ಮಡಿಕೇರಿ: ವಲಸೆ ಕಾರ್ಮಿಕರ ವಿರುದ್ಧ ಹೆಚ್ಚಿದ ಆತಂಕ, ಅಸಹನೆ

ಅಸ್ಸಾಂ ಆರೋಪಿಗಳ ಮೂಲ ವಿಳಾಸವನ್ನು ಪತ್ತೆ ಮಾಡಬೇಕು. ಅಸ್ಸಾಂ ಕಾರ್ಮಿಕರ ಹೆಸರಿನಲ್ಲಿ ಪಶ್ಚಿಮ ಬಂಗಾಳ ಸೇರಿದಂತೆ ಇತರೆಡೆ ಕಾರ್ಮಿಕರಿದ್ದಾರೆ. ಕನಿಷ್ಠ ಆರೋಪಿಗಳ ಮೂಲ ವಿಳಾಸವನ್ನು ಖುದ್ದು ಪರಿಶೀಲಿಸಬೇಕು. ಜೊತೆಗೆ ಕಾರ್ಮಿಕರನ್ನು ಕರೆತರುವ ಮಧ್ಯವರ್ತಿಗಳ ಮೇಲೂ ಹದ್ದಿನ ಕಣ್ಣಿಡಬೇಕು. ಇವರ ಸಂಪೂರ್ಣ ಮಾಹಿತಿಯನ್ನು ಕಲೆ ಹಾಕಿರಬೇಕು. ಇದು ಪೊಲೀಸ್ ಇಲಾಖೆಯ ಕೆಲಸ. ಇನ್ನು ಈ ವಿಚಾರದಲ್ಲಿ ಕಾರ್ಮಿಕ ಇಲಾಖೆ ತನ್ನ ಜವಾಬ್ದಾರಿ ಮರೆತು ನಿದ್ದೆ ಮಾಡುತ್ತಿದೆ. ತೋಟದ ಮಾಲೀಕರೂ ತಮ್ಮಲ್ಲಿ ಬರುವ ಕಾರ್ಮಿಕರ ಪೂರ್ವಾಪರ ವಿಚಾರಿಸದೇ ದಾಖಲಾತಿಗಳನ್ನು ಪಡೆದುಕೊಳ್ಳದೇ ಯಾವುದೇ ಕಾರಣಕ್ಕೂ ಕೆಲಸ ನೀಡಬಾರದು. ಅಚ್ಚಂಡೀರ ಪವನ್ ಪೆಮ್ಮಯ್ಯ ವಕೀಲರು ಮತ್ತು ಕೊಡಗು ರಕ್ಷಣಾ ವೇದಿಕೆಯ ಜಿಲ್ಲಾಧ್ಯಕ್ಷ. ಭದ್ರತೆಗಾದರೂ ನಿಗಾ ಇರಿಸಿ ಅಸ್ಸಾಂ ಕಾರ್ಮಿಕರು ಮೊದಲು ಲೈನ್‌ ಮನೆಯಲ್ಲಿಯೇ ಉಳಿದುಕೊಳ್ಳುತ್ತಿದ್ದರು. ಕೂಲಿ ಕಡಿಮೆ ಸಿಗುತ್ತದೆ ಎಂಬ ಕಾರಣಕ್ಕೆ ಈಗ ಬಾಡಿಗೆ ಮನೆಯಲ್ಲಿ 10ರಿಂದ 15 ಜನ ಇರುತ್ತಿದ್ದಾರೆ. ಇವರ ದಾಖಲಾತಿಗಳನ್ನು ಮನೆ ಮಾಲೀಕರು ಪಡೆದೇ ಬಾಡಿಗೆ ಕೊಡಬೇಕು. ಕನಿಷ್ಠ ತಮ್ಮ ಭದ್ರತೆಗಾದರೂ ನಿಗಾ ಇರಿಸಿಕೊಂಡಿರಬೇಕು. ದಾಖಲಾದ ಪ್ರಕರಣಗಳು ಸಿಕ್ಕಿಬಿದ್ದ ಆರೋಪಿಗಳಿಂದಷ್ಟೇ ಮಾಹಿತಿ ಸಿಗುತ್ತಿದೆ. ಪತ್ತೆಯಾಗದ ಪ್ರಕರಣಗಳು ಬಹಳಷ್ಟಿರಬಹುದು. ಪೊಲೀಸರು ಗರಿಷ್ಠ ಮುಂಜಾಗ್ರತೆ ವಹಿಸಬೇಕು ತೋಟದ ಮಾಲೀಕರು ಮತ್ತು ಮನೆ ಮಾಲೀಕರು ಅವರಿಗೆ ಸಂಪೂರ್ಣ ಸಹಕಾರ ಕೊಡಬೇಕು ಮನ್ಸೂರ್ ಅಲಿ ಕೊಡಗು