<p><strong>ಚೆನ್ನೈ:</strong> ಅಪಘಾತ ಮುಕ್ತ ನಗರವನ್ನಾಗಿ ಪರಿವರ್ತಿಸಲು ಕೊಯಮತ್ತೂರಿಗೆ ₹5ಕೋಟಿಯ ಕ್ರಿಯಾಯೋಜನೆಯೊಂದಿಗೆ ಪೊಲೀಸ್, ಅಗ್ನಿಶಾಮಕ ಹಾಗೂ ವಿಪತ್ತು ನಿರ್ವಹಣಾ ತಂಡಕ್ಕೆ ತಮಿಳುನಾಡು ಮುಖ್ಯಮಂತ್ರಿ ಎಂ.ಕೆ. ಸ್ಟಾಲಿನ್ ಅವರು ಭರಪೂರ ಘೋಷಣೆಗಳನ್ನು ಪ್ರಕಟಿಸಿದ್ದಾರೆ.</p><p>ಕೊಳತ್ತೂರ್, ಕೆಳಂಬಾಕ್ಕಂ, ಸೆಂಗುಂಡ್ರಮ್ನಲ್ಲಿ ಮಹಿಳಾ ಪೊಲೀಸರೇ ನಿರ್ವಹಿಸುವ ಠಾಣೆಗಳ ಸ್ಥಾಪನೆ, ತಾಂಬರಮ್ ಪೊಲೀಸ್ ಆಯುಕ್ತರ ಕಚೇರಿಗೆ ಹೊಸ ಕಟ್ಟಡ, ಪೊಲೀಸರು ಕರ್ತವ್ಯದಲ್ಲಿರುವಾಗ ಪ್ರಾಣ ಕಳೆದುಕೊಂಡರೆ ಎಕ್ಸ್ಗ್ರೇಷಿಯಾ ಪ್ರಮಾಣ ಹೆಚ್ಚಳ, ಜತೆಗೆ ಗಾಯಗೊಂಡರೆ ಹಾಗೂ ಅಂಗಾಂಗ ಊನವಾದರೆ ದೊಡ್ಡ ಮೊತ್ತದ ಪರಿಹಾರವನ್ನು ಘೋಷಿಸಿದ್ದಾರೆ.</p><p>ಗೃಹ ರಕ್ಷಕ ದಳದ ಸಿಬ್ಬಂದಿ ಪ್ರಾಣ ಕಳೆದುಕೊಂಡರೆ ಕುಟುಂಬಕ್ಕೆ ಈ ಹಿಂದೆ ನೀಡಲಾಗುತ್ತಿದ್ದ ₹15 ಸಾವಿರ ಪರಿಹಾರವನ್ನು ₹1 ಲಕ್ಷಕ್ಕೆ ಹೆಚ್ಚಿಸಲಾಗಿದೆ. ಗಾಯಗೊಂಡರೆ ಪರಿಹಾರ ಮೊತ್ತ ₹10 ಸಾವಿರದಿಂದ ₹50 ಸಾವಿರಕ್ಕೆ ಏರಿಸಲಾಗಿದೆ. ತಾಂಜಾವೂರ್ನಲ್ಲಿ ₹5.1 ಕೋಟಿಯಲ್ಲಿ ವಿಧಿವಿಜ್ಞಾನ ಇಲಾಖೆಯ ಘಟಕ ಸ್ಥಾಪನೆ ಘೋಷಿಸಿದ್ದಾರೆ.</p><p>ಅಗ್ನಿಶಾಮಕ ಹಾಗೂ ವಿಪತ್ತು ನಿರ್ವಹಣಾ ಇಲಾಖೆಗೆ 1,500 ರಕ್ಷಕ ಕವಚಗಳು ಮತ್ತು 3 ಸಾವಿರ ರಕ್ಷಣಾ ಸಾಮಗ್ರಿಗಳ ಖರೀದಿಗೆ ₹4.5 ಕೋಟಿ ಘೋಷಿಸಿದ್ದಾರೆ. ರಾಜ್ಯದ ಏಳು ಸ್ಥಳಗಳಲ್ಲಿ ಹೊಸ ಅಗ್ನಿಶಾಮಕ ಠಾಣೆ ನಿರ್ಮಾಣ ಹಾಗೂ ಆರು ವಿಪತ್ತು ನಿರ್ವಹಣಾ ಕೇಂದ್ರಗಳ ಕಚೇರಿ ಸ್ಥಾಪನೆಯನ್ನು ಸ್ಟಾಲಿನ್ ಘೋಷಿಸಿದ್ದಾರೆ.