<p><strong>ಬೆಂಗಳೂರು: </strong>ಸರ್ಕಾರಿ ಜೀಪಿನಲ್ಲಿ ಅಕ್ರಮವಾಗಿ ಮದ್ಯ ಸಾಗಿಸುತ್ತಿದ್ದ ಇಬ್ಬರು ಆರೋಪಿಗಳನ್ನು ಬಿಟ್ಟು ಕಳುಹಿಸಲು ಲಂಚ ಪಡೆದ ಆರೋಪ ಹೊತ್ತಿರುವ ಎಲೆಕ್ಟ್ರಾನಿಕ್ ಸಿಟಿ ಎಸಿಪಿ ವಾಸು ವಿರುದ್ಧ ಏಕೆ ಸುಲಿಗೆ ಪ್ರಕರಣ ಹಾಕಿಲ್ಲ?</p>.<p>ಇಂಥ ಸ್ವಾರಸ್ಯಕರ ಚರ್ಚೆ ಪೊಲೀಸ್ ಇಲಾಖೆಯಲ್ಲಿ ಆರಂಭವಾಗಿದೆ. ಸಿಸಿಬಿ ಎಸಿಪಿ ಪ್ರಭುಶಂಕರ್, ಸಿಗರೇಟ್ ವಿತರಕರಿಂದ ಪಡೆದಿದ್ದಾರೆ ಎನ್ನಲಾದ ಲಂಚ ಪ್ರಕರಣದ ವಿಚಾರಣೆಯನ್ನು ಮಿಂಚಿನ ವೇಗದಲ್ಲಿ ಮುಗಿಸಿ ಮೊಕದ್ದಮೆ ದಾಖಲು ಮಾಡಿದ ಇಲಾಖೆ, ವಾಸು ವಿಷಯದಲ್ಲಿ ಏಕೆ ಮೌನವಾಗಿದೆ ಎಂಬ ಪ್ರಶ್ನೆ ಎದುರಾಗಿದೆ.</p>.<p>ಏಪ್ರಿಲ್ 11ರಂದು ಎಲೆಕ್ಟ್ರಾನಿಕ್ ಸಿಟಿ ಬಳಿ ವಾಣಿಜ್ಯ ಇಲಾಖೆಯ ಜೀಪ್ನಲ್ಲಿ 8 ಕಾರ್ಟನ್ ಬಾಕ್ಸ್ನಲ್ಲಿ 100ಕ್ಕೂ ಹೆಚ್ಚು ಬಾಟಲ್ಗಳನ್ನು ಸಾಗಿಸುತ್ತಿದ್ದಾಗ ವಾಸು ಮತ್ತು ಸಿಬ್ಬಂದಿ ಬೆನ್ನತ್ತಿ ಹಿಡಿದು ವಿಶೇಷ್, ಗೋಪಿ ಎಂಬುವರನ್ನು ಬಂಧಿಸಿದ್ದರು.</p>.<p>ಒಂದು ದಿನ ಅವರನ್ನು ಅಕ್ರಮವಾಗಿ ಬಂಧನದಲ್ಲಿಟ್ಟು ಬಳಿಕ ₹ 50 ಲಕ್ಷ ಲಂಚಕ್ಕೆ ಒತ್ತಾಯಿಸಿದ್ದರು. ಆನಂತರ ಚೌಕಾಸಿ ಮಾಡಿ ₹ 25 ಲಕ್ಷಕ್ಕೆ ಬೇಡಿಕೆ ಇಟ್ಟಿದ್ದರು. ಈ ಪ್ರಕರಣ ಕುರಿತು ಡಿಸಿಪಿಗಳಾದ ಶ್ರೀನಾಥ್ ಜೋಶಿ, ಶರಣಪ್ಪ ಪ್ರತ್ಯೇಕವಾಗಿ ವಿಚಾರಣೆ ನಡೆಸಿ ವರದಿ ಕೊಟ್ಟಿದ್ದಾರೆ.</p>.<p>‘ವಿಶೇಷ್ ಅವರ ತಾಯಿಯ ಒಡವೆಯನ್ನು ಗಿರವಿ ಇಡಿಸಿದ ವಾಸು ₹2.5 ಲಕ್ಷ ವಸೂಲು ಮಾಡಿದ್ದಾರೆ’ ಎಂದು ಎರಡೂ ವರದಿಗಳಲ್ಲಿ ಹೇಳಲಾ<br />ಗಿದೆ. ವಾಸು ಅವರನ್ನು ಅಮಾನತು<br />ಮಾಡಿ, ವರದಿಯನ್ನು ಸರ್ಕಾರಕ್ಕೆ ಹೊತ್ತು<br />ಹಾಕಿ ಇಲಾಖೆ ಕೈತೊಳೆದುಕೊಂಡಿದೆ.