<p><strong>ನವದೆಹಲಿ</strong>: ಲೋಕೊ ಪೈಲಟ್ಗಳು ವೇಗ ಮಿತಿಯನ್ನು ಏಕೆ ಉಲ್ಲಂಘಿಸುತ್ತಾರೆ? ಎಂಬ ಕುರಿತು ಸತ್ಯ ಸಂಗತಿಗಳನ್ನು ಕಂಡುಕೊಳ್ಳಲು ರೈಲ್ವೆ ಮಂಡಳಿ ಸಮಿತಿಯೊಂದನ್ನು ರಚಿಸಿದೆ.</p><p>ಈ ಸಮಿತಿಯೂ ವಿಸ್ತ್ರೃತ ಅಧ್ಯಯನವನ್ನು ಆರಂಭಿಸಿದ್ದು ಜೂನ್ 5 ರಂದು ಮೊದಲ ಸಭೆ ನಡೆಸಿದೆ.</p><p>ಇತ್ತೀಚೆಗೆ ಲೋಕೊ ಪೈಲಟ್ಗಳು ವೇಗ ಮಿತಿಯನ್ನು ಉಲ್ಲಂಘನೆ ಮಾಡುತ್ತಿರುವುದು ಕಂಡು ಬರುತ್ತಿದೆ. ಗತಿಮಾನ್ ಎಕ್ಸ್ಪ್ರೆಸ್ ರೈಲು ಕಾಮಗಾರಿ ಪ್ರಗತಿಯಲ್ಲಿದ್ದ ರೈಲ್ವೆ ಬ್ರಿಡ್ಜ್ ಬಳಿ ಗಂಟೆಗೆ 120 ಕಿ.ಮೀ ವೇಗದಲ್ಲಿ ಸಂಚರಿಸಿತ್ತು. ಅಸಲಿಗೆ ಅಲ್ಲಿ ಆ ರೈಲಿಗೆ ಗಂಟೆಗೆ 20 ಕಿ.ಮೀ ವೇಗದ ಮಿತಿ ಇತ್ತು. ಅದೇ ರೀತಿ ಮಾಳ್ವಾ ಎಕ್ಸ್ಪ್ರೆಸ್ ರೈಲು ಕೂಡ ವೇಗದ ಮಿತಿ ಉಲ್ಲಂಘಿಸಿದೆ. ಇಂತಹ ಪ್ರಕರಣಗಳು ಪದೇ ಪದೇ ವರದಿಯಾಗುತ್ತಿವೆ. ಹೀಗಾಗಿ ಸಮಸ್ಯೆಗೆ ಪರಿಹಾರ ಕಂಡುಕೊಳ್ಳಲು ಸಮಿತಿ ರಚಿಸಲಾಗಿದೆ.</p><p>ಈ ಕುರಿತು ರೈಲ್ವೆ ಮಂಡಳಿ ಎಲ್ಲ ರೈಲ್ವೆ ವಲಯಗಳಿಗೆ ಸುತ್ತೋಲೆ ಕಳಿಸಿದ್ದು ಲೋಕೊ ಪೈಲಟ್ಗಳು, ಸಹಾಯಕ ಲೋಕೊ ಪೈಲಟ್ಗಳು ಆನ್ಲೈನ್ನಲ್ಲಿ ನಡೆಯುವ ಸಭೆಗೆ ಹಾಜರಾಗಬೇಕಾಗುತ್ತದೆ ಎಂದು ತಿಳಿಸಿತ್ತು.</p>.<p>ಜೂನ್ 5ರಂದು ನಡೆದಿದ್ದ ಸಭೆಯಲ್ಲಿ 180 ಜನ ಲೋಕೊ ಪೈಲಟ್ಗಳು ಭಾಗವಹಿಸಿದ್ದರು. ಈ ವೇಳೆ ಅನೇಕ ಸಲಹೆಗಳನ್ನು ಅವರು ನೀಡಿದ್ದಾರೆ ಎಂದು ಮಂಡಳಿಯ ಹಿರಿಯ ಅಧಿಕಾರಿಯೊಬ್ಬರು ತಿಳಿಸಿದ್ದಾರೆ.