<p><strong>ನವದೆಹಲಿ:</strong> ಭಾರತೀಯ ರೈಲ್ವೆಗೆ ಸಂಬಂಧಿಸಿದ ಸರ್ಕಾರಿ ಸ್ವಾಮ್ಯದ ಮತ್ತೊಂದು ಸಂಸ್ಥೆಯ ಆರಂಭಿಕ ಷೇರು ಮಾರಾಟಕ್ಕೆ ಚಾಲನೆ ಸಿಗಲಿದೆ. ಫೆಬ್ರುವರಿ 16ರಿಂದ ರೈಲ್ಟೆಲ್ ಕಾರ್ಪೊರೇಷನ್ ಆಫ್ ಇಂಡಿಯಾದ ಷೇರು ಖರೀದಿಗೆ ಸಾರ್ವಜನಿಕರು ಬಿಡ್ ಸಲ್ಲಿಸಬಹುದಾಗಿದೆ.</p>.<p>ಸಾರ್ವಜನಿಕರಿಗೆ ಖರೀದಿಗೆ ಮುಕ್ತವಾಗಿಸುವ ಪ್ರಕ್ರಿಯೆಯ (ಐಪಿಒ) ಮೂಲಕ ಕೇಂದ್ರ ಸರ್ಕಾರವು ರೈಲ್ಟೆಲ್ನಲ್ಲಿ ಶೇ 27.16ರಷ್ಟು ಪಾಲುದಾರಿಕೆಯನ್ನು 8,71,53,369 ಈಕ್ವಿಟಿ ಷೇರುಗಳ ಮೂಲಕ ಮಾರಾಟ ಮಾಡಲಿದೆ. ಪ್ರತಿ ಷೇರಿಗೆ ₹93ರಿಂದ ₹94 ನಿಗದಿ ಪಡಿಸಿರುವುದಾಗಿ ಸಂಸ್ಥೆಯು ಗುರುವಾರ ಪ್ರಕಟಣೆಯಲ್ಲಿ ತಿಳಿಸಿದೆ.</p>.<p>ನಿಗದಿತ ಗರಿಷ್ಠ ಬೆಲೆಗೆ ಷೇರು ಮಾರಾಟವಾದರೂ ಸರ್ಕಾರಕ್ಕೆ ₹819 ಕೋಟಿ ಸಂಗ್ರಹವಾಗಲಿದೆ. ಐಪಿಒ ಬಿಡ್ ಸಲ್ಲಿಕೆಗೆ ಮೂರು ದಿನಗಳ ಕಾಲಾವಕಾಶವಿದ್ದು, ಫೆಬ್ರುವರಿ 18ರಂದು ಕೊನೆಯ ದಿನವಾಗಿದೆ. ಸಾಂಸ್ಥಿಕ ಹೂಡಿಕೆದಾರರಿಗೆ ಫೆಬ್ರುವರಿ 15ರಂದು ಬಿಡ್ ಸಲ್ಲಿಕೆ ಅವಕಾಶವಿದೆ.</p>.<p>ಸಾರ್ವಜನಿಕ ವಲಯದ 'ಮಿನಿ ರತ್ನ' ಸಾಲಿಗೆ ಸೇರಿರುವ ರೈಲ್ಟೆಲ್, ಭಾರತೀಯ ರೈಲ್ವೆಗಾಗಿ ಆಪ್ಟಿಕಲ್ ಫೈಬರ್ ಸಂಪರ್ಕ ವ್ಯವಸ್ಥೆ ಕಲ್ಪಿಸುವ ಬೃಹತ್ ದೂರಸಂಪರ್ಕ ಮೂಲ ಸೌಕರ್ಯ ಸಂಸ್ಥೆಯಾಗಿದೆ. ದೇಶದಾದ್ಯಂತ ಬ್ರಾಡ್ಬ್ಯಾಂಡ್ ಟೆಲಿಕಾಂ ಮತ್ತು ಮಲ್ಟಿಮೀಡಿಯಾ ಸಂಪರ್ಕವನ್ನು ಒದಗಿಸುತ್ತಿದೆ.</p>.<p>2020ರ ಜೂನ್ 30ರವರೆಗೂ ರೈಲ್ಟೆಲ್, ದೇಶದ ನಗರಗಳು ಮತ್ತು ಪಟ್ಟಣ ಪ್ರದೇಶಗಳ 5,677 ರೈಲ್ವೆ ನಿಲ್ದಾಣಗಳು ಹಾಗೂ 55,000 ಕಿ.