ಮೇಘನ್‌ ಕುರಿತ ಟೀಕೆಗೆ ವ್ಯಾಪಕ ದೂರು: ಐಟಿವಿ ತೊರೆದ ನಿರೂಪಕ ಪಿಯರ್ಸ್‌ ಮೋರ್ಗನ್‌

ಲಂಡನ್: ಮೇಘನ್ ಮಾರ್ಕೆಲ್ ಕುರಿತ ತಮ್ಮ ಟೀಕೆಗಳಿಗೆ ವ್ಯಾಪಕ ಆಕ್ಷೇಪ ವ್ಯಕ್ತವಾದ ಕಾರಣ, ಬ್ರಿಟನ್ನ ಐಟಿವಿಯ ‘ಗುಡ್ ಮಾರ್ನಿಂಗ್ ಬ್ರಿಟನ್’ ಕಾರ್ಯಕ್ರಮದ ನಿರೂಪಕ ಪಿಯರ್ಸ್ ಮೋರ್ಗನ್ ತಮ್ಮ ಹುದ್ದೆಗೆ ರಾಜೀನಾಮೆ ನೀಡಿದ್ದಾರೆ.

. ‘ಐಟಿವಿ ಆಡಳಿತದೊಂದಿಗೆ ಮೋರ್ಗನ್ ಚರ್ಚಿಸಿದ್ದು, ತಮ್ಮ ಹುದ್ದೆಯನ್ನು ತೊರೆಯಲು ನಿರ್ಧರಿಸಿದ್ದಾರೆ. ಐಟಿವಿ ಅವರ ರಾಜೀನಾಮೆಯನ್ನು ಸ್ವೀಕರಿಸಿದೆ’ ಎಂದು ಸುದ್ದಿವಾಹಿನಿ ಬಿಡುಗಡೆ ಮಾಡಿರುವ ಪ್ರಕಟಣೆಯಲ್ಲಿ ತಿಳಿಸಲಾಗಿದೆ.

. ಮೇಘನ್ ಅವರು ರಾಜಕುಮಾರ ಪ್ರಿನ್ಸ್ ಅವರನ್ನು ಭೇಟಿಯಾದ ನಂತರ, ಮೋರ್ಗನ್ ಅವರೊಂದಿಗಿನ ಸಂಪರ್ಕವನ್ನು ಕಡಿದುಕೊಂಡರು. ಈ ಕಾರಣಕ್ಕಾಗಿ ಮೇಘನ್ ಅವರನ್ನು ಮೋರ್ಗನ್ ಪದೇಪದೇ ಟೀಕಿಸುತ್ತಿದ್ದರು.

. ಓಪ್ರಾ ವಿನ್ಫ್ರೆಗೆ ನೀಡಿದ ಸಂದರ್ಶನ ನೀಡಿದ ಮೇಘನ್, ‘ಆತ್ಮಹತ್ಯೆ ಮಾಡಿಕೊಳ್ಳಬೇಕು ಎಂಬ ಯೋಚನೆಗಳು ನನ್ನನ್ನು ಕಾಡಿದ್ದವು’ ಎಂದು ಹೇಳಿದ್ದರು.

. ‘ಮೇಘನ್ ಅವರ ಈ ಮಾತನ್ನು ನಾನು ನಂಬುವುದಿಲ್ಲ’ ಎಂದು ಮೋರ್ಗನ್ ‘ಗುಡ್ ಮಾರ್ನಿಂಗ್ ಬ್ರಿಟನ್’ ಕಾರ್ಯಕ್ರಮದಲ್ಲಿ ಟೀಕಿಸಿದ್ದರು.

. ‘ಮೋರ್ಗನ್ ಅವರ ಈ ಹೇಳಿಕೆಯನ್ನು ಖಂಡಿಸಿ 41,000 ದೂರುಗಳನ್ನು ಸ್ವೀಕರಿಸಲಾಗಿದೆ’ ಎಂದು ಮಾಧ್ಯಮ ನಿಯಂತ್ರಕ ಸಂಸ್ಥೆ ಆಫ್ಕಾಮ್ ಹೇಳಿತ್ತು. ಇದರ ಬೆನ್ನಲ್ಲೇ ಮೋರ್ಗನ್ ತಮ್ಮ ಹುದ್ದೆಗೆ ರಾಜೀನಾಮೆ ಸಲ್ಲಿಸಿದರು.

. ಮೇಘನ್ ಕುರಿತು ಮೋರ್ಗನ್ ಮಾಡಿದ ಟೀಕೆಗಳಿಗೆ, ಸಹನಿರೂಪಕ ಅಲೆಕ್ಸ್ ಬೆರೇಸ್ಫೋರ್ಡ್ ಸಹ ಆಕ್ಷೇಪ ವ್ಯಕ್ತಪಡಿಸಿದ್ದರು. ಇದು ಸಹ ಭಾರಿ ಚರ್ಚೆಗೆ ಕಾರಣವಾಗಿತ್ತು.

. ‘ನಿನಗೆ ಮೇಘನ್ ಜೊತೆ ಸಂಬಂಧ ಇತ್ತು. ಆಕೆ ನಿನ್ನೊಂದಿಗಿನ ಸಂಬಂಧವನ್ನು ಕಡಿದುಕೊಂಡಳು. ಸಂಬಂಧ ಕಡಿದುಕೊಳ್ಳುವ ಹಕ್ಕನ್ನೂ ಆಕೆ ಹೊಂದಿದ್ದಳು’ ಎಂದು ಮೋರ್ಗನ್ ಅವರನ್ನು ಅಲೆಕ್ಸ್ ಛೇಡಿಸಿದ್ದರು.

