<p><strong>ಹಿಗಾಶಿಮಾಟ್ಸುಶಿಮಾ (ಜಪಾನ್):</strong> ಕೊರೊನಾ ವೈರಸ್ ಸೋಂಕು ವಿಶ್ವದೆಲ್ಲೆಡೆ ತಳಮಳ ಮೂಡಿಸಿ ಒಲಿಂಪಿಕ್ಸ್ ಮೇಲೆ ಕರಿನೆರಳು ಬೀರಿರುವ ಸಂದರ್ಭದಲ್ಲೇ, ಟೋಕಿಯೊ ಕ್ರೀಡೆಗಳ ಒಲಿಂಪಿಕ್ ಜ್ಯೋತಿ ಶುಕ್ರವಾರ ಟೋಕಿಯೊ ತಲುಪಿತು. ಸರಳ ರೀತಿಯಲ್ಲಿ ಜ್ಯೋತಿಯನ್ನು ಬರಮಾಡಿಕೊಳ್ಳಲಾಯಿತು.</p>.<p>ವಿಶೇಷ ಕಂದೀಲಿನಲ್ಲಿದ್ದ ಒಲಿಂಪಿಕ್ ಜ್ಯೋತಿಚಾರ್ಟರ್ ವಿಮಾನದಲ್ಲಿ ಇಲ್ಲಿಗೆ ತಲುಪಿತು.</p>.<p>ಇದರ ಮಧ್ಯೆಯೇ, ಜಪಾನ್ನ ಒಲಿಂಪಿಕ್ ಸಮಿತಿ ಸದಸ್ಯರೊಬ್ಬರು ಕ್ರೀಡೆಗಳನ್ನು ಮುಂದೂಡುವಂತೆ ಒತ್ತಾಯಿಸಿದ್ದಾರೆ. ಅಂತರರಾಷ್ಟ್ರೀಯ ಒಲಿಂಪಿಕ್ ಸಮಿತಿ ಮುಖ್ಯಸ್ಥ ಥಾಮಸ್ ಬ್ಯಾಚ್, ‘ಬೇರೆ ಬೇರೆ ಸಾಧ್ಯತೆಗಳಿವೆ. ಅವುಗಳನ್ನು ಪರಿಶೀಲನೆ ನಡೆಸುತ್ತೇವೆ’ ಎಂದು ಹೇಳಿದ್ದಾರೆ.</p>.<p>‘ಬೇರೆ ಬೇರೆ ಸಾಧ್ಯತೆಯತ್ತ ಪರಿಶೀಲನೆ ನಡೆಸುತ್ತೇವೆ. ಆದರೆ ಬೇರೆ ಕ್ರೀಡಾಕೂಟಗಳು, ವೃತ್ತಿಪರ ಲೀಗ್ಗೆ ಹೋಲಿಸಿದರೆ ಒಲಿಂಪಿಕ್ಸ್ ಆರಂಭಕ್ಕೆ ಇನ್ನೂ ನಾಲ್ಕೂವರೆ ತಿಂಗಳು ದೂರ ಇದೆ’ ಎಂದು ಬ್ಯಾಚ್ ‘ನ್ಯೂಯಾರ್ಕ್ ಟೈಮ್ಸ್’ಗೆ ತಿಳಿಸಿದ್ದಾರೆ. ಜುಲೈ 24ರಂದು ಕ್ರೀಡೆಗಳು ಆರಂಭವಾಗಬೇಕಿದೆ.</p>.<p>ಕೋವಿಡ್–19 ಹಿನ್ನೆಲೆಯಲ್ಲಿ ಸಂಘಟಕರು ಜ್ಯೋತಿ ಆಗಮನ ಸಮಾರಂಭವನ್ನು ಸರಳವಾಗಿ ನಡೆಸಿದರು. ಜಪಾನ್ನ ಉತ್ತರದ ಮಾಟ್ಸುಶಿಮಾ ಏರ್ಬೇಸ್ನಲ್ಲಿ ಹಮ್ಮಿಕೊಂಡಿದ್ದ ಕಾರ್ಯಕ್ರಮಕ್ಕೆ 200 ಶಾಲಾ ಮಕ್ಕಳನ್ನು ಆಹ್ವಾನಿಸುವ ಯೋಜನೆಯಿತ್ತು. ‘ಮಕ್ಕಳ ಸುರಕ್ಷತೆ ಕಾರಣ ಈ ಯೋಜನೆ ಕೈಬಿಡಲಾಯಿತು’ ಎಂದು ಟೋಕಿಯೊ 2020 ಮುಖ್ಯಸ್ಥ ಯೊಶಿರೊ ಮೊರಿ ತಿಳಿಸಿದರು.