5ಜಿ ಹರಾಜು: ಜಿಯೊದಿಂದ ಅತಿ ಹೆಚ್ಚಿನ ಬಿಡ್

ನವದೆಹಲಿ: ದೂರಸಂಪರ್ಕ ತರಂಗಾಂತರಗಳ ಅತಿ ದೊಡ್ಡ ಹರಾಜು ಪ್ರಕ್ರಿಯೆಯಲ್ಲಿ 5ಜಿ ತರಂಗಾಂತರಗಳಿಗೆ ಒಟ್ಟು ₹ 1.50 ಲಕ್ಷ ಕೋಟಿ ಮೌಲ್ಯದ ಬಿಡ್ಗಳು ಸಲ್ಲಿಕೆಯಾಗಿವೆ.

. ಮುಕೇಶ್ ಅಂಬಾನಿ ಮಾಲೀಕತ್ವದ ರಿಲಯನ್ಸ್ ಜಿಯೊ ಕಂಪನಿಯು ಸರಿಸುಮಾರು ಶೇಕಡ 50ರಷ್ಟು ತರಂಗಾಂತರಗಳಿಗೆ ಬಿಡ್ ಸಲ್ಲಿಸಿದೆ. ಜಿಯೊ ಸಲ್ಲಿಸಿರುವ ಬಿಡ್ ಮೊತ್ತ ₹ 88,078 ಕೋಟಿ.

. ದೇಶದ ಅತ್ಯಂತ ಶ್ರೀಮಂತವ್ಯಕ್ತಿಯಾಗಿರುವ ಗೌತಮ್ ಅದಾನಿ ಮಾಲೀಕತ್ವದ ಕಂಪನಿಯು ಒಟ್ಟು ₹ 212 ಕೋಟಿ ಮೌಲ್ಯದ ತರಂಗಾಂತರಗಳಿಗೆ ಬಿಡ್ ಸಲ್ಲಿಸಿದೆ. ಅದಾನಿ ಅವರ ಕಂಪನಿಯು ಪಡೆಯಲಿರುವ ತರಂಗಾಂತರಗಳು ಸಾರ್ವಜನಿಕ ನೆಟ್ವರ್ಕ್ ಸ್ಥಾಪಿಸಲು ಬಳಕೆ ಆಗುವುದಿಲ್ಲ.

. ಸುನೀಲ್ ಭಾರ್ತಿ ಮಿತ್ತಲ್ ಮಾಲೀಕತ್ವದ ಭಾರ್ತಿ ಏರ್ಟೆಲ್ ಕಂಪನಿಯು ಒಟ್ಟು ₹ 43,084 ಕೋಟಿ ಮೌಲ್ಯದ ಬಿಡ್ ಸಲ್ಲಿಸಿದೆ. ವೊಡಾಫೋನ್ ಐಡಿಯಾ ಕಂಪನಿಯು ₹ 18,799 ಕೋಟಿ ಮೌಲ್ಯದ ಬಿಡ್ ಸಲ್ಲಿಸಿದೆ.

. ಹರಾಜಿನ ಮೂಲಕ ಮಾರಾಟಕ್ಕೆ ಇದ್ದ ತರಂಗಾಂತರಗಳ ಪೈಕಿ ಶೇಕಡ 71ರಷ್ಟು ಮಾರಾಟವಾಗಿವೆ ಎಂದು ಕೇಂದ್ರ ದೂರ ಸಂಪರ್ಕ ಸಚಿವ ಅಶ್ವಿನಿ ವೈಷ್ಣವ್ ಹೇಳಿದ್ದಾರೆ. ಸಲ್ಲಿಕೆಯಾಗಿರುವ ಒಟ್ಟು ಬಿಡ್ ಮೊತ್ತದಲ್ಲಿ ಕೇಂದ್ರ ಸರ್ಕಾರಕ್ಕೆ ಮೊದಲ ವರ್ಷದಲ್ಲಿ ₹ 13,365 ಕೋಟಿ ಸಿಗಲಿದೆ.

. 2010ರಲ್ಲಿ ನಡೆದ 3ಜಿ ತರಂಗಾಂತರಗಳ ಹರಾಜಿನ ಮೂಲಕ ಒಟ್ಟು ₹ 50,968 ಕೋಟಿ ಸಂಗ್ರಹಿಸಲಾಗಿತ್ತು.

. ರಿಲಯನ್ಸ್ ಜಿಯೊ ಕಂಪನಿಯು ಐದು ಬ್ಯಾಂಡ್ಗಳಲ್ಲಿನ ತರಂಗಾಂತರಗಳಿಗೆ ಬಿಡ್ಸಲ್ಲಿಸಿದೆ. ಭಾರಿ ಬೇಡಿಕೆಯ 700 ಮೆಗಾ ಹರ್ಟ್ಜ್ ತರಂಗಾಂತರವನ್ನು ಜಿಯೊಖರೀದಿಸಿದೆ. ಈ ತರಂಗಾಂತರ ಬಳಸಿ ಒಂದು ಟವರ್ನಿಂದ 6ರಿಂದ 10 ಕಿ.ಮೀ. ದೂರದವರೆಗೆ ಸಂಪರ್ಕ ಒದಗಿಸಬಹುದು. ದೇಶದ ಅಷ್ಟೂ ದೂರಸಂಪರ್ಕ ವೃತ್ತಗಳಲ್ಲಿ (ಒಟ್ಟು 22 ವೃತ್ತಗಳು) ಈ ತರಂಗಾಂತರವನ್ನು ಜಿಯೊ ಖರೀದಿಸಿದೆ.

