ಚಾರಣ: ಸವಾಲು ಎಸೆಯುವ ಗಡಾಯಿಕಲ್ಲು

ಬೆಳ್ತಂಗಡಿ ತಾಲ್ಲೂಕು ಕೇಂದ್ರದಿಂದ ಒಂದು ಕಿ.ಮೀ ದೂರದಲ್ಲಿರುವ ಲಾಯಿಲಾ ಎಂಬಲ್ಲಿಂದ ಕಿಲ್ಲೂರು ಮಾರ್ಗದಲ್ಲಿ 5 ಕಿ.ಮೀ ಸಾಗಿದರೆ ಮಂಜೊಟ್ಟಿ ಎನ್ನುವ ಊರು ಸಿಗುತ್ತದೆ. ಅಲ್ಲಿಂದ 3 ಕಿ.ಮೀ ಹಾದಿ ಕ್ರಮಿಸಿದರೆ ಕೋಟೆಯ ಬುಡಕ್ಕೆ ತಲುಪಬಹುದು. ಮಂಜೊಟ್ಟಿವೆಗೂ ಬಸ್‌ ಸೌಕರ್ಯ ಇದೆ. ಬಳಿಕ ಆಟೊ ಹಿಡಿದು ಸಾಗಬೇಕು. ಸ್ವಂತ ಗಾಡಿಗಳಲ್ಲಿ ಬಂದವರಿಗೆ ಕೋಟೆಯ ಸಮೀಪ ಪಾರ್ಕಿಂಗ್ ವ್ಯವಸ್ಥೆ ಇದೆ. ಮಂಗಳೂರು ಜಿಲ್ಲಾ ಕೇಂದ್ರದಿಂದ 2 ಗಂಟೆಯ ದಾರಿ. ಗೂಗಲ್ ಮ್ಯಾಪ್‌ ಬಳಿ ಕೇಳಿದರೆ, ಗಡಾಯಿಕಲ್ಲಿನ ಬುಡದ ಸಮೀಪಕ್ಕೇ ನಿಮ್ಮನ್ನು ಕರೆದುಕೊಂಡು ಹೋಗಿ ನಿಲ್ಲಿಸುತ್ತದೆ.