ರಕ್ತವೇ ಬ್ಯಾಟರಿಗೆ ಶಕ್ತಿಮೂಲ!

ಹೃದಯಕ್ಕೆ ಅಳವಡಿಸುವ ಪೇಸ್ ಮೇಕರ್ಗಳ ಬಗ್ಗೆ ನೀವು ಕೇಳಿರಬಹುದು. ಮಧುಮೇಹ ಇರುವ ವ್ಯಕ್ತಿಗಳಲ್ಲಿ ಇನ್ಸುಲಿನ್ ಉತ್ಪಾದನೆಗೆ ಇನ್ಸುಲಿನ್ ಪಂಪ್ಗಳನ್ನು ದೇಹದಲ್ಲಿ ಅಳವಡಿಸುವುದೂ ಇದೆ. ಈ ರೀತಿಯ ಸಾಧನಗಳು ಕಾರ್ಯನಿರ್ವಹಿಸಲು ಅವುಗಳಿಗೆ ವಿದ್ಯುತ್ ಅಗತ್ಯ. ಈಗ ಈ ಸಾಧನಗಳಲ್ಲಿ ಒಮ್ಮೆ ಬಳಸಬಹುದಾದ ಅಥವಾ ಮರುಬಳಸಬಹುದಾದ ಬ್ಯಾಟರಿಗಳನ್ನು ಇರಿಸಲಾಗಿರುತ್ತದೆ. ಈ ಸಾಧನಗಳ ಕಾಲ ಮಿತಿ ಕಡಿಮೆ. ಇದೀಗ ದೇಹದ ರಕ್ತವನ್ನೇ ಮೂಲವಾಗಿರಿಸಿಕೊಂಡು ತನಗೆ ತಾನೇ ವಿದ್ಯುತ್ ಉತ್ಪಾದಿಸಿಕೊಳ್ಳಬಲ್ಲ, ದೇಹದೊಳಗೆ ಇರಿಸಬಹುದಾದ ವೈದ್ಯಕೀಯ ಸಾಧನಗಳ ಅನ್ವೇಷಣೆಯಾಗಿದೆ.

. ಸಾಮಾನ್ಯವಾಗಿ ಪೇಸ್ ಮೇಕರ್ಗಳಲ್ಲಿ ಲಿಥಿಯಂ ಅಯೋಡಿನ್ ಸೆಲ್ಗಳನ್ನು ಶಕ್ತಿಮೂಲವಾಗಿ ಅಳವಡಿಸಿರುತ್ತಾರೆ. ಇನ್ಸುಲಿನ್ ಪಂಪ್ಗಳಲ್ಲೂ ಇದೇ ಮಾದರಿಯ ಬ್ಯಾಟರಿ ಇರಿಸಲಾಗಿರುತ್ತದೆ. ಈ ಬಗೆಯ ಸಾಧನಗಳಿಗೆ ಎರಡು ಬಗೆಯ ಮಿತಿಗಳಿರುತ್ತವೆ. ಬ್ಯಾಟರಿ ಗರಿಷ್ಠ ಏಳು ವರ್ಷಗಳ ಕಾಲ ಬಾಳಿಕೆ ಬರಬಹುದು. ಬಳಿಕ ಆ ಬ್ಯಾಟರಿಯನ್ನು ಬದಲಿಸಬೇಕು. ಅಥವಾ ಆ ಬಗೆಯ ವೈದ್ಯಕೀಯ ಸಾಧನಗಳನ್ನೇ ಹೊಸತಾಗಿ ಅಳವಡಿಸಬೇಕು. ಇದರ ಪ್ರಮುಖ ಅನನುಕೂಲವೆಂದರೆ ಪುನಃ ಪುನಃಶಸ್ತ್ರಚಿಕಿತ್ಸೆಗೆ ಒಳಗಾಗಬೇಕು. ಈಗ ವೈದ್ಯಕೀಯ ವಿಧಾನಗಳು ಸುಧಾರಿಸಿದ್ದು, ಬಹು ಬೇಗನೇ ಶಸ್ತ್ರಚಿಕಿತ್ಸೆ ಮುಗಿಯುವ, ಗುಣವಾಗುವ ಅನುಕೂಲವಿದೆಯಾದರೂ, ಆಸ್ಪತ್ರೆಗೆ ದಾಖಲಾಗುವುದು ಹಾಗೂ ಅದಕ್ಕೆ ತಗುಲುವ ವೆಚ್ಚವನ್ನಂತೂ ತಪ್ಪಿಸಲಾಗದು.

