ದೇಶಿ ಸ್ಟೆಂಟ್‌ ಗುಣಮಟ್ಟ ವಿದೇಶಿಯಷ್ಟೇ ಉತ್ತಮ

ನವದೆಹಲಿ : ಹೃದಯರೋಗ ಶಸ್ತ್ರಚಿಕಿತ್ಸೆಯಲ್ಲಿ ಬಳಸುವ, ದೇಶಿಯವಾಗಿ ಉತ್ಪಾದಿಸಲಾದ ಸ್ಟೆಂಟ್ಗಳ ಗುಣಮಟ್ಟವು ವಿಶ್ವದ ಅತ್ಯುತ್ತಮ ಸ್ಟೆಂಟ್ಗಳಿಗೆ ಸಮಾನವಾಗಿದೆ ಎಂಬ ಅಂಶ ಯೂರೋಪ್ನ ಏಳು ರಾಷ್ಟ್ರಗಳ 23 ಆಸ್ಪತ್ರೆಗಳಲ್ಲಿ ನಡೆಸಿದ ಸಮೀಕ್ಷೆಯಿಂದ ದೃಢಪಟ್ಟಿದೆ.

. ಹೃದ್ರೋಗ ಸಮಸ್ಯೆಯಿಂದ ಬಳಲುತ್ತಿದ್ದ 1,435 ರೋಗಿಗಳನ್ನು ಈ ಸಮೀಕ್ಷೆಗೆ ಒಳಪಡಿಸಲಾಗಿತ್ತು. ಶೇ 50ರಷ್ಟು ರೋಗಿಗಳಿಗೆ ‘ಮೇಡ್ ಇನ್ ಇಂಡಿಯಾ’ ಸ್ಟೆಂಟ್ ಅಳವಡಿಸಿದ್ದರೆ, ಉಳಿದವರಿಗೆ ಅತ್ಯುತ್ತಮ ಗುಣಮಟ್ಟದ್ದು ಎಂದು ಪರಿಗಣಿಸಲಾಗಿದ್ದ ಅಮೆರಿಕ ಉತ್ಪಾದನೆಯ ಸ್ಟೆಂಟ್ ಅಳವಡಿಸ ಲಾಗಿತ್ತು.

. 12 ತಿಂಗಳ ಬಳಿಕ ಪರೀಕ್ಷಿಸಿದಾಗ ಉಭಯ ಗುಂಪಿನ ರೋಗಿಗಳಲ್ಲಿ ಫಲಿತಾಂಶ ಏಕರೂಪವಾಗಿರುವುದು ಕಂಡುಬಂದಿತ್ತು ಎಂದು ವೈದ್ಯಕೀಯ ಪ್ರಕಟಣೆ ‘ಲಾನ್ಸೆಟ್’ನ ಇತ್ತೀಚಿನ ಆವೃತ್ತಿಯಲ್ಲಿ ಹೇಳಲಾಗಿದೆ.

. ರಕ್ತನಾಳಗಳಲ್ಲಿ ಹೆಪ್ಪುಗಟ್ಟಿರುವ ರಕ್ತದ ಅಂಶಗಳನ್ನು ತೆರವುಗೊಳಿಸಲು ‘ಸ್ಟೆಂಟ್’ ಬಳಸಲಾಗುತ್ತದೆ. ಔಷಧ ಲೇಪಿಸಿದ ಸ್ಟೆಂಟ್ಗಳು ಶಸ್ತ್ರಚಿಕಿತ್ಸೆಯ ಬಳಿಕ ರಕ್ತದಸರಾಗ ಚಲನೆಗೆ ಅನುವು ಮಾಡಿಕೊಡುತ್ತವೆ.

. ಭಾರತದಲ್ಲಿ ಪ್ರತಿವರ್ಷವೂ 5ಲಕ್ಷಕ್ಕೂ ಅಧಿಕ ಸ್ಟೆಂಟ್ಗಳು ಬಳಕೆಯಾಗಲಿವೆ. ಭಾರತೀಯ ಮತ್ತು ವಿದೇಶಿ ಉತ್ಪನ್ನಗಳ ದರದಲ್ಲಿ ಭಾರಿ ವ್ಯತ್ಯಾಸವಿತ್ತು. ಹೆಚ್ಚಿನ ರೋಗಿಗಳಿಗೆ ಕೈಗೆಟಕುವ ದರದಲ್ಲಿ ಸ್ಟೆಂಟ್ಗಳು ಲಭ್ಯವಾಗಬೇಕು ಎಂಬ ಉದ್ದೇಶದಿಂದ ಕೇಂದ್ರ ಸರ್ಕಾರ 2017ರಲ್ಲಿ ಸ್ಟೆಂಟ್ಗಳನ್ನು ದರ ನಿಯಂತ್ರಣ ಪರಿಧಿಗೆ ಒಳಪಡಿಸಿತ್ತು.