. ಅದಾನಿ ಸಮೂಹವು ಖಾಸಗಿ ನೆಟ್ವರ್ಕ್ ಸ್ಥಾಪನೆಗೆ ಅಗತ್ಯವಿರುವ ತರಂಗಾಂತರಗಳನ್ನು ಗುಜರಾತ್, ಮುಂಬೈ, ಕರ್ನಾಟಕ, ತಮಿಳುನಾಡು, ರಾಜಸ್ಥಾನ ಮತ್ತು ಆಂಧ್ರಪ್ರದೇಶ ದೂರಸಂಪರ್ಕ ವೃತ್ತಗಳಲ್ಲಿ ಪಡೆದುಕೊಂಡಿದೆ.

. ಏರ್ಟೆಲ್ ಕಂಪನಿಯು 700 ಮೆಗಾ ಹರ್ಟ್ಜ್ ತರಂಗಾಂತರವನ್ನು ಖರೀದಿಸಿಲ್ಲ. ‘ಹರಾಜಿನ ಮೂಲಕ ಖರೀದಿಸಿರುವ ತರಂಗಾಂತರಗಳು ದೇಶದ ಅಷ್ಟೂ ದೂರಸಂಪರ್ಕ ವೃತ್ತಗಳಲ್ಲಿ ಸೇವೆ ಆರಂಭಿಸಲು ಸಾಕು. ಇನ್ನು 2–3 ವರ್ಷಗಳಲ್ಲಿ ಒಳ್ಳೆಯ 5ಜಿ ಸಂಪರ್ಕ ಸಾಧ್ಯವಾಗಲಿದೆ’ ಎಂದು ವೈಷ್ಣವ್ ಹೇಳಿದ್ದಾರೆ.

. 5ಜಿ ತರಂಗಾಂತರಗಳ ಹಂಚಿಕೆಯು ಇದೇ 10ರೊಳಗೆ ಪೂರ್ಣಗೊಳ್ಳಲಿದ್ದು, ಸೇವೆಗಳು ಅಕ್ಟೋಬರ್ನಿಂದ ಶುರುವಾಗುವ ಸಾಧ್ಯತೆ ಇದೆ. ಕರೆ ಗುಣಮಟ್ಟ ಕೂಡ ಸುಧಾರಣೆ ಕಾಣುವ ನಿರೀಕ್ಷೆ ಇದೆ.

. 5ಜಿ ಸೇವೆ ಶುರುವಾದ ನಂತರ...

. *ಬಳಕೆದಾರರು ಜಾಸ್ತಿ ಇರುವ ಪ್ರದೇಶದಲ್ಲಿಯೂ ದೊಡ್ಡ ಕಡತಗಳನ್ನು (ಉದಾಹರಣೆಗೆ, ಉತ್ತಮ ದೃಶ್ಯ ಗುಣಮಟ್ಟದ ಸಿನಿಮಾಗಳನ್ನು) ಕೆಲವೇ ಸೆಕೆಂಡ್ಗಳಲ್ಲಿ ಡೌನ್ಲೋಡ್ ಮಾಡಿಕೊಳ್ಳಬಹುದು

. *4ಜಿ ಸೇವೆಗಳಲ್ಲಿ ಲಭ್ಯವಾಗುವುದಕ್ಕಿಂತ ಹತ್ತು ಪಟ್ಟು ಹೆಚ್ಚು ವೇಗದ ಇಂಟರ್ನೆಟ್ ಸಂಪರ್ಕ ಲಭ್ಯವಾಗಲಿದೆ

. *ಇಂಟರ್ನೆಟ್ ಮೂಲಕ ಸಂಪರ್ಕಿತವಾಗಿರುವ ಡಿಜಿಟಲ್ ಸಾಧನಗಳು ದತ್ತಾಂಶಗಳನ್ನು ತಕ್ಷಣದಲ್ಲಿ ಹಂಚಿಕೊಳ್ಳಲು ಸಾಧ್ಯವಾಗಲಿದೆ

. *ಟೆಲಿ ಮೆಡಿಸಿನ್, ಚಾಲಕರಹಿತ ಕಾರು, ಡ್ರೋನ್ ಆಧರಿತ ಕೃಷಿ ನಿಗಾ ವ್ಯವಸ್ಥೆಯಲ್ಲಿ ದೊಡ್ಡ ಬದಲಾವಣೆ ಆಗಬಹುದು

. *ಇಂಟರ್ನೆಟ್ ಆಫ್ ಥಿಂಗ್ಸ್ನಂತಹ (ಐಒಟಿ) ಉದಯೋನ್ಮುಖ ತಂತ್ರಜ್ಞಾನಗಳಿಗೆ 5ಜಿ ಸೇವೆಗಳು ಬೆನ್ನೆಲುಬಾಗಿ ನಿಲ್ಲುವ ನಿರೀಕ್ಷೆಯಿದೆ.

