<p><strong>ಮೈಸೂರು: </strong>ಕುಪ್ಪಣ್ಣ ಉದ್ಯಾನದ ಗಾಜಿನ ಮನೆಯಲ್ಲಿ 3.5 ಲಕ್ಷ ಗುಲಾಬಿ, ಸೇವಂತಿ ಹೂಗಳಲ್ಲಿ ರಾಷ್ಟ್ರಪತಿ ಭವನವು ಅರಳಿ ನಿಂತಿದ್ದು, ಎಲ್ಲರನ್ನೂ ಸೂಜಿಗಲ್ಲಿನಂತೆ ಆಕರ್ಷಿಸುತ್ತಿದೆ.</p>.<p>ದಸರಾ ಉದ್ಘಾಟನೆಗೆ ರಾಷ್ಟ್ರಪತಿ ದ್ರೌಪತಿ ಮುರ್ಮು ಆಗಮಿಸಿದ್ದ ಹಿನ್ನೆಲೆಯಲ್ಲಿ ತೋಟಗಾರಿಕಾ ಇಲಾಖೆಯು 50 ಅಡಿ ಅಗಲ x 30 ಅಡಿ ಉದ್ದ x 27 ಅಡಿ ಎತ್ತರದ ಪ್ರತಿಕೃತಿಯನ್ನು ದಸರಾ ಫಲಪುಷ್ಪ ಪ್ರದರ್ಶನದಲ್ಲಿ ನಿರ್ಮಿಸಿರುವುದು ಕಣ್ಮನ ಸೆಳೆಯುತ್ತಿದೆ.</p>.<p>‘50 ಕಾರ್ಮಿಕರ ಪರಿಶ್ರಮದಿಂದ ಮೂರು ದಿನಗಳಲ್ಲಿ ಕಲಾಕೃತಿ ನಿರ್ಮಿಸಲಾಗಿದೆ. 2 ಲಕ್ಷ ಕೆಂಗುಲಾಬಿ, 50 ಬಿಳಿ ಗುಲಾಬಿ ಹಾಗೂ 1 ಲಕ್ಷ ಸೇವಂತಿಗೆ ಹೂಗಳನ್ನು ಬಳಸಲಾಗಿದ್ದು, ಗುಣಮಟ್ಟದ ಹೂಗಳನ್ನು ರೈತರಿಂದಲೇ ನೇರ ಖರೀದಿಸಲಾಗಿದೆ’ ಎಂದು ಕಲಾಕೃತಿಯನ್ನು ರೂಪಿಸಿದ ಸಂಧ್ಯಾ ಯಾದವ್ ‘ಪ್ರಜಾವಾಣಿ’ಗೆ ತಿಳಿಸಿದರು.</p>.<p>ರಾಷ್ಟ್ರಪತಿ ಭವನದೊಂದಿಗೆ ವರನಟರಾಜ್ಕುಮಾರ್, ಪುನೀತ್ ರಾಜ್ ಕುಮಾರ್ ಶಿಲ್ಪಗಳ ಜೊತೆ ಗಾಜನೂರಿನ ಮನೆಯನ್ನು ನಿರ್ಮಿಸಿರುವುದು ವಿಶೇಷ. ಗಾಜಿನ ಮನೆ ಪ್ರವೇಶ ಪಥದಲ್ಲಿ ಮುಸುಕಿನ ಜೋಳದ ಹಸಿರು ಚಪ್ಪರ ನಿರ್ಮಿಸಲಾಗಿದ್ದು, ತಂಪೆರೆಯುತ್ತಿದೆ.ಅದರೊಂದಿಗೆ 50 ಸಾವಿರ ಹೂ ಕುಂಡಗಳು ಉದ್ಯಾನದಲ್ಲಿವೆ.</p>.<p><strong>ಮಕ್ಕಳ ಆಕರ್ಷಿಸುವ ‘ಹನಿ ಬೀ’: </strong><br />ಮಕ್ಕಳನ್ನು ಆಕರ್ಷಿಸುವ ‘ಹನಿ ಬೀ’ ಕಾರ್ಟೂನ್ ಲೋಕವು ಅಂಗಳದಲ್ಲಿ ಅರಳಿದೆ. 