. ಈ ಸಮಸ್ಯೆಗೆ ಈಗ ಅನ್ವೇಷಣೆಗೊಂಡಿರುವ ಹೊಸ ತಂತ್ರಜ್ಞಾನ ಪೂರ್ಣ ವಿರಾಮ ಹಾಕಲಿದೆ. ಒಮ್ಮೆ ಈ ಸಾಧನಗಳನ್ನು ಶಸ್ತ್ರಚಿಕಿತ್ಸೆಯ ಮೂಲಕ ದೇಹಕ್ಕೆ ಅಳವಡಿಸಿಕೊಂಡರೆ ಪೂರ್ಣ ಜೀವಿತಾಧಿಯವರೆಗೂ ಅದರೊಳಗಿನ ವಿದ್ಯುತ್ ಮುಗಿಯುವುದೇ ಇಲ್ಲ. ವಾಸ್ತವದಲ್ಲಿ ಈ ಹೊಸ ತಂತ್ರಜ್ಞಾನದಲ್ಲಿ ಈ ಸಾಧನಗಳ ಒಳಗೆ ಬ್ಯಾಟರಿಯನ್ನೇ ಇರಿಸುವುದಿಲ್ಲ!

. ಹೌದು, ಈ ಹೊಸ ತಂತ್ರಜ್ಞಾನದಲ್ಲಿ ಬ್ಯಾಟರಿಯ ಅಗತ್ಯವೇ ಬರುವುದಿಲ್ಲ. ಸ್ವಿಟ್ಸರ್ಲ್ಯಾಂಡಿನ ಜ್ಯೂರಿಚ್ನ ಬೇಸಲ್ ನಗರದಲ್ಲಿರುವ ‘ಸ್ವಿಸ್ ಫೆಡರಲ್ ಇನ್ಸ್ಟಿಟ್ಯೂಟ್ ಆಫ್ ಟೆಕ್ನಾಲಜಿ’ (ಇಟಿಎಚ್) ಸಂಸ್ಥೆಯ ಜೀವವ್ಯವಸ್ಥೆ ವಿಜ್ಞಾನ ಮತ್ತು ಎಂಜಿನಿಯರಿಂಗ್ ವಿಭಾಗದ ಮಾರ್ಟಿನ್ ಫಸನೆಗರ್ ಅವರ ತಂಡವು ಈ ಸಂಶೋಧನೆಯನ್ನು ನಡೆಸಿದೆ. ಈ ತಂತ್ರಜ್ಞಾನ ತೀರಾ ಸಂಕೀರ್ಣವೂ ಆಗಿಲ್ಲ. ಹೊಸತಾಗಿ ಸಂಶೋಧನೆಯೊಂದನ್ನು ಮಾಡದೇ ಹಾಲಿ ಇರುವ ವೈಜ್ಞಾನಿಕ ತತ್ವಗಳು ಹಾಗೂ ಸಿದ್ಧಾಂತಗಳನ್ನು ಬಳಸಿಕೊಂಡು ಈ ಆವಿಷ್ಕಾರವನ್ನು ಮಾಡಿದ್ದಾರೆ.

. ಮಾನವದೇಹವು ಕಾರ್ಯನಿರ್ವಹಿಸುವ ವಿಧಾನವನ್ನು ಈ ವಿಜ್ಞಾನಿಗಳು ಅನುಸರಿಸಿದ್ದಾರೆ. ದೇಹವು ಆಮ್ಲಜನಕವನ್ನು ಬಳಸಿಕೊಂಡು ಪ್ರತಿ ಜೀವಕೋಶಗಳಿಗೂ ಶಕ್ತಿ ಒದಗಿಸುತ್ತದೆ. ಅಂತೆಯೇ ನಾವು ಸೇವಿಸುವ ಆಹಾರದಲ್ಲಿನ ಕಾರ್ಬೋಹೈಡ್ರೇಟ್ ಅನ್ನು ಗ್ಲೂಕೋಸ್ ಆಗಿ ಪರಿವರ್ತಿಸಿ ಶಕ್ತಿ ಉತ್ಪಾದಿಸುತ್ತದೆ. ಈ ಗ್ಲೂಕೋಸ್ ರಕ್ತದಲ್ಲಿ ಸಂಚರಿಸುತ್ತಿರುತ್ತದೆ. ಅಂದರೆ ಕಾರ್ಬೋಹೈಡ್ರೇಟ್ ನಮ್ಮ ಆಹಾರದಲ್ಲಿನ ಶಕ್ತಿಯ ಮೂಲ. ಇದೇ ಸರಳ ತತ್ವವನ್ನು ಬಳಸಿಕೊಂಡು ಕೃತಕವಾಗಿ ನ್ಯಾನೋ ಶಕ್ತಿಕೇಂದ್ರವೊಂದನ್ನು ವಿಜ್ಞಾನಿಗಳು ತಯಾರಿಸಿದ್ದಾರೆ.

