×
ADVERTISEMENT
ಈ ಕ್ಷಣ :
ಬೀದರ್‌: ಬಸವಗಿರಿಯಲ್ಲಿ ಮರೆಯಾದ ಬಸವತತ್ವದ ‘ಅಕ್ಕ’
ಬಸವತತ್ವದ ವಿಧಿ ವಿಧಾನದ ಪ್ರಕಾರ ಬಸವಗಿರಿಯ ಪುರುಷ ಕಟ್ಟೆ ಸಮೀಪ ಅಕ್ಕನ ಅಂತ್ಯಕ್ರಿಯೆ
Published : 25 ಮೇ 2024, 7:38 IST
Last Updated : 25 ಮೇ 2024, 7:38 IST
ಫಾಲೋ ಮಾಡಿ
Comments
ಅಕ್ಕ ಅನ್ನಪೂರ್ಣ ತಾಯಿ ಅವರು ಅಕ್ಕಮಹಾದೇವಿಯಂತೆ ಮನೆ ಮಠ ತೊರೆದು ಸಮಾಜದ ಒಳಿತಿಗಾಗಿ ಉತ್ತಮ ಕೆಲಸ ಮಾಡಿರುವುದರಿಂದಲೇ ನಾಡಿನ ವಿವಿಧ ಭಾಗದ ಬಸವಭಕ್ತರು ಬಂದು ಗೌರವ ಸಮರ್ಪಿಸಿದ್ದಾರೆ. ಅವರ ತ್ಯಾಗಕ್ಕೆ ಸಂದ ಗೌರವವಿದು.–ನಿಜಗುಣಾನಂದ ಸ್ವಾಮೀಜಿ, ಬೈಲೂರು ನಿಷ್ಕಲ ಮಂಟಪ ಬೈಲಹೊಂಗಲ
ಪ್ರಖರ ವೈಚಾರಿಕತೆಯ ಪ್ರತಿರೂಪವಾಗಿದ್ದ ಅಕ್ಕನವರು ಗೊಡ್ಡು ಸಂಪ್ರದಾಯ ಮೂಢನಂಬಿಕೆ ಕಂದಚಾರಗಳನ್ನು ಧಿಕ್ಕರಿಸಿದವರು. ಬಸವತತ್ವದ ಪ್ರಸಾರಕ್ಕಾಗಿ ಅವರು ಮಾಡಿದ ಕಾರ್ಯ ಸಮಾಜ ಸದಾ ನೆನಪಿನಲ್ಲಿ ಇಟ್ಟುಕೊಳ್ಳುತ್ತದೆ.–ಶಿವಾನಂದ ಸ್ವಾಮೀಜಿ, ಹುಲಸೂರ
ಬಸವ ಸೇವಾ ಪ್ರತಿಷ್ಠಾನ ಹಾಗೂ ಲಿಂಗಾಯತ ಮಹಾ ಮಠದ ಮೂಲಕ ಬಸವ ತತ್ವ ಪ್ರಚಾರ ಕಾರ್ಯವನ್ನು ಅಕ್ಕನವರು ಮಾಡಿದ್ದಾರೆ. ಬಸವಗಿರಿ ಅವರ ಕಾಯಕದ ಕೇಂದ್ರವಾಗಿತ್ತು. ಈಗ ಅಲ್ಲೇ ಅವರು ಸಮಾಧಿಯಾಗಿದ್ದಾರೆ.–ಬಸವರಾಜ ಧನ್ನೂರ, ಅಧ್ಯಕ್ಷ , ಜಾಗತಿಕ ಲಿಂಗಾಯತ ಮಹಾಮಠ ಜಿಲ್ಲಾ ಘಟಕ
ಕಣ್ಣೀರು ಹಾಕಿದ ಬಸವಲಿಂಗ ಪಟ್ಟದೇವರು
‘ಅಕ್ಕ’ ಅನ್ನಪೂರ್ಣ ತಾಯಿ ಅವರು ಬಸವತತ್ವದ ಪ್ರಚಾರ ಪ್ರಸಾರಕ್ಕಾಗಿ ಮಾಡಿದ ಕಾರ್ಯಗಳನ್ನು ಮೆಲುಕು ಹಾಕುವಾಗ ಬಸವಕಲ್ಯಾಣ ಅನುಭವ ಮಂಟಪದ ಅಧ್ಯಕ್ಷ ಬಸವಲಿಂಗ ಪಟ್ಟದ್ದೇವರು ಭಾವುಕರಾಗಿ ಕಣ್ಣೀರು ಹಾಕಿದರು. ಕೆಲ ಕ್ಷಣ ಅವರಿಂದ ಮಾತು ಹೊರಡಲಿಲ್ಲ. ಅಲ್ಲಿಯೇ ಇದ್ದ ಭಾಲ್ಕಿ ಹಿರೇಮಠದ ಗುರುಬಸವ ಪಟ್ಟದ್ದೇವರು ಅವರಿಗೆ ಸಮಾಧಾನ ಹೇಳಿದರು. ದುಃಖದ ಸಂದರ್ಭದಲ್ಲಿ ಭಕ್ತಗಣ ಇನ್ನಷ್ಟು ದುಃಖಕ್ಕೆ ಒಳಗಾಯಿತು. ‘ಬಸವತತ್ವದ ಪ್ರಸಾರಕ್ಕಾಗಿ ಅಕ್ಕ ಅನ್ನಪೂರ್ಣ ತಾಯಿ ಮಾಡಿದ ಕಾರ್ಯ ಅಷ್ಟಿಷ್ಟಲ್ಲ. ‘ವಚನ ವಿಜಯೋತ್ಸವ’ ಕಾರ್ಯಕ್ರಮದ ಮೂಲಕ ನಾಡಿನ ಜನತೆಯನ್ನು ಸೂಜಿಗಲ್ಲಿನಂತೆ ಆಕರ್ಷಿಸಿದ್ದರು. ಕೆಲ ಭಿನ್ನಾಭಿಪ್ರಾಯಗಳಿಂದ ಆ ಕಾರ್ಯಕ್ರಮ ನಿಂತಿದೆ. ಭಿನ್ನಾಭಿಪ್ರಾಯಗಳನ್ನು ಮರೆತು ಆ ಕಾರ್ಯಕ್ರಮಕ್ಕೆ ಪುನಃ ಚಾಲನೆ ಕೊಡಬೇಕಿದೆ’ ಎಂದು ಪಟ್ಟದ್ದೇವರು ಹೇಳಿದಾಗ ಕರತಾಡನ ಮುಗಿಲು ಮುಟ್ಟಿತು.
ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್, ಎಕ್ಸ್, ಫೇಸ್‌ಬುಕ್ ಮತ್ತು ಇನ್‌ಸ್ಟಾಗ್ರಾಂನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.