<p><strong>ಬರ್ಮಿಂಗ್ಹ್ಯಾಮ್:</strong> ಭಾರತದ ವೇಟ್ಲಿಫ್ಟರ್ ಗುರುದೀಪ್ ಸಿಂಗ್, ಪುರುಷರ +109 ಕೆ.ಜಿ. ವಿಭಾಗದಲ್ಲಿ ಕಂಚು ಗೆದ್ದರು.</p>.<p>ಬುಧವಾರ ರಾತ್ರಿ ನಡೆದ ಸ್ಪರ್ಧೆಯಲ್ಲಿ ಅವರು ಒಟ್ಟು 390 ಕೆ.ಜಿ. ಭಾರ ಎತ್ತುವಲ್ಲಿ ಯಶಸ್ವಿಯಾದರು. ಸ್ನ್ಯಾಚ್ನಲ್ಲಿ 167 ಕೆ.ಜಿ ಹಾಗೂ ಕ್ಲೀನ್–ಜರ್ಕ್ನಲ್ಲಿ 223 ಕೆ.ಜಿ. ಸಾಧನೆ ಮಾಡಿದರು.</p>.<p>ಪಾಕಿಸ್ತಾನದ ಮೊಹಮ್ಮದ್ ನೂಹ್ ಬಟ್ 405 ಕೆ.ಜಿ. (173+232) ಭಾರ ಎತ್ತಿ, ಕೂಟ ದಾಖಲೆಯೊಂದಿಗೆ ಚಿನ್ನ ಗೆದ್ದರೆ, ನ್ಯೂಜಿಲೆಂಡ್ನ ಡೇವಿಡ್ ಆ್ಯಂಡ್ರ್ಯೂ ಲಿಟಿ (170+224) ಬೆಳ್ಳಿ ಪಡೆದರು.</p>.<p>ಸ್ನ್ಯಾಚ್ನಲ್ಲಿ 167 ಕೆ.ಜಿ.ಯೊಂದಿಗೆ ಸ್ಪರ್ಧೆ ಆರಂಭಿಸಿದ ಗುರುದೀಪ್ ಮೊದಲ ಪ್ರಯತ್ನದಲ್ಲಿ ವಿಫಲರಾದರು. ಎರಡನೇ ಅವಕಾಶದಲ್ಲಿ ಯಶ ಕಂಡ ಅವರು ಕೊನೆಯ ಅವಕಾಶದಲ್ಲಿ 173 ಕೆ.ಜಿ. ಎತ್ತಿದರು.</p>.<p><a href="https://www.prajavani.net/sports/sports-extra/got-lot-of-love-from-india-says-pakistani-weightlifter-and-mirabai-fan-muhammad-nooh-butt-960362.html" itemprop="url">ಭಾರತದಿಂದ ಸಾಕಷ್ಟು ಪ್ರೀತಿ ಸಿಕ್ಕಿದೆ: ಪಾಕಿಸ್ತಾನದ ಚಿನ್ನದ ಹುಡುಗ ನೂಹ್ ಭಟ್ </a></p>.<p>ಜಂಟಿ ಮೂರನೇ ಸ್ಥಾನದೊಂದಿಗೆ ಕ್ಲೀನ್–ಜರ್ಕ್ನಲ್ಲಿ ಪೈಪೋಟಿಗಿಳಿದ ಅವರು ಮೊದಲ ಪ್ರಯತ್ನದಲ್ಲಿ 207 ಕೆ.ಜಿ. ಎತ್ತಿದರು. ಎರಡನೇ ಪ್ರಯತ್ನದಲ್ಲಿ 215 ಕೆ.ಜಿ ಎತ್ತುವಲ್ಲಿ ಎಡವಿದರು. ಆದರೂ ಎದೆಗುಂದದೆ ಮೂರನೇ ಪ್ರಯತ್ನದಲ್ಲಿ ಭಾರವನ್ನು 8 ಕೆ.