7 ಅಡಿ ಎತ್ತರದ ‘ಹನಿ ಬೀ’ ಜೊತೆಗೆ ಸೇಬು, ಮಾವು, ಸ್ಟ್ರಾಬೆರಿ ಪಾತ್ರಗಳು ಇವೆ. ಹಳದಿ, ಕೆಂಪು, ಹಸಿರು ದಪ್ಪ ಮೆಣಸಿನಕಾಯಿಯಿಂದ (ಕ್ಯಾಪ್ಸಿಕಂ) ನಿರ್ಮಿಸಲಾದ ಮನೆಯೂ ಕಣ್ಮನ ಸೆಳೆಯುತ್ತದೆ.</p>.<p>ಶ್ವೇತ ವರ್ಣದ ನಂದಿ, ಗಣೇಶ, ಏರೋಪ್ಲೇನ್ ಚಿಟ್ಟೆ, ಮತ್ಸಲೋಕದ ನಕ್ಷತ್ರ ಮೀನು, ಹಸಿರು ಡಾಲ್ಫಿನ್ ಜೋಡಿ, ಕಪ್ಪೆಚಿಪ್ಪಿನ ಮುತ್ತನ್ನು ಸೇವಂತಿಗೆ, ಗುಲಾಬಿ ಹೂಗಳಿಂದ ಅಲಂಕರಿಸಲಾಗಿದೆ.ಸಂಗೀತ ನೃತ್ಯ ಕಾರಂಜಿ ಹಾಗೂ ಜಿರಾಫೆ ಕಲಾಕೃತಿಯು ಗಮನ ಸೆಳೆಯುತ್ತಿದೆ.</p>.<p><strong>ಮನರಂಜನಾ ಉದ್ಯಾನ, ಆಹಾರ ಮಳಿಗೆ: </strong><br />ರಾಜ್ಯದ ವಿವಿಧ ಭಾಗದ ತಿನಿಸಿನ ಸವಿಯನ್ನೂ ಫಲಪುಷ್ಪ ಪ್ರದರ್ಶನದಲ್ಲಿ ಸವಿಯಬಹುದಾಗಿದ್ದು, 50ಕ್ಕೂ ಹೆಚ್ಚು ಮಳಿಗೆಗಳು ಇವೆ. ಅವುಗಳೊಂದಿಗೆ ಮನರಂಜನಾ ಉದ್ಯಾನವೂ ಇದೆ. ಮಕ್ಕಳು ಹಾಗೂ ವಯಸ್ಕರಿಗೆ ತೂಗುವ ತೊಟ್ಟಿಲು, ದೋಣಿ, ಹೆಲಿಕಾಪ್ಟರ್ ಸೇರಿದಂತೆ ಆಟಿಕೆಗಳು ಇಲ್ಲಿವೆ.</p>.<p><strong>5ರವರೆಗೆ ಪ್ರದರ್ಶನ:</strong><br />ಫಲಪುಷ್ಪ ಪ್ರದರ್ಶನವು ಅ.5ರವರೆಗೆ ಇರಲಿದ್ದು, ಸೆ.30ರಂದು ಹೂಗಳನ್ನು ಮತ್ತೆ ಬದಲಿಸಲಾಗುತ್ತದೆ.ಪ್ರವೇಶ ದರ ವಯಸ್ಕರಿಗೆ ₹ 30 ಹಾಗೂ ಮಕ್ಕಳಿಗೆ ₹ 20 ಇದೆ.</p>.<p><strong>ಸಚಿವ ಸೋಮಶೇಖರ್ ಚಾಲನೆ: </strong><br />ದಸರಾ ಫಲಪುಷ್ಪ ಪ್ರದರ್ಶನ ಉಪಸಮಿತಿ ಆಯೋಜಿಸಿದ್ದ ಫಲಪುಷ್ಪ ಪ್ರದರ್ಶನವನ್ನು ಜಿಲ್ಲಾ ಉಸ್ತುವಾರಿ ಸಚಿವ ಎಸ್.ಟಿ.ಸೋಮಶೇಖರ್ ಉದ್ಘಾಟಿಸಿದರು.