<p>ಪಾತ್ರೆಯಲ್ಲಿಟ್ಟು ಅಬೆಯಲ್ಲಿ ಬೇಯಿಸಿ ಮಾಡುವ 'ಇಡ್ಲಿ' ದಕ್ಷಿಣ ಭಾರತದ ಪ್ರಮುಖ ಆಹಾರವಾಗಿದೆ. ಸಾಂಬಾರ್ ಅಥವಾ ಚಟ್ನಿ ಜೊತೆ ಸವಿಯಬಹುದಾದ ಇವನ್ನು, ತಟ್ಟೆ ಇಡ್ಲಿ, ಪೋಡಿ ಇಡ್ಲಿ, ಮಿನಿ ಇಡ್ಲಿ, ರವಾ ಇಡ್ಲಿ ಎಂಬಿತ್ಯಾದಿ ಹಲವು ವಿಧಗಳಲ್ಲಿ ತಯಾರಿಸಲಾಗುತ್ತದೆ.</p><p>ಆ ಪಟ್ಟಿಗೆ ಹೊಸ ಸೇರ್ಪಡೆ 'ಇಡ್ಲಿ ಸ್ಯಾಂಡ್ವಿಚ್'.</p><p>ರಸ್ತೆ ಬದಿ ವ್ಯಾಪಾರಿಯೊಬ್ಬ 'ಇಡ್ಲಿ ಸ್ಯಾಂಡ್ವಿಚ್' ತಯಾರಿಸುವ ವಿಡಿಯೊವೊಂದು ಸಾಮಾಜಿಕ ಮಾಧ್ಯಮಗಳಲ್ಲಿ ಹರಿದಾಡುತ್ತಿದೆ.</p><p>ವಿಡಿಯೊದಲ್ಲಿರುವ ವ್ಯಕ್ತಿಯು, ಇಡ್ಲಿಯ ಮೇಲೆ ಆಲೂಗಡ್ಡೆಯಿಂದ ತಯಾರಿಸಿದ ಪಲ್ಯವನ್ನು ಹಾಕಿ, ಅದರ ಮೇಲೆ ಮತ್ತೊಂದು ಇಡ್ಲಿಯನ್ನಿಡುತ್ತಾನೆ. ನಂತರ ಅವನ್ನು ಕಡಲೆಹಿಟ್ಟಿನಲ್ಲಿ ಅದ್ದಿ, ಎಣ್ಣೆಯಲ್ಲಿ ಕರಿಯುತ್ತಾನೆ. ಬಳಿಕ ಅದರೊಂದಿಗೆ ಸಾಂಬಾರ್ ಹಾಗೂ ಚಟ್ನಿ ಸೇರಿಸಿ ಗ್ರಾಹಕರಿಗೆ ಬಡಿಸುತ್ತಾನೆ.</p><p>ಸ್ಟ್ಯಾಂಡ್ಅಪ್ ಕಾಮಿಡಿಯನ್ ರೋಹನ್ ಶಾ ಎಂಬವರು ಈ ವಿಡಿಯೊವನ್ನು ಇನ್ಸ್ಟಾಗ್ರಾಂನಲ್ಲಿ ಹಂಚಿಕೊಂಡಿದ್ದು, 'ಇವರು ಇಡ್ಲಿ ಜೊತೆಗೆ ತುಂಬಾ ದೂರ ಹೋಗಿದ್ದಾರೆಯೇ?' ಎಂದು ವ್ಯಂಗ್ಯವಾಗಿ ಕೇಳಿದ್ದಾರೆ.</p>.<p>ವಿಡಿಯೊಗೆ ಪ್ರತಿಕ್ರಿಯಿಸಿರುವ ಹಲವರು ರೆಸಿಪಿ ಬಗ್ಗೆ ಕಳವಳ ಹಾಗೂ ಬೇಸರ ವ್ಯಕ್ತಪಡಿಸಿದ್ದಾರೆ.</p><p>ವ್ಯಕ್ತಿಯೊಬ್ಬರು, 'ಆರೋಗ್ಯಕರ ಆಹಾರವನ್ನು ಅನಾರೋಗ್ಯಕರವಾಗಿಸುವುದನ್ನು ಇವರನ್ನು ನೋಡಿ ಕಲಿಯಿರಿ' ಎಂದು ಕುಟುಕಿದ್ದಾರೆ.</p><p>ಮತ್ತೊಬ್ಬರು, 'ಇಡ್ಲಿ ಬಚಾವೊ ಆಂದೋಲನ'ಕ್ಕೆ (ಇಡ್ಲಿ ರಕ್ಷಿಸಿ ಅಭಿಯಾನ) ಕರೆ ನೀಡಿದ್ದಾರೆ. ಇದಕ್ಕೆ ಪ್ರತಿಕ್ರಿಯಿಸಿರುವ ಇನ್ನೊಬ್ಬರು, 'ನಿಮ್ಮ ಅಭಿಯಾನವನ್ನು ಬೆಂಬಲಿಸುತ್ತೇನೆ. ಆದರೆ, ಇಡ್ಲಿ ಮೇಲಿನ ಶೋಷಣೆಯಿಂದ ಬೇಸರವಾಗಿದೆ' ಎಂದಿದ್ದಾರೆ.