</p><p>ವೇಗದ ಮಿತಿ ಬಗ್ಗೆ 3 ಕಿ.ಮೀ ಮೊದಲೇ ವಾಕಿಟಾಕಿ ಮೂಲಕ ಮೇಲಿಂದ ಮೇಲೆ ಸಲಹೆ ಸೂಚನೆಗಳು ಲೋಕೊ ಪೈಲಟ್ಗಳಿಗೆ ಸಿಗುವಂತಾಗಬೇಕು. ತಾತ್ಕಾಲಿಕ ವೇಗ ಮಿತಿಗಿಂತ ಶಾಶ್ವತ ವೇಗ ಮಿತಿಯನ್ನು (ಪಿಎಸ್ಆರ್) ಅಳವಡಿಸಿಕೊಳ್ಳುವುದು ಸೇರಿದಂತೆ ಇತರೆ ಪ್ರಮುಖ ಸಲಹೆಗಳನ್ನು ಲೋಕೊ ಪೈಲಟ್ಗಳು ನೀಡಿದ್ದಾರೆ.</p><p>ಸಮಿತಿಯ ಅಧ್ಯಯನ ಆರಂಭಿಕ ಹಂತದಲ್ಲಿದ್ದು ಈ ಬಗ್ಗೆ ಇನ್ನೂ ಹೆಚ್ಚಿನ ಸಭೆಗಳನ್ನು ಹಾಗೂ ಕ್ಷೇತ್ರ ಭೇಟಿ ಮಾಡಬೇಕಾಗುತ್ತದೆ. ಸುರಕ್ಷತೆ ಹಾಗೂ ಸುಗಮ ಕಾರ್ಯಾಚರಣೆಗೆ ವೇಗ ಮಿತಿ ಉಲ್ಲಂಘನೆಗಳು ತೊಡಕಾಗಬಾರದು ಎಂದು ಅಧಿಕಾರಿ ತಿಳಿಸಿದ್ದಾರೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ನವದೆಹಲಿ</strong>: ಲೋಕೊ ಪೈಲಟ್ಗಳು ವೇಗ ಮಿತಿಯನ್ನು ಏಕೆ ಉಲ್ಲಂಘಿಸುತ್ತಾರೆ? ಎಂಬ ಕುರಿತು ಸತ್ಯ ಸಂಗತಿಗಳನ್ನು ಕಂಡುಕೊಳ್ಳಲು ರೈಲ್ವೆ ಮಂಡಳಿ ಸಮಿತಿಯೊಂದನ್ನು ರಚಿಸಿದೆ.</p><p>ಈ ಸಮಿತಿಯೂ ವಿಸ್ತ್ರೃತ ಅಧ್ಯಯನವನ್ನು ಆರಂಭಿಸಿದ್ದು ಜೂನ್ 5 ರಂದು ಮೊದಲ ಸಭೆ ನಡೆಸಿದೆ.</p><p>ಇತ್ತೀಚೆಗೆ ಲೋಕೊ ಪೈಲಟ್ಗಳು ವೇಗ ಮಿತಿಯನ್ನು ಉಲ್ಲಂಘನೆ ಮಾಡುತ್ತಿರುವುದು ಕಂಡು ಬರುತ್ತಿದೆ. ಗತಿಮಾನ್ ಎಕ್ಸ್ಪ್ರೆಸ್ ರೈಲು ಕಾಮಗಾರಿ ಪ್ರಗತಿಯಲ್ಲಿದ್ದ ರೈಲ್ವೆ ಬ್ರಿಡ್ಜ್ ಬಳಿ ಗಂಟೆಗೆ 120 ಕಿ.ಮೀ ವೇಗದಲ್ಲಿ ಸಂಚರಿಸಿತ್ತು. ಅಸಲಿಗೆ ಅಲ್ಲಿ ಆ ರೈಲಿಗೆ ಗಂಟೆಗೆ 20 ಕಿ.