ಮೀ. ವ್ಯಾಪ್ತಿಯಲ್ಲಿ ಆಪ್ಟಿಕ್ ಫೈಬರ್ ಸಂಪರ್ಕ ಸಾಧಿಸಿದೆ.</p>.<p>ಐಪಿಒದಲ್ಲಿ ಅರ್ಧದಷ್ಟು ಪಾಲು ಸಾಂಸ್ಥಿಕ ಹೂಡಿಕೆದಾರರಿಗೆ ಮೀಸಲಿಡಲಾಗಿದೆ. ರಿಟೇಲ್ ಹೂಡಿಕೆದಾರರಿಗೆ ಶೇ 35 ಹಾಗೂ ಶೇ 15ರಷ್ಟು ಷೇರುಗಳನ್ನು ಬೃಹತ್ ಮೊತ್ತದ ಹೂಡಿಕೆದಾರರಿಗೆ ವಿತರಿಸಲಾಗುತ್ತದೆ.</p>.<p>2018ರ ಡಿಸೆಂಬರ್ನಲ್ಲಿ ಸಚಿವ ಸಂಪುಟವು ರೈಲ್ಟೆಲ್ನಲ್ಲಿ ಐಪಿಒ ಮೂಲಕ ಸರ್ಕಾರದ ಶೇ 25ರಷ್ಟು ಪಾಲು ಮಾರಾಟಕ್ಕೆ ಅನುಮೋದನೆ ನೀಡಿತ್ತು. ಐಸಿಐಸಿಐ ಸೆಕ್ಯುರಿಟೀಸ್, ಐಡಿಬಿಐ ಕ್ಯಾಪಿಟಲ್, ಎಸ್ಬಿಐ ಕ್ಯಾಪಿಟಲ್ ಮಾರ್ಕೆಟ್ ಈ ಐಪಿಒ ವಿತರಣೆ ಪ್ರಕ್ರಿಯೆ ನಡೆಸುತ್ತಿವೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ನವದೆಹಲಿ:</strong> ಭಾರತೀಯ ರೈಲ್ವೆಗೆ ಸಂಬಂಧಿಸಿದ ಸರ್ಕಾರಿ ಸ್ವಾಮ್ಯದ ಮತ್ತೊಂದು ಸಂಸ್ಥೆಯ ಆರಂಭಿಕ ಷೇರು ಮಾರಾಟಕ್ಕೆ ಚಾಲನೆ ಸಿಗಲಿದೆ. ಫೆಬ್ರುವರಿ 16ರಿಂದ ರೈಲ್ಟೆಲ್ ಕಾರ್ಪೊರೇಷನ್ ಆಫ್ ಇಂಡಿಯಾದ ಷೇರು ಖರೀದಿಗೆ ಸಾರ್ವಜನಿಕರು ಬಿಡ್ ಸಲ್ಲಿಸಬಹುದಾಗಿದೆ.</p>.<p>ಸಾರ್ವಜನಿಕರಿಗೆ ಖರೀದಿಗೆ ಮುಕ್ತವಾಗಿಸುವ ಪ್ರಕ್ರಿಯೆಯ (ಐಪಿಒ) ಮೂಲಕ ಕೇಂದ್ರ ಸರ್ಕಾರವು ರೈಲ್ಟೆಲ್ನಲ್ಲಿ ಶೇ 27.16ರಷ್ಟು ಪಾಲುದಾರಿಕೆಯನ್ನು 8,71,53,369 ಈಕ್ವಿಟಿ ಷೇರುಗಳ ಮೂಲಕ ಮಾರಾಟ ಮಾಡಲಿದೆ. ಪ್ರತಿ ಷೇರಿಗೆ ₹93ರಿಂದ ₹94 ನಿಗದಿ ಪಡಿಸಿರುವುದಾಗಿ ಸಂಸ್ಥೆಯು ಗುರುವಾರ ಪ್ರಕಟಣೆಯಲ್ಲಿ ತಿಳಿಸಿದೆ.</p>.