</p><p>ಇನ್ನೊಬ್ಬ ನೆಟ್ಟಿಗ, 'ದಕ್ಷಿಣ ಭಾರತೀಯರು ಈ ಪುಟದ ಅಡ್ಮಿನ್ಗಾಗಿ ಹುಡುಕಾಡುತ್ತಿದ್ದಾರೆ' ಎಂದು ಚಟಾಕಿ ಹಾರಿಸಿದ್ದಾರೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p>ಪಾತ್ರೆಯಲ್ಲಿಟ್ಟು ಅಬೆಯಲ್ಲಿ ಬೇಯಿಸಿ ಮಾಡುವ 'ಇಡ್ಲಿ' ದಕ್ಷಿಣ ಭಾರತದ ಪ್ರಮುಖ ಆಹಾರವಾಗಿದೆ. ಸಾಂಬಾರ್ ಅಥವಾ ಚಟ್ನಿ ಜೊತೆ ಸವಿಯಬಹುದಾದ ಇವನ್ನು, ತಟ್ಟೆ ಇಡ್ಲಿ, ಪೋಡಿ ಇಡ್ಲಿ, ಮಿನಿ ಇಡ್ಲಿ, ರವಾ ಇಡ್ಲಿ ಎಂಬಿತ್ಯಾದಿ ಹಲವು ವಿಧಗಳಲ್ಲಿ ತಯಾರಿಸಲಾಗುತ್ತದೆ.</p><p>ಆ ಪಟ್ಟಿಗೆ ಹೊಸ ಸೇರ್ಪಡೆ 'ಇಡ್ಲಿ ಸ್ಯಾಂಡ್ವಿಚ್'.</p><p>ರಸ್ತೆ ಬದಿ ವ್ಯಾಪಾರಿಯೊಬ್ಬ 'ಇಡ್ಲಿ ಸ್ಯಾಂಡ್ವಿಚ್' ತಯಾರಿಸುವ ವಿಡಿಯೊವೊಂದು ಸಾಮಾಜಿಕ ಮಾಧ್ಯಮಗಳಲ್ಲಿ ಹರಿದಾಡುತ್ತಿದೆ.</p><p>ವಿಡಿಯೊದಲ್ಲಿರುವ ವ್ಯಕ್ತಿಯು, ಇಡ್ಲಿಯ ಮೇಲೆ ಆಲೂಗಡ್ಡೆಯಿಂದ ತಯಾರಿಸಿದ ಪಲ್ಯವನ್ನು ಹಾಕಿ, ಅದರ ಮೇಲೆ ಮತ್ತೊಂದು ಇಡ್ಲಿಯನ್ನಿಡುತ್ತಾನೆ. ನಂತರ ಅವನ್ನು ಕಡಲೆಹಿಟ್ಟಿನಲ್ಲಿ ಅದ್ದಿ, ಎಣ್ಣೆಯಲ್ಲಿ ಕರಿಯುತ್ತಾನೆ. ಬಳಿಕ ಅದರೊಂದಿಗೆ ಸಾಂಬಾರ್ ಹಾಗೂ ಚಟ್ನಿ ಸೇರಿಸಿ ಗ್ರಾಹಕರಿಗೆ ಬಡಿಸುತ್ತಾನೆ.</p><p>ಸ್ಟ್ಯಾಂಡ್ಅಪ್ ಕಾಮಿಡಿಯನ್ ರೋಹನ್ ಶಾ ಎಂಬವರು ಈ ವಿಡಿಯೊವನ್ನು ಇನ್ಸ್ಟಾಗ್ರಾಂನಲ್ಲಿ ಹಂಚಿಕೊಂಡಿದ್ದು, 'ಇವರು ಇಡ್ಲಿ ಜೊತೆಗೆ ತುಂಬಾ ದೂರ ಹೋಗಿದ್ದಾರೆಯೇ?' ಎಂದು ವ್ಯಂಗ್ಯವಾಗಿ ಕೇಳಿದ್ದಾರೆ.</p>.<p>ವಿಡಿಯೊಗೆ ಪ್ರತಿಕ್ರಿಯಿಸಿರುವ ಹಲವರು ರೆಸಿಪಿ ಬಗ್ಗೆ ಕಳವಳ ಹಾಗೂ ಬೇಸರ ವ್ಯಕ್ತಪಡಿಸಿದ್ದಾರೆ.</p><p>ವ್ಯಕ್ತಿಯೊಬ್ಬರು, 'ಆರೋಗ್ಯಕರ ಆಹಾರವನ್ನು ಅನಾರೋಗ್ಯಕರವಾಗಿಸುವುದನ್ನು ಇವರನ್ನು ನೋಡಿ ಕಲಿಯಿರಿ' ಎಂದು ಕುಟುಕಿದ್ದಾರೆ.</p><p>ಮತ್ತೊಬ್ಬರು, 'ಇಡ್ಲಿ ಬಚಾವೊ ಆಂದೋಲನ'ಕ್ಕೆ (ಇಡ್ಲಿ ರಕ್ಷಿಸಿ ಅಭಿಯಾನ) ಕರೆ ನೀಡಿದ್ದಾರೆ. ಇದಕ್ಕೆ ಪ್ರತಿಕ್ರಿಯಿಸಿರುವ ಇನ್ನೊಬ್ಬರು, 'ನಿಮ್ಮ ಅಭಿಯಾನವನ್ನು ಬೆಂಬಲಿಸುತ್ತೇನೆ. ಆದರೆ, ಇಡ್ಲಿ ಮೇಲಿನ ಶೋಷಣೆಯಿಂದ ಬೇಸರವಾಗಿದೆ' ಎಂದಿದ್ದಾರೆ.</p><p>ಇನ್ನೊಬ್ಬ ನೆಟ್ಟಿಗ, 'ದಕ್ಷಿಣ ಭಾರತೀಯರು ಈ ಪುಟದ ಅಡ್ಮಿನ್ಗಾಗಿ ಹುಡುಕಾಡುತ್ತಿದ್ದಾರೆ' ಎಂದು ಚಟಾಕಿ ಹಾರಿಸಿದ್ದಾರೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
