<p><strong>ಮೆಲ್ಬರ್ನ್</strong>:ಏಷ್ಯಾ ಕಪ್ ವಿಜೇತ ಶ್ರೀಲಂಕಾ ತಂಡಕ್ಕೆ ನಮಿಬಿಯಾ ತಂಡವು ಟಿ20 ವಿಶ್ವಕಪ್ ಕ್ರಿಕೆಟ್ ಟೂರ್ನಿಯ ಅರ್ಹತಾ ಸುತ್ತಿನ ಮೊದಲ ಪಂದ್ಯದಲ್ಲಿ ಆಘಾತ ನೀಡಿತು.</p>.<p>ಭಾನುವಾರ ಸೈಮಂಡ್ಸ್ ಕ್ರೀಡಾಂಗಣದಲ್ಲಿ ನಡೆದ ಪಂದ್ಯದಲ್ಲಿ ಜಾನ್ ಫ್ರೈಲಿಂಕ್ (44 ಹಾಗೂ 26ಕ್ಕೆ2) ಆಲ್ರೌಂಡ್ ಆಟದ ಬಲದಿಂದ ನಮಿಬಿಯಾ 55 ರನ್ಗಳಿಂದ ಗೆದ್ದಿತು.</p>.<p>ಟಾಸ್ ಗೆದ್ದ ಲಂಕಾ ತಂಡವು ಫೀಲ್ಡಿಂಗ್ ಆಯ್ಕೆ ಮಾಡಿಕೊಂಡಿತು. ಇತ್ತೀಚೆಗಷ್ಟೇ ಏಷ್ಯಾ ಕಪ್ ಟೂರ್ನಿಯಲ್ಲಿ ಮಿಂಚಿದ್ದ ಲಂಕಾ ಬೌಲರ್ಗಳಿಗೆ ಕ್ರಿಕೆಟ್ ಲೋಕದಲ್ಲಿ ಅಂಬೆಗಾಲಿಡುತ್ತಿರುವ ನಮಿಬಿಯಾವನ್ನು ಅಲ್ಪಮೊತ್ತಕ್ಕೆ ಕಟ್ಟಿಹಾಕಲು ಸಾಧ್ಯವಾಗಲಿಲ್ಲ.</p>.<p>ಮಧ್ಯಮ ಕ್ರಮಾಂಕದ ಬ್ಯಾಟರ್ಗಳ ಉತ್ತಮ ಆಟದಿಂದ ತಂಡವು 20 ಓವರ್ಗಳಲ್ಲಿ 7 ವಿಕೆಟ್ಗಳಿಗೆ 163 ರನ್ ಗಳಿಸಿತು. 15 ಓವರ್ಗಳಲ್ಲಿ 93 ರನ್ ಗಳಿಸಿ ಆರು ವಿಕೆಟ್ ಕಳೆದುಕೊಂಡಿದ್ದ ತಂಡವು ಪುಟಿದೆದ್ದಿತು. ಕೊನೆಯ ಐದು ಓವರ್ಗಳಲ್ಲಿ 69 ರನ್ಗಳು ಹರಿದುಬರಲು ಫ್ರೈಲಿಂಕ್ ಹಾಗೂ ಸ್ಮಿತ್ ಅವರ ಬ್ಯಾಟಿಂಗ್ ಕಾರಣವಾಯಿತು.</p>.<p>ಈ ಹೋರಾಟದ ಮೊತ್ತವನ್ನು ಬೆನ್ನಟ್ಟಿದ ಶ್ರೀಲಂಕಾ ಬಳಗದ ಬ್ಯಾಟರ್ಗಳಿಗೆ ನಮಿಬಿಯಾ ಬೌಲಿಂಗ್ ಪಡೆ ತಡೆಯೊಡ್ಡಿತು. ಹೆಚ್ಚು ಡಾಟ್ಬಾಲ್ಗಳನ್ನೂ ಪ್ರಯೋಗಿಸಿದ ಬೌಲರ್ಗಳು ವಿಕೆಟ್ ಕೂಡ ಗಳಿಸಿದರು. ಉತ್ತಮವಾಗಿ ಫೀಲ್ಡಿಂಗ್ ಕೂಡ ಮಾಡಿದರು.</p>.<p>ಇದರಿಂದಾಗಿ ಲಂಕಾ ತಂಡವು 19 ಓವರ್ಗಳಲ್ಲಿ 108 ರನ್ ಗಳಿಸಿ ಆಲೌಟ್ ಆಯಿತು. 