ಔಷಧ ವ್ಯಾಪರ ಸಂಘದ ನಿರ್ದೇಶಕ. ಸ್ಥಳೀಯರ ಕಡೆಗಣನೆ ಸಮಸ್ಯೆಗೆ ಮೂಲ ಸ್ಥಳೀಯರ ಕೂಲಿ ಕಾರ್ಮಿಕರನ್ನು ಕಡೆಗಣಿಸಿ ಕಡಿಮೆ ಕೂಲಿಗೆ ಕೆಲಸ ಮಾಡಿಸಿಕೊಳ್ಳಲು ಕಾಫಿ ತೋಟದ ಮಾಲಿಕರು ಅಸ್ಸಾಂ ಕಾರ್ಮಿಕರನ್ನು ನೇಮಿಸಿಕೊಂಡರು. ಇದರಿಂದ ಅವರಿಗೆ ಮುಳುವಾಗಿದೆ. ಒಳಗಿನ ಕಳ್ಳನನ್ನು ನಂಬಿದರೂ ಹೊರಗಿನ ಸಂಪನ್ನರನ್ನು ನಂಬಬಾರದು ಎಂಬ ಗಾದೆ ಮಾತು ಈಗ ಅಸ್ಸಾಂ ಕಾಮಿರನ್ನು ನೋಡಿದಾಗ ನಿಜವಾಗಿದೆ. ಈಗಲಾದರು ಕಾಫಿ ಬೆಳೆಗಾರರು ಎಚ್ಚರ ವಹಿಸಿ ಸ್ಥಳೀಯ ಕಾರ್ಮಿಕರಿಗೆ ಕೆಲಸ ನೀಡುವಂತಾಗಲಿ. ಪಿ.ಆರ್.ಪಂಕಜಾ ಗಿರಿಜನ ಮುಖಂಡರು ತಿತಿಮತಿ. ದೂರದ ಕಾರ್ಮಿಕರ ಬಗ್ಗೆ ಎಚ್ಚರವಹಿಸಿ ಸಾವಿರಾರು ಕಿ.ಮೀ ದೂರದಿಂದ ಬರುವ ಕಾರ್ಮಿಕರು ಯಾವ ರೀತಿ ಇರುತ್ತಾರೆ ಎಂದು ಯಾರಿಗೂ ತಿಳಿದಿಲ್ಲ. ಅವರ ಹಿನ್ನೆಲೆ ಅರಿಯದೆ ಕೆಲಸಕ್ಕೆ ಸೇರಿಸಿಕೊಂಡು ಈಗ ಕೊಡಗಿನ ಜನತೆ ಸಂಕಷ್ಟ ಎದುರಿಸುವಂತಾಗಿದೆ. ಈಗಲಾದರೂ ಸ್ಥಳೀಯರು ದೂರದ ಕಾರ್ಮಿಕರ ಬಗ್ಗೆ ಎಚ್ಚರವಹಿಸಲಿ. ಪ್ರಭು ನಿವೃತ್ತ ಸೈನಿಕ ಅರುವತ್ತೊಕ್ಕಲು. ಹೊಟ್ಟೆ ಪಾಡಿಗಾಗಿ ಗಿರಿಜನರ ಕಷ್ಟ ಬುಡಕಟ್ಟು ಜನಾಂಗದ ಗಿರಿಜನ ಕಾರ್ಮಿಕರು ಅನಾದಿ ಕಾಲದಿಂದಲೂ ಕಾಫಿ ತೋಟದ ಕೆಲಸ ಮಾಡಿಕೊಂಡು ಬಂದವರು. ಬದಲಾದ ಕಾಲಘಟ್ಟದಲ್ಲಿ ಅವರ ಕೆಲಸವನ್ನು ಅಸ್ಸಾಂನವರು ಕಿತ್ತುಕೊಂಡರು. ಈಗ ಗಿರಿಜನರು ಹೊಟ್ಟೆ ಪಾಡಿಗಾಗಿ ಕಷ್ಟ ಪಡಬೇಕಾಗಿದೆ. ಕೆಲವರು ತೋಟದ ಕೆಲಸ ಬಿಟ್ಟು ಬೇರೆ ಬೇರೆ ಕೆಲಸಗಳನ್ನು ಕಂಡುಕೊಂಡಿದ್ದಾರೆ. ಹಲವು ಜನರು ಕೆಲಸವಿಲ್ಲದೆ ಕುಳಿತಿದ್ದಾರೆ. ಅಸ್ಸಾಂ ಕಾರ್ಮಿಕರನ್ನು ಆದಷ್ಟು ಕಡಿಮೆ ಮಾಡಿ ಸ್ಥಳೀಯರಿಗೆ ಕೆಲಸ ನೀಡುವಂತಾಗಲಿ. ಮಣಿಕುಂಜಿ ತಿತಿಮ