<p><strong>ಮೀರ್ಪುರ</strong>: ಸ್ಪಿನ್ನರ್ಗಳಾದ ದೀಪ್ತಿ ಶರ್ಮಾ ಮತ್ತು ಶಫಾಲಿ ವರ್ಮಾ ಅವರ ಪರಿಣಾಮಕಾರಿ ಬೌಲಿಂಗ್ ನೆರವಿನಿಂದ ಭಾರತ ಮಹಿಳಾ ತಂಡ, ಎರಡನೇ ಟಿ20 ಕ್ರಿಕೆಟ್ ಪಂದ್ಯದಲ್ಲಿ ಬಾಂಗ್ಲಾದೇಶ ವಿರುದ್ಧ 8 ರನ್ಗಳ ಗೆಲುವು ಸಾಧಿಸಿತು.</p>.<p>ಮಂಗಳವಾರ ನಡೆದ ಪಂದ್ಯದಲ್ಲಿ ಮೊದಲು ಬ್ಯಾಟ್ ಮಾಡಿದ ಹರ್ಮನ್ಪ್ರೀತ್ ಕೌರ್ ಬಳಗ, ನಿಗದಿತ ಓವರ್ಗಳಲ್ಲಿ 8 ವಿಕೆಟ್ ನಷ್ಟಕ್ಕೆ 95 ರನ್ ಕಲೆಹಾಕಿತು. ಟಿ20 ಪಂದ್ಯದಲ್ಲಿ ಬಾಂಗ್ಲಾ ವಿರುದ್ಧ ಭಾರತದ ಕನಿಷ್ಠ ಮೊತ್ತ ಇದು.</p>.<p>ಆದರೆ ಬ್ಯಾಟಿಂಗ್ ವೈಫಲ್ಯವನ್ನು ಬೌಲಿಂಗ್ನಲ್ಲಿ ಮರೆಮಾಚಿದ ಭಾರತ, ಎದುರಾಳಿ ತಂಡವನ್ನು 87 ರನ್ಗಳಿಗೆ ಕಟ್ಟಿಹಾಕುವಲ್ಲಿ ಯಶಸ್ವಿಯಾಯಿತು. ಈ ಗೆಲುವಿನ ಮೂಲಕ ಭಾರತ, ಮೂರು ಪಂದ್ಯಗಳ ಸರಣಿಯಲ್ಲಿ 2–0 ರಿಂದ ಮುನ್ನಡೆ ಸಾಧಿಸಿತು. ಸರಣಿಯ ಕೊನೆಯ ಪಂದ್ಯ ಗುರುವಾರ ನಡೆಯಲಿದೆ.</p>.<p>ಯುವ ಸ್ಪಿನ್ನರ್ಗಳಾದ ಮಿನ್ನು ಮಣಿ (4-1-9-2) ಮತ್ತು ಅನುಷಾ ಬಾರೆಡ್ಡಿ (20ಕ್ಕೆ 1) ಅವರು ಎದುರಾಳಿ ತಂಡಕ್ಕೆ ಆರಂಭಿಕ ಆಘಾತ ನೀಡಿದರೆ, ಅನುಭವಿಗಳಾದ ದೀಪ್ತಿ (12ಕ್ಕೆ 3) ಮತ್ತು ಶಫಾಲಿ (15ಕ್ಕೆ 3) ಅವರು 19 ಮತ್ತು 20ನೇ ಓವರ್ನಲ್ಲಿ ಪರಿಣಾಮಕಾರಿ ದಾಳಿ ಸಂಘಟಿಸಿದರು.</p>.<p>ಸುಲಭ ಗುರಿ ಬೆನ್ನಟ್ಟಿದ ಬಾಂಗ್ಲಾ, 5 ವಿಕೆಟ್ಗಳಿಗೆ 86 ರನ್ ಗಳಿಸಿ ಗೆಲುವಿನತ್ತ ಹೆಜ್ಜೆಯಿಟ್ಟಿತ್ತು. ಆದರೆ ಕೊನೆಯಲ್ಲಿ ಎದುರಾದ ಒತ್ತಡ ನಿಭಾಯಿಸಲು ವಿಫಲವಾಯಿತು. ಎಂಟು ಎಸೆತಗಳ ಅಂತರದಲ್ಲಿ ಕೇವಲ ಒಂದು ರನ್ಗೆ ಅಂತಿಮ ಐದು ವಿಕೆಟ್ ಕಳೆದುಕೊಂಡು ಸೋಲಿನ ಹಾದಿ ಹಿಡಿಯಿತು.