<p><strong>ನವದೆಹಲಿ:</strong> ಲಿಂಗ ಸಂವೇದನೆ ವಿಷಯ ವಸ್ತು ಹೊಂದಿರುವ ಹಿಂದಿ ಚಲನಚಿತ್ರ ‘ಲಾಪತಾ ಲೆಡೀಸ್‘, ಸುಪ್ರೀಂ ಕೋರ್ಟ್ನಲ್ಲಿ ಶುಕ್ರವಾರ ಪ್ರದರ್ಶನ ಕಂಡಿತು.</p><p>ನಿರ್ಮಾಪಕ ಅಮೀರ್ ಖಾನ್ ಹಾಗೂ ನಿರ್ದೇಶಕಿ ಕಿರಣ್ ರಾವ್ ಅವರನ್ನು ಸುಪ್ರೀಂ ಕೋರ್ಟ್ನ ಮುಖ್ಯ ನ್ಯಾಯಮೂರ್ತಿ ಡಿ.ವೈ. ಚಂದ್ರಚೂಡ್ ಸ್ವಾಗತಿಸಿ, ಅವರೊಂದಿಗೆ ಚಿತ್ರ ವೀಕ್ಷಿಸಿದರು.</p><p>ಈ ಸಂದರ್ಭದಲ್ಲಿ ಸುಪ್ರೀಂ ಕೋರ್ಟ್ನ ಇತರ ನ್ಯಾಯಮೂರ್ತಿಗಳು ದಂಪತಿ ಸಮೇತರಾಗಿ ಪಾಲ್ಗೊಂಡು ಚಿತ್ರ ವೀಕ್ಷಿಸಿದ್ದು ವಿಶೇಷವಾಗಿತ್ತು.</p><p>ಚಿತ್ರ ವೀಕ್ಷಣೆಗೂ ಮೊದಲು, ನ್ಯಾಯಾಲಯದ ಕಲಾಪದಲ್ಲಿ ಅಮೀರ್ ಖಾನ್ ಭಾಗಿಯಾದರು. ನ್ಯಾಯಾಲಯದ ಮುಂಭಾಗದ ಆಸನದಲ್ಲೇ ಕುಳಿತು ಸುಮಾರು 30 ನಿಮಿಷಗಳ ಕಾಲ ಕಲಾಪ ವೀಕ್ಷಿಸಿದರು. ಈ ಸಂದರ್ಭದಲ್ಲಿ ಅಟಾರ್ನಿ ಜನರಲ್ ಆರ್. ವೆಂಕಟರಮಣಿ ಅವರು ವಾದ ಮಂಡಿಸುತ್ತಿದ್ದರು. ನಡುವೆ ‘ಇಂದು ನ್ಯಾಯಾಲಯ ತಾರೆಗಳಿಂದ ತುಂಬಿದೆ’ ಎಂದು ಬಣ್ಣಿಸಿದ್ದಾಗಿ ಎಎನ್ಐ ವರದಿ ಮಾಡಿದೆ.</p><p>‘ಸುಪ್ರೀಂ ಕೋರ್ಟ್ ಸ್ಥಾಪನೆಗೊಂಡು 75 ವರ್ಷವಾಗಿರುವ ಸಂದರ್ಭದಲ್ಲಿ ನನ್ನದೊಂದು ಚಿತ್ರ ಇಲ್ಲಿ ಪ್ರದರ್ಶನಗೊಳ್ಳುತ್ತಿರುವುದು ನನಗೆ ಸಂದ ಅತಿ ದೊಡ್ಡ ಗೌರವ’ ಎಂದು ಕಿರಣ್ ರಾವ್ ಧನ್ಯವಾದ ಅರ್ಪಿಸಿದರು.</p><p>ನಂತರ ನ್ಯಾಯಾಲಯದ ಆಡಳಿತ ಭವನದ ಸಭಾಂಗಣದಲ್ಲಿ ಚಿತ್ರ ಪ್ರದರ್ಶನ ಕಂಡಿತು. ಸಂಜೆ 4.15ರಿಂದ ಆರಂಭಗೊಂಡ ಸಿನಿಮಾ 6.20ಕ್ಕೆ ಕೊನೆಗೊಂಡಿತು. </p><p>ರವಿ ಕಿಶನ್, ನಿತಾಂಶಿ ಗೋಯಲ್, ಪ್ರತಿಭಾ ರತ್ನಾ, ಸ್ಪರ್ಶ ಶ್ರಿವಾಸ್ತವ ಅವರಿದ್ದ ಈ ಚಿತ್ರ 2023ರ ಸೆಪ್ಟೆಂಬರ್ನಲ್ಲಿ ನಡೆದ ಟೊರೊಂಟೊ ಅಂತರರಾಷ್ಟ್ರೀಯ ಚಲನಚಿತ್ರೋತ್ಸವದಲ್ಲಿ ಭಾರಿ ಕರತಾಡನದೊಂದಿಗೆ ಪ್ರದರ್ಶನಗೊಂಡಿದ್ದನ್ನು ಇಲ್ಲಿ ಸ್ಮರಿಸಬಹುದು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ನವದೆಹಲಿ:</strong> ಲಿಂಗ ಸಂವೇದನೆ ವಿಷಯ ವಸ್ತು ಹೊಂದಿರುವ ಹಿಂದಿ ಚಲನಚಿತ್ರ ‘ಲಾಪತಾ ಲೆಡೀಸ್‘, ಸುಪ್ರೀಂ ಕೋರ್ಟ್ನಲ್ಲಿ ಶುಕ್ರವಾರ ಪ್ರದರ್ಶನ ಕಂಡಿತು.