2014ರ ವಿಶ್ವಕಪ್ ವಿಜೇತ ಶ್ರೀಲಂಕಾ ತಂಡವು ಆರಂಭದಲ್ಲಿಯೇ ಸೋಲಿನ ಕಹಿ ಅನುಭವಿಸಿತು.</p>.<p>ಹೋದ ಸಲದ ಟೂರ್ನಿಯಲ್ಲಿಯೂನಮಿಬಿಯಾ ಉತ್ತಮವಾಗಿ ಆಡಿ ಗಮನ ಸೆಳೆದಿತ್ತು.</p>.<p>ಇನ್ನೊಂದು ಪಂದ್ಯದಲ್ಲಿ ನೆದರ್ಲೆಂಡ್ಸ್ ತಂಡವು ಯುನೈಟೆಡ್ ಅರಬ್ ಎಮಿರೇಟ್ಸ್ ವಿರುದ್ಧ 3 ವಿಕೆಟ್ಗಳಿಂದ ಜಯಿಸಿತು.</p>.<p><strong>ಲಂಕಾಗೆ ಮರ್ಮಾಘಾತ </strong><br />ಕಳೆದ ತಿಂಗಳಷ್ಟೇ ಏಷ್ಯಾಕಪ್ ಕ್ರಿಕೆಟ್ ಟೂರ್ನಿಯಲ್ಲಿ ಪ್ರಶಸ್ತಿ ಶ್ರೀಲಂಕಾಗೆದ್ದು ಬೀಗಿತ್ತು. ಆ ಟೂರ್ನಿಯಲ್ಲಿ ಭಾರತ, ಪಾಕಿಸ್ತಾನ ಹಾಗೂ ಬಾಂಗ್ಲಾದೇಶದಂತಹ ಬಲಿಷ್ಠ ತಂಡಗಳು ಆಡಿದ್ದವು. ಹೀಗಾಗಿ ಅನನುಭವಿ ನಮಿಬಿಯಾ ತಂಡವನ್ನು ಸುಲಭವಾಗಿ ಹಣಿಯುವ ಲೆಕ್ಕಾಚಾರದಲ್ಲಿಯೇ ಲಂಕಾ ಕಣಕ್ಕಿಳಿದಿತ್ತು.</p>.<p>ಆದರೆ, ಅಮೋಘ ಪ್ರದರ್ಶನ ತೋರಿದ ನಮಿಬಿಯಾ ತಂಡ, ಏಷ್ಯಾಕಪ್ ಚಾಂಪಿಯನ್ನರಿಗೆ ಮರ್ಮಾಘಾತ ನೀಡಿತು.</p>.<p>ಅಂದಹಾಗೆ ಶ್ರೀಲಂಕಾ ತಂಡ ಐಸಿಸಿ ಟಿ20 ಕ್ರಿಕೆಟ್ ರ್ಯಾಂಕಿಂಗ್ನಲ್ಲಿ 8ನೇ ಸ್ಥಾನದಲ್ಲಿದೆ. ನಮಿಬಿಯಾ 14ನೇ ಸ್ಥಾನದಲ್ಲಿದೆ ಎಂಬುದು ವಿಶೇಷ.</p>.<p>ನಮಿಬಿಯಾ ಪ್ರದರ್ಶನದ ಬಗ್ಗೆ ಸಾಮಾಜಿಕ ಮಾಧ್ಯಮಗಳಲ್ಲಿಯೂ ಪ್ರಶಂಸೆ ವ್ಯಕ್ತವಾಗಿದೆ.</p>.<p><strong>ನಮಿಬಿಯಾ vs ಶ್ರೀಲಂಕಾ ಪಂದ್ಯದಸಂಕ್ಷಿಪ್ತ ಸ್ಕೋರು<br />ನಮಿಬಿಯಾ:</strong>20 ಓವರ್ಗಳಲ್ಲಿ 7ಕ್ಕೆ163 (ಲಾಟಿ ಈಟನ್ 20, ಸ್ಟಿಫನ್ ಬಾರ್ಡ್ 26, ಗೆರಾರ್ಡ್ ಎರಸ್ಮಸ್ 20, ಜಾನ್ ಫ್ರೈಲಿಂಕ್ 44, ಜೆ.