</p>.<p>ಶಫಾಲಿ ಬೌಲ್ ಮಾಡಿದ ಕೊನೆಯ ಓವರ್ನಲ್ಲಿ ಬಾಂಗ್ಲಾ ಜಯಕ್ಕೆ 10 ರನ್ಗಳು ಬೇಕಿದ್ದವು. 4 ವಿಕೆಟ್ಗಳು ಕೈಯಲ್ಲಿದ್ದವು. ಮೊದಲ ಎಸೆತದಲ್ಲಿ ಒಂದು ರನ್ ಬಂದರೂ, ರಬೆಯಾ ಖಾನ್ ರನೌಟ್ ಆದರು. ಶಫಾಲಿ, ಇನ್ನುಳಿದ ಐದು ಎಸೆತಗಳಲ್ಲಿ ಯಾವುದೇ ರನ್ ಬಿಟ್ಟುಕೊಡದೆ ಮೂರು ವಿಕೆಟ್ ಪಡೆದರು. ಬಾಂಗ್ಲಾ ನಾಯಕಿ ನಿಗಾರ್ ಸುಲ್ತಾನಾ (38) ಅವರ ಹೋರಾಟ ವ್ಯರ್ಥವಾಯಿತು.</p>.<p>ಇದಕ್ಕೂ ಮುನ್ನ ಭಾರತ, ಆಫ್ಸ್ಪಿನ್ನರ್ ಸುಲ್ತಾನಾ ಖಾತೂನ್ ಮತ್ತು ಫಹೀಮಾ ಖಾತೂನ್ ಅವರ ಪ್ರಭಾವಿ ಬೌಲಿಂಗ್ ಮುಂದೆ ಪರದಾಡಿತು. ಶಫಾಲಿ (19 ರನ್, 14 ಎ.) ಗರಿಷ್ಠ ಸ್ಕೋರರ್ ಎನಿಸಿದರು. </p>.<p><strong>ಸಂಕ್ಷಿಪ್ತ ಸ್ಕೋರ್:</strong> ಭಾರತ 20 ಓವರ್ಗಳಲ್ಲಿ 8 ವಿಕೆಟ್ಗಳಿಗೆ 95 (ಸ್ಮೃತಿ ಮಂದಾನ 13, ಶಫಾಲಿ ವರ್ಮಾ 19, ಯಸ್ಟಿಕಾ ಭಾಟಿಯಾ 11, ದೀಪ್ತಿ ಶರ್ಮಾ 10, ಅಮನ್ಜ್ಯೋತ್ ಕೌರ್ 14, ಸುಲ್ತಾನಾ ಖಾತೂನ್ 21ಕ್ಕೆ 3, ಫಹೀಮಾ ಖಾತೂನ್ 16ಕ್ಕೆ 2)</p>.<p><strong>ಬಾಂಗ್ಲಾದೇಶ</strong> 20 ಓವರ್ಗಳಲ್ಲಿ 87 (ನಿಗಾರ್ ಸುಲ್ತಾನಾ 38, ಶೋರ್ನ ಅಖ್ತರ್ 7, ದೀಪ್ತಿ ಶರ್ಮಾ 12ಕ್ಕೆ 3, ಶಫಾಲಿ ವರ್ಮಾ 15ಕ್ಕೆ 3, ಮಿನ್ನು ಮಣಿ 9ಕ್ಕೆ 2) <strong>ಫಲಿತಾಂಶ:</strong> ಭಾರತಕ್ಕೆ 8 ರನ್ಗಳ ಗೆಲುವು</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಮೀರ್ಪುರ</strong>: ಸ್ಪಿನ್ನರ್ಗಳಾದ ದೀಪ್ತಿ ಶರ್ಮಾ ಮತ್ತು ಶಫಾಲಿ ವರ್ಮಾ ಅವರ ಪರಿಣಾಮಕಾರಿ ಬೌಲಿಂಗ್ ನೆರವಿನಿಂದ ಭಾರತ ಮಹಿಳಾ ತಂಡ, ಎರಡನೇ ಟಿ20 ಕ್ರಿಕೆಟ್ ಪಂದ್ಯದಲ್ಲಿ ಬಾಂಗ್ಲಾದೇಶ ವಿರುದ್ಧ 8 ರನ್ಗಳ ಗೆಲುವು ಸಾಧಿಸಿತು.</p>.<p>ಮಂಗಳವಾರ ನಡೆದ ಪಂದ್ಯದಲ್ಲಿ ಮೊದಲು ಬ್ಯಾಟ್ ಮಾಡಿದ ಹರ್ಮನ್ಪ್ರೀತ್ ಕೌರ್ ಬಳಗ, ನಿಗದಿತ ಓವರ್ಗಳಲ್ಲಿ 8 ವಿಕೆಟ್ ನಷ್ಟಕ್ಕೆ 95 ರನ್ ಕಲೆಹಾಕಿತು. ಟಿ20 ಪಂದ್ಯದಲ್ಲಿ ಬಾಂಗ್ಲಾ ವಿರುದ್ಧ ಭಾರತದ ಕನಿಷ್ಠ ಮೊತ್ತ ಇದು.</p>.<p>ಆದರೆ ಬ್ಯಾಟಿಂಗ್ ವೈಫಲ್ಯವನ್ನು ಬೌಲಿಂಗ್ನಲ್ಲಿ ಮರೆಮಾಚಿದ ಭಾರತ, ಎದುರಾಳಿ ತಂಡವನ್ನು 87 ರನ್ಗಳಿಗೆ ಕಟ್ಟಿಹಾಕುವಲ್ಲಿ ಯಶಸ್ವಿಯಾಯಿತು. ಈ ಗೆಲುವಿನ ಮೂಲಕ ಭಾರತ, ಮೂರು ಪಂದ್ಯಗಳ ಸರಣಿಯಲ್ಲಿ 2–0 ರಿಂದ ಮುನ್ನಡೆ ಸಾಧಿಸಿತು. ಸರಣಿಯ ಕೊನೆಯ ಪಂದ್ಯ ಗುರುವಾರ ನಡೆಯಲಿದೆ.</p>.<p>ಯುವ ಸ್ಪಿನ್ನರ್ಗಳಾದ ಮಿನ್ನು ಮಣಿ (4-1-9-2) ಮತ್ತು ಅನುಷಾ ಬಾರೆಡ್ಡಿ (20ಕ್ಕೆ 1) ಅವರು ಎದುರಾಳಿ ತಂಡಕ್ಕೆ ಆರಂಭಿಕ ಆಘಾತ ನೀಡಿದರೆ, ಅನುಭವಿಗಳಾದ ದೀಪ್ತಿ (12ಕ್ಕೆ 3) ಮತ್ತು ಶಫಾಲಿ (15ಕ್ಕೆ 3) ಅವರು 19 ಮತ್ತು 20ನೇ ಓವರ್ನಲ್ಲಿ ಪರಿಣಾಮಕಾರಿ ದಾಳಿ ಸಂಘಟಿಸಿದರು.</p>.<p>ಸುಲಭ ಗುರಿ ಬೆನ್ನಟ್ಟಿದ ಬಾಂಗ್ಲಾ, 5 ವಿಕೆಟ್ಗಳಿಗೆ 86 ರನ್ ಗಳಿಸಿ ಗೆಲುವಿನತ್ತ ಹೆಜ್ಜೆಯಿಟ್ಟಿತ್ತು. ಆದರೆ ಕೊನೆಯಲ್ಲಿ ಎದುರಾದ ಒತ್ತಡ ನಿಭಾಯಿಸಲು ವಿಫಲವಾಯಿತು. ಎಂಟು ಎಸೆತಗಳ ಅಂತರದಲ್ಲಿ ಕೇವಲ ಒಂದು ರನ್ಗೆ ಅಂತಿಮ ಐದು ವಿಕೆಟ್ ಕಳೆದುಕೊಂಡು ಸೋಲಿನ ಹಾದಿ ಹಿಡಿಯಿತು.