ಮಡಿಕೇರಿ: ಅಣಬೆ ಬೆಳೆದು ಯಶಸ್ಸು ಕಂಡ ಮಹಿಳೆಯರು

ಮಡಿಕೇರಿ: ಪೊನ್ನಂಪೇಟೆ ತಾಲ್ಲೂಕಿನ ಬಾಳೆಲೆ ಗ್ರಾಮದಲ್ಲಿ 20 ಮಹಿಳೆಯರು ಅಣಬೆ ಬೆಳೆದು ಯಶಸ್ಸು ಕಂಡಿದ್ದಾರೆ. ಇನ್ನು ಮುಂದೆ ಅಣಬೆಯನ್ನು ತಮ್ಮ ಜೀವನೋಪಾಯದ ಉಪ ಕಸುಬಾಗಿ ಅಳವಡಿಸಿಕೊಳ್ಳಲು ಮುಂದಾಗಿದ್ದಾರೆ. ಇದಕ್ಕೆ ಕೃಷಿ ಇಲಾಖೆ ಆತ್ಮಯೋಜನೆಯಡಿ ಬೆನ್ನುಲುಬಾಗಿ ನಿಂತಿದೆ.

. ಸಂಜೀವಿನಿ ಒಕ್ಕೂಟದ ಸ್ವಸಹಾಯ ಮಹಿಳೆಯರ ಗುಂಪಿನ 20 ಮಹಿಳೆಯರು 26 ದಿನಗಳ ಹಿಂದೆಯಷ್ಟೇ ಕೃಷಿ ಇಲಾಖೆಯಿಂದ ತರಬೇತಿ ಪಡೆದಿದ್ದರು. ಕೃಷಿ ಇಲಾಖೆಗೆ ಸೇರಿದ ಬಾಳೆಲೆಯ ರೈತ ಸಂಪರ್ಕ ಕೇಂದ್ರದಲ್ಲಿ ಪ್ರತ್ಯೇಕ ಕೊಠಡಿಯೊಂದರಲ್ಲಿ ಅವರು ಬೆಳೆದಿರುವ ಅಣಬೆ ಇದೀಗ ನಳನಳಿಸುತ್ತಿದೆ.

. ಕೃಷಿ ಇಲಾಖೆಯ ಅಂಬಿಕಾ, ಮೀರಾ, ಕಾವ್ಯಾ, ಮೈತ್ರಿ ತರಬೇತಿ ನೀಡಿ, ಯಶಸ್ಸು ಪಡೆಯಲು ಕಾರಣರಾಗಿದ್ದಾರೆ ಎಂದು ಸಂಘದ ಮುಖಂಡರಾದ ಪಂಕಜಾ ಗಿರೀಶ್ ಹೇಳುತ್ತಾರೆ.

. ‘ಇದಕ್ಕೆ ನಾವು ಯಾವುದೇ ಖರ್ಚು ಮಾಡಿಲ್ಲ. ಭತ್ತದ ಹುಲ್ಲುಗಳನ್ನು ನಮ್ಮದೇ ಗದ್ದೆಯಿಂದ ತಂದಿದ್ದೇವೆ. ಜಾಗ ಮತ್ತು ಅಣಬೆ ಬೀಜಗಳನ್ನು ಕೃಷಿ ಇಲಾಖೆ ನೀಡಿದೆ. ಈಗ 4 ಕೆ.ಜಿಯಷ್ಟು ಅಣಬೆಯನ್ನು ತೆಗೆಯಲಾಗಿದ್ದು, ಇನ್ನೂ 10 ಕೆ.ಜಿಯಷ್ಟು ತೆಗೆಯುವ ನಿರೀಕ್ಷೆ ಇದೆ’ ಎಂದು ಅವರು ತಮ್ಮ ಅಭಿಪ್ರಾಯವನ್ನು ಹಂಚಿಕೊಂಡರು.

