<p><strong>ಇಂದೋರ್: </strong>ಆನ್ಲೈನ್ ವಿಡಿಯೊ ಗೇಮ್ ’ಬ್ಲೂ ವೇಲ್’ ಜಾಲದಲ್ಲಿ ಸಿಲುಕಿರುವ ಮಕ್ಕಳ ಆತ್ಮಹತ್ಯೆ ಪ್ರಕರಣ ಮುಂದುವರಿದಿದೆ. ಶಾಲಾ ಕಟ್ಟಡದಿಂದ ಜಿಗಿದು ಆತ್ಮಹತ್ಯೆ ಮಾಡಿಕೊಳ್ಳುತ್ತಿದ್ದ ವಿದ್ಯಾರ್ಥಿಯನ್ನು ಆತನ ಸ್ನೇಹಿತ ರಕ್ಷಿಸಿದ್ದಾನೆ.</p>.<p>ಮಧ್ಯ ಪ್ರದೇಶದ ಇಂದೋರ್ನಲ್ಲಿ 50 ದಿನಗಳ 50 ಸವಾಲುಗಳನ್ನು ಬೆನ್ನಟ್ಟಿ ಹೊರಟ ಏಳನೇ ತರಗತಿ ವಿದ್ಯಾರ್ಥಿ, ಜಯಕ್ಕೆ ಬೇಕಾದ ಅಂತಿಮ ಟಾಸ್ಕ್ ’ಆತ್ಮಹತ್ಯೆ’ಗೆ ಗುರುವಾರ ಮುಂದಾಗಿದ್ದ.</p>.<p>ನಗರದ ಚಮೇಲಿ ದೇವಿ ಪಬ್ಲಿಕ್ ಶಾಲೆಯಲ್ಲಿ ಬೆಳಗಿನ ಪ್ರಾರ್ಥನೆ ಬಳಿಕ ವಿದ್ಯಾರ್ಥಿ ಶಾಲೆಯ ಮೂರನೇ ಮಹಡಿಯತ್ತ ಓಡಿದ್ದಾನೆ. ಅಸಹಜವಾಗಿ ತೋರುತ್ತಿದ್ದ ವರ್ತನೆಯನ್ನು ಗಮನಿಸಿದ್ದ ಆತನ ಸ್ನೇಹಿತ ಮಹಡಿಯಿಂದ ಬೀಳುವ ಮುನ್ನ ಹಿಡಿದು ರಕ್ಷಣೆಗಾಗಿ ಚೀರಿದ್ದಾನೆ. ಸಹಾಯಕ್ಕೆ ಧಾವಿಸಿದ ಶಿಕ್ಷಕರೊಬ್ಬರು ಬಾಲಕನನ್ನು ರಕ್ಷಿಸಿದ್ದಾರೆ.</p>.<p>ತಾನು ಗೇಮ್ನ 50 ಸವಾಲನ್ನು ಸ್ವೀಕರಿಸಿದ್ದು, ಅಂತಿಮವಾಗಿ ಕಟ್ಟಡದಿಂದ ಬೀಳುವಂತೆ ಗೇಮ್ ನಿಯಂತ್ರಕ ಸೂಚಿಸಿದ್ದಾರೆ ಎಂದು ಬಾಲಕ ಶಾಲಾ ಶಿಕ್ಷಕರಿಗೆ ತಿಳಿಸಿದ್ದಾನೆ. ತಂದೆಯ ಮೊಬೈಲ್ನಲ್ಲಿ 50 ದಿನಗಳಿಂದ ‘ಬ್ಲೂ ವೇಲ್ ಸುಸೈಡ್ ಚಾಲೆಂಜ್’ ಗೇಮ್ ಆಡುತ್ತಿದ್ದಾಗಿ ಹೇಳಿದ್ದಾನೆ.</p>.<p>ಇತ್ತೀಚೆಗಷ್ಟೇ ಇದೇ ಗೇಮ್ನ ಆತ್ಮಹತ್ಯೆ ಸವಾಲು ಸ್ವೀಕರಿಸಿ ಮುಂಬೈನ ಅಂಧೇರಿಯಲ್ಲಿ ಮನ್ಪ್ರೀತ್ ಸಿಂಗ್ (14) ಕಟ್ಟಡದಿಂದ ಜಿಗಿದು ಆತ್ಮಹತ್ಯೆಗೆ ಶರಣಾಗಿದ್ದ.</p>.