‘ಅಲಹಾಬಾದ ಸಫೇದ್‌’ ಸೀಬೆಗೆ ಹೆಚ್ಚಿದ ಬೇಡಿಕೆ

ಚಿಂಚೋಳಿ: ಚಂದ್ರಂಪಳ್ಳಿ ಸೀಬೆ (ಪೇರಲ) ಹಣ್ಣುಗಳೆಂದೇ ಖ್ಯಾತಿ ಪಡೆದ ಅಲಹಾಬಾದ ಸಫೇದ್ ಸೀಬೆಯ ಸುಗ್ಗಿ ಆರಂಭವಾಗಿದ್ದು, ಜನರು ಖರೀದಿಗೆ ಮುಗಿಬೀಳುತ್ತಿದ್ದಾರೆ.

. ಪ್ರಸಕ್ತ ವರ್ಷ ಅತಿವೃಷ್ಟಿಯಿಂದ ಹೂವುಗಳು ಉದುರಿದ್ದರಿಂದ ಹಣ್ಣಿನ ಮರಗಳಲ್ಲಿ ಫಸಲಿನ (ಇಳುವರಿ) ಪ್ರಮಾಣದಲ್ಲಿ ಕುಸಿತ ಕಾಣಿಸಿದೆ. ಆದರೆ ಗ್ರಾಹಕರಿಂದ ಬೇಡಿಕೆ ಹೆಚ್ಚಾಗಿದ ಎನ್ನುತ್ತಾರೆ ಹಣ್ಣಿನ ವ್ಯಾಪಾರಿ ಮಹಮದ್ ಮನ್ನಾನ್.

. ಚಿಂಚೋಳಿ ಪಟ್ಟಣದಲ್ಲಿ ಎಲ್ಲಿ ನೋಡಿದರಲ್ಲಿ ಪೇರಲ ಹಣ್ಣುಗಳ ಭರಾಟೆ ಜೋರಾಗಿದೆ. ತರಹೇವಾರಿ ತಳಿಗಳ ಹಣ್ಣುಗಳು ತನ್ನದೇ ಆದ ಹಿತ(ಸಿಹಿ) ಹೊಂದಿದ್ದರಿಂದ ಗ್ರಾಹಕರಿಂದ ಬೇಡಿಕೆ ಹೆಚ್ಚಾಗುತ್ತಿದೆ.

. ಪಟ್ಟಣದಲ್ಲಿ ಹಾಗೂ ವಿವಿಧ ರಸ್ತೆಗಳ ಬದಿಯಲ್ಲಿ ಅಲಹಾಬಾದ ಸಫೇದ್ ಮತ್ತು ಲಕ್ನೊ-49 ಹಣ್ಣುಗಳು ಲಭ್ಯವಿವೆ. ಆದರೆ ಅಲಹಾಬಾದ ಸಫೇದ್ ಮಾರಾಟ ನಿರ್ದಿಷ್ಟ ಸ್ಥಳದಲ್ಲಿ ಮಾತ್ರ ನಡೆದರೆ ಲಕ್ನೋ -49 ಹಣ್ಣುಗಳ ಮಾರಾಟ ಎಲ್ಲೆಡೆ ಜಾಸ್ತಿಯಿದೆ.

. ಪಟ್ಟಣದ ಪ್ರಗತಿಪರ ರೈತ ಗಜೇಂದ್ರ ಪಾಟೀಲರ ಹೊಲದಲ್ಲಿನ ಹಣ್ಣುಗಳು ಚಂದ್ರಂಪಳ್ಳಿ ಸೀಬೆ ಎಂದು ಖ್ಯಾತಿ ಪಡೆದ ಅಲಹಾಬಾದ ಸಫೇದ್ ಹಣ್ಣುಗಳಾಗಿವೆ. ಇವುಗಳನ್ನು ಕೆಜಿಗೆ ₹60ರ ದರದಲ್ಲಿ ಪದ್ಮಾ ಕಾಲೇಜು ಎದುರಿಗೆ ಮಾರಾಟ ಮಾಡಲಾಗುತ್ತಿದೆ.