ಜೆ. ಸ್ಮಿತ್ ಔಟಾಗದೆ 31, ಪ್ರಮೋದ್ ಮಧುಶಾನ್ 37ಕ್ಕೆ2)</p>.<p><strong>ಶ್ರೀಲಂಕಾ: </strong>19 ಓವರ್ಗಳಲ್ಲಿ 108 (ಧನಂಜಯ ಡಿಸಿಲ್ವಾ 12, ಭಾನುಕಾ ರಾಜಪಕ್ಸ 20, ದಸುನ್ ಶನಕ 29, ಡೇವಿಡ್ ವೀಸ್ 16ಕ್ಕೆ2, ಬೆಮಾರ್ಡ್ ಶೋಲ್ಜ್ 18ಕ್ಕೆ2, ಬೆನ್ ಶಿಕೊಂಗೊ 22ಕ್ಕೆ2, ಜಾನ್ ಫ್ರೈಲಿಂಕ್ 26ಕ್ಕೆ2)<br /><strong>ಫಲಿತಾಂಶ:</strong> ನಮಿಬಿಯಾ ತಂಡಕ್ಕೆ 55 ರನ್ಗಳ ಜಯ. <strong>ಪಂದ್ಯಶ್ರೇಷ್ಠ</strong>: ಜಾನ್ ಫ್ರೈಲಿಂಕ್.</p>.<p><strong>ಯುಎಇ vs ನೆದರ್ಲೆಂಡ್ಸ್ ಪಂದ್ಯದಸಂಕ್ಷಿಪ್ತ ಸ್ಕೋರು</strong><br /><strong>ಯುಎಇ:</strong> 20 ಓವರ್ಗಳಲ್ಲಿ 8ಕ್ಕೆ111 (ಮೊಹಮ್ಮದ್ ವಾಸೀಂ 41, ಫ್ರೆಡ್ ಕ್ಲಾಸೆನ್ 13ಕ್ಕೆ2, ಬೆಸ್ ಡಿ ಲೀಡ್ 19ಕ್ಕೆ3)</p>.<p><strong>ನೆದರ್ಲೆಂಡ್ಸ್: </strong>19.5 ಓವರ್ಗಳಲ್ಲಿ 7ಕ್ಕೆ112 (ಮ್ಯಾಕ್ಸ್ ಒಡೌಡ್ 23, ಸ್ಕಾಟ್ ಎಡ್ವರ್ಡ್ಸ್ 16, ಕಾಲಿನ್17, ಜುನೇದ್ ಸಿದ್ದೀಕಿ 24ಕ್ಕೆ3)<br /><strong>ಫಲಿತಾಂಶ: </strong>ನೆದರ್ಲೆಂಡ್ಸ್ ತಂಡಕ್ಕೆ 3 ವಿಕೆಟ್ಗಳ ಜಯ. <strong>ಪಂದ್ಯಶ್ರೇಷ್ಠ</strong>: ಬೆಸ್ ಡಿ ಲೀಡ್</p>.<p><strong>ಅಕ್ಟೋಬರ್ 17ರ ಪಂದ್ಯಗಳು (ಬಿ ಗುಂಪು)</strong><br />* ವೆಸ್ಟ್ ಇಂಡೀಸ್–ಸ್ಕಾಟ್ಲೆಂಡ್ (ಬೆಳಿಗ್ಗೆ 9.30ರಿಂದ)<br />* ಜಿಂಬಾಬ್ವೆ–ಐರ್ಲೆಂಡ್ (ಮಧ್ಯಾಹ್ನ 1.30ರಿಂದ)<br /><strong>ಸ್ಥಳ: </strong>ಹೋಬರ್ಟ್</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಮೆಲ್ಬರ್ನ್</strong>:ಏಷ್ಯಾ ಕಪ್ ವಿಜೇತ ಶ್ರೀಲಂಕಾ ತಂಡಕ್ಕೆ ನಮಿಬಿಯಾ ತಂಡವು ಟಿ20 ವಿಶ್ವಕಪ್ ಕ್ರಿಕೆಟ್ ಟೂರ್ನಿಯ ಅರ್ಹತಾ ಸುತ್ತಿನ ಮೊದಲ ಪಂದ್ಯದಲ್ಲಿ ಆಘಾತ ನೀಡಿತು.