<p><strong>ಬೆಂಗಳೂರು</strong>: ನಗರದಲ್ಲಿ ಕೋವಿಡ್ ಸಾಂಕ್ರಾಮಿಕ ರೋಗ ನಿಯಂತ್ರಣ, ರೋಗ ಪತ್ತೆಯ ಪರೀಕ್ಷೆ (ಆರ್ಟಿಪಿಸಿಆರ್), ಆಕ್ಸಿಜನ್ ಸಿಲಿಂಡರ್, ಸೊಳ್ಳೆ ನಿಯಂತ್ರಣಕ್ಕೆ ಔಷಧ ಸಿಂಪಡಿಸುವ ವೆಚ್ಚಗಳಲ್ಲಿ ಅಕ್ರಮವಾಗಿದ್ದು, ಕೋಟ್ಯಂತರ ರೂಪಾಯಿಯನ್ನು ಹೆಚ್ಚುವರಿಯಾಗಿ ಪಾವತಿ ಮಾಡಲಾಗಿದೆ.</p>.<p>ಕೋವಿಡ್ ನಿಯಂತ್ರಣದ ವೆಚ್ಚಗಳ ಪಾವತಿ ಬಿಲ್ಗಳಲ್ಲಿ ದರ ವ್ಯತ್ಯಾಸ ಹಾಗೂ ಇತರೆ ನ್ಯೂನತೆಗಳು ಕಂಡುಬಂದಿವೆ. ಸರ್ಕಾರ ನಿಗದಿಪಡಿಸಿರುವುದಕ್ಕಿಂತ ಹೆಚ್ಚು ಹಣವನ್ನು ಪಾವತಿಸಲಾಗಿದೆ. ಆರ್ಟಿಪಿಸಿಆರ್ನಲ್ಲಿಯೇ ಅತಿಹೆಚ್ಚು ಅಕ್ರಮಗಳು ನಡೆದಿರುವುದು ಬಿಬಿಎಂಪಿಯ ಮುಖ್ಯ ಲೆಕ್ಕಪರಿಶೋಧಕರ 2021–22ನೇ ಸಾಲಿನ ವರದಿಯಲ್ಲಿ ಬಹಿರಂಗವಾಗಿದೆ.</p>.<p>ಕೇಂದ್ರ ವಲಯದ ಸಾರ್ವಜನಿಕ ಆರೋಗ್ಯದ ಮುಖ್ಯ ಆರೋಗ್ಯಾಧಿಕಾರಿ ಆರ್ಟಿಪಿಸಿಆರ್ ಪರೀಕ್ಷೆಗಳಿಗೆ ಸರ್ಕಾರದ ನಿಗದಿತ ವೆಚ್ಚಕ್ಕಿಂತ 15 ಡಿಸಿ ಬಿಲ್ಗಳಲ್ಲಿ ₹57.23 ಲಕ್ಷ ಪಾವತಿಸಿದ್ದಾರೆ. ಕೋವಿಡ್ ಕೇರ್ ಸೆಂಟರ್ಗಳಲ್ಲಿನ ವೈದ್ಯಕೀಯ ಸಿಬ್ಬಂದಿಗೆ ಗರಿಷ್ಠ ದಿನಕ್ಕಿಂತ ಹೆಚ್ಚು ವೆಚ್ಚ ಭರಿಸಲಾಗಿದೆ. ಜೊತೆಗೆ ಆರ್ಟಿಪಿಸಿಆರ್ ಪರೀಕ್ಷೆಗೆ ಮಾನವ ಸಂಪನ್ಮೂಲ ಒದಗಿಸಿರುವುದಕ್ಕೆ ₹8.59 ಕೋಟಿ ಕಿದ್ವಾಯಿ ಸಂಸ್ಥೆಯಿಂದ ಪಾಲಿಕೆಗೆ ಪಾವತಿಯಾಗಿಲ್ಲ. ಮಾಲಿಕ್ಯುಲಾರ್ ಸಲ್ಯೂಷನ್ ಸಂಸ್ಥೆಗೂ ₹2.71 ಕೋಟಿ ಹೆಚ್ಚಾಗಿ ನೀಡಲಾಗಿದೆ.