ಸಮುದ್ರದಲ್ಲಿದ್ದಾಗ ಸಮುದ್ರ ಕಾಣದು!

ಸಮುದ್ರದ ದೊಡ್ಡ ಮೀನನ್ನು ಸಣ್ಣ ಮೀನೊಂದು ಕೇಳಿತು: ‘ಅಜ್ಜ! ಅಜ್ಜ!! ಎಲ್ಲರೂ ಸಮುದ್ರ, ಸಮುದ್ರ ಅಂತ ಹೇಳ್ತಾ ಇರ್ತಾರೆ. ನೀನು ತುಂಬ ದೊಡ್ಡವ, ವಯಸ್ಸಾದವ. ನೀನು ಸಮುದ್ರವನ್ನು ನೋಡಿರಬಹುದು. ಹೌದು, ಸಮುದ್ರ ಹೇಗಿರುತ್ತೆ ಅಂತ ಹೇಳ್ತೀಯಾ ಅಜ್ಜಾ, ನಾನು ತುಂಬ ದಿನಗಳಿಂದ ಹುಡುಕುತ್ತಿರುವೆ?’

. ‘ಈಗ ನೀನು ಇರುವುದೇ ಸಮುದ್ರದಲ್ಲಿ, ಈಜುತ್ತಿರುವುದೇ ಸಮುದ್ರದಲ್ಲಿ, ನಿನ್ನ ಮನೆಯೇ ಸಮುದ್ರ’ ಎಂದಿತು ದೊಡ್ಡ ಮೀನು.

. ‘ಹೌದಾ?! ಇದು ನೀರು; ನಾನು ಕೇಳಿದ್ದು ಸಮುದ್ರ. ತಿಳಿದಿದ್ದರೆ ಹೇಳಬೇಕು; ಇಲ್ಲ ಅಂದ್ರೆ ಏನೇನೋ ಹೇಳಲು ಹೋಗಬಾರದು’ ಎಂದು ನಿರಾಶೆಯಿಂದಲೂ ತುಸು ಕೋಪದಿಂದಲೂ ಅಲ್ಲಿಂದ ಹೊರಟುಹೋಯಿತು.

. * * *

. ಇದೊಂದು ಮಾರ್ಮಿಕವಾದ ಕಥೆ.

. ಎಷ್ಟೋ ಸಲ ಹೀಗಾಗುತ್ತದೆ: ಕನ್ನಡಕವನ್ನು ಹಾಕಿಕೊಂಡಿರುತ್ತೇವೆ; ಆದರೆ ಅದನ್ನು ಎಲ್ಲೋ ಇಟ್ಟಿದ್ದೇವೆ ಎಂದು ಮನೆಯೆಲ್ಲ ಹುಡುಕುತ್ತಿರುತ್ತಿವೆ! ಆರೋಗ್ಯ ಎಂದರೆ ಏನು ಎಂದು ಗೊತ್ತಾಗುವುದೇ ನಮಗೆ ಕಾಯಿಲೆ ಬಂದಾಗ!! ಆರೋಗ್ಯವಾಗಿದ್ದಾಗ ನಮಗೆ ಆರೋಗ್ಯದ ಬಗ್ಗೆ ಗಮನವೂ ಇರದು; ಅದರ ಬೆಲೆಯೂ ಗೊತ್ತಾಗದು ಅಲ್ಲವೆ?

. ನಮ್ಮ ಹುಡುಕಾಟಗಳು ಹೀಗೇ ಇರುತ್ತವೆ. ಸಂತೋಷ ಎಂದರೆ ಏನು – ಎಂದು ಹುಡುಕುತ್ತಿರುತ್ತೇವೆ. ಅದಕ್ಕಾಗಿ ಏನೆಲ್ಲ ಮಾಡುತ್ತೇವೆ. ನೆಮ್ಮದಿಯಾಗಿ ಒಂದೆಡೆ ಕುಳಿತು ಊಟ ಮಾಡುವುದಕ್ಕೂ ಸಮಯವಿಲ್ಲದಂತೆ ಹುಡುಕುತ್ತೇವೆ; ಮನೆಯವರೊಂದಿಗೆ ಕಾಲ ಕಳೆಯುವುದನ್ನೂ ನಿಲ್ಲಿಸಿ ಹುಡುಕುತ್ತೇವೆ; ಸಂತೋಷ ಅದರಲ್ಲಿದೆ, ಇದರಲ್ಲಿದೆ – ಎಂದು ಹುಚ್ಚರಂತೆ ಹುಡುಕುತ್ತಿರುತ್ತೇವೆ. ಈ ಹುಡುಕಾಟದಲ್ಲಿ ನಾವು ‘ಸಂತೋಷ ಎಂದರೇನು’ ಎಂದು ಪ್ರಶ್ನಿಸಿಕೊಳ್ಳುವುದನ್ನೇ ಮರೆತುಹೋಗಿರುತ್ತೇವೆ! ನಮ್ಮ ಪಾಡು ಹೇಗಿರುತ್ತದೆ ಎಂದರೆ – ಸಂತೋಷದಲ್ಲಿಯೇ ಇರುತ್ತೇವೆ; ಆದರೆ ನಮಗೆ ಅದು ಸಂತೋಷ ಎಂದು ಗೊತ್ತಿರುವುದಿಲ್ಲ. ಹೀಗಾಗಿ ಅದನ್ನು ಅಲ್ಲೂ ಇಲ್ಲೂ ಹುಡುಕುತ್ತಿರುತ್ತೇವೆ. ಆತ್ಮೀಯರ ಒಡನಾಟ, ನೆಮ್ಮದಿಯ ನಿದ್ರೆ, ರುಚಿಯಾದ ಊಟ, ಶಕ್ತಿಗೆ ಸಾರ್ಥಕತೆಯನ್ನು ಕೊಡುವ ಮೈದುಡಿತ, ನ್ಯಾಯಬುದ್ಧ ಜೀವನವಿಧಾನ, ಬೇರೊಬ್ಬರಿಗೆ ನೆರವಾಗುವುದು – ಇಂಥ ವಿವರಗಳಲ್ಲಿ ಸಂತೋಷ ಅಡಗಿರುತ್ತದೆ. ಆದರೆ ನಾವು ಅವನ್ನು ಗಮನಿಸುವುದಿಲ್ಲ, ಅಷ್ಟೆ! ಹೀಗಾಗಿ ಇವುಗಳನ್ನು ಹೊರತಾಗಿ ಸಂತೋಷ ಎಲ್ಲೋ ಇದೆಯೆಂದು ವ್ಯರ್ಥವಾಗಿ ಹುಡುಕುತ್ತಿರುತ್ತೇವೆ.