</p>.<p>ಭಾನುವಾರ ಸೈಮಂಡ್ಸ್ ಕ್ರೀಡಾಂಗಣದಲ್ಲಿ ನಡೆದ ಪಂದ್ಯದಲ್ಲಿ ಜಾನ್ ಫ್ರೈಲಿಂಕ್ (44 ಹಾಗೂ 26ಕ್ಕೆ2) ಆಲ್ರೌಂಡ್ ಆಟದ ಬಲದಿಂದ ನಮಿಬಿಯಾ 55 ರನ್ಗಳಿಂದ ಗೆದ್ದಿತು.</p>.<p>ಟಾಸ್ ಗೆದ್ದ ಲಂಕಾ ತಂಡವು ಫೀಲ್ಡಿಂಗ್ ಆಯ್ಕೆ ಮಾಡಿಕೊಂಡಿತು. ಇತ್ತೀಚೆಗಷ್ಟೇ ಏಷ್ಯಾ ಕಪ್ ಟೂರ್ನಿಯಲ್ಲಿ ಮಿಂಚಿದ್ದ ಲಂಕಾ ಬೌಲರ್ಗಳಿಗೆ ಕ್ರಿಕೆಟ್ ಲೋಕದಲ್ಲಿ ಅಂಬೆಗಾಲಿಡುತ್ತಿರುವ ನಮಿಬಿಯಾವನ್ನು ಅಲ್ಪಮೊತ್ತಕ್ಕೆ ಕಟ್ಟಿಹಾಕಲು ಸಾಧ್ಯವಾಗಲಿಲ್ಲ.</p>.<p>ಮಧ್ಯಮ ಕ್ರಮಾಂಕದ ಬ್ಯಾಟರ್ಗಳ ಉತ್ತಮ ಆಟದಿಂದ ತಂಡವು 20 ಓವರ್ಗಳಲ್ಲಿ 7 ವಿಕೆಟ್ಗಳಿಗೆ 163 ರನ್ ಗಳಿಸಿತು. 15 ಓವರ್ಗಳಲ್ಲಿ 93 ರನ್ ಗಳಿಸಿ ಆರು ವಿಕೆಟ್ ಕಳೆದುಕೊಂಡಿದ್ದ ತಂಡವು ಪುಟಿದೆದ್ದಿತು. ಕೊನೆಯ ಐದು ಓವರ್ಗಳಲ್ಲಿ 69 ರನ್ಗಳು ಹರಿದುಬರಲು ಫ್ರೈಲಿಂಕ್ ಹಾಗೂ ಸ್ಮಿತ್ ಅವರ ಬ್ಯಾಟಿಂಗ್ ಕಾರಣವಾಯಿತು.</p>.<p>ಈ ಹೋರಾಟದ ಮೊತ್ತವನ್ನು ಬೆನ್ನಟ್ಟಿದ ಶ್ರೀಲಂಕಾ ಬಳಗದ ಬ್ಯಾಟರ್ಗಳಿಗೆ ನಮಿಬಿಯಾ ಬೌಲಿಂಗ್ ಪಡೆ ತಡೆಯೊಡ್ಡಿತು. ಹೆಚ್ಚು ಡಾಟ್ಬಾಲ್ಗಳನ್ನೂ ಪ್ರಯೋಗಿಸಿದ ಬೌಲರ್ಗಳು ವಿಕೆಟ್ ಕೂಡ ಗಳಿಸಿದರು. ಉತ್ತಮವಾಗಿ ಫೀಲ್ಡಿಂಗ್ ಕೂಡ ಮಾಡಿದರು.</p>.<p>ಇದರಿಂದಾಗಿ ಲಂಕಾ ತಂಡವು 19 ಓವರ್ಗಳಲ್ಲಿ 108 ರನ್ ಗಳಿಸಿ ಆಲೌಟ್ ಆಯಿತು. 