. ಬೇರೆ ಕಡೆಗಳಲ್ಲಿ ದೊರೆಯುವ ಹಣ್ಣು ಲಕ್ನೊ- 49 ತಳಿಯ ಹಣ್ಣುಗಳಾಗಿದ್ದು, ಗಾತ್ರದಲ್ಲಿ ಅಲಹಾಬಾದ ಸೀಬೆಯ ಹಣ್ಣುಗಳಿಗಿಂತಲೂ ದೊಡ್ಡದಾಗಿವೆ. ಲಕ್ನೋ- 49 ತಳಿಯ ಹಣ್ಣುಗಳ ಬೀಜ ಅತ್ಯಂತ ಗಟ್ಟಿಯಾಗಿದ್ದಲ್ಲದೇ, ಹಣ್ಣಿನಲ್ಲಿ ಬೀಜ ಹೆಚ್ಚಾಗಿವೆ. ಅಲಹಾಬಾದ್ ಸಫೇದ್ ಹಣ್ಣುಗಳಲ್ಲಿ ಬೀಜ ಕಡಿಮೆ ಜತೆಗೆ ಮೃದುವಾಗಿವೆ.

. ಅಲಹಾಬಾದ ಸಫೇದ್ ಹಣ್ಣುಗಳು ನೋಡುವುದಕ್ಕೂ ಆಕರ್ಷಕವಾಗಿವೆ. ಜತೆಗೆ ತಿನ್ನಲು ಅತ್ಯಂತ ಹಿತಕಾರಿಯಾಗಿವೆ. ಈ ಹಣ್ಣುಗಳು ತಿಳಿ ಹಸಿರು ಬಣ್ಣದಲ್ಲಿರುವಾಗ ತಿಂದರೆ ಅದರ ಮಜಾನೇ ಬೇರೆ ಎನ್ನುತ್ತಾರೆ ಉಪನ್ಯಾಸಕ ಶಾಂತವೀರ ಹೀರಾಪುರ.

. ‘ನನ್ನ ತೋಟದಲ್ಲಿ 2 ಎಕರೆ ಜಮೀನಿನಲ್ಲಿ 175 ಗಿಡಗಳಿವೆ. ನಾನು 23 ವರ್ಷಗಳಿಂದ ಈ ಹಣ್ಣುಗಳ ಬೇಸಾಯದಿಂದ ಆದಾಯ ಪಡೆಯುತ್ತಿದ್ದೇನೆ.ಪ್ರಸಕ್ತ ವರ್ಷ ಅಲಹಾಬಾದ ಸಫೇದ್ ಹಣ್ಣುಗಳು ವಾರ್ಷಿಕ ಗುತ್ತಿಗೆ ₹2.10 ಲಕ್ಷಕ್ಕೆ ನೀಡಿದ್ದೇನೆ’ ಎಂದು ಗಜೇಂದ್ರ ಪಾಟೀಲ ‘ಪ್ರಜಾವಾಣಿ’ಗೆ ತಿಳಿಸಿದರು.

. ಹಣ್ಣಿನ ವೈಶಿಷ್ಟ್ಯ:

. ತಿರುಳು ಜಾಸ್ತಿ, ಬೀಜ ಕಡಿಮೆ. 2–3 ದಿನ ಸುರಕ್ಷಿತವಾಗಿಡಬಹುದಾಗಿದೆ.ಇಲ್ಲಿ 3– 4 ವರ್ಷಗಳ ಹಿಂದೆ ತೆಲಂಗಾಣದ ಕೋಹೀರ್ನಿಂದ ಸೀಬೆಹಣ್ಣುಗಳು ತಂದು ಮಾರಾಟ ಮಾಡುತ್ತಿದ್ದರು. ಇವುಗಳನ್ನು ಅಲಹಾಬಾದ ಸಫೇದ್ ಎಂದೇ ಬಿಂಬಿಸುತ್ತಿದ್ದರು. ಆದರೆ ವಾಸ್ತವವಾಗಿ ಅವರು ಅಲಹಾಬಾದ್ ಸಫೇದ್ ತಳಿಯ ಹಣ್ಣುಗಳಲ್ಲ ಎನ್ನುತ್ತಾರೆ ಹಿರಿಯ ಸಹಾಯಕ ತೋಟಗಾರಿಕೆ ನಿರ್ದೆಶಕ ರಾಜಕುಮಾರ ಗೋವಿಂದ್.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