</p>.<p>ಶಫಾಲಿ ಬೌಲ್ ಮಾಡಿದ ಕೊನೆಯ ಓವರ್ನಲ್ಲಿ ಬಾಂಗ್ಲಾ ಜಯಕ್ಕೆ 10 ರನ್ಗಳು ಬೇಕಿದ್ದವು. 4 ವಿಕೆಟ್ಗಳು ಕೈಯಲ್ಲಿದ್ದವು. ಮೊದಲ ಎಸೆತದಲ್ಲಿ ಒಂದು ರನ್ ಬಂದರೂ, ರಬೆಯಾ ಖಾನ್ ರನೌಟ್ ಆದರು. ಶಫಾಲಿ, ಇನ್ನುಳಿದ ಐದು ಎಸೆತಗಳಲ್ಲಿ ಯಾವುದೇ ರನ್ ಬಿಟ್ಟುಕೊಡದೆ ಮೂರು ವಿಕೆಟ್ ಪಡೆದರು. ಬಾಂಗ್ಲಾ ನಾಯಕಿ ನಿಗಾರ್ ಸುಲ್ತಾನಾ (38) ಅವರ ಹೋರಾಟ ವ್ಯರ್ಥವಾಯಿತು.</p>.<p>ಇದಕ್ಕೂ ಮುನ್ನ ಭಾರತ, ಆಫ್ಸ್ಪಿನ್ನರ್ ಸುಲ್ತಾನಾ ಖಾತೂನ್ ಮತ್ತು ಫಹೀಮಾ ಖಾತೂನ್ ಅವರ ಪ್ರಭಾವಿ ಬೌಲಿಂಗ್ ಮುಂದೆ ಪರದಾಡಿತು. ಶಫಾಲಿ (19 ರನ್, 14 ಎ.) ಗರಿಷ್ಠ ಸ್ಕೋರರ್ ಎನಿಸಿದರು. </p>.<p><strong>ಸಂಕ್ಷಿಪ್ತ ಸ್ಕೋರ್:</strong> ಭಾರತ 20 ಓವರ್ಗಳಲ್ಲಿ 8 ವಿಕೆಟ್ಗಳಿಗೆ 95 (ಸ್ಮೃತಿ ಮಂದಾನ 13, ಶಫಾಲಿ ವರ್ಮಾ 19, ಯಸ್ಟಿಕಾ ಭಾಟಿಯಾ 11, ದೀಪ್ತಿ ಶರ್ಮಾ 10, ಅಮನ್ಜ್ಯೋತ್ ಕೌರ್ 14, ಸುಲ್ತಾನಾ ಖಾತೂನ್ 21ಕ್ಕೆ 3, ಫಹೀಮಾ ಖಾತೂನ್ 16ಕ್ಕೆ 2)</p>.<p><strong>ಬಾಂಗ್ಲಾದೇಶ</strong> 20 ಓವರ್ಗಳಲ್ಲಿ 87 (ನಿಗಾರ್ ಸುಲ್ತಾನಾ 38, ಶೋರ್ನ ಅಖ್ತರ್ 7, ದೀಪ್ತಿ ಶರ್ಮಾ 12ಕ್ಕೆ 3, ಶಫಾಲಿ ವರ್ಮಾ 15ಕ್ಕೆ 3, ಮಿನ್ನು ಮಣಿ 9ಕ್ಕೆ 2) <strong>ಫಲಿತಾಂಶ:</strong> ಭಾರತಕ್ಕೆ 8 ರನ್ಗಳ ಗೆಲುವು</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