</p>.<p>ಕೆಲವು ಡಜನ್ ಅಧಿಕಾರಿಗಳು ಮತ್ತು ಅತಿಥಿಗಳ ಸಮ್ಮುಖದಲ್ಲಿ ಸಾಂಪ್ರದಾಯಿಕ ರೀತಿಯ ಬೋಗುಣಿಯಲ್ಲಿ ಜ್ಯೋತಿ ಹಚ್ಚಿದರು.</p>.<p>ಫುಕುಶಿಮಾದ ಜೆ–ಸ್ಪೋರ್ಟ್ಸ್ ಕಾಂಪ್ಲೆಕ್ಸ್ನಿಂದ ಮಾರ್ಚ್ 26ರಂದು ದೇಶದಾದ್ಯಂತ ಜ್ಯೋತಿಯಾತ್ರೆ ಆರಂಭವಾಗಲಿದೆ. ಸೋಂಕು ಹರಡದಂತೆ ಮುನ್ನೆಚ್ಚರಿಕೆ ಕ್ರಮವಾಗಿ, ಜ್ಯೋತಿಯಾತ್ರೆ ವೇಳೆ ಗುಂಪುಗೂಡದಂತೆ ಸಂಘಟಕರು ಮನವಿ ಮಾಡಿದ್ದಾರೆ.</p>.<p>ಸ್ಪಾರ್ಟಾ ನಗರದಲ್ಲಿ ಜ್ಯೋತಿ ಹಚ್ಚುವ ವೇಳೆ ಹಾಲಿವುಡ್ ನಟ ಜೆರಾರ್ಡ್ ಬಟ್ಲರ್ ಅವರಿಗೆ ದೊಡ್ಡ ಸಂಖ್ಯೆಯಲ್ಲಿ ಸೇರಿದ್ದ ಜನ ಸುತ್ತುವರಿದಿದ್ದರು. ಹೀಗಾಗಿಗ್ರೀಸ್ನಲ್ಲಿ ಒಲಿಂಪಿಕ್ ಜ್ಯೋತಿ ಯಾತ್ರೆಯನ್ನು ಮೊಟಕುಗೊಳಿಸಲಾಗಿತ್ತು.</p>.<p>ಕೊರೊನಾ ಸೋಂಕು ಹೆಚ್ಚಾಗಿರುವ ಕಾರಣ ಯುರೋಪ್ನಲ್ಲಿ ಗಡಿಗಳನ್ನು ಮುಚ್ಚಲಾಗಿದೆ. ಹೀಗಾಗಿ ಜ್ಯೋತಿ ಸ್ವೀಕಾರ ಸಮಾರಂಭಕ್ಕೆ ಜಪಾನ್ ನಿಯೋಗ ತೆರಳಿರಲಿಲ್ಲ.</p>.<p><strong>ಮುಂದೂಡಿಕೆ ಆಗಲಿ:</strong>ಇದೇ ವೇಳೆ, ‘ಕ್ರೀಡೆಗಳನ್ನು ಮುಂದೂಡುವಂತೆ ಒತ್ತಾಯಿಸುವವರ ಸಂಖ್ಯೆ ಹೆಚ್ಚುತ್ತಿದೆ.<strong> ಜಪಾನ್ ಒಲಿಂಪಿಕ್ ಸಮಿತಿ ಕಾರ್ಯಕಾರಿ ಮಂಡಳಿ ಸದಸ್ಯ ಕವೊರಿ ಯಮಾಗುಚಿ ಅವರು ಈ ಪಟ್ಟಿಗೆ ಸೇರಿದ್ದಾರೆ. ಒಲಿಂಪಿಕ್ ಜೂಡೊಪಟು ಕೂಡ ಆಗಿರುವ ಅವರು, ‘ಅಥ್ಲೀಟುಗಳ ಅನುಭವಿಸುತ್ತಿರುವ ತೊಂದರೆ ಪರಿಗಣಿಸಿ ಈ ಕ್ರಮಕ್ಕೆ ಮುಂದಾಗಬೇಕು’ ಎಂದಿದ್ದಾರೆ.