</p>.<p>‘ರಾಷ್ಟ್ರಪತಿ ಭವನ ಸೇರಿದಂತೆ ವಿವಿಧ ಹೂವಿನ ಕಲಾಕೃತಿಗಳು ಆಕರ್ಷಣೀಯವಾಗಿದ್ದು, ಸಾರ್ವಜನಿಕರು ಹೆಚ್ಚಿನ ಸಂಖ್ಯೆಯಲ್ಲಿ ಆಗಮಿಸಬೇಕು. ಕುಪ್ಪಣ್ಣ ಉದ್ಯಾನವನ್ನು ಜೀವವೈವಿಧ್ಯದ ಉದ್ಯಾನವಾಗಿ ರೂಪಿಸಲು ದಸರೆ ನಂತರ ನಿರ್ಧರಿಸಲಾಗುವುದು’ ಎಂದರು.</p>.<p>ಶಾಸಕ ಎಲ್.ನಾಗೇಂದ್ರ, ಮೇಯರ್ ಶಿವಕುಮಾರ್, ವಸ್ತುಪ್ರದರ್ಶನಪ್ರಾಧಿಕಾರದ ಅಧ್ಯಕ್ಷ ಮಿರ್ಲೆ ಶ್ರೀನಿವಾಸಗೌಡ, ಮೃಗಾಲಯ ಪ್ರಾಧಿಕಾರದ ಅಧ್ಯಕ್ಷ ಶಿವಕುಮಾರ್, ಜಿಲ್ಲಾಧಿಕಾರಿ ಡಾ.ಬಗಾದಿ ಗೌತಮ್, ಜಿಲ್ಲಾಪಂಚಾಯಿತಿ ಸಿಇಒ ಬಿ.ಆರ್.ಪೂರ್ಣಿಮಾ, ತೋಟಗಾರಿಕೆ ಇಲಾಖೆ ಉಪ ನಿರ್ದೇಶಕ ರುದ್ರೇಶ್ ಇದ್ದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಮೈಸೂರು: </strong>ಕುಪ್ಪಣ್ಣ ಉದ್ಯಾನದ ಗಾಜಿನ ಮನೆಯಲ್ಲಿ 3.5 ಲಕ್ಷ ಗುಲಾಬಿ, ಸೇವಂತಿ ಹೂಗಳಲ್ಲಿ ರಾಷ್ಟ್ರಪತಿ ಭವನವು ಅರಳಿ ನಿಂತಿದ್ದು, ಎಲ್ಲರನ್ನೂ ಸೂಜಿಗಲ್ಲಿನಂತೆ ಆಕರ್ಷಿಸುತ್ತಿದೆ.</p>.<p>ದಸರಾ ಉದ್ಘಾಟನೆಗೆ ರಾಷ್ಟ್ರಪತಿ ದ್ರೌಪತಿ ಮುರ್ಮು ಆಗಮಿಸಿದ್ದ ಹಿನ್ನೆಲೆಯಲ್ಲಿ ತೋಟಗಾರಿಕಾ ಇಲಾಖೆಯು 50 ಅಡಿ ಅಗಲ x 30 ಅಡಿ ಉದ್ದ x 27 ಅಡಿ ಎತ್ತರದ ಪ್ರತಿಕೃತಿಯನ್ನು ದಸರಾ ಫಲಪುಷ್ಪ ಪ್ರದರ್ಶನದಲ್ಲಿ ನಿರ್ಮಿಸಿರುವುದು ಕಣ್ಮನ ಸೆಳೆಯುತ್ತಿದೆ.</p>.<p>‘50 ಕಾರ್ಮಿಕರ ಪರಿಶ್ರಮದಿಂದ ಮೂರು ದಿನಗಳಲ್ಲಿ ಕಲಾಕೃತಿ ನಿರ್ಮಿಸಲಾಗಿದೆ. 