. ಸಣ್ಣ ಮೀನು ಇದ್ದದ್ದು ಸಮುದ್ರದಲ್ಲಿಯೇ. ಆದರೆ ಅದಕ್ಕೆ ಅದರ ಅರಿವು ಇಲ್ಲವಾಗಿತ್ತು. ನಮ್ಮ ನಿತ್ಯಜೀವನದ ವಿವರಗಳೇ ಸಂತೋಷಮಯ. ಆದರೆ ಅದರ ಅರಿವು ನಮಗೆ ಇಲ್ಲವಾಗಿರುತ್ತದೆ. ಯಾರಾದರೂ ಈ ಸಂಗತಿಯನ್ನು ನಮ್ಮ ಗಮನಕ್ಕೆ ತಂದರೂ ನಾವು ಅದನ್ನು ಒಪ್ಪಲು ಸಿದ್ಧವಿರುವುದಿಲ್ಲ. ಏಕೆಂದರೆ ನಮ್ಮ ಮುಂದಿರುವ ವಾಸ್ತವವನ್ನು ನಂಬುವುದಕ್ಕಿಂತಲೂ ಊಹೆಯೇ ನಮಗೆ ಹೆಚ್ಚು ಸತ್ಯವಾಗಿರುತ್ತದೆ! ಜೀವನದ ವಾಸ್ತವಗಳನ್ನು ಸ್ವೀಕರಿಸಿದಷ್ಟೂ ನಾವು ಸಂತೋಷಕ್ಕೂ ಹತ್ತಿರವಾಗುತ್ತಿರುತ್ತೇವೆ.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಸಮುದ್ರದಲ್ಲಿದ್ದಾಗ ಸಮುದ್ರ ಕಾಣದು!

ಚಿನಕುರುಳಿ | ಗುರುವಾರ, ನವೆಂಬರ್ 21 2024

ಚುರುಮುರಿ: ದುಡ್ಡಿನ ದಾರಿ

ದಿನ ಭವಿಷ್ಯ: ಈ ರಾಶಿಯವರು ಉಪಕಾರ ಮಾಡದಿದ್ದರೂ ಕೆಡುಕು ಬಯಸದಿರಿ

ಅದಾನಿಯನ್ನು ಈಗಲೇ ಬಂಧಿಸಿ, ಸೆಬಿ ಮುಖ್ಯಸ್ಥರನ್ನು ತನಿಖೆಗೊಳಪಡಿಸಿ: ರಾಹುಲ್ ಗಾಂಧಿ

ಬೆಂಗಳೂರು ಮೊದಲ ಟೆಸ್ಟ್‌ಗೆ ಚಿನ್ನದ ಹೊಳಪು

Aus Vs IND Test: 24ರಂದು ಪರ್ತ್ ತಲುಪಲಿರುವ ರೋಹಿತ್ ಶರ್ಮಾ

ಚೀನಾ ಮಾಸ್ಟರ್ಸ್‌ ಬ್ಯಾಡ್ಮಿಂಟನ್: ಲಕ್ಷ್ಯ ಸೇನ್‌ ಕ್ವಾರ್ಟರ್‌ಗೆ

ಬಾಬಾ ಕೀ ಜೈ ಹೋ... ಮಾಂಜ್ರೇಕರ್‌ಗೆ ಮೊಹಮ್ಮದ್ ಶಮಿ ಮಾತಿನ ‘ತಿವಿತ’

ಒಳನೋಟ | ಪೈರಸಿ ಅಪಾರ, ದೂರು ವಿರಳ

ಒಳನೋಟ: ದಾಂಪತ್ಯ ಸಾಂಗತ್ಯಗಳ ಸುತ್ತ

ಒಳನೋಟ | ಹೆಜ್ಜೆ ಹೆಜ್ಜೆಗೂ ಎಸ್‌ಐಟಿ ತನಿಖೆ

ಒಳನೋಟ | ‘ಅಕ್ರಮ ವಲಸೆ’: ನೆಲೆ ವಿಸ್ತಾರ

ಚಿನಕುರುಳಿ | ಗುರುವಾರ, ನವೆಂಬರ್ 21 2024

ಚುರುಮುರಿ: ದುಡ್ಡಿನ ದಾರಿ

ದಿನ ಭವಿಷ್ಯ: ಈ ರಾಶಿಯವರು ಉಪಕಾರ ಮಾಡದಿದ್ದರೂ ಕೆಡುಕು ಬಯಸದಿರಿ

ಅದಾನಿಯನ್ನು ಈಗಲೇ ಬಂಧಿಸಿ, ಸೆಬಿ ಮುಖ್ಯಸ್ಥರನ್ನು ತನಿಖೆಗೊಳಪಡಿಸಿ: ರಾಹುಲ್ ಗಾಂಧಿ