ಗೌಂಡಿ ಕೆಲಸಗಾರನ ಕಾರ್ಡ್ ಬಿಪಿಎಲ್‌ನಿಂದ ಎಪಿಎಲ್!
ವಾರ್ಷಿಕ ವರಮಾನ ₹70 ಸಾವಿರ ಇರುವ ಗೌಂಡಿ ಕೆಲಸ ಮಾಡುವ ಚಿತ್ತಾಪುರ ತಾಲ್ಲೂಕಿನ ಯಾಗಾಪುರ ಸಮೀಪದ ಚಂದು ನಾಯಕ್ ತಾಂಡಾದ ಧನರಾಜ್ ಅವರ ಕುಟುಂಬದ ಬಿಪಿಎಲ್ ಕಾರ್ಡ್ ಎಪಿಎಲ್ ಆಗಿದೆ. ‘ಆದಾಯ ತೆರಿಗೆ ಪಾವತಿಯ ಕಾರಣಕ್ಕೆ ಬಿಪಿಎಲ್ ಮಾನ್ಯತೆ ತೆಗೆದು ಎಪಿಎಲ್ ಕಾರ್ಡ್ ಕೊಟ್ಟಿದ್ದಾರೆ. ನಾನು ಗೌಂಡಿ ಕೆಲಸ ಪತ್ನಿ ಕೂಲಿ ಮಾಡುತ್ತಾರೆ. ಇಬ್ಬರು ಮಕ್ಕಳು ಶಾಲೆಗೆ ಹೋಗುತ್ತಿದ್ದಾರೆ. ಒಂದು ರೂಪಾಯಿಯೂ ತೆರಿಗೆ ಕಟ್ಟಿಲ್ಲ. ಆದರೆ ಬಿಪಿಎಲ್ ಮಾನ್ಯತೆಯನ್ನು ಕಸಿದುಕೊಂಡಿದ್ದು ಎರಡು ತಿಂಗಳಿಂದ ಸರಿಯಾಗಿ ಪಡಿತರ ಸಿಗುತ್ತಿಲ್ಲ’ ಎಂದು ಧನರಾಜ್ ಹೇಳುತ್ತಾರೆ.
