<p><strong>ನವದೆಹಲಿ:</strong> ಅಧಿಕಾರಕ್ಕೇರಿದ 24 ಗಂಟೆಗಳಲ್ಲಿ ರೈತರ ಸಾಲ ಮನ್ನಾ ಮಾಡುವ ಮೂಲಕ ಕಾಂಗ್ರೆಸ್ ಪಕ್ಷವುರಾಜಸ್ಥಾನ, ಮಧ್ಯಪ್ರದೇಶ ಮತ್ತು ಛತ್ತೀಸಗಡದಲ್ಲಿ ತಮ್ಮ ಮಾತು ಉಳಿಸಿಕೊಂಡಿತು.ಚುನಾವಣೆಗೆ ಮುನ್ನ ಮತದಾರರಿಗೆ ನೀಡಿದ ಭರವಸೆಯಾಗಿತ್ತು ರೈತರಸಾಲ ಮನ್ನಾ. ಚುನಾವಣೆ ಗೆದ್ದ ಕೂಡಲೇ ರಾಹುಲ್ ಗಾಂಧಿ ನೇತೃತ್ವದ ಕಾಂಗ್ರೆಸ್ ಪಕ್ಷ ಆ ಭರವಸೆಯನ್ನು ಪೂರೈಸಿತು.</p>.<p>ಆದರೆ ಈ ಸಾಲಮನ್ನಾದಿಂದಾಗಿ ಕಾಂಗ್ರೆಸ್ ಸರ್ಕಾರಕ್ಕೆ ಆರ್ಥಿಕ ಹೊಡೆತ ಉಂಟಾಗಲಿದೆ ಎಂಬುದು ತಜ್ಞರ ಅಭಿಪ್ರಾಯ.ಈ ಆರ್ಥಿಕ ವರ್ಷದ ಬಜೆಟ್ನಲ್ಲಿ ಮೀಸಲಿಟ್ಟಿದ್ದ ಹಣದ ಶೇ.70 ಹಣವನ್ನು ಅಧಿಕಾರದಿಂದ ಕೆಳಗಿಳಿದಿದ್ದ ಬಿಜೆಪಿ ಸರ್ಕಾರ ವಿನಿಯೋಗಿಸಿತ್ತು.</p>.<p>ಮಧ್ಯಪ್ರದೇಶ ಮತ್ತು ರಾಜಸ್ಥಾನದಲ್ಲಿ ರೈತರ ಹೃಸ್ವ ಅವಧಿಯ ಸಾಲಗಳನ್ನು ಮನ್ನಾ ಮಾಡಲಾಗಿತ್ತು.ಆದರೆ ಛತ್ತೀಸಗಡದಲ್ಲಿ ಗ್ರಾಮೀಣ ಬ್ಯಾಂಕ್ಗಳಿಂದ ಪಡೆದ ಸಾಲಗಳನ್ನೂ ಮನ್ನಾ ಮಾಡಲಾಗಿದೆ.ಸಾಲಮನ್ನಾದಿಂದಾಗಿ ಮಧ್ಯಪ್ರದೇಶದಲ್ಲಿ ₹35,000-38,000 ಕೋಟಿ, ರಾಜಸ್ಥಾನದಲ್ಲಿ ₹18,000 ಕೋಟಿ ಮತ್ತು ಛತ್ತೀಸಗಡಲ್ಲಿ ₹6,100 ಕೋಟಿಯಷ್ಟು ಮೊತ್ತ ಸರ್ಕಾರದ ಮೇಲೆ ಹೊರೆಯಾಗಲಿದೆ. ಆರ್ಥಿಕ ವರ್ಷ ಮುಗಿಯಲು ಇನ್ನೂ ಮೂರು ತಿಂಗಳುಗಳು ಇರುವಾಗ ಇಷ್ಟೊಂದು ಮೊತ್ತದ ಹೊರೆಯನ್ನು ಹೊರುವುದು ಸರ್ಕಾರಗಳಿಗೆ ಕಷ್ಟವಾಗಲಿದೆ ಎಂದು ತಜ್ಞರು ಅಭಿಪ್ರಾಯ ಪಟ್ಟಿದ್ದಾರೆ.</p>.