</strong></p>.<p><strong>‘ಅಥ್ಲೀಟುಗಳಿಗೆ ಸಿದ್ಧತೆ ನಡೆಸಲು ಸಾಧ್ಯವಾಗದ ಈ ಸನ್ನಿವೇಶದಲ್ಲಿ ಒಲಿಂಪಿಕ್ಸ್ ಮುಂದೂಡುವುದು ಒಳ್ಳೆಯದು’ ಎಂದು ಅವರು ಪತ್ರಿಕೆಯೊಂದಕ್ಕೆ ತಿಳಿಸಿದ್ದಾರೆ. ‘ಈ ಪರಿಸ್ಥಿತಿಯಲ್ಲಿ ಸಿದ್ಧತೆ ನಡೆಸಿ ಎಂದು ಹೇಳುವ ಮೂಲಕ ಐಒಸಿ, ಸ್ವತಃ ಟೀಕೆಗಳನ್ನು ಆಹ್ವಾನಿಸಿದಂತಾಗುತ್ತದೆ’ ಎಂದಿದ್ದಾರೆ.</strong></p>.<p>ಐಒಸಿಯು ತನ್ನದೇ ಕಾರ್ಯಪಡೆಯ ನೀಡುವ ಸಲಹೆಯಂತೆ ಮುಂದಿನ ಹೆಜ್ಜೆ ಇಡಲಿದೆ. ಕ್ರೀಡೆಗಳನ್ನು ಸಕಾಲಕ್ಕೆ ನಡೆಸುವ ಬಗ್ಗೆ ಆಶಾವಾದ ಹೊಂದಿದ್ದೇವೆ. ರದ್ದು ಮಾಡುವ ಪ್ರಶ್ನೆಯಂತೂಇಲ್ಲ’ ಎಂದು ಬಾಚ್ ಸ್ಪಷ್ಟಪಡಿಸಿದ್ದಾರೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಹಿಗಾಶಿಮಾಟ್ಸುಶಿಮಾ (ಜಪಾನ್):</strong> ಕೊರೊನಾ ವೈರಸ್ ಸೋಂಕು ವಿಶ್ವದೆಲ್ಲೆಡೆ ತಳಮಳ ಮೂಡಿಸಿ ಒಲಿಂಪಿಕ್ಸ್ ಮೇಲೆ ಕರಿನೆರಳು ಬೀರಿರುವ ಸಂದರ್ಭದಲ್ಲೇ, ಟೋಕಿಯೊ ಕ್ರೀಡೆಗಳ ಒಲಿಂಪಿಕ್ ಜ್ಯೋತಿ ಶುಕ್ರವಾರ ಟೋಕಿಯೊ ತಲುಪಿತು. ಸರಳ ರೀತಿಯಲ್ಲಿ ಜ್ಯೋತಿಯನ್ನು ಬರಮಾಡಿಕೊಳ್ಳಲಾಯಿತು.</p>.<p>ವಿಶೇಷ ಕಂದೀಲಿನಲ್ಲಿದ್ದ ಒಲಿಂಪಿಕ್ ಜ್ಯೋತಿಚಾರ್ಟರ್ ವಿಮಾನದಲ್ಲಿ ಇಲ್ಲಿಗೆ ತಲುಪಿತು.</p>.<p>ಇದರ ಮಧ್ಯೆಯೇ, ಜಪಾನ್ನ ಒಲಿಂಪಿಕ್ ಸಮಿತಿ ಸದಸ್ಯರೊಬ್ಬರು ಕ್ರೀಡೆಗಳನ್ನು ಮುಂದೂಡುವಂತೆ ಒತ್ತಾಯಿಸಿದ್ದಾರೆ. ಅಂತರರಾಷ್ಟ್ರೀಯ ಒಲಿಂಪಿಕ್ ಸಮಿತಿ ಮುಖ್ಯಸ್ಥ ಥಾಮಸ್ ಬ್ಯಾಚ್, ‘ಬೇರೆ ಬೇರೆ ಸಾಧ್ಯತೆಗಳಿವೆ. ಅವುಗಳನ್ನು ಪರಿಶೀಲನೆ ನಡೆಸುತ್ತೇವೆ’ ಎಂದು ಹೇಳಿದ್ದಾರೆ.