<p><strong>ಅಹಮದಾಬಾದ್: </strong>ಪ್ರಯಾಣಿಕರ ಸುರಕ್ಷತೆಗಾಗಿ ಆ್ಯಪ್ ಹೊರ ತಂದಿದ್ದ ಗುಜರಾತ್ ರೈಲ್ವೆ ಪೊಲೀಸರು ಮುಜುಗರ ಅನುಭವಿಸುವಂಥ ಪರಿಸ್ಥಿತಿ ಎದುರಾಗಿದೆ.</p>.<p>ಆ್ಯಪ್ನ ಡ್ಯಾಶ್ಬೋರ್ಡ್ಗೆ ಪಾಕಿಸ್ತಾನದ ರೈಲಿನ ಚಿತ್ರವನ್ನು ಅಳವಡಿಸಿದ್ದ ರೈಲ್ವೆ ಪೊಲೀಸರು ಪೇಚಿಗೆ ಸಿಲುಕಿದ್ದು, ಸದ್ಯ ಚಿತ್ರವನ್ನು ತೆಗೆದು ಹಾಕಿದ್ದಾರೆ.</p>.<p>ರೈಲು ಪ್ರಯಾಣಿಕರ ಸುರಕ್ಷತೆಗಾಗಿ ಗುಜರಾತ್ ರೈಲ್ವೆ ಪೊಲೀಸರು ಶನಿವಾರ ‘ಸುರಕ್ಷಿತ್ ಸಫರ್’ ಎಂಬ ಆ್ಯಪ್ ಅನ್ನು ಲೋಕಾರ್ಪಣೆ ಮಾಡಿದ್ದರು. ಈ ಆ್ಯಪ್ನಲ್ಲಿ ಯಡವಟ್ಟು ಸಂಭವಿಸಿತ್ತು. ಆ್ಯಪ್ಗೆ ಪಾಕಿಸ್ತಾನದ ರೈಲಿನ ಚಿತ್ರ ಹಾಕಲಾಗಿತ್ತು. ಈ ಬಗ್ಗೆ ಸಾಮಾಜಿಕ ತಾಣದಲ್ಲಿ ಹಲವರು ಎಚ್ಚರಿಸಿದ ನಂತರ ರೈಲ್ವೆ ಪೊಲೀಸರಿಗೆ ತಮ್ಮ ತಪ್ಪಿನ ಅರಿವಾಗಿತ್ತು.</p>.<p>‘ಆ್ಯಪ್ ಅನ್ನು ಸುಂದರವಾಗಿ ವಿನ್ಯಾಸ ಮಾಡುವ ದೃಷ್ಟಿಯಿಂದ ಡೆವಲಪರ್ಗಳು ರೈಲುಗಳ ಆಕರ್ಷಕ ಚಿತ್ರಗಳನ್ನು ಡ್ಯಾಶ್ಬೋರ್ಡ್ಗೆ ಹಾಕಿದ್ದಾರೆ. ಆಗ ಪ್ರಮಾದವಶಾತ್ ಪಾಕಿಸ್ತಾನದ ರೈಲಿನ ಚಿತ್ರಗಳು ಬಂದುಬಿಟ್ಟಿವೆ. ಈ ವಿಚಾರ ಗೊತ್ತಾಗುತ್ತಲೇ ಚಿತ್ರ ತೆಗೆಯುವಂತೆ ಡೆವೆಲಪರ್ಗಳಿಗೆ ತಿಳಿಸಲಾಯಿತು. ಇದು ಉದ್ದೇಶಪೂರ್ವಕ ಕೃತ್ಯವಲ್ಲ,’ ಎಂದು ರೈಲ್ವೆ ಅಪರಾಧ ವಿಭಾಗದ ಡಿಐಜಿ ಗೌತಮ್ ಪರ್ಮರ್ ತಿಳಿಸಿದ್ದಾರೆ.</p>.<p>‘ಸುರಕ್ಷಿತ್ ಸಫರ್’ ಆ್ಯಪ್ ಅನ್ನು ಗುಜರಾತ್ನ ಗೃಹ ಸಚಿವ ಪ್ರದೀಪ್ ಸಿನ್ಹ ಜಡೇಜಾ ಅವರು ಲೋಕಾರ್ಪಣೆ ಮಾಡಿದ್ದರು.</p>.<p>ತುರ್ತು ಸಂದರ್ಭದಲ್ಲಿ ಪ್ರಯಾಣಿಕರು ರೈಲ್ವೆ ಪೊಲೀಸರ ನೆರವು ಪಡೆಯಲು ಅನುಕೂಲವಾಗುವಂತೆ ಆ್ಯಪ್ ಅನ್ನು ಅಭಿವೃದ್ಧಿಪಡಿಸಲಾಗಿದೆ. ರೈಲಿನಲ್ಲಿ ಮಾದಕ ವಸ್ತುಗಳನ್ನು ಸಾಗಿಸುತ್ತಿರುವ ಬಗ್ಗೆ ಗೊತ್ತಾದರೆ ಪ್ರಯಾಣಿಕರು ಈ ಆ್ಯಪ್ ಮೂಲಕ ಪೊಲೀಸರಿಗೆ ಮಾಹಿತಿಯನ್ನೂ ರವಾನಿಸಬಹುದಾಗಿದೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಅಹಮದಾಬಾದ್: </strong>ಪ್ರಯಾಣಿಕರ ಸುರಕ್ಷತೆಗಾಗಿ ಆ್ಯಪ್ ಹೊರ ತಂದಿದ್ದ ಗುಜರಾತ್ ರೈಲ್ವೆ ಪೊಲೀಸರು ಮುಜುಗರ ಅನುಭವಿಸುವಂಥ ಪರಿಸ್ಥಿತಿ ಎದುರಾಗಿದೆ.