. ‘ನಿನ್ನೊಂದಿಗಿನ ಸಂಬಂಧ ಕಡಿದುಕೊಂಡ ನಂತರ ಮೇಘನ್ ನಿನ್ನ ಬಗ್ಗೆ ಏನಾದರೂ ಹೇಳಿದ್ದಾರಾ? ಆದರೆ, ನೀವು ಮಾತ್ರ ಆಕೆಯನ್ನು ಟೀಕಿಸುವುದನ್ನು ನಿಲ್ಲಿಸಲಿಲ್ಲ’ ಎಂದೂ ಅಲೆಕ್ಸ್ ವಾಗ್ದಾಳಿ ನಡೆಸಿದ್ದರು.

. ಅಲೆಕ್ಸ್ ಅವರ ಈ ಮಾತುಗಳು ಸಹ ಮೋರ್ಗನ್ ಅವರು ಐಟಿವಿಯಿಂದ ನಿರ್ಗಮಿಸಲು ಕಾರಣವಾದವು ಎಂದು ಮೂಲಗಳು ಹೇಳುತ್ತವೆ.

. ಮೋರ್ಗನ್ ನಡೆಸಿಕೊಡುತ್ತಿದ್ದ ಕಾರ್ಯಕ್ರಮ ಸದಾ ಒಂದಿಲ್ಲೊಂದು ಕಾರಣದಿಂದ ವಿವಾದಕ್ಕೆ ಕಾರಣವಾಗುತ್ತಿತ್ತು. ಕಳೆದ ವರ್ಷ ಕೋವಿಡ್–19 ಪಿಡುಗನ್ನು ಸರ್ಕಾರ ಸರಿಯಾಗಿ ನಿಭಾಯಿಸಿಲ್ಲ ಎಂದು ಮೋರ್ಗನ್ ಟೀಕಿಸಿದ್ದು ಭಾರಿ ವಿವಾದಕ್ಕೆ ಕಾರಣವಾಗಿತ್ತು.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಮೇಘನ್‌ ಕುರಿತ ಟೀಕೆಗೆ ವ್ಯಾಪಕ ದೂರು: ಐಟಿವಿ ತೊರೆದ ನಿರೂಪಕ ಪಿಯರ್ಸ್‌ ಮೋರ್ಗನ್‌

ಚಿನಕುರುಳಿ | ಗುರುವಾರ, ನವೆಂಬರ್ 21 2024

ಮಾಜಿ ಸಚಿವ ಬಿ.ಸಿ. ನಾಗೇಶ್‌ ಮನೆಯಲ್ಲಿ ಬಿಜೆಪಿ ಭಿನ್ನಮತೀಯರು

ಚುರುಮುರಿ: ದುಡ್ಡಿನ ದಾರಿ

ಚಳಿಗಾಲದ ಅಧಿವೇಶದಲ್ಲಿ 5 ಹೊಸ ಮಸೂದೆಗಳು: ವಕ್ಫ್ ತಿದ್ದುಪಡಿ ಬಿಲ್ ಕೂಡ ಮಂಡನೆ

IPL | ಮುಂದಿನ 3 ಐಪಿಎಲ್ ಟೂರ್ನಿಗಳ ದಿನಾಂಕಗಳನ್ನು ಪ್ರಕಟಿಸಿದ ಬಿಸಿಸಿಐ

ಕೊಹ್ಲಿ ಮತ್ತೆ ವೈಫಲ್ಯ, ಜೈಸ್ವಾಲ್-ದೇವದತ್ತ ಶೂನ್ಯ; ಅಶ್ವಿನ್, ಜಡೇಜಗೆ ಕೊಕ್

ಪುರುಷರ ಐಟಿಎಫ್‌ ಟೆನಿಸ್‌: ಭಾರತದ ಸಿದ್ಧಾಂತ್‌–ವಿಷ್ಣು ಜೋಡಿ ಸೆಮಿಗೆ

Perth Test: ಸಂಕಷ್ಟದಲ್ಲಿ ಭಾರತ; ಊಟದ ವಿರಾಮಕ್ಕೆ 51/4

ಒಳನೋಟ | ಪೈರಸಿ ಅಪಾರ, ದೂರು ವಿರಳ

ಒಳನೋಟ: ದಾಂಪತ್ಯ ಸಾಂಗತ್ಯಗಳ ಸುತ್ತ

ಒಳನೋಟ | ಹೆಜ್ಜೆ ಹೆಜ್ಜೆಗೂ ಎಸ್‌ಐಟಿ ತನಿಖೆ

ಒಳನೋಟ | ‘ಅಕ್ರಮ ವಲಸೆ’: ನೆಲೆ ವಿಸ್ತಾರ

ಚಿನಕುರುಳಿ | ಗುರುವಾರ, ನವೆಂಬರ್ 21 2024

ಮಾಜಿ ಸಚಿವ ಬಿ.ಸಿ. ನಾಗೇಶ್‌ ಮನೆಯಲ್ಲಿ ಬಿಜೆಪಿ ಭಿನ್ನಮತೀಯರು

ಚುರುಮುರಿ: ದುಡ್ಡಿನ ದಾರಿ

ಚಳಿಗಾಲದ ಅಧಿವೇಶದಲ್ಲಿ 5 ಹೊಸ ಮಸೂದೆಗಳು: ವಕ್ಫ್ ತಿದ್ದುಪಡಿ ಬಿಲ್ ಕೂಡ ಮಂಡನೆ