</p><p>ಸರ್ಕಾರಿ ನೌಕರರಿಗೆ ನೀಡಲಾಗುತ್ತಿರುವ ಆರೋಗ್ಯ ವಿಮೆಯನ್ನು ಪರಿಷ್ಕರಿಸಿದ್ದು, ನೌಕರರ ಪಾಲಕರನ್ನೂ ಒಳಗೊಳ್ಳುವಂತೆ ಯೋಜನೆ ರೂಪಿಸಲು ಮುಖ್ಯ ಕಾರ್ಯದರ್ಶಿಗೆ ಮುಖ್ಯಮಂತ್ರಿ ಸೂಚಿಸಿದ್ದಾರೆ.</p><p>‘ಈ ವರ್ಷ ಇಲಾಖೆಗೆ ನೂರು ಘೋಷಣೆಗಳನ್ನು ಮಾಡಲಾಗಿದ್ದು ಇವುಗಳಲ್ಲಿ ಕೆಲವಷ್ಟನ್ನೇ ಈವರೆಗೂ ಜಾರಿಗೊಳಿಸಲಾಗಿದೆ. ವಿಧಾನಸಭಾಕ್ಷರು ಉಳಿದವುಗಳನ್ನು ಪರಿಗಣಿಸಿ ಸದನದ ಕಡತಗಳಿಗೆ ಸೇರಿಸುವಂತೆ ನಿರ್ದೇಶಿಸಬೇಕು’ ಎಂದು ಮುಖ್ಯಮಂತ್ರಿ ಹೇಳಿದ್ದಾರೆ.</p><p>‘ನಮ್ಮ ಗುರಿ ದೊಡ್ಡದು, ನೀತಿಗಳು ವಿಶಾಲ. ಜತೆಗೆ ನಮ್ಮ ಪಯಣವೂ ಸುದೀರ್ಘವಾಗಿದೆ. ಜನರ ಆಶೋತ್ತರಗಳನ್ನು ಪೂರೈಸುವ ಜವಾಬ್ದಾರಿ ಇದೆ’ ಎಂದಿದ್ದಾರೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಚೆನ್ನೈ:</strong> ಅಪಘಾತ ಮುಕ್ತ ನಗರವನ್ನಾಗಿ ಪರಿವರ್ತಿಸಲು ಕೊಯಮತ್ತೂರಿಗೆ ₹5ಕೋಟಿಯ ಕ್ರಿಯಾಯೋಜನೆಯೊಂದಿಗೆ ಪೊಲೀಸ್, ಅಗ್ನಿಶಾಮಕ ಹಾಗೂ ವಿಪತ್ತು ನಿರ್ವಹಣಾ ತಂಡಕ್ಕೆ ತಮಿಳುನಾಡು ಮುಖ್ಯಮಂತ್ರಿ ಎಂ.ಕೆ. ಸ್ಟಾಲಿನ್ ಅವರು ಭರಪೂರ ಘೋಷಣೆಗಳನ್ನು ಪ್ರಕಟಿಸಿದ್ದಾರೆ.</p><p>ಕೊಳತ್ತೂರ್, ಕೆಳಂಬಾಕ್ಕಂ, ಸೆಂಗುಂಡ್ರಮ್ನಲ್ಲಿ ಮಹಿಳಾ ಪೊಲೀಸರೇ ನಿರ್ವಹಿಸುವ ಠಾಣೆಗಳ ಸ್ಥಾಪನೆ, ತಾಂಬರಮ್ ಪೊಲೀಸ್ ಆಯುಕ್ತರ ಕಚೇರಿಗೆ ಹೊಸ ಕಟ್ಟಡ, ಪೊಲೀಸರು ಕರ್ತವ್ಯದಲ್ಲಿರುವಾಗ ಪ್ರಾಣ ಕಳೆದುಕೊಂಡರೆ ಎಕ್ಸ್ಗ್ರೇಷಿಯಾ ಪ್ರಮಾಣ ಹೆಚ್ಚಳ, ಜತೆಗೆ ಗಾಯಗೊಂಡರೆ ಹಾಗೂ ಅಂಗಾಂಗ ಊನವಾದರೆ ದೊಡ್ಡ ಮೊತ್ತದ ಪರಿಹಾರವನ್ನು ಘೋಷಿಸಿದ್ದಾರೆ.