</p>.<p>ಆ್ಯಪ್ನ ಡ್ಯಾಶ್ಬೋರ್ಡ್ಗೆ ಪಾಕಿಸ್ತಾನದ ರೈಲಿನ ಚಿತ್ರವನ್ನು ಅಳವಡಿಸಿದ್ದ ರೈಲ್ವೆ ಪೊಲೀಸರು ಪೇಚಿಗೆ ಸಿಲುಕಿದ್ದು, ಸದ್ಯ ಚಿತ್ರವನ್ನು ತೆಗೆದು ಹಾಕಿದ್ದಾರೆ.</p>.<p>ರೈಲು ಪ್ರಯಾಣಿಕರ ಸುರಕ್ಷತೆಗಾಗಿ ಗುಜರಾತ್ ರೈಲ್ವೆ ಪೊಲೀಸರು ಶನಿವಾರ ‘ಸುರಕ್ಷಿತ್ ಸಫರ್’ ಎಂಬ ಆ್ಯಪ್ ಅನ್ನು ಲೋಕಾರ್ಪಣೆ ಮಾಡಿದ್ದರು. ಈ ಆ್ಯಪ್ನಲ್ಲಿ ಯಡವಟ್ಟು ಸಂಭವಿಸಿತ್ತು. ಆ್ಯಪ್ಗೆ ಪಾಕಿಸ್ತಾನದ ರೈಲಿನ ಚಿತ್ರ ಹಾಕಲಾಗಿತ್ತು. ಈ ಬಗ್ಗೆ ಸಾಮಾಜಿಕ ತಾಣದಲ್ಲಿ ಹಲವರು ಎಚ್ಚರಿಸಿದ ನಂತರ ರೈಲ್ವೆ ಪೊಲೀಸರಿಗೆ ತಮ್ಮ ತಪ್ಪಿನ ಅರಿವಾಗಿತ್ತು.</p>.<p>‘ಆ್ಯಪ್ ಅನ್ನು ಸುಂದರವಾಗಿ ವಿನ್ಯಾಸ ಮಾಡುವ ದೃಷ್ಟಿಯಿಂದ ಡೆವಲಪರ್ಗಳು ರೈಲುಗಳ ಆಕರ್ಷಕ ಚಿತ್ರಗಳನ್ನು ಡ್ಯಾಶ್ಬೋರ್ಡ್ಗೆ ಹಾಕಿದ್ದಾರೆ. ಆಗ ಪ್ರಮಾದವಶಾತ್ ಪಾಕಿಸ್ತಾನದ ರೈಲಿನ ಚಿತ್ರಗಳು ಬಂದುಬಿಟ್ಟಿವೆ. ಈ ವಿಚಾರ ಗೊತ್ತಾಗುತ್ತಲೇ ಚಿತ್ರ ತೆಗೆಯುವಂತೆ ಡೆವೆಲಪರ್ಗಳಿಗೆ ತಿಳಿಸಲಾಯಿತು. ಇದು ಉದ್ದೇಶಪೂರ್ವಕ ಕೃತ್ಯವಲ್ಲ,’ ಎಂದು ರೈಲ್ವೆ ಅಪರಾಧ ವಿಭಾಗದ ಡಿಐಜಿ ಗೌತಮ್ ಪರ್ಮರ್ ತಿಳಿಸಿದ್ದಾರೆ.</p>.<p>‘ಸುರಕ್ಷಿತ್ ಸಫರ್’ ಆ್ಯಪ್ ಅನ್ನು ಗುಜರಾತ್ನ ಗೃಹ ಸಚಿವ ಪ್ರದೀಪ್ ಸಿನ್ಹ ಜಡೇಜಾ ಅವರು ಲೋಕಾರ್ಪಣೆ ಮಾಡಿದ್ದರು.</p>.<p>ತುರ್ತು ಸಂದರ್ಭದಲ್ಲಿ ಪ್ರಯಾಣಿಕರು ರೈಲ್ವೆ ಪೊಲೀಸರ ನೆರವು ಪಡೆಯಲು ಅನುಕೂಲವಾಗುವಂತೆ ಆ್ಯಪ್ ಅನ್ನು ಅಭಿವೃದ್ಧಿಪಡಿಸಲಾಗಿದೆ. ರೈಲಿನಲ್ಲಿ ಮಾದಕ ವಸ್ತುಗಳನ್ನು ಸಾಗಿಸುತ್ತಿರುವ ಬಗ್ಗೆ ಗೊತ್ತಾದರೆ ಪ್ರಯಾಣಿಕರು ಈ ಆ್ಯಪ್ ಮೂಲಕ ಪೊಲೀಸರಿಗೆ ಮಾಹಿತಿಯನ್ನೂ ರವಾನಿಸಬಹುದಾಗಿದೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
