ಅಸ್ಸಾಂ ಪ್ರವಾಹ: ಕಾಜಿರಂಗ ರಾಷ್ಟ್ರೀಯ ಉದ್ಯಾನದಲ್ಲಿ 131 ಪ್ರಾಣಿಗಳು ಸಾವು

ಮೃತಪಟ್ಟ ಪ್ರಾಣಿಗಳಲ್ಲಿ 6 ಘೇಂಡಾಮೃಗಗಳು ಹಾಗೂ 117 ಜಿಂಕೆಗಳು ಸೇರಿವೆ. ಈ ಪೈಕಿ 98 ಜಿಂಕೆಗಳು ನೀರಿನಲ್ಲಿ ಕೊಚ್ಚಿ ಹೋಗಿದ್ದು, ಎರಡು ಜಿಂಕೆಗಳು ವಾಹನ ಡಿಕ್ಕಿ ಹೊಡೆದು ಸತ್ತಿವೆ. 17 ಜಿಂಕೆಗಳು ಚಿಕಿತ್ಸೆ ವೇಳೆ ಸಾವನ್ನಪ್ಪಿವೆ. ಒಟ್ಟು 25 ಪ್ರಾಣಿಗಳು ಚಿಕಿತ್ಸೆ ವೇಳೆ ಅಸುನೀಗಿವೆ.

85 ಜಿಂಕೆಗಳು, 2 ಘೇಂಡಾಮೃಗಗಳು, ಎರಡು ಸಾಂಬಾರ ಸೇರಿ 96 ಪ್ರಾಣಿಗಳನ್ನು ಅರಣ್ಯಾಧಿಕಾರಿಗಳು ರಕ್ಷಣೆ ಮಾಡಿದ್ದಾರೆ.

ಸದ್ಯ 25 ಪ್ರಾಣಿಗಳು ಚಿಕಿತ್ಸೆ ಪಡೆಯುತ್ತಿದ್ದು, 52 ಇನ್ನಿತರ ಪ್ರಾಣಿಗಳಿಗೆ ಚಿಕಿತ್ಸೆ ನೀಡಿ ಬಿಡುಗಡೆಗೊಳಿಸಲಾಗಿದೆ.