</p>.<p>141 ಪ್ರಾಥಮಿಕ ಆರೋಗ್ಯ ಕೇಂದ್ರಗಳಲ್ಲಿ ಗಂಟಲಿನ ದ್ರವ ಪರೀಕ್ಷೆಗಳನ್ನು ಯುರೊಫಿನ್ ಮತ್ತು ಹೈಬ್ರಿನೊಮಿಕ್ಸ್ ಸಂಸ್ಥೆಗಳು ನಡೆಸಿದ್ದು, ಅವರಿಗೆ ಪಾವತಿ ಮಾಡಬೇಕಿದ್ದಕ್ಕಿಂತ ಹೆಚ್ಚಾಗಿ ₹3.68 ಲಕ್ಷವನ್ನು ಕೇಂದ್ರ ವಲಯದ ಸಾರ್ವಜನಿಕ ಆರೋಗ್ಯದ ಮುಖ್ಯ ಆರೋಗ್ಯಾಧಿಕಾರಿ ವತಿಯಿಂದ ಪಾವತಿಸಲಾಗಿದೆ. ಆಂಬುಲೆನ್ಸ್ಗಳನ್ನು ಖಾಸಗಿ ಸಂಸ್ಥೆಗಳಿಂದ ನಿಯೋಜಿಸಿಕೊಳ್ಳಲಾಗಿದ್ದು, ಅವುಗಳ ಸಂಖ್ಯೆ ಹಾಗೂ ಪಾವತಿಯಲ್ಲಿ ₹24.70 ಲಕ್ಷದಷ್ಟು ಆಕ್ಷೇಪಣೆ ವ್ಯಕ್ತವಾಗಿದ್ದು, ವಸೂಲಿಗೆ ಸೂಚಿಸಲಾಗಿದೆ.</p>.<p>ಆರ್ಟಿಪಿಸಿಆರ್ ಪರೀಕ್ಷೆ ನಡೆಸಲು ಸರ್ಕಾರ ನಿಗದಿಪಡಿಸಿರುವುದಕ್ಕಿಂತ ಹೆಚ್ಚಿನ ಸಾಮರ್ಥ್ಯದ ಕಾರ್ಯಕ್ಕೆ ನ್ಯೂಬರ್ಗ್ ಆನಂದ್ ರೆಫೆರಲ್ ಆಸ್ಪತ್ರೆಗೆ ಹೆಚ್ಚುವರಿಯಾಗಿ ₹10.23 ಕೋಟಿಯನ್ನು ಮುಖ್ಯ ಆರೋಗ್ಯಾಧಿಕಾರಿಯಿಂದ ಪಾವತಿಸಲಾಗಿದೆ. ಮತ್ತೊಂದು ಪ್ರಕರಣದಲ್ಲಿ, ಆಯುಕ್ತರ ಸುತ್ತೋಲೆಯನ್ನು ಉಲ್ಲಂಘಿಸಿ ಮೆಡಿಕಲ್ ಡಯಾಗ್ನಸಿಸ್ ಸೆಂಟರ್ನಲ್ಲಿ ನಿತ್ಯ 5500ಕ್ಕಿಂತ ಹೆಚ್ಚುವರಿ ಪರೀಕ್ಷೆಗಳನ್ನು ನಡೆಸಿ, ₹63.65 ಲಕ್ಷವನ್ನು ಅಧಿಕವಾಗಿ ಪಾವತಿಸಲಾಗಿದೆ.</p>.<p>ಕೋವಿಡ್–19ರ ಪರೀಕ್ಷೆಗಳಿಗೆ ಸಂಬಂಧಿಸಿದಂತೆ ಪ್ರಕರಣಗಳ ಸಂಖ್ಯೆಗಳನ್ನು ನಮೂದಿಸದೇ ₹3.97 ಕೋಟಿಯನ್ನು ನ್ಯೂಬರ್ಗ್ ಆನಂದ್ ರೆಫೆರಲ್ ಆಸ್ಪತ್ರೆಗೆ ಪಾವತಿಸಲಾಗಿದೆ.