಗ್; ನಿತೀಶ್,ಹರ್ಷೀತ್ ಪದಾರ್ಪಣೆ, ಪಡಿಕ್ಕಲ್‌ಗೆ ಸ್ಥಾನ

ಕೂಚ್‌ ಬಿಹಾರ್‌ ಟ್ರೋಫಿ: ದ್ವಿಶತಕ ಬಾರಿಸಿದ ಸೆಹ್ವಾಗ್‌ ಪುತ್ರ

ಪ್ರೊ ಕಬಡ್ಡಿ: 2ನೇ ಸ್ಥಾನಕ್ಕೇರಿದ ತೆಲುಗು ಟೈಟನ್ಸ್‌

ಸೇನ್‌ ಮುನ್ನಡೆ: ಸಿಂಧುಗೆ ನಿರಾಸೆ

ಒಳನೋಟ | ಪೈರಸಿ ಅಪಾರ, ದೂರು ವಿರಳ

ಒಳನೋಟ: ದಾಂಪತ್ಯ ಸಾಂಗತ್ಯಗಳ ಸುತ್ತ

ಒಳನೋಟ | ಹೆಜ್ಜೆ ಹೆಜ್ಜೆಗೂ ಎಸ್‌ಐಟಿ ತನಿಖೆ

ಒಳನೋಟ | ‘ಅಕ್ರಮ ವಲಸೆ’: ನೆಲೆ ವಿಸ್ತಾರ

ಚಿನಕುರುಳಿ | ಗುರುವಾರ, ನವೆಂಬರ್ 21 2024

ಚುರುಮುರಿ: ದುಡ್ಡಿನ ದಾರಿ

ಚಳಿಗಾಲದ ಅಧಿವೇಶದಲ್ಲಿ 5 ಹೊಸ ಮಸೂದೆಗಳು: ವಕ್ಫ್ ತಿದ್ದುಪಡಿ ಬಿಲ್ ಕೂಡ ಮಂಡನೆ

ನಟ ದರ್ಶನ್‌ಗೆ ಜಾಮೀನು ನೀಡದಂತೆ ಸುಪ್ರೀಂ ಕೋರ್ಟ್‌ಗೆ ಅರ್ಜಿ: ಸಚಿವ ಜಿ.ಪರಮೇಶ್ವರ