. ಆದರೆ, ಕೆಲ ವಿದೇಶಿ ಉತ್ಪಾದನಾ ಸಂಸ್ಥೆಗಳು ಮತ್ತು ಸ್ಥಾಪಿತ ಹಿತಾಸಕ್ತಿಗಳು, ‘ಆಮದು ಮಾಡಿದ ಸ್ಟೆಂಟ್ಗಳ ಗುಣಮಟ್ಟವು ದೇಶಿ ಸ್ಟೆಂಟ್ಗಳಿಗಿಂತ ಉತ್ತಮವಾಗಿರುತ್ತದೆ’ ಎಂದು ವಾದಿಸುತ್ತಿದ್ದವು. ನೆದರ್ಲೆಂಡ್ಸ್, ಪೋಲೆಂಡ್, ಅಮೆರಿಕ, ಸ್ಪೇನ್, ಬಲ್ಗೇರಿಯ, ಹಂಗರಿ, ಇಟಲಿಯಲ್ಲಿ ನಡೆದ ಸಮೀಕ್ಷೆಯಲ್ಲಿ ಈ ಅಭಿಪ್ರಾಯಕ್ಕೆ ವ್ಯತಿರಿಕ್ತವಾದ ಫಲಿತಾಂಶ ಬಂದಿದೆ.

. ‘ಸುಪ್ರಫ್ಲೆಕ್ಸ್’ ಹೆಸರಿನ ದೇಶಿ ಸ್ಟೆಂಟ್ ಅನ್ನು ಸೂರತ್ ಮೂಲದ ಸಹಜಾನಂದ್ ಮೆಡಿಕಲ್ ಟೆಕ್ನಾಲಜಿ ಕಂಪನಿ ಉತ್ಪಾದಿಸುತ್ತಿದೆ. ಇದರ ಗುಣಮಟ್ಟವನ್ನು ಅಮೆರಿಕದ, ಅಬಾಟ್ ಸಂಸ್ಥೆಯು ಉತ್ಪಾದಿಸಿದ ಕ್ಸೀನ್ಸ್ ಹೆಸರಿನ ಸ್ಟೆಂಟ್ನ ಗುಣಮಟ್ಟದ ಜೊತೆಗೆ ಹೋಲಿಕೆ ಮಾಡಲಾಗಿತ್ತು.

. ಅಕ್ಟೋಬರ್ 2016ರಿಂದ ಜುಲೈ 2017ರ ನಡುವೆ ಸಮೀಕ್ಷೆ ನಡೆಸಿದ್ದು, 1,435 ರೋಗಿಗಳಿಗೆ ಸ್ಟೆಂಟ್ ಅಳವಡಿಸಲಾಗಿತ್ತು. ಇದರಲ್ಲಿ 720 ರೋಗಿಗಳಿಗೆ ಭಾರತೀಯ ಸ್ಟೆಂಟ್ ಅಳವಡಿಸಲಾಗಿತ್ತು.

. ‘ಸುಪ್ರಫ್ಲೆಕ್ಸ್ ಸ್ಟೆಂಟ್ ಸುರಕ್ಷಿತ. ಸದ್ಯ ವೈದ್ಯಕೀಯ ಕ್ಷೇತ್ರದಲ್ಲಿ ಬಳಕೆಯಲ್ಲಿರುವ ಸ್ಟೆಂಟ್ಗೆ ಪರಿಣಾಮಕಾರಿಯಾದ ಪರ್ಯಾಯವಾಗಿದೆ’ ಎಂದು ಸಮೀಕ್ಷೆಯಲ್ಲಿ ಪಾಲ್ಗೊಂಡಿದ್ದ ಪರಿಣತರು ಅಭಿಪ್ರಾಯಪಟ್ಟರು.