<p>ಈ ಹಿಂದೆ ಈ ರಾಜ್ಯಗಳಲ್ಲಿ ಆಡಳಿತ ನಡೆಸಿದ್ದ ಸರ್ಕಾರಗಳು ರಾಜ್ಯ ಬೊಕ್ಕಸದಿಂದ ಶೇ.75ಕ್ಕಿಂತಲೂ ಹೆಚ್ಚು ಖರ್ಚು ಮಾಡಿದ್ದು, ಹೊಸ ಸರ್ಕಾರಗಳಿಗೆ ಹೊರೆಯಾಗಲಿದೆ.</p>.<p>ಪ್ರತಿ ಕುಟುಂಬದಲ್ಲಿನ ನಿರುದ್ಯೋಗಿ ವ್ಯಕ್ತಿಗಳಿಗೆ ₹3,500ರಿಂದ ₹10,000 ವರೆಗೆ ಭತ್ಯೆ ನೀಡುವುದಾಗಿ ಮಧ್ಯಪ್ರದೇಶ, ರಾಜಸ್ಥಾನದಲ್ಲಿ ಚುನಾವಣೆ ಭರವಸೆ ನೀಡಲಾಗಿತ್ತು. ನಿರುದ್ಯೋಗಿಗಳಿಗೆ ನಿರುದ್ಯೋಗಿ ವೇತನ ನೀಡುವುದಾಗಿ ಛತ್ತೀಸಗಡದಲ್ಲಿ ಹೇಳಲಾಗಿತ್ತು.ಇದು ಮಾತ್ರವಲ್ಲದೆ ವಿದ್ಯುತ್ ದರ ಕಡಿತ, ಉಚಿತ ಶಿಕ್ಷಣ , ಔಷಧಿ ನೀಡಿವುದಾಗಿ ಕಾಂಗ್ರೆಸ್ ಭರವಸೆ ನೀಡಿತ್ತು.ಛತ್ತೀಸಗಡದಲ್ಲಿ ಮದ್ಯ ನಿಷೇಧಿಸುವುದಾಗಿಯೂ ಕಾಂಗ್ರೆಸ್ ಹೇಳಿತ್ತು. ಆದರೆ 2018-19 ಆರ್ಥಿಕ ವರ್ಷದಲ್ಲಿ ಇದಕ್ಕೆಲ್ಲಾ ಹಣ ಹೊಂದಿಸುವುದು ಹೇಗೆ ಎಂಬುದು ಕಾಂಗ್ರೆಸ್ ಮುಂದಿರುವ ದೊಡ್ಡ ಪ್ರಶ್ನೆಯಾಗಿದೆ.</p>.<p>2018- 19 ಆರ್ಥಿಕ ವರ್ಷದಲ್ಲಿ ₹1,86,683 ಕೋಟಿ ಮಧ್ಯ ಪ್ರದೇಶ ಬಜೆಟ್ ನಲ್ಲಿ ಮೀಸಲಿರಿಸಲಾಗಿತ್ತು.ಅಕ್ಟೋಬರ್ ತಿಂಗಳ ವರೆಗಿನ ಲೆಕ್ಕಾಚಾರ ಪ್ರಕಾರರ ಇದರಲ್ಲಿ ₹1,25,000 ಕೋಟಿ ವಿವಿಧ ಯೋಜನೆಗಳಿಗಾಗಿ ಖರ್ಚು ಮಾಡಲಾಗಿದೆ.ಇದರೊಂದಿಗೆ ಸಾಲಮನ್ನಾ ಕೂಡಾ ಮಾಡಿದರೆ ರಾಜ್ಯದ ಬೊಕ್ಕಸ ಖಾಲಿಯಾಗುವ ಪರಿಸ್ಥಿತಿ ಉಂಟಾಗುತ್ತದೆ.ಇತರೆಡೆಯಿಂದ ಸಾಲ ಪಡೆಯುವ ಅವಕಾಶ ಇದ್ದರೂ ಚುನಾವಣೆಗೆ ಮುನ್ನವೇ ಶೇ.90ರಷ್ಟು ಸಾಲ ಪಡೆದಾದಿದೆ ಎಂದು ಆರ್ಥಿಕ ಇಲಾಖೆ ಹೇಳಿದೆ.</p>.<p>ರಾಜಸ್ಥಾನದ ಬಜೆಟ್ ಮೊತ್ತದ 6ನೇ ಒಂದು ಭಾಗದಷ್ಟಿದೆ ಸಾಲ ಮನ್ನಾದ ಮೊತ್ತ. ಈ ಆರ್ಥಿಕ ವರ್ಷದಲ್ಲಿ ₹1,07,865 ಕೋಟಿ ಮೊತ್ತವನ್ನು ಬಜೆಟ್ನಲ್ಲಿ ಮೀಸಲಿರಿಸಲಾಗಿದೆ.