ಜಿ ಯಷ್ಟು ಹೆಚ್ಚಿಸಿ, 223 ಕೆ.ಜಿ. ಎತ್ತಲು ಯಶ ಕಂಡರು. ಕ್ಲೀನ್–ಜರ್ಕ್ನಲ್ಲಿ ಇದು ಅವರ ವೈಯಕ್ತಿಕ ಶ್ರೇಷ್ಠ ಪ್ರದರ್ಶನವೂ ಹೌದು.</p>.<p>‘ಮೊಣಕೈನಲ್ಲಿ ನೋವು ಇದ್ದ ಕಾರಣ ನನಗೆ ಸ್ನ್ಯಾಚ್ನಲ್ಲಿ ಪೂರ್ಣ ಸಾಮರ್ಥ್ಯ ತೋರಲು ಆಗಲಿಲ್ಲ. ಇಲ್ಲದಿದ್ದರೆ, ಕನಿಷ್ಠ ಬೆಳ್ಳಿಯ ಪದಕ ಗೆಲ್ಲಬಹುದಿತ್ತು’ ಎಂದು ಏಳು ಬಾರಿಯ ರಾಷ್ಟ್ರೀಯ ಚಾಂಪಿಯನ್ ಆಗಿರುವ ಗುರುದೀಪ್ ಪ್ರತಿಕ್ರಿಯಿಸಿದರು.</p>.<p>ವೇಟ್ಲಿಫ್ಟಿಂಗ್ನಲ್ಲಿ ಭಾರತದ ಸವಾಲು ಇದರೊಂದಿಗೆ ಕೊನೆಗೊಂಡಿದೆ. ಮೂರು ಚಿನ್ನ, ಮೂರು ಬೆಳ್ಳಿ ಮತ್ತು ನಾಲ್ಕು ಕಂಚಿನ ಪದಕಗಳನ್ನು ಭಾರತ ಜಯಿಸಿದೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಬರ್ಮಿಂಗ್ಹ್ಯಾಮ್:</strong> ಭಾರತದ ವೇಟ್ಲಿಫ್ಟರ್ ಗುರುದೀಪ್ ಸಿಂಗ್, ಪುರುಷರ +109 ಕೆ.ಜಿ. ವಿಭಾಗದಲ್ಲಿ ಕಂಚು ಗೆದ್ದರು.</p>.<p>ಬುಧವಾರ ರಾತ್ರಿ ನಡೆದ ಸ್ಪರ್ಧೆಯಲ್ಲಿ ಅವರು ಒಟ್ಟು 390 ಕೆ.ಜಿ. ಭಾರ ಎತ್ತುವಲ್ಲಿ ಯಶಸ್ವಿಯಾದರು. ಸ್ನ್ಯಾಚ್ನಲ್ಲಿ 167 ಕೆ.ಜಿ ಹಾಗೂ ಕ್ಲೀನ್–ಜರ್ಕ್ನಲ್ಲಿ 223 ಕೆ.ಜಿ. ಸಾಧನೆ ಮಾಡಿದರು.</p>.<p>ಪಾಕಿಸ್ತಾನದ ಮೊಹಮ್ಮದ್ ನೂಹ್ ಬಟ್ 405 ಕೆ.ಜಿ. (173+232) ಭಾರ ಎತ್ತಿ, ಕೂಟ ದಾಖಲೆಯೊಂದಿಗೆ ಚಿನ್ನ ಗೆದ್ದರೆ, ನ್ಯೂಜಿಲೆಂಡ್ನ ಡೇವಿಡ್ ಆ್ಯಂಡ್ರ್ಯೂ ಲಿಟಿ (170+224) ಬೆಳ್ಳಿ ಪಡೆದರು.</p>.<p>ಸ್ನ್ಯಾಚ್ನಲ್ಲಿ 167 ಕೆ.ಜಿ.