. ‘ಭಾರತೀಯ ಸ್ಟೆಂಟ್ಗಳ ಗುಣಮಟ್ಟವು ಆಮದು ಮಾಡಿಕೊಳ್ಳಲಾದ ಸ್ಟೆಂಟ್ಗಳ ಗುಣಮಟ್ಟಕ್ಕೆ ಸಮಾನವಾಗಿದೆ. ಇದರ ಗಾತ್ರ 60 ಮೈಕ್ರಾನ್ ಆಗಿದ್ದು, 86 ಮೈಕ್ರಾನ್ ಗಾತ್ರದ ಅಮೆರಿಕ ಸ್ಟೆಂಟ್ಗಿಂತಲೂ ತೆಳುವಾಗಿದೆ’ ಎಂದು ಸಮೀಕ್ಷೆ ನಡೆಸಿದ ಟ್ಯಾಲೆಂಟ್ ಸ್ಟಡಿ ಗ್ರೂಪ್ನ ಸಹ ಅಧ್ಯಕ್ಷ ಉಪೇಂದ್ರ ಕೌಲ್ ಅಭಿಪ್ರಾಯಪಟ್ಟರು.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ದೇಶಿ ಸ್ಟೆಂಟ್‌ ಗುಣಮಟ್ಟ ವಿದೇಶಿಯಷ್ಟೇ ಉತ್ತಮ

ಚಿನಕುರುಳಿ: ಗುರುವಾರ, 07 ನವೆಂಬರ್‌ 2024

ಚುರುಮುರಿ: ಕರುಳ ಸಂಬಂಧ ಸಾಹಿತ್ಯ!

ದಿನ ಭವಿಷ್ಯ: ಮಾತೃ ವರ್ಗದವರ ಸಹಾಯದಿಂದ ಅವಿವಾಹಿತರಿಗೆ ಕಂಕಣ ಭಾಗ್ಯ ದೊರೆಯುವುದು

ಕೆಎಂಎಫ್‌ನಿಂದ ಮೆಕ್ಕೆಜೋಳ ಖರೀದಿ; ಪ್ರತಿ ಕ್ವಿಂಟಲ್‌ಗೆ ₹2,400 ದರ ನಿಗದಿ

ಈಜುಪಟು ವೀರಧವಳ ಖಾಡೆ ವಿರುದ್ಧ ಲೈಂಗಿಕ ಕಿರುಕುಳ ದೂರು: ಎಸ್‌ಎಫ್‌ಐನಿಂದ ತನಿಖೆ

ರಣಜಿ ಟ್ರೋಫಿ ಕ್ರಿಕೆಟ್ ಟೂರ್ನಿ: ಶ್ರೇಯಸ್ ಅಯ್ಯರ್ ದ್ವಿಶತಕ

ಐಎಸ್‌ಎಲ್‌: ಬೆಂಗಳೂರು ಎಫ್‌ಸಿಗೆ ನಾರ್ಥ್‌ಈಸ್ಟ್‌ ಸವಾಲು

ವಿಶ್ವ ರ‍್ಯಾಂಕಿಂಗ್‌: ಎರಡನೇ ಸ್ಥಾನಕ್ಕೇರಿದ ಅರ್ಜುನ್‌

ಒಳನೋಟ | ಹೆಜ್ಜೆ ಹೆಜ್ಜೆಗೂ ಎಸ್‌ಐಟಿ ತನಿಖೆ

ಒಳನೋಟ | ‘ಅಕ್ರಮ ವಲಸೆ’: ನೆಲೆ ವಿಸ್ತಾರ

ಒಳನೋಟ | ಸಮ್ಮೇಳನಾಧ್ಯಕ್ಷತೆ: ‘ರಾಜಕೀಯ’ ಗುಂಗು

ಒಳನೋಟ | ಲಾಭದ ಕನವರಿಕೆ: ಆಹಾರ ಕಲಬೆರಕೆ

ಚಿನಕುರುಳಿ: ಗುರುವಾರ, 07 ನವೆಂಬರ್‌ 2024

ಚುರುಮುರಿ: ಕರುಳ ಸಂಬಂಧ ಸಾಹಿತ್ಯ!

ದಿನ ಭವಿಷ್ಯ: ಮಾತೃ ವರ್ಗದವರ ಸಹಾಯದಿಂದ ಅವಿವಾಹಿತರಿಗೆ ಕಂಕಣ ಭಾಗ್ಯ ದೊರೆಯುವುದು

ಕೆಎಂಎಫ್‌ನಿಂದ ಮೆಕ್ಕೆಜೋಳ ಖರೀದಿ; ಪ್ರತಿ ಕ್ವಿಂಟಲ್‌ಗೆ ₹2,400 ದರ ನಿಗದಿ