</p>.<p>ಸಿಗರೇಟ್ ಪ್ರಕರಣದಲ್ಲಿ ಪ್ರಭುಶಂಕರ್ ಮತ್ತವರ ತಂಡದ ವಿರುದ್ಧ ಸುಲಿಗೆ ಪ್ರಕರಣ ದಾಖಲಿಸಿರುವ ಪೊಲೀಸರು, ವಾಸು ವಿಷಯದಲ್ಲಿ ವಿಭಿನ್ನ ನಿಲುವು ತಳೆದಿರುವುದು ಏಕೆ ಎಂಬ ಚರ್ಚೆ ಇಲಾಖೆ ವಲಯದಲ್ಲಿ ನಡೆದಿದೆ.</p>.<p>‘ನಾವು ಸರ್ಕಾರಕ್ಕೆ ವರದಿ ಕೊಟ್ಟಿದ್ದೇವೆ. ಮುಂದಿನ ತೀರ್ಮಾನ ಸರ್ಕಾರಕ್ಕೆ ಬಿಟ್ಟಿದ್ದು’ ಎಂದು ಹೆಸರು ಬಹಿರಂಗ ಪಡಿಸಲು ಬಯಸದ ಹಿರಿಯ ಅಧಿಕಾರಿಯೊಬ್ಬರು ತಿಳಿಸಿದ್ದಾರೆ.</p>.<p><strong>ಲೇಬಲ್ಗಳೇ ಮಾಯ!</strong></p>.<p>ಜೀಪಿನಲ್ಲಿ ವಶಪಡಿಸಿಕೊಂಡ ಮದ್ಯದ ಬಾಟಲ್ಗಳ ಮೇಲಿನ ಲೇಬಲ್ಗಳು ಮಾಯ ಆಗಿರುವುದರಿಂದ ಅವು ಯಾರಿಗೆ ಸೇರಿದ್ದು ಎಂಬ ಪ್ರಶ್ನೆಗೆ ಇನ್ನೂ ಉತ್ತರ ಸಿಕ್ಕಿಲ್ಲ.</p>.<p>ಈ ಘಟನೆ ನಡೆದು ತಿಂಗಳಾದರೂ ತನಿಖೆಯಲ್ಲಿ ಒಂದಿಂಚೂ ಪ್ರಗತಿಯಾಗಿಲ್ಲ. ವಿಸ್ಕಿ ಬಾಟಲ್ಗಳ ಮೇಲೆ ಲೇಬಲ್ಗಳು ಇಲ್ಲದ್ದರಿಂದ ತನಿಖೆ ವಿಳಂಬವಾಗಿದೆ ಎಂದು ಅಧಿಕಾರಿಯೊಬ್ಬರು ತಿಳಿಸಿದ್ದಾರೆ.</p>.<p>ವಿಶೇಷ್ ಅವರ ಹೇಳಿಕೆಯಲ್ಲಿ, ತಮ್ಮ ಗೆಳೆಯ ಭಾಸ್ಕರ್ ಬಾಟಲ್ ಕೊಡಿಸಿದರು. ಸೋಮ ಎಂಬಾತ ಬಾಟಲ್ ಕೊಟ್ಟ ಎಂದು ಸ್ಪಷ್ಟವಾಗಿ ಹೇಳಿದ್ದಾರೆ. ಫೋನ್ ಮೂಲಕ ಸಂಪರ್ಕ ಮಾಡಿದ್ದಾಗಿ ವಿವರಿಸಿದ್ದಾರೆ. ಹೀಗಿದ್ದೂ ಬಾಟಲ್ಗಳು ಯಾವ ಅಂಗಡಿಗೆ ಸೇರಿದ್ದು ಎಂಬ ಪ್ರಶ್ನೆ ನಿಗೂಢವಾಗಿಯೇ ಉಳಿದಿದೆ.</p>.<p>‘ಈ ಪ್ರಕರಣದಲ್ಲಿ ಪೊಲೀಸರು ಎರಡು ಅಂಗಡಿಯ ದಾಸ್ತಾನು ಪರಿಶೀಲಿಸುವಂತೆ ಕೇಳಿದ್ದರು. ಅದನ್ನು ಮಾಡಿ ಕೊಟ್ಟಿದ್ದೇವೆ’ ಎಂದು ಅಬಕಾರಿ ಇಲಾಖೆ ಮೂಲಗಳು ತಿಳಿಸಿವೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಬೆಂಗಳೂರು: </strong>ಸರ್ಕಾರಿ ಜೀಪಿನಲ್ಲಿ ಅಕ್ರಮವಾಗಿ ಮದ್ಯ ಸಾಗಿಸುತ್ತಿದ್ದ ಇಬ್ಬರು ಆರೋಪಿಗಳನ್ನು ಬಿಟ್ಟು ಕಳುಹಿಸಲು ಲಂಚ ಪಡೆದ ಆರೋಪ ಹೊತ್ತಿರುವ ಎಲೆಕ್ಟ್ರಾನಿಕ್ ಸಿಟಿ ಎಸಿಪಿ ವಾಸು ವಿರುದ್ಧ ಏಕೆ ಸುಲಿಗೆ ಪ್ರಕರಣ ಹಾಕಿಲ್ಲ?</p>.<p>ಇಂಥ ಸ್ವಾರಸ್ಯಕರ ಚರ್ಚೆ ಪೊಲೀಸ್ ಇಲಾಖೆಯಲ್ಲಿ ಆರಂಭವಾಗಿದೆ. ಸಿಸಿಬಿ ಎಸಿಪಿ ಪ್ರಭುಶಂಕರ್, ಸಿಗರೇಟ್ ವಿತರಕರಿಂದ ಪಡೆದಿದ್ದಾರೆ ಎನ್ನಲಾದ ಲಂಚ ಪ್ರಕರಣದ ವಿಚಾರಣೆಯನ್ನು ಮಿಂಚಿನ ವೇಗದಲ್ಲಿ ಮುಗಿಸಿ ಮೊಕದ್ದಮೆ ದಾಖಲು ಮಾಡಿದ ಇಲಾಖೆ, ವಾಸು ವಿಷಯದಲ್ಲಿ ಏಕೆ ಮೌನವಾಗಿದೆ ಎಂಬ ಪ್ರಶ್ನೆ ಎದುರಾಗಿದೆ.</p>.<p>ಏಪ್ರಿಲ್ 11ರಂದು ಎಲೆಕ್ಟ್ರಾನಿಕ್ ಸಿಟಿ ಬಳಿ ವಾಣಿಜ್ಯ ಇಲಾಖೆಯ ಜೀಪ್ನಲ್ಲಿ 8 ಕಾರ್ಟನ್ ಬಾಕ್ಸ್ನಲ್ಲಿ 100ಕ್ಕೂ ಹೆಚ್ಚು ಬಾಟಲ್ಗಳನ್ನು ಸಾಗಿಸುತ್ತಿದ್ದಾಗ ವಾಸು ಮತ್ತು ಸಿಬ್ಬಂದಿ ಬೆನ್ನತ್ತಿ ಹಿಡಿದು ವಿಶೇಷ್, ಗೋಪಿ ಎಂಬುವರನ್ನು ಬಂಧಿಸಿದ್ದರು.</p>.<p>ಒಂದು ದಿನ ಅವರನ್ನು ಅಕ್ರಮವಾಗಿ ಬಂಧನದಲ್ಲಿಟ್ಟು ಬಳಿಕ ₹ 50 ಲಕ್ಷ ಲಂಚಕ್ಕೆ ಒತ್ತಾಯಿಸಿದ್ದರು. ಆನಂತರ ಚೌಕಾಸಿ ಮಾಡಿ ₹ 25 ಲಕ್ಷಕ್ಕೆ ಬೇಡಿಕೆ ಇಟ್ಟಿದ್ದರು. ಈ ಪ್ರಕರಣ ಕುರಿತು ಡಿಸಿಪಿಗಳಾದ ಶ್ರೀನಾಥ್ ಜೋಶಿ, ಶರಣಪ್ಪ ಪ್ರತ್ಯೇಕವಾಗಿ ವಿಚಾರಣೆ ನಡೆಸಿ ವರದಿ ಕೊಟ್ಟಿದ್ದಾರೆ.</p>.<p>‘ವಿಶೇಷ್ ಅವರ ತಾಯಿಯ ಒಡವೆಯನ್ನು ಗಿರವಿ ಇಡಿಸಿದ ವಾಸು ₹2.5 ಲಕ್ಷ ವಸೂಲು ಮಾಡಿದ್ದಾರೆ’ ಎಂದು ಎರಡೂ ವರದಿಗಳಲ್ಲಿ ಹೇಳಲಾ<br />ಗಿದೆ. ವಾಸು ಅವರನ್ನು ಅಮಾನತು<br />ಮಾಡಿ, ವರದಿಯನ್ನು ಸರ್ಕಾರಕ್ಕೆ ಹೊತ್ತು<br />ಹಾಕಿ ಇಲಾಖೆ ಕೈತೊಳೆದುಕೊಂಡಿದೆ.