</p><p>ನಿರ್ಮಾಪಕ ಅಮೀರ್ ಖಾನ್ ಹಾಗೂ ನಿರ್ದೇಶಕಿ ಕಿರಣ್ ರಾವ್ ಅವರನ್ನು ಸುಪ್ರೀಂ ಕೋರ್ಟ್ನ ಮುಖ್ಯ ನ್ಯಾಯಮೂರ್ತಿ ಡಿ.ವೈ. ಚಂದ್ರಚೂಡ್ ಸ್ವಾಗತಿಸಿ, ಅವರೊಂದಿಗೆ ಚಿತ್ರ ವೀಕ್ಷಿಸಿದರು.</p><p>ಈ ಸಂದರ್ಭದಲ್ಲಿ ಸುಪ್ರೀಂ ಕೋರ್ಟ್ನ ಇತರ ನ್ಯಾಯಮೂರ್ತಿಗಳು ದಂಪತಿ ಸಮೇತರಾಗಿ ಪಾಲ್ಗೊಂಡು ಚಿತ್ರ ವೀಕ್ಷಿಸಿದ್ದು ವಿಶೇಷವಾಗಿತ್ತು.</p><p>ಚಿತ್ರ ವೀಕ್ಷಣೆಗೂ ಮೊದಲು, ನ್ಯಾಯಾಲಯದ ಕಲಾಪದಲ್ಲಿ ಅಮೀರ್ ಖಾನ್ ಭಾಗಿಯಾದರು. ನ್ಯಾಯಾಲಯದ ಮುಂಭಾಗದ ಆಸನದಲ್ಲೇ ಕುಳಿತು ಸುಮಾರು 30 ನಿಮಿಷಗಳ ಕಾಲ ಕಲಾಪ ವೀಕ್ಷಿಸಿದರು. ಈ ಸಂದರ್ಭದಲ್ಲಿ ಅಟಾರ್ನಿ ಜನರಲ್ ಆರ್. ವೆಂಕಟರಮಣಿ ಅವರು ವಾದ ಮಂಡಿಸುತ್ತಿದ್ದರು. ನಡುವೆ ‘ಇಂದು ನ್ಯಾಯಾಲಯ ತಾರೆಗಳಿಂದ ತುಂಬಿದೆ’ ಎಂದು ಬಣ್ಣಿಸಿದ್ದಾಗಿ ಎಎನ್ಐ ವರದಿ ಮಾಡಿದೆ.</p><p>‘ಸುಪ್ರೀಂ ಕೋರ್ಟ್ ಸ್ಥಾಪನೆಗೊಂಡು 75 ವರ್ಷವಾಗಿರುವ ಸಂದರ್ಭದಲ್ಲಿ ನನ್ನದೊಂದು ಚಿತ್ರ ಇಲ್ಲಿ ಪ್ರದರ್ಶನಗೊಳ್ಳುತ್ತಿರುವುದು ನನಗೆ ಸಂದ ಅತಿ ದೊಡ್ಡ ಗೌರವ’ ಎಂದು ಕಿರಣ್ ರಾವ್ ಧನ್ಯವಾದ ಅರ್ಪಿಸಿದರು.</p><p>ನಂತರ ನ್ಯಾಯಾಲಯದ ಆಡಳಿತ ಭವನದ ಸಭಾಂಗಣದಲ್ಲಿ ಚಿತ್ರ ಪ್ರದರ್ಶನ ಕಂಡಿತು. ಸಂಜೆ 4.15ರಿಂದ ಆರಂಭಗೊಂಡ ಸಿನಿಮಾ 6.20ಕ್ಕೆ ಕೊನೆಗೊಂಡಿತು. </p><p>ರವಿ ಕಿಶನ್, ನಿತಾಂಶಿ ಗೋಯಲ್, ಪ್ರತಿಭಾ ರತ್ನಾ, ಸ್ಪರ್ಶ ಶ್ರಿವಾಸ್ತವ ಅವರಿದ್ದ ಈ ಚಿತ್ರ 2023ರ ಸೆಪ್ಟೆಂಬರ್ನಲ್ಲಿ ನಡೆದ ಟೊರೊಂಟೊ ಅಂತರರಾಷ್ಟ್ರೀಯ ಚಲನಚಿತ್ರೋತ್ಸವದಲ್ಲಿ ಭಾರಿ ಕರತಾಡನದೊಂದಿಗೆ ಪ್ರದರ್ಶನಗೊಂಡಿದ್ದನ್ನು ಇಲ್ಲಿ ಸ್ಮರಿಸಬಹುದು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