</p>.<p>ಬಿಬಿಎಂಪಿ ರೆಫೆರಲ್ ಆಸ್ಪತ್ರೆ ಮತ್ತು ಮೆಟರ್ನಿಟಿ ಹೋಮ್ಗಳಿಗೆ ಗ್ಯಾಸ್ ಪೈಪ್ ಲೈನ್ ಸಿಸ್ಟಮ್ ಅಳವಡಿಕೆ ನಂತರ ವಾರ್ಷಿಕ ನಿರ್ವಹಣೆಯಲ್ಲಿ ₹2.53 ಕೋಟಿಯಷ್ಟು ಅಕ್ರಮವಾಗಿದೆ. 14 ಹೆರಿಗೆ ಆಸ್ಪತ್ರೆಗಳಿಗೆ ಬೆನಕ ಮೆಡಿಟೆಕ್ ಗ್ಯಾಸ್ ಪೈಪ್ಲೈನ್ ಅಳವಡಿಸಿರುವುದಕ್ಕೆ ಪೂರಕ ದಾಖಲೆಗಳಿಲ್ಲ.</p>.<p>ಯಲಹಂಕ ವಿಭಾಗದ ಆರೋಗ್ಯ ವೈದ್ಯಾಧಿಕಾರಿಯವರು ಸೊಳ್ಳೆ ನಿಯಂತ್ರಣ ಔಷಧ ಸಿಂಪಡಣೆ ಕಾರ್ಯದಲ್ಲಿ ಗುತ್ತಿಗೆದಾರರು ಖಾಲಿ ಬಿಲ್ಲಿನ ಮೇಲೆ ಸಹಿ ಮಾಡಿ ನೀಡಿದ್ದಾರೆ. ಈ ಬಿಲ್ಲುಗಳನ್ನು ಆರೋಗ್ಯ ಅಧಿಕಾರಿಗಳು ಪರಿಶೀಲಿಸದೆ ₹.181 ಕೋಟಿ ಬಿಡುಗಡೆ ಮಾಡಿದ್ದಾರೆ.</p>.<p><strong>ಆರೋಗ್ಯ ವಿಭಾಗದಲ್ಲಿನ ಮುಖ್ಯ ಆಕ್ಷೇಪಣೆಗಳು</strong></p><p>* ಗೋವಿಂದರಾಜನಗರ ಚಂದ್ರಾಲೇಔಟ್ ವಿಭಾಗದ ಆರೋಗ್ಯ ವೈದ್ಯಾಧಿಕಾರಿ ಕಚೇರಿಯಲ್ಲಿ ಪೆಟ್ರೋಲ್ ಚಾಲಿತ ಹ್ಯಾಂಡ್ ಪಂಪ್ ಮೂಲಕ ಔಷಧ ಸಿಂಪಡಿಸಿರುವ ಬಿಲ್ಗಳು ತಾಳೆಯಾಗುತ್ತಿಲ್ಲ * ಮಹಾಲಕ್ಷಿಪುರಂ ಆರೋಗ್ಯ ವೈದ್ಯಾಧಿಕಾರಿ ಕಚೇರಿಯಲ್ಲಿ ಏಕರೂಪ ದರ ನಿಗದಿ ಆದೇಶ ಉಲ್ಲಂಘಿಸಿ ಔಷಧ ಮತ್ತು ಸಾಮಗ್ರಿಗಳನ್ನು ಖರೀದಿಸಲಾಗಿದೆ. ಸೋಂಕಿತರು ಮತ್ತು ಕರ್ತವ್ಯ ನಿರ್ವಹಿಸಿದ ಅಧಿಕಾರಿಗಳಿಗೆ ಆಹಾರ ಸರಬರಾಜು ಮಾಡಲು ₹16.89 ಲಕ್ಷ ಪಾವತಿಸಿದ್ದು ಪೂರೈಸಿದ ದಾಖಲೆಗಳಿಲ್ಲ. * ಪುಲಕೇಶಿನಗರ ಮತ್ತು