</p>.<p>ಸಿಗರೇಟ್ ಪ್ರಕರಣದಲ್ಲಿ ಪ್ರಭುಶಂಕರ್ ಮತ್ತವರ ತಂಡದ ವಿರುದ್ಧ ಸುಲಿಗೆ ಪ್ರಕರಣ ದಾಖಲಿಸಿರುವ ಪೊಲೀಸರು, ವಾಸು ವಿಷಯದಲ್ಲಿ ವಿಭಿನ್ನ ನಿಲುವು ತಳೆದಿರುವುದು ಏಕೆ ಎಂಬ ಚರ್ಚೆ ಇಲಾಖೆ ವಲಯದಲ್ಲಿ ನಡೆದಿದೆ.</p>.<p>‘ನಾವು ಸರ್ಕಾರಕ್ಕೆ ವರದಿ ಕೊಟ್ಟಿದ್ದೇವೆ. ಮುಂದಿನ ತೀರ್ಮಾನ ಸರ್ಕಾರಕ್ಕೆ ಬಿಟ್ಟಿದ್ದು’ ಎಂದು ಹೆಸರು ಬಹಿರಂಗ ಪಡಿಸಲು ಬಯಸದ ಹಿರಿಯ ಅಧಿಕಾರಿಯೊಬ್ಬರು ತಿಳಿಸಿದ್ದಾರೆ.</p>.<p><strong>ಲೇಬಲ್ಗಳೇ ಮಾಯ!</strong></p>.<p>ಜೀಪಿನಲ್ಲಿ ವಶಪಡಿಸಿಕೊಂಡ ಮದ್ಯದ ಬಾಟಲ್ಗಳ ಮೇಲಿನ ಲೇಬಲ್ಗಳು ಮಾಯ ಆಗಿರುವುದರಿಂದ ಅವು ಯಾರಿಗೆ ಸೇರಿದ್ದು ಎಂಬ ಪ್ರಶ್ನೆಗೆ ಇನ್ನೂ ಉತ್ತರ ಸಿಕ್ಕಿಲ್ಲ.</p>.<p>ಈ ಘಟನೆ ನಡೆದು ತಿಂಗಳಾದರೂ ತನಿಖೆಯಲ್ಲಿ ಒಂದಿಂಚೂ ಪ್ರಗತಿಯಾಗಿಲ್ಲ. ವಿಸ್ಕಿ ಬಾಟಲ್ಗಳ ಮೇಲೆ ಲೇಬಲ್ಗಳು ಇಲ್ಲದ್ದರಿಂದ ತನಿಖೆ ವಿಳಂಬವಾಗಿದೆ ಎಂದು ಅಧಿಕಾರಿಯೊಬ್ಬರು ತಿಳಿಸಿದ್ದಾರೆ.</p>.<p>ವಿಶೇಷ್ ಅವರ ಹೇಳಿಕೆಯಲ್ಲಿ, ತಮ್ಮ ಗೆಳೆಯ ಭಾಸ್ಕರ್ ಬಾಟಲ್ ಕೊಡಿಸಿದರು. ಸೋಮ ಎಂಬಾತ ಬಾಟಲ್ ಕೊಟ್ಟ ಎಂದು ಸ್ಪಷ್ಟವಾಗಿ ಹೇಳಿದ್ದಾರೆ. ಫೋನ್ ಮೂಲಕ ಸಂಪರ್ಕ ಮಾಡಿದ್ದಾಗಿ ವಿವರಿಸಿದ್ದಾರೆ. ಹೀಗಿದ್ದೂ ಬಾಟಲ್ಗಳು ಯಾವ ಅಂಗಡಿಗೆ ಸೇರಿದ್ದು ಎಂಬ ಪ್ರಶ್ನೆ ನಿಗೂಢವಾಗಿಯೇ ಉಳಿದಿದೆ.</p>.<p>‘ಈ ಪ್ರಕರಣದಲ್ಲಿ ಪೊಲೀಸರು ಎರಡು ಅಂಗಡಿಯ ದಾಸ್ತಾನು ಪರಿಶೀಲಿಸುವಂತೆ ಕೇಳಿದ್ದರು. ಅದನ್ನು ಮಾಡಿ ಕೊಟ್ಟಿದ್ದೇವೆ’ ಎಂದು ಅಬಕಾರಿ ಇಲಾಖೆ ಮೂಲಗಳು ತಿಳಿಸಿವೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