2014ರ ವಿಶ್ವಕಪ್ ವಿಜೇತ ಶ್ರೀಲಂಕಾ ತಂಡವು ಆರಂಭದಲ್ಲಿಯೇ ಸೋಲಿನ ಕಹಿ ಅನುಭವಿಸಿತು.</p>.<p>ಹೋದ ಸಲದ ಟೂರ್ನಿಯಲ್ಲಿಯೂನಮಿಬಿಯಾ ಉತ್ತಮವಾಗಿ ಆಡಿ ಗಮನ ಸೆಳೆದಿತ್ತು.</p>.<p>ಇನ್ನೊಂದು ಪಂದ್ಯದಲ್ಲಿ ನೆದರ್ಲೆಂಡ್ಸ್ ತಂಡವು ಯುನೈಟೆಡ್ ಅರಬ್ ಎಮಿರೇಟ್ಸ್ ವಿರುದ್ಧ 3 ವಿಕೆಟ್ಗಳಿಂದ ಜಯಿಸಿತು.</p>.<p><strong>ಲಂಕಾಗೆ ಮರ್ಮಾಘಾತ </strong><br />ಕಳೆದ ತಿಂಗಳಷ್ಟೇ ಏಷ್ಯಾಕಪ್ ಕ್ರಿಕೆಟ್ ಟೂರ್ನಿಯಲ್ಲಿ ಪ್ರಶಸ್ತಿ ಶ್ರೀಲಂಕಾಗೆದ್ದು ಬೀಗಿತ್ತು. ಆ ಟೂರ್ನಿಯಲ್ಲಿ ಭಾರತ, ಪಾಕಿಸ್ತಾನ ಹಾಗೂ ಬಾಂಗ್ಲಾದೇಶದಂತಹ ಬಲಿಷ್ಠ ತಂಡಗಳು ಆಡಿದ್ದವು. ಹೀಗಾಗಿ ಅನನುಭವಿ ನಮಿಬಿಯಾ ತಂಡವನ್ನು ಸುಲಭವಾಗಿ ಹಣಿಯುವ ಲೆಕ್ಕಾಚಾರದಲ್ಲಿಯೇ ಲಂಕಾ ಕಣಕ್ಕಿಳಿದಿತ್ತು.</p>.<p>ಆದರೆ, ಅಮೋಘ ಪ್ರದರ್ಶನ ತೋರಿದ ನಮಿಬಿಯಾ ತಂಡ, ಏಷ್ಯಾಕಪ್ ಚಾಂಪಿಯನ್ನರಿಗೆ ಮರ್ಮಾಘಾತ ನೀಡಿತು.</p>.<p>ಅಂದಹಾಗೆ ಶ್ರೀಲಂಕಾ ತಂಡ ಐಸಿಸಿ ಟಿ20 ಕ್ರಿಕೆಟ್ ರ್ಯಾಂಕಿಂಗ್ನಲ್ಲಿ 8ನೇ ಸ್ಥಾನದಲ್ಲಿದೆ. ನಮಿಬಿಯಾ 14ನೇ ಸ್ಥಾನದಲ್ಲಿದೆ ಎಂಬುದು ವಿಶೇಷ.</p>.<p>ನಮಿಬಿಯಾ ಪ್ರದರ್ಶನದ ಬಗ್ಗೆ ಸಾಮಾಜಿಕ ಮಾಧ್ಯಮಗಳಲ್ಲಿಯೂ ಪ್ರಶಂಸೆ ವ್ಯಕ್ತವಾಗಿದೆ.</p>.<p><strong>ನಮಿಬಿಯಾ vs ಶ್ರೀಲಂಕಾ ಪಂದ್ಯದಸಂಕ್ಷಿಪ್ತ ಸ್ಕೋರು<br />ನಮಿಬಿಯಾ:</strong>20 ಓವರ್ಗಳಲ್ಲಿ 7ಕ್ಕೆ163 (ಲಾಟಿ ಈಟನ್ 20, ಸ್ಟಿಫನ್ ಬಾರ್ಡ್ 26, ಗೆರಾರ್ಡ್ ಎರಸ್ಮಸ್ 20, ಜಾನ್ ಫ್ರೈಲಿಂಕ್ 44, ಜೆ.