ಕಿತ್ತೂರು ವಿಜಯೋತ್ಸವ: ಚನ್ನಮ್ಮ ಹತ್ಯಾಳೋ ರಥ...

ಲಾವಣಿ ಗೀ ಗೀ ದುಂದುಮೆ ಕೋಲುಪದ ಹಂತಿಪದ ಗರತಿಹಾಡುಗಳಲ್ಲಿ ಸಿಕ್ಕ ಸಾಲುಗಳು ಈಗ ಕಿತ್ತೂರು ಸಂಸ್ಥಾನ ಇತಿಹಾಸ ಕಟ್ಟಿಕೊಟ್ಟಿವೆ. ಜನಪದರು ಕೇವಲ ಭಾವನಿಷ್ಠರಾಗದೇ ವೈಚಾರಿಕ ನಿಷ್ಠರಾಗಿಯೂ ಹಾಡಿದ್ದಾರೆ. ರಾಣಿ ಅಥವಾ ರಾಜನ ಬಗ್ಗೆ ಅವರು ಕಂಡದ್ದನ್ನು ಕಂಡಂತೆ ಹಾಡಿದ್ದಾರೆ. ಉಪಮೆಗಳನ್ನು ಬಳಸಿ ಅಲಂಕಾರಗಳನ್ನು ಪ್ರಯೋಗಿಸಿಲ್ಲ. ಕಿತ್ತೂರು ದೊರೆಗಳು ಜನಪದ ಕಲಾವಿದರಿಗೆ ಆಶ್ರಯ ನೀಡಿದ್ದರು. ಹೀಗಾಗಿ ಅವರ ಪದಗಳೇ ನಿಖರ ಇತಿಹಾಸ ಹೇಳುತ್ತವೆ ಎಂಬುದನ್ನು ಪ್ರೊ.ಸಿ.ಕೆ. ನಾವಲಗಿ ಅವರು ‘ಕಿತ್ತೂರು ಸಂಸ್ಥಾನ; ಜನಕಥನದ ಅನುಸಂಧಾನ’ ಕೃತಿಯಲ್ಲಿ ಸ್ಪಷ್ಟಪಡಿಸಿದ್ದಾರೆ.