ಸರ್ವಜ್ಞನಗರ ವಿಭಾಗದ ಆರೋಗ್ಯ ವೈದ್ಯಾಧಿಕಾರಿಗಳ ಕಚೇರಿಯಲ್ಲಿ ಸೊಳ್ಳೆ ನಿಯಂತ್ರಣದ ಕೆಲಸ ನಿರ್ವಹಿಸದ ದಿನಗಳಿಗೂ ಆಟೊಗಳ ಮೈಕಿಂಗ್ ಬಾಡಿಗೆ ಪೆಟ್ರೋಲ್ಗೆ ₹4.99 ಲಕ್ಷ ಭರಿಸಲಾಗಿದೆ. * ಶಾಂತಿನಗರ ವಿಭಾಗದ ಆರೋಗ್ಯ ವೈದ್ಯಾಧಿಕಾರಿಗಳ ಕಚೇರಿಯಲ್ಲಿ ಮಾನವ ಸಂಪನ್ಮೂಲ ಸೇವೆ ಒದಗಿಸಿದ ಫ್ಯೂಚರ್ ಪ್ಲಾನೆಟ್ (ಒಪಿಸಿ) ಸಂಸ್ಥೆಯಿಂದ ಅಧಿಕೃತ ಬಿಲ್ ಪಡೆಯದೇ ₹47.23 ಲಕ್ಷ ಪಾವತಿಸಲಾಗಿದೆ. * ಕೇಂದ್ರ ವಲಯ ಮುಖ್ಯ ಆರೋಗ್ಯಾಧಿಕಾರಿ (ಕ್ಲಿನಿಕಲ್)ಯವರು ಆಸ್ಪತ್ರೆಗಳಿಗೆ ಭದ್ರತೆ ಸೇವೆ ಒದಗಿಸಿರುವ ಗುತ್ತಿಗೆದಾರರಾದ ಶ್ರೀನಿವಾಸ ಸೆಕ್ಯೂರಿಟಿ ಸರ್ವೀಸಸ್ಗೆ ₹1 ಕೋಟಿ ಪಾವತಿಸಿದ್ದು ಸೇವೆ ನೀಡಿರುವ ಬಗ್ಗೆ ದಾಖಲೆಗಳಿಲ್ಲ. </p>.<p><strong>ಕೋವಿಡ್ ಲೆಕ್ಕದಲ್ಲಿ ಅಕ್ರಮಗಳು l ₹ 22</strong></p><p>.57 ಕೋಟಿ; ಆರ್ಟಿಪಿಸಿಆರ್ ನಿಗದಿತ ದರಕ್ಕಿಂತ ಹೆಚ್ಚು ಪಾವತಿ l ₹3.97 ಕೋಟಿ; ಕೋವಿಡ್ ಪರೀಕ್ಷೆ ಸಂಖ್ಯೆ ನಮೂದಿಸದೆ ಹಣ ಪಾವತಿ l ₹2.53 ಕೋಟಿ; ಆಕ್ಸಿಜನ್ ಸಿಲಿಂಡರ್ ಪೂರೈಕೆಯಲ್ಲಿ ಅಕ್ರಮ l ₹1.81 ಕೋಟಿ; ಸೊಳ್ಳೆ ನಿವಾರಕ ಔಷಧ ಸಿಂಪಡಣೆ l ₹63.65 ಲಕ್ಷ; ಆಯುಕ್ತರ ಆದೇಶಕ್ಕೆ ವಿರುದ್ಧವಾಗಿ ಹೆಚ್ಚವರಿ ಪರೀಕ್ಷೆಗೆ ಪಾವತಿ l ₹24.70 ಲಕ್ಷ; ಆಂಬುಲೆನ್ಸ್ ನಿಯೋಜನೆಗೆ ಲೆಕ್ಕವಿಲ್ಲ</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಬೆಂಗಳೂರು</strong>: ನಗರದಲ್ಲಿ ಕೋವಿಡ್ ಸಾಂಕ್ರಾಮಿಕ ರೋಗ ನಿಯಂತ್ರಣ, ರೋಗ ಪತ್ತೆಯ ಪರೀಕ್ಷೆ (ಆರ್ಟಿಪಿಸಿಆರ್), ಆಕ್ಸಿಜನ್ ಸಿಲಿಂಡರ್, ಸೊಳ್ಳೆ ನಿಯಂತ್ರಣಕ್ಕೆ ಔಷಧ ಸಿಂಪಡಿಸುವ ವೆಚ್ಚಗಳಲ್ಲಿ ಅಕ್ರಮವಾಗಿದ್ದು, ಕೋಟ್ಯಂತರ ರೂಪಾಯಿಯನ್ನು ಹೆಚ್ಚುವರಿಯಾಗಿ ಪಾವತಿ ಮಾಡಲಾಗಿದೆ.</p>.<p>ಕೋವಿಡ್ ನಿಯಂತ್ರಣದ ವೆಚ್ಚಗಳ ಪಾವತಿ ಬಿಲ್ಗಳಲ್ಲಿ ದರ ವ್ಯತ್ಯಾಸ ಹಾಗೂ ಇತರೆ ನ್ಯೂನತೆಗಳು ಕಂಡುಬಂದಿವೆ. ಸರ್ಕಾರ ನಿಗದಿಪಡಿಸಿರುವುದಕ್ಕಿಂತ ಹೆಚ್ಚು ಹಣವನ್ನು ಪಾವತಿಸಲಾಗಿದೆ. ಆರ್ಟಿಪಿಸಿಆರ್ನಲ್ಲಿಯೇ ಅತಿಹೆಚ್ಚು ಅಕ್ರಮಗಳು ನಡೆದಿರುವುದು ಬಿಬಿಎಂಪಿಯ ಮುಖ್ಯ ಲೆಕ್ಕಪರಿಶೋಧಕರ 2021–22ನೇ ಸಾಲಿನ ವರದಿಯಲ್ಲಿ ಬಹಿರಂಗವಾಗಿದೆ.</p>.<p>ಕೇಂದ್ರ ವಲಯದ ಸಾರ್ವಜನಿಕ ಆರೋಗ್ಯದ ಮುಖ್ಯ ಆರೋಗ್ಯಾಧಿಕಾರಿ ಆರ್ಟಿಪಿಸಿಆರ್ ಪರೀಕ್ಷೆಗಳಿಗೆ ಸರ್ಕಾರದ ನಿಗದಿತ ವೆಚ್ಚಕ್ಕಿಂತ 15 ಡಿಸಿ ಬಿಲ್ಗಳಲ್ಲಿ ₹57.23 ಲಕ್ಷ ಪಾವತಿಸಿದ್ದಾರೆ. ಕೋವಿಡ್ ಕೇರ್ ಸೆಂಟರ್ಗಳಲ್ಲಿನ ವೈದ್ಯಕೀಯ ಸಿಬ್ಬಂದಿಗೆ ಗರಿಷ್ಠ ದಿನಕ್ಕಿಂತ ಹೆಚ್ಚು ವೆಚ್ಚ ಭರಿಸಲಾಗಿದೆ. ಜೊತೆಗೆ ಆರ್ಟಿಪಿಸಿಆರ್ ಪರೀಕ್ಷೆಗೆ ಮಾನವ ಸಂಪನ್ಮೂಲ ಒದಗಿಸಿರುವುದಕ್ಕೆ ₹8.59 ಕೋಟಿ ಕಿದ್ವಾಯಿ ಸಂಸ್ಥೆಯಿಂದ ಪಾಲಿಕೆಗೆ ಪಾವತಿಯಾಗಿಲ್ಲ. ಮಾಲಿಕ್ಯುಲಾರ್ ಸಲ್ಯೂಷನ್ ಸಂಸ್ಥೆಗೂ ₹2.71 ಕೋಟಿ ಹೆಚ್ಚಾಗಿ ನೀಡಲಾಗಿದೆ.