ಇದರಲ್ಲಿ ₹77,000 ಕೋಟಿ ಖರ್ಚಾಗಿದೆ. ಚುನಾವಣೆ ಮುನ್ನ ನೀಡಿದ ಭರವಸೆ ಪೂರೈಸಬೇಕೆಂದಾದರೆ ಬಜೆಟ್ ಮೊತ್ತದ ಶೇ.25ರಷ್ಟನ್ನು ಖರ್ಚು ಮಾಡಬೇಕಿದೆ. ಹೆಚ್ಚಿನ ಹಣದ ಹೊರೆ ಆರ್ಥಿಕ ಕುಸಿತಕ್ಕೆ ಕಾರಣಕ್ಕೆ ಕಾರಣವಾಗುತ್ತದೆ ಎಂದು ರಾಜಸ್ಥಾನ ವಿವಿಯ ಅರ್ಥಶಾಸ್ತ್ರ ವಿಭಾಗದ ಪ್ರೊಫೆಸರ್ ವಿ.ವಿ.ಸಿಂಗ್ ಹೇಳಿದ್ದಾರೆ.₹36,000 ಕೋಟಿ ಸಾಲ ಪಡೆಯಬಹುದಾಗಿದ್ದರೂ ಅದರಲ್ಲಿ ಈಗಾಗಲೇ ₹25,000 ಕೋಟಿ ಸಾಲ ಪಡೆದಾಗಿದೆ ಎಂದು ಮುಖ್ಯಮಂತ್ರಿ ಅಶೋಕ್ ಗೆಹ್ಲೊಟ್ ಹೇಳಿದ್ದಾರೆ.</p>.<p>ಛತ್ತೀಸಗಡದಲ್ಲಿ ಸಾಲ ಮನ್ನಾ ಮಾಡುವುದರ ಜತೆಗೆ ಭತ್ತ ಮತ್ತು ಜೋಳದ ಬೆಂಬಲ ಬೆಲೆ ಏರಿಕೆ ಮಾಡುವುದರ ಮೂಲಕ ಒಟ್ಟು ಬಜೆಟ್ನ 10ನೇ ಒಂದು ಭಾಗ ಸರ್ಕಾರಕ್ಕೆ ಹೊರೆಯಾಗಲಿದೆ.ಇಲ್ಲಿ ₹83 ,179 ಕೋಟಿ ಮೊತ್ತವನ್ನು 2018-19ರ ಆರ್ಥಿಕ ವರ್ಷದಲ್ಲಿ ಮೀಸಲಿಡಲಾಗಿದೆ.</p>.<p>ರಾಜಕೀಯ ಪಕ್ಷಗಳು ರೈತರ ಸಾಲ ಮನ್ನಾ ಮಾಡುವುದರಬಗ್ಗೆ ಹಲವಾರು ತಜ್ಞರು ವಿರೋಧ ವ್ಯಕ್ತ ಪಡಿಸಿದ್ದಾರೆ.ಎಸ್ಬಿಐಯ ಆರ್ಥಿಕ ಸಲಹೆಗಾರಸೌಮ್ಯ ಕಾಂತಿ ಘೋಷ್, ಕೃಷಿ ತಜ್ಞ ಡಾ.ಎಂ.ಎಸ್. ಸ್ವಾಮಿನಾಥನ್ ಮೊದಲಾದವರು <a href="https://www.prajavani.net/stories/national/reap-poll-gains-dont-sow-loan-596706.html" target="_blank">ಸಾಲ ಮನ್ನಾ</a> ಮಾಡುವುದನ್ನು ವಿರೋಧಿಸಿದ್ದಾರೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ನವದೆಹಲಿ:</strong> ಅಧಿಕಾರಕ್ಕೇರಿದ 