</p>.<p>‘ಬೇರೆ ಬೇರೆ ಸಾಧ್ಯತೆಯತ್ತ ಪರಿಶೀಲನೆ ನಡೆಸುತ್ತೇವೆ. ಆದರೆ ಬೇರೆ ಕ್ರೀಡಾಕೂಟಗಳು, ವೃತ್ತಿಪರ ಲೀಗ್ಗೆ ಹೋಲಿಸಿದರೆ ಒಲಿಂಪಿಕ್ಸ್ ಆರಂಭಕ್ಕೆ ಇನ್ನೂ ನಾಲ್ಕೂವರೆ ತಿಂಗಳು ದೂರ ಇದೆ’ ಎಂದು ಬ್ಯಾಚ್ ‘ನ್ಯೂಯಾರ್ಕ್ ಟೈಮ್ಸ್’ಗೆ ತಿಳಿಸಿದ್ದಾರೆ. ಜುಲೈ 24ರಂದು ಕ್ರೀಡೆಗಳು ಆರಂಭವಾಗಬೇಕಿದೆ.</p>.<p>ಕೋವಿಡ್–19 ಹಿನ್ನೆಲೆಯಲ್ಲಿ ಸಂಘಟಕರು ಜ್ಯೋತಿ ಆಗಮನ ಸಮಾರಂಭವನ್ನು ಸರಳವಾಗಿ ನಡೆಸಿದರು. ಜಪಾನ್ನ ಉತ್ತರದ ಮಾಟ್ಸುಶಿಮಾ ಏರ್ಬೇಸ್ನಲ್ಲಿ ಹಮ್ಮಿಕೊಂಡಿದ್ದ ಕಾರ್ಯಕ್ರಮಕ್ಕೆ 200 ಶಾಲಾ ಮಕ್ಕಳನ್ನು ಆಹ್ವಾನಿಸುವ ಯೋಜನೆಯಿತ್ತು. ‘ಮಕ್ಕಳ ಸುರಕ್ಷತೆ ಕಾರಣ ಈ ಯೋಜನೆ ಕೈಬಿಡಲಾಯಿತು’ ಎಂದು ಟೋಕಿಯೊ 2020 ಮುಖ್ಯಸ್ಥ ಯೊಶಿರೊ ಮೊರಿ ತಿಳಿಸಿದರು.</p>.<p>ಕೆಲವು ಡಜನ್ ಅಧಿಕಾರಿಗಳು ಮತ್ತು ಅತಿಥಿಗಳ ಸಮ್ಮುಖದಲ್ಲಿ ಸಾಂಪ್ರದಾಯಿಕ ರೀತಿಯ ಬೋಗುಣಿಯಲ್ಲಿ ಜ್ಯೋತಿ ಹಚ್ಚಿದರು.</p>.<p>ಫುಕುಶಿಮಾದ ಜೆ–ಸ್ಪೋರ್ಟ್ಸ್ ಕಾಂಪ್ಲೆಕ್ಸ್ನಿಂದ ಮಾರ್ಚ್ 26ರಂದು ದೇಶದಾದ್ಯಂತ ಜ್ಯೋತಿಯಾತ್ರೆ ಆರಂಭವಾಗಲಿದೆ. ಸೋಂಕು ಹರಡದಂತೆ ಮುನ್ನೆಚ್ಚರಿಕೆ ಕ್ರಮವಾಗಿ, ಜ್ಯೋತಿಯಾತ್ರೆ ವೇಳೆ ಗುಂಪುಗೂಡದಂತೆ ಸಂಘಟಕರು ಮನವಿ ಮಾಡಿದ್ದಾರೆ.</p>.<p>ಸ್ಪಾರ್ಟಾ ನಗರದಲ್ಲಿ ಜ್ಯೋತಿ ಹಚ್ಚುವ ವೇಳೆ ಹಾಲಿವುಡ್ ನಟ ಜೆರಾರ್ಡ್ ಬಟ್ಲರ್ ಅವರಿಗೆ ದೊಡ್ಡ ಸಂಖ್ಯೆಯಲ್ಲಿ ಸೇರಿದ್ದ ಜನ ಸುತ್ತುವರಿದಿದ್ದರು. ಹೀಗಾಗಿಗ್ರೀಸ್ನಲ್ಲಿ ಒಲಿಂಪಿಕ್ ಜ್ಯೋತಿ ಯಾತ್ರೆಯನ್ನು ಮೊಟಕುಗೊಳಿಸಲಾಗಿತ್ತು.