2 ಲಕ್ಷ ಕೆಂಗುಲಾಬಿ, 50 ಬಿಳಿ ಗುಲಾಬಿ ಹಾಗೂ 1 ಲಕ್ಷ ಸೇವಂತಿಗೆ ಹೂಗಳನ್ನು ಬಳಸಲಾಗಿದ್ದು, ಗುಣಮಟ್ಟದ ಹೂಗಳನ್ನು ರೈತರಿಂದಲೇ ನೇರ ಖರೀದಿಸಲಾಗಿದೆ’ ಎಂದು ಕಲಾಕೃತಿಯನ್ನು ರೂಪಿಸಿದ ಸಂಧ್ಯಾ ಯಾದವ್ ‘ಪ್ರಜಾವಾಣಿ’ಗೆ ತಿಳಿಸಿದರು.</p>.<p>ರಾಷ್ಟ್ರಪತಿ ಭವನದೊಂದಿಗೆ ವರನಟರಾಜ್ಕುಮಾರ್, ಪುನೀತ್ ರಾಜ್ ಕುಮಾರ್ ಶಿಲ್ಪಗಳ ಜೊತೆ ಗಾಜನೂರಿನ ಮನೆಯನ್ನು ನಿರ್ಮಿಸಿರುವುದು ವಿಶೇಷ. ಗಾಜಿನ ಮನೆ ಪ್ರವೇಶ ಪಥದಲ್ಲಿ ಮುಸುಕಿನ ಜೋಳದ ಹಸಿರು ಚಪ್ಪರ ನಿರ್ಮಿಸಲಾಗಿದ್ದು, ತಂಪೆರೆಯುತ್ತಿದೆ.ಅದರೊಂದಿಗೆ 50 ಸಾವಿರ ಹೂ ಕುಂಡಗಳು ಉದ್ಯಾನದಲ್ಲಿವೆ.</p>.<p><strong>ಮಕ್ಕಳ ಆಕರ್ಷಿಸುವ ‘ಹನಿ ಬೀ’: </strong><br />ಮಕ್ಕಳನ್ನು ಆಕರ್ಷಿಸುವ ‘ಹನಿ ಬೀ’ ಕಾರ್ಟೂನ್ ಲೋಕವು ಅಂಗಳದಲ್ಲಿ ಅರಳಿದೆ. 7 ಅಡಿ ಎತ್ತರದ ‘ಹನಿ ಬೀ’ ಜೊತೆಗೆ ಸೇಬು, ಮಾವು, ಸ್ಟ್ರಾಬೆರಿ ಪಾತ್ರಗಳು ಇವೆ. ಹಳದಿ, ಕೆಂಪು, ಹಸಿರು ದಪ್ಪ ಮೆಣಸಿನಕಾಯಿಯಿಂದ (ಕ್ಯಾಪ್ಸಿಕಂ) ನಿರ್ಮಿಸಲಾದ ಮನೆಯೂ ಕಣ್ಮನ ಸೆಳೆಯುತ್ತದೆ.</p>.<p>ಶ್ವೇತ ವರ್ಣದ ನಂದಿ, ಗಣೇಶ, ಏರೋಪ್ಲೇನ್ ಚಿಟ್ಟೆ, ಮತ್ಸಲೋಕದ ನಕ್ಷತ್ರ ಮೀನು, ಹಸಿರು ಡಾಲ್ಫಿನ್ ಜೋಡಿ, ಕಪ್ಪೆಚಿಪ್ಪಿನ ಮುತ್ತನ್ನು ಸೇವಂತಿಗೆ, ಗುಲಾಬಿ ಹೂಗಳಿಂದ ಅಲಂಕರಿಸಲಾಗಿದೆ.ಸಂಗೀತ ನೃತ್ಯ ಕಾರಂಜಿ ಹಾಗೂ ಜಿರಾಫೆ ಕಲಾಕೃತಿಯು ಗಮನ ಸೆಳೆಯುತ್ತಿದೆ.</p>.