24 ಗಂಟೆಗಳಲ್ಲಿ ರೈತರ ಸಾಲ ಮನ್ನಾ ಮಾಡುವ ಮೂಲಕ ಕಾಂಗ್ರೆಸ್ ಪಕ್ಷವುರಾಜಸ್ಥಾನ, ಮಧ್ಯಪ್ರದೇಶ ಮತ್ತು ಛತ್ತೀಸಗಡದಲ್ಲಿ ತಮ್ಮ ಮಾತು ಉಳಿಸಿಕೊಂಡಿತು.ಚುನಾವಣೆಗೆ ಮುನ್ನ ಮತದಾರರಿಗೆ ನೀಡಿದ ಭರವಸೆಯಾಗಿತ್ತು ರೈತರಸಾಲ ಮನ್ನಾ. ಚುನಾವಣೆ ಗೆದ್ದ ಕೂಡಲೇ ರಾಹುಲ್ ಗಾಂಧಿ ನೇತೃತ್ವದ ಕಾಂಗ್ರೆಸ್ ಪಕ್ಷ ಆ ಭರವಸೆಯನ್ನು ಪೂರೈಸಿತು.</p>.<p>ಆದರೆ ಈ ಸಾಲಮನ್ನಾದಿಂದಾಗಿ ಕಾಂಗ್ರೆಸ್ ಸರ್ಕಾರಕ್ಕೆ ಆರ್ಥಿಕ ಹೊಡೆತ ಉಂಟಾಗಲಿದೆ ಎಂಬುದು ತಜ್ಞರ ಅಭಿಪ್ರಾಯ.ಈ ಆರ್ಥಿಕ ವರ್ಷದ ಬಜೆಟ್ನಲ್ಲಿ ಮೀಸಲಿಟ್ಟಿದ್ದ ಹಣದ ಶೇ.70 ಹಣವನ್ನು ಅಧಿಕಾರದಿಂದ ಕೆಳಗಿಳಿದಿದ್ದ ಬಿಜೆಪಿ ಸರ್ಕಾರ ವಿನಿಯೋಗಿಸಿತ್ತು.</p>.<p>ಮಧ್ಯಪ್ರದೇಶ ಮತ್ತು ರಾಜಸ್ಥಾನದಲ್ಲಿ ರೈತರ ಹೃಸ್ವ ಅವಧಿಯ ಸಾಲಗಳನ್ನು ಮನ್ನಾ ಮಾಡಲಾಗಿತ್ತು.ಆದರೆ ಛತ್ತೀಸಗಡದಲ್ಲಿ ಗ್ರಾಮೀಣ ಬ್ಯಾಂಕ್ಗಳಿಂದ ಪಡೆದ ಸಾಲಗಳನ್ನೂ ಮನ್ನಾ ಮಾಡಲಾಗಿದೆ.ಸಾಲಮನ್ನಾದಿಂದಾಗಿ ಮಧ್ಯಪ್ರದೇಶದಲ್ಲಿ ₹35,000-38,000 ಕೋಟಿ, ರಾಜಸ್ಥಾನದಲ್ಲಿ ₹18,000 ಕೋಟಿ ಮತ್ತು ಛತ್ತೀಸಗಡಲ್ಲಿ ₹6,100 ಕೋಟಿಯಷ್ಟು ಮೊತ್ತ ಸರ್ಕಾರದ ಮೇಲೆ ಹೊರೆಯಾಗಲಿದೆ. ಆರ್ಥಿಕ ವರ್ಷ ಮುಗಿಯಲು ಇನ್ನೂ ಮೂರು ತಿಂಗಳುಗಳು ಇರುವಾಗ ಇಷ್ಟೊಂದು ಮೊತ್ತದ ಹೊರೆಯನ್ನು ಹೊರುವುದು ಸರ್ಕಾರಗಳಿಗೆ ಕಷ್ಟವಾಗಲಿದೆ ಎಂದು ತಜ್ಞರು ಅಭಿಪ್ರಾಯ ಪಟ್ಟಿದ್ದಾರೆ.</p>.