<p>ಹದಿಹರೆಯದವರ ಪ್ರಾಣಕ್ಕೆ ಎರವಾಗುತ್ತಿರುವ ‘ಬ್ಲೂ ವೇಲ್’ ಗೇಮ್ಗೆ ಜಾಗತಿಕ ಮಟ್ಟದಲ್ಲಿ ವಿರೋಧ ವ್ಯಕ್ತವಾಗಿದ್ದರೂ ಆತ್ಮಹತ್ಯೆ ಪ್ರಚೋದಕ ಜಾಲದಲ್ಲಿ ಮುಗ್ದರು ಸಿಲುಕುವುದು ಮುಂದುವರಿದಿದೆ.</p>.<p><strong>ಇನ್ನಷ್ಟು ಓದು:</strong></p>.<p>* <a href="http://www.prajavani.net/news/article/2017/05/05/489371.html">ಹದಿಹರೆಯದವರ ಪ್ರಾಣಕ್ಕೆ ಮಾರಕವಾಗುತ್ತಿರುವ ‘ಬ್ಲೂ ವೇಲ್ ಸುಸೈಡ್ ಚಾಲೆಂಜ್’ ಗೇಮ್</a></p>.<p>* <a href="http://www.prajavani.net/news/article/2017/08/09/512107.html">ಸಾವಿನತ್ತ ನೂಕುವ ‘ಬ್ಲೂವೇಲ್’</a></p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಇಂದೋರ್: </strong>ಆನ್ಲೈನ್ ವಿಡಿಯೊ ಗೇಮ್ ’ಬ್ಲೂ ವೇಲ್’ ಜಾಲದಲ್ಲಿ ಸಿಲುಕಿರುವ ಮಕ್ಕಳ ಆತ್ಮಹತ್ಯೆ ಪ್ರಕರಣ ಮುಂದುವರಿದಿದೆ. ಶಾಲಾ ಕಟ್ಟಡದಿಂದ ಜಿಗಿದು ಆತ್ಮಹತ್ಯೆ ಮಾಡಿಕೊಳ್ಳುತ್ತಿದ್ದ ವಿದ್ಯಾರ್ಥಿಯನ್ನು ಆತನ ಸ್ನೇಹಿತ ರಕ್ಷಿಸಿದ್ದಾನೆ.</p>.<p>ಮಧ್ಯ ಪ್ರದೇಶದ ಇಂದೋರ್ನಲ್ಲಿ 50 ದಿನಗಳ 50 ಸವಾಲುಗಳನ್ನು ಬೆನ್ನಟ್ಟಿ ಹೊರಟ ಏಳನೇ ತರಗತಿ ವಿದ್ಯಾರ್ಥಿ, ಜಯಕ್ಕೆ ಬೇಕಾದ ಅಂತಿಮ ಟಾಸ್ಕ್ ’ಆತ್ಮಹತ್ಯೆ’ಗೆ ಗುರುವಾರ ಮುಂದಾಗಿದ್ದ.</p>.<p>ನಗರದ ಚಮೇಲಿ ದೇವಿ ಪಬ್ಲಿಕ್ ಶಾಲೆಯಲ್ಲಿ ಬೆಳಗಿನ ಪ್ರಾರ್ಥನೆ ಬಳಿಕ ವಿದ್ಯಾರ್ಥಿ ಶಾಲೆಯ ಮೂರನೇ ಮಹಡಿಯತ್ತ ಓಡಿದ್ದಾನೆ. ಅಸಹಜವಾಗಿ ತೋರುತ್ತಿದ್ದ ವರ್ತನೆಯನ್ನು ಗಮನಿಸಿದ್ದ ಆತನ ಸ್ನೇಹಿತ ಮಹಡಿಯಿಂದ ಬೀಳುವ ಮುನ್ನ ಹಿಡಿದು ರಕ್ಷಣೆಗಾಗಿ ಚೀರಿದ್ದಾನೆ. ಸಹಾಯಕ್ಕೆ ಧಾವಿಸಿದ ಶಿಕ್ಷಕರೊಬ್ಬರು ಬಾಲಕನನ್ನು ರಕ್ಷಿಸಿದ್ದಾರೆ.