. ಈ ಶಕ್ತಿಕೇಂದ್ರವನ್ನು ಪೇಸ್ ಮೇಕರ್ ಅಥವಾ ಇನ್ಸುಲಿನ್ ಪಂಪ್ ಒಳಗೆ ಇರಿಸುತ್ತಾರೆ. ಈ ಸಾಧನವು ದೇಹದಲ್ಲಿನ ರಕ್ತದಲ್ಲಿನ ಹೆಚ್ಚುವರಿ ಗ್ಲೂಕೋಸ್ ಅನ್ನು ಮೊದಲು ಗುರುತಿಸುತ್ತದೆ. ಬಳಿಕ, ಅದನ್ನು ತನ್ನೊಳಗೆ ಆಪೋಷಿಸಿಕೊಂಡು ವಿದ್ಯುತ್ ಜನರೇಟರ್ನಂತೆ ವಿದ್ಯುತ್ ಉತ್ಪಾದಿಸುತ್ತದೆ. ಆ ವಿದ್ಯುತ್ ಅನ್ನು ಪೇಸ್ ಮೇಕರ್ ಕಾರ್ಯಾಚರಣೆಗೆ ಅಥವಾ ಇನ್ಸುಲಿನ್ ಉತ್ಪಾದನೆಗೆ ಬಳಸಿಕೊಳ್ಳುತ್ತದೆ. ಈ ಎಲ್ಲ ಪ್ರಕ್ರಿಯೆಗೆ ಬೇಕಾಗುವ ವಿದ್ಯುತ್ ಅತ್ಯಲ್ಪ. ಜೊತೆಗೆ, ಇಲ್ಲಿ ವಿದ್ಯುತ್ ಉತ್ಪಾದನೆ ನಿರಂತರ. ಹಾಗಾಗಿ, ಈ ಸಾಧನಗಳ ಒಳಗೆ ಬ್ಯಾಟರಿಯನ್ನು ಅಳವಡಿಸುವ ಅಗತ್ಯವೇ ಬರುವುದಿಲ್ಲ.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ರಕ್ತವೇ ಬ್ಯಾಟರಿಗೆ ಶಕ್ತಿಮೂಲ!

ಚಿನಕುರುಳಿ | ಶನಿವಾರ, ನವೆಂಬರ್ 23 2024

ಹಿಂದಿನಿಂದಲೂ ಜೊತೆಗಿದ್ದ ಅಲ್ಪಸಂಖ್ಯಾತರು ನಮ್ಮ ಕೈ ಹಿಡಿಯಲಿಲ್ಲ: ನಿಖಿಲ್

Karnataka Bypoll Results | ಮಾಜಿ ಸಿಎಂ ಪುತ್ರರಿಗೆ ಸೋಲು: ಮೂರೂ ಕ್ಷೇತ್ರಗಳಲ್ಲಿ ‘ಕೈ’ ಜಯಭೇರಿ

Election Results | ಮಹಾರಾಷ್ಟ್ರದಲ್ಲಿ ಮಹಾಯುತಿ– ಜಾರ್ಖಂಡ್‌ನಲ್ಲಿ ಇಂಡಿಯಾ ಬಣಕ್ಕೆ ಜನಾದೇಶ

ಸರಿಯಾದ ಆಟ ಕಂಡಕೊಂಡರೆ ನನಗೆ ಅವಕಾಶ: ಗುಕೇಶ್

ಐಪಿಎಲ್ ಮೆಗಾ ಹರಾಜು ಇಂದಿನಿಂದ: ಮರುಭೂಮಿಯಲ್ಲಿ ಪಂತ್‌ಗೆ ಒಲಿಯುವುದೇ ಜಾಕ್‌ಪಾಟ್

ಪರ್ತ್‌ ಟೆಸ್ಟ್: ರಾಹುಲ್–ಯಶಸ್ವಿ ಆಟಕ್ಕೆ ಬಸವಳಿದ ಆಸ್ಟ್ರೇಲಿಯಾ

IPL: ಕುತೂಹಲ ಕೆರಳಿಸಿದ ಆರ್‌ಸಿಬಿ ತಂಡ ರಚನೆ

ಒಳನೋಟ: ಗೋಡಂಬಿಗೆ ‘ಆಪತ್ತಿನ’ ಕಾಲ

ಒಳನೋಟ | ಪೈರಸಿ ಅಪಾರ, ದೂರು ವಿರಳ

ಒಳನೋಟ: ದಾಂಪತ್ಯ ಸಾಂಗತ್ಯಗಳ ಸುತ್ತ

ಒಳನೋಟ | ಹೆಜ್ಜೆ ಹೆಜ್ಜೆಗೂ ಎಸ್‌ಐಟಿ ತನಿಖೆ

ಚಿನಕುರುಳಿ | ಶನಿವಾರ, ನವೆಂಬರ್ 23 2024

ಹಿಂದಿನಿಂದಲೂ ಜೊತೆಗಿದ್ದ ಅಲ್ಪಸಂಖ್ಯಾತರು ನಮ್ಮ ಕೈ ಹಿಡಿಯಲಿಲ್ಲ: ನಿಖಿಲ್

Karnataka Bypoll Results | ಮಾಜಿ ಸಿಎಂ ಪುತ್ರರಿಗೆ ಸೋಲು: ಮೂರೂ ಕ್ಷೇತ್ರಗಳಲ್ಲಿ ‘ಕೈ’ ಜಯಭೇರಿ

Election Results | ಮಹಾರಾಷ್ಟ್ರದಲ್ಲಿ ಮಹಾಯುತಿ– ಜಾರ್ಖಂಡ್‌ನಲ್ಲಿ ಇಂಡಿಯಾ ಬಣಕ್ಕೆ ಜನಾದೇಶ