ಮೀ ವೇಗದ ಮಿತಿ ಇತ್ತು. ಅದೇ ರೀತಿ ಮಾಳ್ವಾ ಎಕ್ಸ್ಪ್ರೆಸ್ ರೈಲು ಕೂಡ ವೇಗದ ಮಿತಿ ಉಲ್ಲಂಘಿಸಿದೆ. ಇಂತಹ ಪ್ರಕರಣಗಳು ಪದೇ ಪದೇ ವರದಿಯಾಗುತ್ತಿವೆ. ಹೀಗಾಗಿ ಸಮಸ್ಯೆಗೆ ಪರಿಹಾರ ಕಂಡುಕೊಳ್ಳಲು ಸಮಿತಿ ರಚಿಸಲಾಗಿದೆ.</p><p>ಈ ಕುರಿತು ರೈಲ್ವೆ ಮಂಡಳಿ ಎಲ್ಲ ರೈಲ್ವೆ ವಲಯಗಳಿಗೆ ಸುತ್ತೋಲೆ ಕಳಿಸಿದ್ದು ಲೋಕೊ ಪೈಲಟ್ಗಳು, ಸಹಾಯಕ ಲೋಕೊ ಪೈಲಟ್ಗಳು ಆನ್ಲೈನ್ನಲ್ಲಿ ನಡೆಯುವ ಸಭೆಗೆ ಹಾಜರಾಗಬೇಕಾಗುತ್ತದೆ ಎಂದು ತಿಳಿಸಿತ್ತು.</p>.<p>ಜೂನ್ 5ರಂದು ನಡೆದಿದ್ದ ಸಭೆಯಲ್ಲಿ 180 ಜನ ಲೋಕೊ ಪೈಲಟ್ಗಳು ಭಾಗವಹಿಸಿದ್ದರು. ಈ ವೇಳೆ ಅನೇಕ ಸಲಹೆಗಳನ್ನು ಅವರು ನೀಡಿದ್ದಾರೆ ಎಂದು ಮಂಡಳಿಯ ಹಿರಿಯ ಅಧಿಕಾರಿಯೊಬ್ಬರು ತಿಳಿಸಿದ್ದಾರೆ.</p><p>ವೇಗದ ಮಿತಿ ಬಗ್ಗೆ 3 ಕಿ.ಮೀ ಮೊದಲೇ ವಾಕಿಟಾಕಿ ಮೂಲಕ ಮೇಲಿಂದ ಮೇಲೆ ಸಲಹೆ ಸೂಚನೆಗಳು ಲೋಕೊ ಪೈಲಟ್ಗಳಿಗೆ ಸಿಗುವಂತಾಗಬೇಕು. ತಾತ್ಕಾಲಿಕ ವೇಗ ಮಿತಿಗಿಂತ ಶಾಶ್ವತ ವೇಗ ಮಿತಿಯನ್ನು (ಪಿಎಸ್ಆರ್) ಅಳವಡಿಸಿಕೊಳ್ಳುವುದು ಸೇರಿದಂತೆ ಇತರೆ ಪ್ರಮುಖ ಸಲಹೆಗಳನ್ನು ಲೋಕೊ ಪೈಲಟ್ಗಳು ನೀಡಿದ್ದಾರೆ.</p><p>ಸಮಿತಿಯ ಅಧ್ಯಯನ ಆರಂಭಿಕ ಹಂತದಲ್ಲಿದ್ದು ಈ ಬಗ್ಗೆ ಇನ್ನೂ ಹೆಚ್ಚಿನ ಸಭೆಗಳನ್ನು ಹಾಗೂ ಕ್ಷೇತ್ರ ಭೇಟಿ ಮಾಡಬೇಕಾಗುತ್ತದೆ. ಸುರಕ್ಷತೆ ಹಾಗೂ ಸುಗಮ ಕಾರ್ಯಾಚರಣೆಗೆ ವೇಗ ಮಿತಿ ಉಲ್ಲಂಘನೆಗಳು ತೊಡಕಾಗಬಾರದು ಎಂದು ಅಧಿಕಾರಿ ತಿಳಿಸಿದ್ದಾರೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
