4 ತಿಂಗಳ ಮಗುವಿಗಾಗಿ ಹಾಲು ನೀಡಲು ಶ್ರಮಿಕ್ ರೈಲಿನ ಹಿಂದೆ ಓಡಿದ ಕಾನ್‌ಸ್ಟೆಬಲ್

ಭೋಪಾಲ್: ಎರಡು ದಿನಗಳಿಂದ ನಾಲ್ಕು ತಿಂಗಳ ಕೂಸಿಗೆ ಉಣಿಸಲು ಹಾಲು ಸಿಗದೆ, ರೈಲಿನಿಂದ ಇಳಿದು ಹುಡುಕಲೂ ಸಾಧ್ಯವಾಗದೆ ಸಂಕಷ್ಟದಲ್ಲಿದ್ದ ತಾಯಿಗೆ ರೈಲ್ವೆ ಸುರಕ್ಷಾ ಪಡೆ (ಆರ್ಪಿಎಫ್) ಕಾನ್ಸ್ಟೆಬಲ್ ಒಬ್ಬರು ಮಾಡಿರುವ ಸಹಾಯ ದೇಶದಾದ್ಯಂತ ಮೆಚ್ಚುಗೆಗೆ ಪಾತ್ರವಾಗಿದೆ. ಒಂದು ಕೈಯಲ್ಲಿ ರೈಫಲ್, ಮತ್ತೊಂದರಲ್ಲಿ ಹಾಲಿನ ಪಾಕೆಟ್ ಹಿಡಿದು ರೈಲಿನ ಪಕ್ಕ ಓಡಿರುವ ದೃಶ್ಯಗಳು ವೈರಲ್ ಆಗಿವೆ.

. ಕರ್ನಾಟಕದ ಬೆಳಗಾವಿಯಿಂದ ಶ್ರಮಿಕ್ ವಿಶೇಷ ರೈಲಿನಲ್ಲಿ ನಾಲ್ಕು ತಿಂಗಳ ಮಗುವಿನೊಂದಿಗೆ ಗೋರಖ್ಪುರಕ್ಕೆ ಹೊರಟ ಸಫಿಯಾ ಹಾಶ್ಮಿ ಹಾಲು ತೆಗೆದುಕೊಳ್ಳುವುದನ್ನು ಮರೆತರು. ನಿರಂತರ ರೈಲು ಪ್ರಯಾಣದಲ್ಲಿ ಹಾಲು ಸಿಗದೆ ಕಣ್ಣೀರಾದ ಸಫಿಯಾ, ರೈಲು ನಿಂತ ನಿಲ್ದಾಣಗಳಲ್ಲಿ ಮಗುವಿಗಾಗಿ ಹಾಲು ಒದಗಿಸುವಂತೆ ಅಂಗಲಾಚುತ್ತಿದ್ದರು. ಆದರೆ, ಆಕೆಗೆ ಸಹಕಾರ ಸಿಕ್ಕಿದ್ದು ಭೋಪಾಲ್ ರೈಲ್ವೆ ನಿಲ್ದಾಣದಲ್ಲಿ.

. ಆರ್ಪಿಎಫ್ ಕಾನ್ಸ್ಟೆಬಲ್ ಇಂದರ್ ಕುಮಾರ್ ತಾಯಿಯ ಮನವಿಗೆ ಓಗೊಟ್ಟು ಹಾಲು ತರುವಷ್ಟರಲ್ಲಿ ರೈಲು ಮುಂದಕ್ಕೆ ಚಲಿಸಿತ್ತು. ನಿಲ್ದಾಣದಿಂದ ಹೊರಟಿದ್ದ ರೈಲಿನ ಹಿಂದೆ ವೇಗವಾಗಿ ಓಡಿದ ಇಂದರ್ ಕುಮಾರ್ ಕೊನೆಗೂ ತಾಯಿಗೆ ಹಾಲಿನ ಪಾಕೆಟ್ ತಲುಪಿಸಿದರು. ಸಹಾಯಕ್ಕಾಗಿ ನಡೆದ ಪರಿಶ್ರಮ ಸಿಸಿಟಿವಿಯಲ್ಲಿ ಸೆರೆಯಾಗಿದೆ.

. ಹಾಲು ಸಿಗುವುದಕ್ಕೂ ಮುನ್ನ ಸಫಿಯಾ ಎರಡು ದಿನಗಳಿಂದ ಮಗುವಿಗೆ ಬಿಸ್ಕತ್ ಮತ್ತು ನೀರು ಕುಡಿಸುತ್ತ ಮುಂದುವರಿದಿದ್ದರು. ಇಂದರ್ ಕುಮಾರ್ರಿಂದಾಗಿ ಮಗುವಿಗೆ ಹಾಲು ನೀಡಲು ಸಾಧ್ಯವಾಯಿತು. ಗೋರಖ್ಪುರ್ ತಲುಪುತ್ತಿದ್ದಂತೆ ಸಫಿಯಾ ಇಂದರ್ ಅವರಿಗೆ ತಲುಪುವಂತೆ ವಿಡಿಯೊ ಸಂದೇಶ ರವಾನಿಸಿದ್ದಾರೆ. 'ನೀವು ನಿಜವಾದ ಹೀರೊ...' ಎಂದು ಧನ್ಯವಾದ ಅರ್ಪಿಸಿದ್ದಾರೆ.