. ‘ಭತ್ತದ ಹುಲ್ಲನ್ನು ಕುದಿಯುವ ನೀರಿನಲ್ಲಿ ಬೇಯಿಸಬೇಕು. ನಂತರ ನೆರಳಿನಲ್ಲಿ ಒಣಗಿಸಬೇಕು. ಕೈಯಿಂದ ಮುಟ್ಟಿದರೆ ತೇವಾಂಶ ಮಾತ್ರ ಇರಬೇಕು, ನೀರು ಸೋರುತ್ತಿರಬಾರದು. ಅಂದರೆ ಶೇ 80ರಷ್ಟು ತೇವಾಂಶ ಇರುವಂತೆ ನೋಡಿಕೊಳ್ಳಬೇಕು. ನಂತರ ಹುಲ್ಲನ್ನು ಎರಡು ಇಂಚಿನಷ್ಟು ಕತ್ತರಿಸಿ ಪ್ಲಾಸ್ಟಿಕ್ ಕವರ್ಗೆ ಹಾಕಬೇಕು. 5 ಕೆ.ಜಿ ಕವರ್ನಲ್ಲಿ ಒಣಗಿಸಿದಂತಹ ಹುಲ್ಲನ್ನು ಸುರುಳಿಯಾಕಾರದಲ್ಲಿ ಹಾಕಿ, ಬೀಜ ಹಾಕಿ ಮತ್ತೆ ಇನ್ನೊಂದು ಪದರ ಹುಲ್ಲನ್ನು ಹಾಕಬೇಕು, ಮತ್ತೆ ಬೀಜ ಹಾಕಬೇಕು. ಹೀಗೆ, 4 ಪದರ ಹುಲ್ಲು, 4 ಪದರ ಬೀಜಗಳನ್ನು ಹಾಕಬೇಕು. ರಬ್ಬರ್ ಬ್ಯಾಂಡ್ ಹಾಕಿ ನಂತರ ಕವರ್ನ್ನು ತೂತು ಮಾಡಬೇಕು. 21 ದಿನಗಳ ಕಾಲ ಕತ್ತಲ ಕೋಣೆಯಲ್ಲಿಡಬೇಕು’ ಎಂದು ಅವರು ಅಣಬೆ ಕೃಷಿ ಕುರಿತು ಹೇಳಿದರು.

. ಅಣಬೆ ಬೆಳೆಯುವ ಕೊಠಡಿ ಶುಭ್ರವಾಗಿರಬೇಕು. ಇಲ್ಲದೇ ಇದ್ದರೆ ಫಂಗಸ್ ಆಗುವ ಸಾಧ್ಯತೆ ಇರುತ್ತದೆ. 21 ದಿನಗಳ ನಂತರ ಬೆಳಕಿಗೆ ತಂದರೆ ತೂತುಗಳಿಂದ ಅಣಬೆ ಬೆಳೆಯುತ್ತದೆ. ಕವರ್ ತೆಗೆದು ಅಣಬೆಯನ್ನು ತೆಗೆಯಬೇಕು’ ಎಂದು ತಿಳಿಸಿದರು.

. ಈಗ 75 ಬ್ಯಾಗ್ಗಳಷ್ಟು ಅಣಬೆ ಬೆಳೆಯಲಾಗಿದೆ. 4 ಕೆ.ಜಿಯಷ್ಟು ಅಣಬೆ ತೆಗೆದು ಮಾರಾಟ ಮಾಡಲಾಗುತ್ತಿದೆ. ಇನ್ನೂ ತೆಗೆಯುವುದು ಇದೆ. ಇನ್ನೂ ಸುಮಾರು 10 ಕೆ.ಜಿಯಷ್ಟು ಬರುವ ನಿರೀಕ್ಷೆ ಇದೆ ಎಂದರು.

. 5 ಕೆ.ಜಿಯ ಒಂದು ಕವರ್ನಲ್ಲಿ ಕನಿಷ್ಠ ಎಂದರೂ 3 ಬಾರಿ ಕೊಯ್ಲು ಮಾಡಬಹುದು. ಕನಿಷ್ಠ ಎಂದರೂ 2ರಿಂದ 3 ಕೆ.ಜಿ ಅಣಬೆಯನ್ನು ತೆಗೆಯಬಹುದು. ಸುಮಾರು 60 ಸಾವಿರಕ್ಕೂ ಅಧಿಕ ಹಣ ಬರುವ ನಿರೀಕ್ಷೆ ಎಂದು ಹೇಳಿದರು.

. ಪಂಕಜಾ ಗಿರೀಶ್ ಅವರೊಂದಿಗೆ ಭವ್ಯಾ, ಪಾರ್ವತಿ, ಕವಿತಾ, ಗಿರಿಜಾ, ಪೊನ್ನಮ್ಮ, ಸರೋಜಾ, ಸುಜಾತಾ, ವಿನೀತಾ, ನಳಿನಿ ಈ ತಂಡದಲ್ಲಿದ್ದಾರೆ.

. ಇವರಲ್ಲಿ ಬಹುತೇಕ ಮಂದಿ ಅಣಬೆ ಬೇಸಾಯವನ್ನು ತಾವೇ ಸ್ವತಃ ತಮ್ಮ ಮನೆಗಳಲ್ಲಿ ಮಾಡಲು ಮುಂದೆ ಬಂದಿದ್ದಾರೆ ಎಂದು ಸಂಪನ್ಮೂಲ ಅಧಿಕಾರಿ ಬಟ್ಟಿಯಂಡ ಅಂಬಿಕಾ ಅಚ್ಚಯ್ಯ ‘ಪ್ರಜಾವಾಣಿ’ಗೆ ತಿಳಿಸಿದರು.