<p>ನಿಗದಿತ ಗರಿಷ್ಠ ಬೆಲೆಗೆ ಷೇರು ಮಾರಾಟವಾದರೂ ಸರ್ಕಾರಕ್ಕೆ ₹819 ಕೋಟಿ ಸಂಗ್ರಹವಾಗಲಿದೆ. ಐಪಿಒ ಬಿಡ್ ಸಲ್ಲಿಕೆಗೆ ಮೂರು ದಿನಗಳ ಕಾಲಾವಕಾಶವಿದ್ದು, ಫೆಬ್ರುವರಿ 18ರಂದು ಕೊನೆಯ ದಿನವಾಗಿದೆ. ಸಾಂಸ್ಥಿಕ ಹೂಡಿಕೆದಾರರಿಗೆ ಫೆಬ್ರುವರಿ 15ರಂದು ಬಿಡ್ ಸಲ್ಲಿಕೆ ಅವಕಾಶವಿದೆ.</p>.<p>ಸಾರ್ವಜನಿಕ ವಲಯದ 'ಮಿನಿ ರತ್ನ' ಸಾಲಿಗೆ ಸೇರಿರುವ ರೈಲ್ಟೆಲ್, ಭಾರತೀಯ ರೈಲ್ವೆಗಾಗಿ ಆಪ್ಟಿಕಲ್ ಫೈಬರ್ ಸಂಪರ್ಕ ವ್ಯವಸ್ಥೆ ಕಲ್ಪಿಸುವ ಬೃಹತ್ ದೂರಸಂಪರ್ಕ ಮೂಲ ಸೌಕರ್ಯ ಸಂಸ್ಥೆಯಾಗಿದೆ. ದೇಶದಾದ್ಯಂತ ಬ್ರಾಡ್ಬ್ಯಾಂಡ್ ಟೆಲಿಕಾಂ ಮತ್ತು ಮಲ್ಟಿಮೀಡಿಯಾ ಸಂಪರ್ಕವನ್ನು ಒದಗಿಸುತ್ತಿದೆ.</p>.<p>2020ರ ಜೂನ್ 30ರವರೆಗೂ ರೈಲ್ಟೆಲ್, ದೇಶದ ನಗರಗಳು ಮತ್ತು ಪಟ್ಟಣ ಪ್ರದೇಶಗಳ 5,677 ರೈಲ್ವೆ ನಿಲ್ದಾಣಗಳು ಹಾಗೂ 55,000 ಕಿ.ಮೀ. ವ್ಯಾಪ್ತಿಯಲ್ಲಿ ಆಪ್ಟಿಕ್ ಫೈಬರ್ ಸಂಪರ್ಕ ಸಾಧಿಸಿದೆ.</p>.<p>ಐಪಿಒದಲ್ಲಿ ಅರ್ಧದಷ್ಟು ಪಾಲು ಸಾಂಸ್ಥಿಕ ಹೂಡಿಕೆದಾರರಿಗೆ ಮೀಸಲಿಡಲಾಗಿದೆ. ರಿಟೇಲ್ ಹೂಡಿಕೆದಾರರಿಗೆ ಶೇ 35 ಹಾಗೂ ಶೇ 15ರಷ್ಟು ಷೇರುಗಳನ್ನು ಬೃಹತ್ ಮೊತ್ತದ ಹೂಡಿಕೆದಾರರಿಗೆ ವಿತರಿಸಲಾಗುತ್ತದೆ.</p>.<p>2018ರ ಡಿಸೆಂಬರ್ನಲ್ಲಿ ಸಚಿವ ಸಂಪುಟವು ರೈಲ್ಟೆಲ್ನಲ್ಲಿ ಐಪಿಒ ಮೂಲಕ ಸರ್ಕಾರದ ಶೇ 25ರಷ್ಟು ಪಾಲು ಮಾರಾಟಕ್ಕೆ ಅನುಮೋದನೆ ನೀಡಿತ್ತು. ಐಸಿಐಸಿಐ ಸೆಕ್ಯುರಿಟೀಸ್, ಐಡಿಬಿಐ ಕ್ಯಾಪಿಟಲ್, ಎಸ್ಬಿಐ ಕ್ಯಾಪಿಟಲ್ ಮಾರ್ಕೆಟ್ ಈ ಐಪಿಒ ವಿತರಣೆ ಪ್ರಕ್ರಿಯೆ ನಡೆಸುತ್ತಿವೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