</p>.<p>ಕೊರೊನಾ ಸೋಂಕು ಹೆಚ್ಚಾಗಿರುವ ಕಾರಣ ಯುರೋಪ್ನಲ್ಲಿ ಗಡಿಗಳನ್ನು ಮುಚ್ಚಲಾಗಿದೆ. ಹೀಗಾಗಿ ಜ್ಯೋತಿ ಸ್ವೀಕಾರ ಸಮಾರಂಭಕ್ಕೆ ಜಪಾನ್ ನಿಯೋಗ ತೆರಳಿರಲಿಲ್ಲ.</p>.<p><strong>ಮುಂದೂಡಿಕೆ ಆಗಲಿ:</strong>ಇದೇ ವೇಳೆ, ‘ಕ್ರೀಡೆಗಳನ್ನು ಮುಂದೂಡುವಂತೆ ಒತ್ತಾಯಿಸುವವರ ಸಂಖ್ಯೆ ಹೆಚ್ಚುತ್ತಿದೆ.<strong> ಜಪಾನ್ ಒಲಿಂಪಿಕ್ ಸಮಿತಿ ಕಾರ್ಯಕಾರಿ ಮಂಡಳಿ ಸದಸ್ಯ ಕವೊರಿ ಯಮಾಗುಚಿ ಅವರು ಈ ಪಟ್ಟಿಗೆ ಸೇರಿದ್ದಾರೆ. ಒಲಿಂಪಿಕ್ ಜೂಡೊಪಟು ಕೂಡ ಆಗಿರುವ ಅವರು, ‘ಅಥ್ಲೀಟುಗಳ ಅನುಭವಿಸುತ್ತಿರುವ ತೊಂದರೆ ಪರಿಗಣಿಸಿ ಈ ಕ್ರಮಕ್ಕೆ ಮುಂದಾಗಬೇಕು’ ಎಂದಿದ್ದಾರೆ.</strong></p>.<p><strong>‘ಅಥ್ಲೀಟುಗಳಿಗೆ ಸಿದ್ಧತೆ ನಡೆಸಲು ಸಾಧ್ಯವಾಗದ ಈ ಸನ್ನಿವೇಶದಲ್ಲಿ ಒಲಿಂಪಿಕ್ಸ್ ಮುಂದೂಡುವುದು ಒಳ್ಳೆಯದು’ ಎಂದು ಅವರು ಪತ್ರಿಕೆಯೊಂದಕ್ಕೆ ತಿಳಿಸಿದ್ದಾರೆ. ‘ಈ ಪರಿಸ್ಥಿತಿಯಲ್ಲಿ ಸಿದ್ಧತೆ ನಡೆಸಿ ಎಂದು ಹೇಳುವ ಮೂಲಕ ಐಒಸಿ, ಸ್ವತಃ ಟೀಕೆಗಳನ್ನು ಆಹ್ವಾನಿಸಿದಂತಾಗುತ್ತದೆ’ ಎಂದಿದ್ದಾರೆ.</strong></p>.<p>ಐಒಸಿಯು ತನ್ನದೇ ಕಾರ್ಯಪಡೆಯ ನೀಡುವ ಸಲಹೆಯಂತೆ ಮುಂದಿನ ಹೆಜ್ಜೆ ಇಡಲಿದೆ. ಕ್ರೀಡೆಗಳನ್ನು ಸಕಾಲಕ್ಕೆ ನಡೆಸುವ ಬಗ್ಗೆ ಆಶಾವಾದ ಹೊಂದಿದ್ದೇವೆ. ರದ್ದು ಮಾಡುವ ಪ್ರಶ್ನೆಯಂತೂಇಲ್ಲ’ ಎಂದು ಬಾಚ್ ಸ್ಪಷ್ಟಪಡಿಸಿದ್ದಾರೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