</p>.<p>141 ಪ್ರಾಥಮಿಕ ಆರೋಗ್ಯ ಕೇಂದ್ರಗಳಲ್ಲಿ ಗಂಟಲಿನ ದ್ರವ ಪರೀಕ್ಷೆಗಳನ್ನು ಯುರೊಫಿನ್ ಮತ್ತು ಹೈಬ್ರಿನೊಮಿಕ್ಸ್ ಸಂಸ್ಥೆಗಳು ನಡೆಸಿದ್ದು, ಅವರಿಗೆ ಪಾವತಿ ಮಾಡಬೇಕಿದ್ದಕ್ಕಿಂತ ಹೆಚ್ಚಾಗಿ ₹3.68 ಲಕ್ಷವನ್ನು ಕೇಂದ್ರ ವಲಯದ ಸಾರ್ವಜನಿಕ ಆರೋಗ್ಯದ ಮುಖ್ಯ ಆರೋಗ್ಯಾಧಿಕಾರಿ ವತಿಯಿಂದ ಪಾವತಿಸಲಾಗಿದೆ. ಆಂಬುಲೆನ್ಸ್ಗಳನ್ನು ಖಾಸಗಿ ಸಂಸ್ಥೆಗಳಿಂದ ನಿಯೋಜಿಸಿಕೊಳ್ಳಲಾಗಿದ್ದು, ಅವುಗಳ ಸಂಖ್ಯೆ ಹಾಗೂ ಪಾವತಿಯಲ್ಲಿ ₹24.70 ಲಕ್ಷದಷ್ಟು ಆಕ್ಷೇಪಣೆ ವ್ಯಕ್ತವಾಗಿದ್ದು, ವಸೂಲಿಗೆ ಸೂಚಿಸಲಾಗಿದೆ.</p>.<p>ಆರ್ಟಿಪಿಸಿಆರ್ ಪರೀಕ್ಷೆ ನಡೆಸಲು ಸರ್ಕಾರ ನಿಗದಿಪಡಿಸಿರುವುದಕ್ಕಿಂತ ಹೆಚ್ಚಿನ ಸಾಮರ್ಥ್ಯದ ಕಾರ್ಯಕ್ಕೆ ನ್ಯೂಬರ್ಗ್ ಆನಂದ್ ರೆಫೆರಲ್ ಆಸ್ಪತ್ರೆಗೆ ಹೆಚ್ಚುವರಿಯಾಗಿ ₹10.23 ಕೋಟಿಯನ್ನು ಮುಖ್ಯ ಆರೋಗ್ಯಾಧಿಕಾರಿಯಿಂದ ಪಾವತಿಸಲಾಗಿದೆ. ಮತ್ತೊಂದು ಪ್ರಕರಣದಲ್ಲಿ, ಆಯುಕ್ತರ ಸುತ್ತೋಲೆಯನ್ನು ಉಲ್ಲಂಘಿಸಿ ಮೆಡಿಕಲ್ ಡಯಾಗ್ನಸಿಸ್ ಸೆಂಟರ್ನಲ್ಲಿ ನಿತ್ಯ 5500ಕ್ಕಿಂತ ಹೆಚ್ಚುವರಿ ಪರೀಕ್ಷೆಗಳನ್ನು ನಡೆಸಿ, ₹63.65 ಲಕ್ಷವನ್ನು ಅಧಿಕವಾಗಿ ಪಾವತಿಸಲಾಗಿದೆ.</p>.<p>ಕೋವಿಡ್–19ರ ಪರೀಕ್ಷೆಗಳಿಗೆ ಸಂಬಂಧಿಸಿದಂತೆ ಪ್ರಕರಣಗಳ ಸಂಖ್ಯೆಗಳನ್ನು ನಮೂದಿಸದೇ ₹3.97 ಕೋಟಿಯನ್ನು ನ್ಯೂಬರ್ಗ್ ಆನಂದ್ ರೆಫೆರಲ್ ಆಸ್ಪತ್ರೆಗೆ ಪಾವತಿಸಲಾಗಿದೆ.