. 'ರೈಲು ಮುಂದುವರಿದಂತೆ ಭರವಸೆ ಕಳೆದುಕೊಂಡೆ. ಆದರೆ, ದೂರದಲ್ಲಿ ಯಾರೋ ಬಹಳ ವೇಗವಾಗಿ ಓಡಿ ಬರುತ್ತಿದ್ದಂತೆ ಕಂಡಿತು. ಹೇಗೋ ಅವರು ನನಗೆ ಹಾಲಿನ ಪಾಕೆಟ್ ನೀಡಿದರು. ನೇರವಾಗಿ ಅವರಿಗೆ ಧನ್ಯವಾದ ಅರ್ಪಿಸಲೂ ಸಾಧ್ಯವಾಗಲಿಲ್ಲ. ಇಂದರ್ ಭಾಯ್ ನೀವೇ ನಿಜವಾದ ಹೀರೊ' ಎಂದು ಸಫಿಯಾ ವಿಡಿಯೊ ಸಂದೇಶದಲ್ಲಿ ಹೇಳಿದ್ದಾರೆ.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

4 ತಿಂಗಳ ಮಗುವಿಗಾಗಿ ಹಾಲು ನೀಡಲು ಶ್ರಮಿಕ್ ರೈಲಿನ ಹಿಂದೆ ಓಡಿದ ಕಾನ್‌ಸ್ಟೆಬಲ್

ಚಿನಕುರುಳಿ: ಗುರುವಾರ, 07 ನವೆಂಬರ್‌ 2024

ಚುರುಮುರಿ: ಕರುಳ ಸಂಬಂಧ ಸಾಹಿತ್ಯ!

ದಿನ ಭವಿಷ್ಯ: ಮಾತೃ ವರ್ಗದವರ ಸಹಾಯದಿಂದ ಅವಿವಾಹಿತರಿಗೆ ಕಂಕಣ ಭಾಗ್ಯ ದೊರೆಯುವುದು

US Election: ಟ್ರಂಪ್‌ ಅಭಿನಂದಿಸಿದ ಕಮಲಾ; ಕರಾಳ ದಿನ ಸಮೀಪಿಸುವ ಕುರಿತು ಆತಂಕ

ರಣಜಿ ಟ್ರೋಫಿ ಕ್ರಿಕೆಟ್ ಟೂರ್ನಿ: ಶ್ರೇಯಸ್ ಅಯ್ಯರ್ ದ್ವಿಶತಕ

ಐಎಸ್‌ಎಲ್‌: ಬೆಂಗಳೂರು ಎಫ್‌ಸಿಗೆ ನಾರ್ಥ್‌ಈಸ್ಟ್‌ ಸವಾಲು

ವಿಶ್ವ ರ‍್ಯಾಂಕಿಂಗ್‌: ಎರಡನೇ ಸ್ಥಾನಕ್ಕೇರಿದ ಅರ್ಜುನ್‌

ಮೂವರಿಗೆ ಅವಕಾಶ ಸಿಗಲಿ: ವೈಶಾಖ, ಯಶ್, ರಮಣದೀಪ್ ಬಗ್ಗೆ ಕುಂಬ್ಳೆ ಮೆಚ್ಚುಗೆ

ಒಳನೋಟ | ಹೆಜ್ಜೆ ಹೆಜ್ಜೆಗೂ ಎಸ್‌ಐಟಿ ತನಿಖೆ

ಒಳನೋಟ | ‘ಅಕ್ರಮ ವಲಸೆ’: ನೆಲೆ ವಿಸ್ತಾರ

ಒಳನೋಟ | ಸಮ್ಮೇಳನಾಧ್ಯಕ್ಷತೆ: ‘ರಾಜಕೀಯ’ ಗುಂಗು

ಒಳನೋಟ | ಲಾಭದ ಕನವರಿಕೆ: ಆಹಾರ ಕಲಬೆರಕೆ

ಚಿನಕುರುಳಿ: ಗುರುವಾರ, 07 ನವೆಂಬರ್‌ 2024

ಚುರುಮುರಿ: ಕರುಳ ಸಂಬಂಧ ಸಾಹಿತ್ಯ!

ದಿನ ಭವಿಷ್ಯ: ಮಾತೃ ವರ್ಗದವರ ಸಹಾಯದಿಂದ ಅವಿವಾಹಿತರಿಗೆ ಕಂಕಣ ಭಾಗ್ಯ ದೊರೆಯುವುದು

US Election: ಟ್ರಂಪ್‌ ಅಭಿನಂದಿಸಿದ ಕಮಲಾ; ಕರಾಳ ದಿನ ಸಮೀಪಿಸುವ ಕುರಿತು ಆತಂಕ