. ಕೊಡಗು ಜಿಲ್ಲೆಯಲ್ಲಿ ಅಣಬೆ ಕೃಷಿಯ ಯಶಸ್ಸು ಪ್ರಮುಖ ಆದಾಯದ ಬೆಳೆ ಭರಪೂರ ಅಣಬೆ ಬೆಳೆದು ಖುಷಿಯಾದ ಮಹಿಳೆಯರು

. ‘ರೈತ ಕ್ಷೇತ್ರ ಪಾಠಶಾಲೆ’ ಕಾರ್ಯಕ್ರಮದಡಿಯಲ್ಲಿ ಕೊಡಗು ಜಿಲ್ಲೆಯಲ್ಲಿ ಇದೇ ಮೊದಲ ಬಾರಿಗೆ ಅಣಬೆ ಬೇಸಾಯ ಕುರಿತು ಮಹಿಳೆಯರಿಗೆ ತರಬೇತಿ ನೀಡಿ ಅವರಿಂದಲೆ ಅಣಬೆ ಬೆಳೆಸಿ ಯಶಸ್ಸು ಪಡೆಯಲಾಗಿದೆ

-ಮೈತ್ರಿ ಉಪಯೋಜನಾ ನಿರ್ದೇಶಕಿ ಆತ್ಮ ಯೋಜನೆ ಕೃಷಿ ಇಲಾಖೆ.

. ಮಹಿಳೆಯರು ಸ್ವಾವಲಂಬಿಯಾಗಿ ಬದುಕುಲು ಅತ್ಯಂತ ಕಡಿಮೆ ವೆಚ್ಚದಲ್ಲಿ ಮಾಡುವ ಬೇಸಾಯ ಎಂದರೆ ಅಣಬೆ ಬೇಸಾಯ. ಈ ಸಂಬಂಧ ನೀಡಿದ ತರಬೇತಿ ಬಾಳೆಲೆಯಲ್ಲಿ ಯಶಸ್ವಿಯಾಗಿದೆ ಬಟ್ಟಿಯಂಡ

-ಅಂಬಿಕಾ ಅಚ್ಚಯ್ಯ ಸಂಪನ್ಮೂಲ ಅಧಿಕಾರಿ

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಮಡಿಕೇರಿ: ಅಣಬೆ ಬೆಳೆದು ಯಶಸ್ಸು ಕಂಡ ಮಹಿಳೆಯರು

ಚಿನಕುರುಳಿ | ಗುರುವಾರ, ನವೆಂಬರ್ 21 2024

ಚುರುಮುರಿ: ದುಡ್ಡಿನ ದಾರಿ

ದಿನ ಭವಿಷ್ಯ: ಈ ರಾಶಿಯವರು ಉಪಕಾರ ಮಾಡದಿದ್ದರೂ ಕೆಡುಕು ಬಯಸದಿರಿ

ಅದಾನಿಯನ್ನು ಈಗಲೇ ಬಂಧಿಸಿ, ಸೆಬಿ ಮುಖ್ಯಸ್ಥರನ್ನು ತನಿಖೆಗೊಳಪಡಿಸಿ: ರಾಹುಲ್ ಗಾಂಧಿ

ಬೆಂಗಳೂರು ಮೊದಲ ಟೆಸ್ಟ್‌ಗೆ ಚಿನ್ನದ ಹೊಳಪು

Aus Vs IND Test: 24ರಂದು ಪರ್ತ್ ತಲುಪಲಿರುವ ರೋಹಿತ್ ಶರ್ಮಾ

ಚೀನಾ ಮಾಸ್ಟರ್ಸ್‌ ಬ್ಯಾಡ್ಮಿಂಟನ್: ಲಕ್ಷ್ಯ ಸೇನ್‌ ಕ್ವಾರ್ಟರ್‌ಗೆ

ಬಾಬಾ ಕೀ ಜೈ ಹೋ... ಮಾಂಜ್ರೇಕರ್‌ಗೆ ಮೊಹಮ್ಮದ್ ಶಮಿ ಮಾತಿನ ‘ತಿವಿತ’

ಒಳನೋಟ | ಪೈರಸಿ ಅಪಾರ, ದೂರು ವಿರಳ

ಒಳನೋಟ: ದಾಂಪತ್ಯ ಸಾಂಗತ್ಯಗಳ ಸುತ್ತ

ಒಳನೋಟ | ಹೆಜ್ಜೆ ಹೆಜ್ಜೆಗೂ ಎಸ್‌ಐಟಿ ತನಿಖೆ

ಒಳನೋಟ | ‘ಅಕ್ರಮ ವಲಸೆ’: ನೆಲೆ ವಿಸ್ತಾರ

ಚಿನಕುರುಳಿ | ಗುರುವಾರ, ನವೆಂಬರ್ 21 2024

ಚುರುಮುರಿ: ದುಡ್ಡಿನ ದಾರಿ

ದಿನ ಭವಿಷ್ಯ: ಈ ರಾಶಿಯವರು ಉಪಕಾರ ಮಾಡದಿದ್ದರೂ ಕೆಡುಕು ಬಯಸದಿರಿ

ಅದಾನಿಯನ್ನು ಈಗಲೇ ಬಂಧಿಸಿ, ಸೆಬಿ ಮುಖ್ಯಸ್ಥರನ್ನು ತನಿಖೆಗೊಳಪಡಿಸಿ: ರಾಹುಲ್ ಗಾಂಧಿ