</p>.<p>ಬಿಬಿಎಂಪಿ ರೆಫೆರಲ್ ಆಸ್ಪತ್ರೆ ಮತ್ತು ಮೆಟರ್ನಿಟಿ ಹೋಮ್ಗಳಿಗೆ ಗ್ಯಾಸ್ ಪೈಪ್ ಲೈನ್ ಸಿಸ್ಟಮ್ ಅಳವಡಿಕೆ ನಂತರ ವಾರ್ಷಿಕ ನಿರ್ವಹಣೆಯಲ್ಲಿ ₹2.53 ಕೋಟಿಯಷ್ಟು ಅಕ್ರಮವಾಗಿದೆ. 14 ಹೆರಿಗೆ ಆಸ್ಪತ್ರೆಗಳಿಗೆ ಬೆನಕ ಮೆಡಿಟೆಕ್ ಗ್ಯಾಸ್ ಪೈಪ್ಲೈನ್ ಅಳವಡಿಸಿರುವುದಕ್ಕೆ ಪೂರಕ ದಾಖಲೆಗಳಿಲ್ಲ.</p>.<p>ಯಲಹಂಕ ವಿಭಾಗದ ಆರೋಗ್ಯ ವೈದ್ಯಾಧಿಕಾರಿಯವರು ಸೊಳ್ಳೆ ನಿಯಂತ್ರಣ ಔಷಧ ಸಿಂಪಡಣೆ ಕಾರ್ಯದಲ್ಲಿ ಗುತ್ತಿಗೆದಾರರು ಖಾಲಿ ಬಿಲ್ಲಿನ ಮೇಲೆ ಸಹಿ ಮಾಡಿ ನೀಡಿದ್ದಾರೆ. ಈ ಬಿಲ್ಲುಗಳನ್ನು ಆರೋಗ್ಯ ಅಧಿಕಾರಿಗಳು ಪರಿಶೀಲಿಸದೆ ₹.181 ಕೋಟಿ ಬಿಡುಗಡೆ ಮಾಡಿದ್ದಾರೆ.</p>.<p><strong>ಆರೋಗ್ಯ ವಿಭಾಗದಲ್ಲಿನ ಮುಖ್ಯ ಆಕ್ಷೇಪಣೆಗಳು</strong></p><p>* ಗೋವಿಂದರಾಜನಗರ ಚಂದ್ರಾಲೇಔಟ್ ವಿಭಾಗದ ಆರೋಗ್ಯ ವೈದ್ಯಾಧಿಕಾರಿ ಕಚೇರಿಯಲ್ಲಿ ಪೆಟ್ರೋಲ್ ಚಾಲಿತ ಹ್ಯಾಂಡ್ ಪಂಪ್ ಮೂಲಕ ಔಷಧ ಸಿಂಪಡಿಸಿರುವ ಬಿಲ್ಗಳು ತಾಳೆಯಾಗುತ್ತಿಲ್ಲ * ಮಹಾಲಕ್ಷಿಪುರಂ ಆರೋಗ್ಯ ವೈದ್ಯಾಧಿಕಾರಿ ಕಚೇರಿಯಲ್ಲಿ ಏಕರೂಪ ದರ ನಿಗದಿ ಆದೇಶ ಉಲ್ಲಂಘಿಸಿ ಔಷಧ ಮತ್ತು ಸಾಮಗ್ರಿಗಳನ್ನು ಖರೀದಿಸಲಾಗಿದೆ. ಸೋಂಕಿತರು ಮತ್ತು ಕರ್ತವ್ಯ ನಿರ್ವಹಿಸಿದ ಅಧಿಕಾರಿಗಳಿಗೆ ಆಹಾರ ಸರಬರಾಜು ಮಾಡಲು ₹16.89 ಲಕ್ಷ ಪಾವತಿಸಿದ್ದು ಪೂರೈಸಿದ ದಾಖಲೆಗಳಿಲ್ಲ. * ಪುಲಕೇಶಿನಗರ ಮತ್ತು ಸರ್ವಜ್ಞನಗರ ವಿಭಾಗದ ಆರೋಗ್ಯ ವೈದ್ಯಾಧಿಕಾರಿಗಳ ಕಚೇರಿಯಲ್ಲಿ ಸೊಳ್ಳೆ ನಿಯಂತ್ರಣದ ಕೆಲಸ ನಿರ್ವಹಿಸದ ದಿನಗಳಿಗೂ ಆಟೊಗಳ ಮೈಕಿಂಗ್ ಬಾಡಿಗೆ ಪೆಟ್ರೋಲ್ಗೆ ₹4.99 ಲಕ್ಷ ಭರಿಸಲಾಗಿದೆ. * ಶಾಂತಿನಗರ ವಿಭಾಗದ ಆರೋಗ್ಯ ವೈದ್ಯಾಧಿಕಾರಿಗಳ ಕಚೇರಿಯಲ್ಲಿ ಮಾನವ ಸಂಪನ್ಮೂಲ ಸೇವೆ ಒದಗಿಸಿದ ಫ್ಯೂಚರ್ ಪ್ಲಾನೆಟ್ (ಒಪಿಸಿ) ಸಂಸ್ಥೆಯಿಂದ ಅಧಿಕೃತ ಬಿಲ್ ಪಡೆಯದೇ ₹47.23 ಲಕ್ಷ ಪಾವತಿಸಲಾಗಿದೆ. * ಕೇಂದ್ರ ವಲಯ ಮುಖ್ಯ ಆರೋಗ್ಯಾಧಿಕಾರಿ (ಕ್ಲಿನಿಕಲ್)ಯವರು ಆಸ್ಪತ್ರೆಗಳಿಗೆ ಭದ್ರತೆ ಸೇವೆ ಒದಗಿಸಿರುವ ಗುತ್ತಿಗೆದಾರರಾದ ಶ್ರೀನಿವಾಸ ಸೆಕ್ಯೂರಿಟಿ ಸರ್ವೀಸಸ್ಗೆ ₹1 ಕೋಟಿ ಪಾವತಿಸಿದ್ದು ಸೇವೆ ನೀಡಿರುವ ಬಗ್ಗೆ ದಾಖಲೆಗಳಿಲ್ಲ. </p>.<p><strong>ಕೋವಿಡ್ ಲೆಕ್ಕದಲ್ಲಿ ಅಕ್ರಮಗಳು l ₹ 22</strong></p><p>.57 ಕೋಟಿ; ಆರ್ಟಿಪಿಸಿಆರ್ ನಿಗದಿತ ದರಕ್ಕಿಂತ ಹೆಚ್ಚು ಪಾವತಿ l ₹3.97 ಕೋಟಿ; ಕೋವಿಡ್ ಪರೀಕ್ಷೆ ಸಂಖ್ಯೆ ನಮೂದಿಸದೆ ಹಣ ಪಾವತಿ l ₹2.53 ಕೋಟಿ; ಆಕ್ಸಿಜನ್ ಸಿಲಿಂಡರ್ ಪೂರೈಕೆಯಲ್ಲಿ ಅಕ್ರಮ l ₹1.81 ಕೋಟಿ; ಸೊಳ್ಳೆ ನಿವಾರಕ ಔಷಧ ಸಿಂಪಡಣೆ l ₹63.65 ಲಕ್ಷ; ಆಯುಕ್ತರ ಆದೇಶಕ್ಕೆ ವಿರುದ್ಧವಾಗಿ ಹೆಚ್ಚವರಿ ಪರೀಕ್ಷೆಗೆ ಪಾವತಿ l ₹24.70 ಲಕ್ಷ; ಆಂಬುಲೆನ್ಸ್ ನಿಯೋಜನೆಗೆ ಲೆಕ್ಕವಿಲ್ಲ</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