ಜೆ. ಸ್ಮಿತ್ ಔಟಾಗದೆ 31, ಪ್ರಮೋದ್ ಮಧುಶಾನ್ 37ಕ್ಕೆ2)</p>.<p><strong>ಶ್ರೀಲಂಕಾ: </strong>19 ಓವರ್ಗಳಲ್ಲಿ 108 (ಧನಂಜಯ ಡಿಸಿಲ್ವಾ 12, ಭಾನುಕಾ ರಾಜಪಕ್ಸ 20, ದಸುನ್ ಶನಕ 29, ಡೇವಿಡ್ ವೀಸ್ 16ಕ್ಕೆ2, ಬೆಮಾರ್ಡ್ ಶೋಲ್ಜ್ 18ಕ್ಕೆ2, ಬೆನ್ ಶಿಕೊಂಗೊ 22ಕ್ಕೆ2, ಜಾನ್ ಫ್ರೈಲಿಂಕ್ 26ಕ್ಕೆ2)<br /><strong>ಫಲಿತಾಂಶ:</strong> ನಮಿಬಿಯಾ ತಂಡಕ್ಕೆ 55 ರನ್ಗಳ ಜಯ. <strong>ಪಂದ್ಯಶ್ರೇಷ್ಠ</strong>: ಜಾನ್ ಫ್ರೈಲಿಂಕ್.</p>.<p><strong>ಯುಎಇ vs ನೆದರ್ಲೆಂಡ್ಸ್ ಪಂದ್ಯದಸಂಕ್ಷಿಪ್ತ ಸ್ಕೋರು</strong><br /><strong>ಯುಎಇ:</strong> 20 ಓವರ್ಗಳಲ್ಲಿ 8ಕ್ಕೆ111 (ಮೊಹಮ್ಮದ್ ವಾಸೀಂ 41, ಫ್ರೆಡ್ ಕ್ಲಾಸೆನ್ 13ಕ್ಕೆ2, ಬೆಸ್ ಡಿ ಲೀಡ್ 19ಕ್ಕೆ3)</p>.<p><strong>ನೆದರ್ಲೆಂಡ್ಸ್: </strong>19.5 ಓವರ್ಗಳಲ್ಲಿ 7ಕ್ಕೆ112 (ಮ್ಯಾಕ್ಸ್ ಒಡೌಡ್ 23, ಸ್ಕಾಟ್ ಎಡ್ವರ್ಡ್ಸ್ 16, ಕಾಲಿನ್17, ಜುನೇದ್ ಸಿದ್ದೀಕಿ 24ಕ್ಕೆ3)<br /><strong>ಫಲಿತಾಂಶ: </strong>ನೆದರ್ಲೆಂಡ್ಸ್ ತಂಡಕ್ಕೆ 3 ವಿಕೆಟ್ಗಳ ಜಯ. <strong>ಪಂದ್ಯಶ್ರೇಷ್ಠ</strong>: ಬೆಸ್ ಡಿ ಲೀಡ್</p>.<p><strong>ಅಕ್ಟೋಬರ್ 17ರ ಪಂದ್ಯಗಳು (ಬಿ ಗುಂಪು)</strong><br />* ವೆಸ್ಟ್ ಇಂಡೀಸ್–ಸ್ಕಾಟ್ಲೆಂಡ್ (ಬೆಳಿಗ್ಗೆ 9.30ರಿಂದ)<br />* ಜಿಂಬಾಬ್ವೆ–ಐರ್ಲೆಂಡ್ (ಮಧ್ಯಾಹ್ನ 1.30ರಿಂದ)<br /><strong>ಸ್ಥಳ: </strong>ಹೋಬರ್ಟ್</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