<p>ಈ ಹಿಂದೆ ಈ ರಾಜ್ಯಗಳಲ್ಲಿ ಆಡಳಿತ ನಡೆಸಿದ್ದ ಸರ್ಕಾರಗಳು ರಾಜ್ಯ ಬೊಕ್ಕಸದಿಂದ ಶೇ.75ಕ್ಕಿಂತಲೂ ಹೆಚ್ಚು ಖರ್ಚು ಮಾಡಿದ್ದು, ಹೊಸ ಸರ್ಕಾರಗಳಿಗೆ ಹೊರೆಯಾಗಲಿದೆ.</p>.<p>ಪ್ರತಿ ಕುಟುಂಬದಲ್ಲಿನ ನಿರುದ್ಯೋಗಿ ವ್ಯಕ್ತಿಗಳಿಗೆ ₹3,500ರಿಂದ ₹10,000 ವರೆಗೆ ಭತ್ಯೆ ನೀಡುವುದಾಗಿ ಮಧ್ಯಪ್ರದೇಶ, ರಾಜಸ್ಥಾನದಲ್ಲಿ ಚುನಾವಣೆ ಭರವಸೆ ನೀಡಲಾಗಿತ್ತು. ನಿರುದ್ಯೋಗಿಗಳಿಗೆ ನಿರುದ್ಯೋಗಿ ವೇತನ ನೀಡುವುದಾಗಿ ಛತ್ತೀಸಗಡದಲ್ಲಿ ಹೇಳಲಾಗಿತ್ತು.ಇದು ಮಾತ್ರವಲ್ಲದೆ ವಿದ್ಯುತ್ ದರ ಕಡಿತ, ಉಚಿತ ಶಿಕ್ಷಣ , ಔಷಧಿ ನೀಡಿವುದಾಗಿ ಕಾಂಗ್ರೆಸ್ ಭರವಸೆ ನೀಡಿತ್ತು.ಛತ್ತೀಸಗಡದಲ್ಲಿ ಮದ್ಯ ನಿಷೇಧಿಸುವುದಾಗಿಯೂ ಕಾಂಗ್ರೆಸ್ ಹೇಳಿತ್ತು. ಆದರೆ 2018-19 ಆರ್ಥಿಕ ವರ್ಷದಲ್ಲಿ ಇದಕ್ಕೆಲ್ಲಾ ಹಣ ಹೊಂದಿಸುವುದು ಹೇಗೆ ಎಂಬುದು ಕಾಂಗ್ರೆಸ್ ಮುಂದಿರುವ ದೊಡ್ಡ ಪ್ರಶ್ನೆಯಾಗಿದೆ.</p>.<p>2018- 19 ಆರ್ಥಿಕ ವರ್ಷದಲ್ಲಿ ₹1,86,683 ಕೋಟಿ ಮಧ್ಯ ಪ್ರದೇಶ ಬಜೆಟ್ ನಲ್ಲಿ ಮೀಸಲಿರಿಸಲಾಗಿತ್ತು.ಅಕ್ಟೋಬರ್ ತಿಂಗಳ ವರೆಗಿನ ಲೆಕ್ಕಾಚಾರ ಪ್ರಕಾರರ ಇದರಲ್ಲಿ ₹1,25,000 ಕೋಟಿ ವಿವಿಧ ಯೋಜನೆಗಳಿಗಾಗಿ ಖರ್ಚು ಮಾಡಲಾಗಿದೆ.ಇದರೊಂದಿಗೆ ಸಾಲಮನ್ನಾ ಕೂಡಾ ಮಾಡಿದರೆ ರಾಜ್ಯದ ಬೊಕ್ಕಸ ಖಾಲಿಯಾಗುವ ಪರಿಸ್ಥಿತಿ ಉಂಟಾಗುತ್ತದೆ.ಇತರೆಡೆಯಿಂದ ಸಾಲ ಪಡೆಯುವ ಅವಕಾಶ ಇದ್ದರೂ ಚುನಾವಣೆಗೆ ಮುನ್ನವೇ ಶೇ.90ರಷ್ಟು ಸಾಲ ಪಡೆದಾದಿದೆ ಎಂದು ಆರ್ಥಿಕ ಇಲಾಖೆ ಹೇಳಿದೆ.</p>.<p>ರಾಜಸ್ಥಾನದ ಬಜೆಟ್ ಮೊತ್ತದ 6ನೇ ಒಂದು ಭಾಗದಷ್ಟಿದೆ ಸಾಲ ಮನ್ನಾದ ಮೊತ್ತ. ಈ ಆರ್ಥಿಕ ವರ್ಷದಲ್ಲಿ ₹1,07,865 ಕೋಟಿ ಮೊತ್ತವನ್ನು ಬಜೆಟ್ನಲ್ಲಿ ಮೀಸಲಿರಿಸಲಾಗಿದೆ.