****

ಈ ಬಾರಿ ಹರಾಜಿಗೆ ಇರಿಸಿದ್ದ ತರಂಗಾಂತರಗಳ ಮೌಲ್ಯ:₹ 4.3 ಲಕ್ಷ ಕೋಟಿ

. ತರಂಗಾಂತರಗಳಿಗೆ ಸಲ್ಲಿಕೆಯಾಗಿರುವ ಬಿಡ್ಗಳ ಒಟ್ಟು ಮೌಲ್ಯ:₹ 1.50 ಲಕ್ಷ ಕೋಟಿ

****

. ಭಾರತವು 5ಜಿ ಯುಗಕ್ಕೆ ಕಾಲಿರಿಸುವ ಪ್ರಕ್ರಿಯೆಗೆ ನಾಯಕತ್ವ ನೀಡಲು ಜಿಯೊ ಸಜ್ಜಾಗಿದೆ. ನಾವು ಸ್ವಾತಂತ್ರ್ಯದ ಅಮೃತ ಮಹೋತ್ಸವವನ್ನು ದೇಶದಾದ್ಯಂತ 5ಜಿ ಸೇವೆ ಆರಂಭಿಸುವ ಮೂಲಕ ಆಚರಿಸಲಿದ್ದೇವೆ

. ಆಕಾಶ್ ಅಂಬಾನಿ ಅಧ್ಯಕ್ಷ, ಜಿಯೊ ಇನ್ಫೊಕಾಮ್

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

5ಜಿ ಹರಾಜು: ಜಿಯೊದಿಂದ ಅತಿ ಹೆಚ್ಚಿನ ಬಿಡ್

ಚಿನಕುರುಳಿ | ಶುಕ್ರವಾರ, ನವೆಂಬರ್ 22 2024

ಚುರುಮುರಿ: ಐಪಿಎಲ್- ಬಿಪಿಎಲ್!

ದಿನ ಭವಿಷ್ಯ: ಈ ರಾಶಿಯವರಿಗೆ ದೇವತಾನುಗ್ರಹ ಸಂಪೂರ್ಣವಾಗಿ ಇರಲಿದೆ

ಮಾಜಿ ಸಚಿವ ಬಿ.ಸಿ. ನಾಗೇಶ್‌ ಮನೆಯಲ್ಲಿ ಬಿಜೆಪಿ ಭಿನ್ನಮತೀಯರು

IND vs AUS Perth Test: ರಾಹುಲ್ ನಾಟೌಟ್..ಔಟ್!

ಸೈಯದ್ ಮುಷ್ತಾಕ್ ಅಲಿ ಟಿ20 ಕ್ರಿಕೆಟ್ ಟೂರ್ನಿ ಇಂದಿನಿಂದ: ತಾರಾ ಆಟಗಾರರ ರಂಗು

ಯೋಧಾಸ್ ಗೆಲುವಿನಲ್ಲಿ ಮಿಂಚಿದ ಭವಾನಿ ರಜಪೂತ್

ಫುಟ್‌ಬಾಲ್‌: ಎಜಿಒಆರ್‌ಸಿ ತಂಡಕ್ಕೆ ಗೆಲುವು

ಒಳನೋಟ | ಪೈರಸಿ ಅಪಾರ, ದೂರು ವಿರಳ

ಒಳನೋಟ: ದಾಂಪತ್ಯ ಸಾಂಗತ್ಯಗಳ ಸುತ್ತ

ಒಳನೋಟ | ಹೆಜ್ಜೆ ಹೆಜ್ಜೆಗೂ ಎಸ್‌ಐಟಿ ತನಿಖೆ

ಒಳನೋಟ | ‘ಅಕ್ರಮ ವಲಸೆ’: ನೆಲೆ ವಿಸ್ತಾರ

ಚಿನಕುರುಳಿ | ಶುಕ್ರವಾರ, ನವೆಂಬರ್ 22 2024

ಚುರುಮುರಿ: ಐಪಿಎಲ್- ಬಿಪಿಎಲ್!

ದಿನ ಭವಿಷ್ಯ: ಈ ರಾಶಿಯವರಿಗೆ ದೇವತಾನುಗ್ರಹ ಸಂಪೂರ್ಣವಾಗಿ ಇರಲಿದೆ

ಮಾಜಿ ಸಚಿವ ಬಿ.ಸಿ. ನಾಗೇಶ್‌ ಮನೆಯಲ್ಲಿ ಬಿಜೆಪಿ ಭಿನ್ನಮತೀಯರು