</p><p>ಗೃಹ ರಕ್ಷಕ ದಳದ ಸಿಬ್ಬಂದಿ ಪ್ರಾಣ ಕಳೆದುಕೊಂಡರೆ ಕುಟುಂಬಕ್ಕೆ ಈ ಹಿಂದೆ ನೀಡಲಾಗುತ್ತಿದ್ದ ₹15 ಸಾವಿರ ಪರಿಹಾರವನ್ನು ₹1 ಲಕ್ಷಕ್ಕೆ ಹೆಚ್ಚಿಸಲಾಗಿದೆ. ಗಾಯಗೊಂಡರೆ ಪರಿಹಾರ ಮೊತ್ತ ₹10 ಸಾವಿರದಿಂದ ₹50 ಸಾವಿರಕ್ಕೆ ಏರಿಸಲಾಗಿದೆ. ತಾಂಜಾವೂರ್ನಲ್ಲಿ ₹5.1 ಕೋಟಿಯಲ್ಲಿ ವಿಧಿವಿಜ್ಞಾನ ಇಲಾಖೆಯ ಘಟಕ ಸ್ಥಾಪನೆ ಘೋಷಿಸಿದ್ದಾರೆ.</p><p>ಅಗ್ನಿಶಾಮಕ ಹಾಗೂ ವಿಪತ್ತು ನಿರ್ವಹಣಾ ಇಲಾಖೆಗೆ 1,500 ರಕ್ಷಕ ಕವಚಗಳು ಮತ್ತು 3 ಸಾವಿರ ರಕ್ಷಣಾ ಸಾಮಗ್ರಿಗಳ ಖರೀದಿಗೆ ₹4.5 ಕೋಟಿ ಘೋಷಿಸಿದ್ದಾರೆ. ರಾಜ್ಯದ ಏಳು ಸ್ಥಳಗಳಲ್ಲಿ ಹೊಸ ಅಗ್ನಿಶಾಮಕ ಠಾಣೆ ನಿರ್ಮಾಣ ಹಾಗೂ ಆರು ವಿಪತ್ತು ನಿರ್ವಹಣಾ ಕೇಂದ್ರಗಳ ಕಚೇರಿ ಸ್ಥಾಪನೆಯನ್ನು ಸ್ಟಾಲಿನ್ ಘೋಷಿಸಿದ್ದಾರೆ.</p><p>ಸರ್ಕಾರಿ ನೌಕರರಿಗೆ ನೀಡಲಾಗುತ್ತಿರುವ ಆರೋಗ್ಯ ವಿಮೆಯನ್ನು ಪರಿಷ್ಕರಿಸಿದ್ದು, ನೌಕರರ ಪಾಲಕರನ್ನೂ ಒಳಗೊಳ್ಳುವಂತೆ ಯೋಜನೆ ರೂಪಿಸಲು ಮುಖ್ಯ ಕಾರ್ಯದರ್ಶಿಗೆ ಮುಖ್ಯಮಂತ್ರಿ ಸೂಚಿಸಿದ್ದಾರೆ.</p><p>‘ಈ ವರ್ಷ ಇಲಾಖೆಗೆ ನೂರು ಘೋಷಣೆಗಳನ್ನು ಮಾಡಲಾಗಿದ್ದು ಇವುಗಳಲ್ಲಿ ಕೆಲವಷ್ಟನ್ನೇ ಈವರೆಗೂ ಜಾರಿಗೊಳಿಸಲಾಗಿದೆ. ವಿಧಾನಸಭಾಕ್ಷರು ಉಳಿದವುಗಳನ್ನು ಪರಿಗಣಿಸಿ ಸದನದ ಕಡತಗಳಿಗೆ ಸೇರಿಸುವಂತೆ ನಿರ್ದೇಶಿಸಬೇಕು’ ಎಂದು ಮುಖ್ಯಮಂತ್ರಿ ಹೇಳಿದ್ದಾರೆ.</p><p>‘ನಮ್ಮ ಗುರಿ ದೊಡ್ಡದು, ನೀತಿಗಳು ವಿಶಾಲ. ಜತೆಗೆ ನಮ್ಮ ಪಯಣವೂ ಸುದೀರ್ಘವಾಗಿದೆ. ಜನರ ಆಶೋತ್ತರಗಳನ್ನು ಪೂರೈಸುವ ಜವಾಬ್ದಾರಿ ಇದೆ’ ಎಂದಿದ್ದಾರೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