‘ಅಲಹಾಬಾದ ಸಫೇದ್‌’ ಸೀಬೆಗೆ ಹೆಚ್ಚಿದ ಬೇಡಿಕೆ

ಚಿನಕುರುಳಿ | ಮಂಗಳವಾರ, 12 ನವೆಂಬರ್ 2024

ಚುರುಮುರಿ | ಕಣ್ಣೀರಧಾರೆ

ದಿನ ಭವಿಷ್ಯ | ಈ ರಾಶಿಯವರು ಆರೋಗ್ಯದ ಬಗ್ಗೆ ಆಲಸ್ಯ ಮಾಡುವುದು ಸರಿಯಲ್ಲ

ಹಾವೇರಿ | ಲೋಕಾಯುಕ್ತ ದಾಳಿ: ₹ 9 ಲಕ್ಷ ನಗದು ಗಂಟು ಕಟ್ಟಿ ಹೊರಗೆ ಎಸೆದ ಎಇ

Pro Kabaddi: ಅರ್ಜುನ್‌ ಅಬ್ಬರಕ್ಕೆ ಬೆದರಿದ ಬುಲ್ಸ್

ಬಾರ್ಡರ್‌–ಗಾವಸ್ಕರ್ ಟ್ರೋಫಿ: ‘ವೇಗಾಸ್ತ್ರ’ ಪ್ರಯೋಗಕ್ಕೆ ಪರ್ತ್ ವೇದಿಕೆ ಸಿದ್ಧ

ಚೆನ್ನೈ ಗ್ರ್ಯಾಂಡ್‌ಮಾಸ್ಟರ್ಸ್ ಚೆಸ್‌ ಟೂರ್ನಿ: ಅರವಿಂದ್‌ ಮುಡಿಗೆ ಕಿರೀಟ

ಪಾಕ್‌ನಲ್ಲಿ ಅಂಧರ ಟಿ20 wc: ವಿದೇಶಾಂಗ ಸಚಿವಾಲಯದ ಅನುಮತಿಗಾಗಿ ಕಾದಿರುವ ಭಾರತ ತಂಡ

ಒಳನೋಟ: ದಾಂಪತ್ಯ ಸಾಂಗತ್ಯಗಳ ಸುತ್ತ

ಒಳನೋಟ | ಹೆಜ್ಜೆ ಹೆಜ್ಜೆಗೂ ಎಸ್‌ಐಟಿ ತನಿಖೆ

ಒಳನೋಟ | ‘ಅಕ್ರಮ ವಲಸೆ’: ನೆಲೆ ವಿಸ್ತಾರ

ಒಳನೋಟ | ಸಮ್ಮೇಳನಾಧ್ಯಕ್ಷತೆ: ‘ರಾಜಕೀಯ’ ಗುಂಗು

ಚಿನಕುರುಳಿ | ಮಂಗಳವಾರ, 12 ನವೆಂಬರ್ 2024

ಚುರುಮುರಿ | ಕಣ್ಣೀರಧಾರೆ

ದಿನ ಭವಿಷ್ಯ | ಈ ರಾಶಿಯವರು ಆರೋಗ್ಯದ ಬಗ್ಗೆ ಆಲಸ್ಯ ಮಾಡುವುದು ಸರಿಯಲ್ಲ

ಹಾವೇರಿ | ಲೋಕಾಯುಕ್ತ ದಾಳಿ: ₹ 9 ಲಕ್ಷ ನಗದು ಗಂಟು ಕಟ್ಟಿ ಹೊರಗೆ ಎಸೆದ ಎಇ