<p><strong>ಮನರಂಜನಾ ಉದ್ಯಾನ, ಆಹಾರ ಮಳಿಗೆ: </strong><br />ರಾಜ್ಯದ ವಿವಿಧ ಭಾಗದ ತಿನಿಸಿನ ಸವಿಯನ್ನೂ ಫಲಪುಷ್ಪ ಪ್ರದರ್ಶನದಲ್ಲಿ ಸವಿಯಬಹುದಾಗಿದ್ದು, 50ಕ್ಕೂ ಹೆಚ್ಚು ಮಳಿಗೆಗಳು ಇವೆ. ಅವುಗಳೊಂದಿಗೆ ಮನರಂಜನಾ ಉದ್ಯಾನವೂ ಇದೆ. ಮಕ್ಕಳು ಹಾಗೂ ವಯಸ್ಕರಿಗೆ ತೂಗುವ ತೊಟ್ಟಿಲು, ದೋಣಿ, ಹೆಲಿಕಾಪ್ಟರ್ ಸೇರಿದಂತೆ ಆಟಿಕೆಗಳು ಇಲ್ಲಿವೆ.</p>.<p><strong>5ರವರೆಗೆ ಪ್ರದರ್ಶನ:</strong><br />ಫಲಪುಷ್ಪ ಪ್ರದರ್ಶನವು ಅ.5ರವರೆಗೆ ಇರಲಿದ್ದು, ಸೆ.30ರಂದು ಹೂಗಳನ್ನು ಮತ್ತೆ ಬದಲಿಸಲಾಗುತ್ತದೆ.ಪ್ರವೇಶ ದರ ವಯಸ್ಕರಿಗೆ ₹ 30 ಹಾಗೂ ಮಕ್ಕಳಿಗೆ ₹ 20 ಇದೆ.</p>.<p><strong>ಸಚಿವ ಸೋಮಶೇಖರ್ ಚಾಲನೆ: </strong><br />ದಸರಾ ಫಲಪುಷ್ಪ ಪ್ರದರ್ಶನ ಉಪಸಮಿತಿ ಆಯೋಜಿಸಿದ್ದ ಫಲಪುಷ್ಪ ಪ್ರದರ್ಶನವನ್ನು ಜಿಲ್ಲಾ ಉಸ್ತುವಾರಿ ಸಚಿವ ಎಸ್.ಟಿ.ಸೋಮಶೇಖರ್ ಉದ್ಘಾಟಿಸಿದರು.</p>.<p>‘ರಾಷ್ಟ್ರಪತಿ ಭವನ ಸೇರಿದಂತೆ ವಿವಿಧ ಹೂವಿನ ಕಲಾಕೃತಿಗಳು ಆಕರ್ಷಣೀಯವಾಗಿದ್ದು, ಸಾರ್ವಜನಿಕರು ಹೆಚ್ಚಿನ ಸಂಖ್ಯೆಯಲ್ಲಿ ಆಗಮಿಸಬೇಕು. ಕುಪ್ಪಣ್ಣ ಉದ್ಯಾನವನ್ನು ಜೀವವೈವಿಧ್ಯದ ಉದ್ಯಾನವಾಗಿ ರೂಪಿಸಲು ದಸರೆ ನಂತರ ನಿರ್ಧರಿಸಲಾಗುವುದು’ ಎಂದರು.</p>.<p>ಶಾಸಕ ಎಲ್.ನಾಗೇಂದ್ರ, ಮೇಯರ್ ಶಿವಕುಮಾರ್, ವಸ್ತುಪ್ರದರ್ಶನಪ್ರಾಧಿಕಾರದ ಅಧ್ಯಕ್ಷ ಮಿರ್ಲೆ ಶ್ರೀನಿವಾಸಗೌಡ, ಮೃಗಾಲಯ ಪ್ರಾಧಿಕಾರದ ಅಧ್ಯಕ್ಷ ಶಿವಕುಮಾರ್, ಜಿಲ್ಲಾಧಿಕಾರಿ ಡಾ.ಬಗಾದಿ ಗೌತಮ್, ಜಿಲ್ಲಾಪಂಚಾಯಿತಿ ಸಿಇಒ ಬಿ.ಆರ್.ಪೂರ್ಣಿಮಾ, ತೋಟಗಾರಿಕೆ ಇಲಾಖೆ ಉಪ ನಿರ್ದೇಶಕ ರುದ್ರೇಶ್ ಇದ್ದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