ಇದರಲ್ಲಿ ₹77,000 ಕೋಟಿ ಖರ್ಚಾಗಿದೆ. ಚುನಾವಣೆ ಮುನ್ನ ನೀಡಿದ ಭರವಸೆ ಪೂರೈಸಬೇಕೆಂದಾದರೆ ಬಜೆಟ್ ಮೊತ್ತದ ಶೇ.25ರಷ್ಟನ್ನು ಖರ್ಚು ಮಾಡಬೇಕಿದೆ. ಹೆಚ್ಚಿನ ಹಣದ ಹೊರೆ ಆರ್ಥಿಕ ಕುಸಿತಕ್ಕೆ ಕಾರಣಕ್ಕೆ ಕಾರಣವಾಗುತ್ತದೆ ಎಂದು ರಾಜಸ್ಥಾನ ವಿವಿಯ ಅರ್ಥಶಾಸ್ತ್ರ ವಿಭಾಗದ ಪ್ರೊಫೆಸರ್ ವಿ.ವಿ.ಸಿಂಗ್ ಹೇಳಿದ್ದಾರೆ.₹36,000 ಕೋಟಿ ಸಾಲ ಪಡೆಯಬಹುದಾಗಿದ್ದರೂ ಅದರಲ್ಲಿ ಈಗಾಗಲೇ ₹25,000 ಕೋಟಿ ಸಾಲ ಪಡೆದಾಗಿದೆ ಎಂದು ಮುಖ್ಯಮಂತ್ರಿ ಅಶೋಕ್ ಗೆಹ್ಲೊಟ್ ಹೇಳಿದ್ದಾರೆ.</p>.<p>ಛತ್ತೀಸಗಡದಲ್ಲಿ ಸಾಲ ಮನ್ನಾ ಮಾಡುವುದರ ಜತೆಗೆ ಭತ್ತ ಮತ್ತು ಜೋಳದ ಬೆಂಬಲ ಬೆಲೆ ಏರಿಕೆ ಮಾಡುವುದರ ಮೂಲಕ ಒಟ್ಟು ಬಜೆಟ್ನ 10ನೇ ಒಂದು ಭಾಗ ಸರ್ಕಾರಕ್ಕೆ ಹೊರೆಯಾಗಲಿದೆ.ಇಲ್ಲಿ ₹83 ,179 ಕೋಟಿ ಮೊತ್ತವನ್ನು 2018-19ರ ಆರ್ಥಿಕ ವರ್ಷದಲ್ಲಿ ಮೀಸಲಿಡಲಾಗಿದೆ.</p>.<p>ರಾಜಕೀಯ ಪಕ್ಷಗಳು ರೈತರ ಸಾಲ ಮನ್ನಾ ಮಾಡುವುದರಬಗ್ಗೆ ಹಲವಾರು ತಜ್ಞರು ವಿರೋಧ ವ್ಯಕ್ತ ಪಡಿಸಿದ್ದಾರೆ.ಎಸ್ಬಿಐಯ ಆರ್ಥಿಕ ಸಲಹೆಗಾರಸೌಮ್ಯ ಕಾಂತಿ ಘೋಷ್, ಕೃಷಿ ತಜ್ಞ ಡಾ.ಎಂ.ಎಸ್. ಸ್ವಾಮಿನಾಥನ್ ಮೊದಲಾದವರು <a href="https://www.prajavani.net/stories/national/reap-poll-gains-dont-sow-loan-596706.html" target="_blank">ಸಾಲ ಮನ್ನಾ</a> ಮಾಡುವುದನ್ನು ವಿರೋಧಿಸಿದ್ದಾರೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