</p>.<p>ತಾನು ಗೇಮ್ನ 50 ಸವಾಲನ್ನು ಸ್ವೀಕರಿಸಿದ್ದು, ಅಂತಿಮವಾಗಿ ಕಟ್ಟಡದಿಂದ ಬೀಳುವಂತೆ ಗೇಮ್ ನಿಯಂತ್ರಕ ಸೂಚಿಸಿದ್ದಾರೆ ಎಂದು ಬಾಲಕ ಶಾಲಾ ಶಿಕ್ಷಕರಿಗೆ ತಿಳಿಸಿದ್ದಾನೆ. ತಂದೆಯ ಮೊಬೈಲ್ನಲ್ಲಿ 50 ದಿನಗಳಿಂದ ‘ಬ್ಲೂ ವೇಲ್ ಸುಸೈಡ್ ಚಾಲೆಂಜ್’ ಗೇಮ್ ಆಡುತ್ತಿದ್ದಾಗಿ ಹೇಳಿದ್ದಾನೆ.</p>.<p>ಇತ್ತೀಚೆಗಷ್ಟೇ ಇದೇ ಗೇಮ್ನ ಆತ್ಮಹತ್ಯೆ ಸವಾಲು ಸ್ವೀಕರಿಸಿ ಮುಂಬೈನ ಅಂಧೇರಿಯಲ್ಲಿ ಮನ್ಪ್ರೀತ್ ಸಿಂಗ್ (14) ಕಟ್ಟಡದಿಂದ ಜಿಗಿದು ಆತ್ಮಹತ್ಯೆಗೆ ಶರಣಾಗಿದ್ದ.</p>.<p>ಹದಿಹರೆಯದವರ ಪ್ರಾಣಕ್ಕೆ ಎರವಾಗುತ್ತಿರುವ ‘ಬ್ಲೂ ವೇಲ್’ ಗೇಮ್ಗೆ ಜಾಗತಿಕ ಮಟ್ಟದಲ್ಲಿ ವಿರೋಧ ವ್ಯಕ್ತವಾಗಿದ್ದರೂ ಆತ್ಮಹತ್ಯೆ ಪ್ರಚೋದಕ ಜಾಲದಲ್ಲಿ ಮುಗ್ದರು ಸಿಲುಕುವುದು ಮುಂದುವರಿದಿದೆ.</p>.<p><strong>ಇನ್ನಷ್ಟು ಓದು:</strong></p>.<p>* <a href="http://www.prajavani.net/news/article/2017/05/05/489371.html">ಹದಿಹರೆಯದವರ ಪ್ರಾಣಕ್ಕೆ ಮಾರಕವಾಗುತ್ತಿರುವ ‘ಬ್ಲೂ ವೇಲ್ ಸುಸೈಡ್ ಚಾಲೆಂಜ್’ ಗೇಮ್</a></p>.<p>* <a href="http://www.prajavani.net/news/article/2017/08/09/512107.html">ಸಾವಿನತ್ತ ನೂಕುವ ‘ಬ್ಲೂವೇಲ್’</a></p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