ಯೊಂದಿಗೆ ಸ್ಪರ್ಧೆ ಆರಂಭಿಸಿದ ಗುರುದೀಪ್ ಮೊದಲ ಪ್ರಯತ್ನದಲ್ಲಿ ವಿಫಲರಾದರು. ಎರಡನೇ ಅವಕಾಶದಲ್ಲಿ ಯಶ ಕಂಡ ಅವರು ಕೊನೆಯ ಅವಕಾಶದಲ್ಲಿ 173 ಕೆ.ಜಿ. ಎತ್ತಿದರು.</p>.<p><a href="https://www.prajavani.net/sports/sports-extra/got-lot-of-love-from-india-says-pakistani-weightlifter-and-mirabai-fan-muhammad-nooh-butt-960362.html" itemprop="url">ಭಾರತದಿಂದ ಸಾಕಷ್ಟು ಪ್ರೀತಿ ಸಿಕ್ಕಿದೆ: ಪಾಕಿಸ್ತಾನದ ಚಿನ್ನದ ಹುಡುಗ ನೂಹ್ ಭಟ್ </a></p>.<p>ಜಂಟಿ ಮೂರನೇ ಸ್ಥಾನದೊಂದಿಗೆ ಕ್ಲೀನ್–ಜರ್ಕ್ನಲ್ಲಿ ಪೈಪೋಟಿಗಿಳಿದ ಅವರು ಮೊದಲ ಪ್ರಯತ್ನದಲ್ಲಿ 207 ಕೆ.ಜಿ. ಎತ್ತಿದರು. ಎರಡನೇ ಪ್ರಯತ್ನದಲ್ಲಿ 215 ಕೆ.ಜಿ ಎತ್ತುವಲ್ಲಿ ಎಡವಿದರು. ಆದರೂ ಎದೆಗುಂದದೆ ಮೂರನೇ ಪ್ರಯತ್ನದಲ್ಲಿ ಭಾರವನ್ನು 8 ಕೆ.ಜಿ ಯಷ್ಟು ಹೆಚ್ಚಿಸಿ, 223 ಕೆ.ಜಿ. ಎತ್ತಲು ಯಶ ಕಂಡರು. ಕ್ಲೀನ್–ಜರ್ಕ್ನಲ್ಲಿ ಇದು ಅವರ ವೈಯಕ್ತಿಕ ಶ್ರೇಷ್ಠ ಪ್ರದರ್ಶನವೂ ಹೌದು.</p>.<p>‘ಮೊಣಕೈನಲ್ಲಿ ನೋವು ಇದ್ದ ಕಾರಣ ನನಗೆ ಸ್ನ್ಯಾಚ್ನಲ್ಲಿ ಪೂರ್ಣ ಸಾಮರ್ಥ್ಯ ತೋರಲು ಆಗಲಿಲ್ಲ. ಇಲ್ಲದಿದ್ದರೆ, ಕನಿಷ್ಠ ಬೆಳ್ಳಿಯ ಪದಕ ಗೆಲ್ಲಬಹುದಿತ್ತು’ ಎಂದು ಏಳು ಬಾರಿಯ ರಾಷ್ಟ್ರೀಯ ಚಾಂಪಿಯನ್ ಆಗಿರುವ ಗುರುದೀಪ್ ಪ್ರತಿಕ್ರಿಯಿಸಿದರು.</p>.<p>ವೇಟ್ಲಿಫ್ಟಿಂಗ್ನಲ್ಲಿ ಭಾರತದ ಸವಾಲು ಇದರೊಂದಿಗೆ ಕೊನೆಗೊಂಡಿದೆ. ಮೂರು ಚಿನ್ನ, ಮೂರು ಬೆಳ್ಳಿ ಮತ್ತು ನಾಲ್ಕು ಕಂಚಿನ ಪದಕಗಳನ್ನು ಭಾರತ ಜಯಿಸಿದೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
