<p><strong>ಹನೊಯ್: </strong>ತನ್ನ ಸ್ಥಳೀಯ ವಿಮಾನಯಾನ ಸಂಸ್ಥೆಗಳಲ್ಲಿ ಕೆಲಸ ಮಾಡುತ್ತಿರುವ ಎಲ್ಲಾ ಪಾಕಿಸ್ತಾನದಪೈಲಟ್ಗಳನ್ನು ಅಮಾನತುಗೊಳಿಸಿರುವುದಾಗಿ ವಿಯೆಟ್ನಾಂ ನಾಗರಿಕ ವಿಮಾನಯಾನ ಪ್ರಾಧಿಕಾರ (ಸಿಎಎವಿ) ತಿಳಿಸಿದೆ. ಪಾಕ್ನ ಕೆಲವು ಪೈಲಟ್ಗಳು ‘ಸಂಶಯಾಸ್ಪದ’ ಪರವಾನಗಿ ಹೊಂದಿದ್ದಾರೆಂದು ಐಎಟಿಎ ಕಳವಳ ವಕ್ಯಕ್ತಪಡಿಸಿದ ಬೆನ್ನಲ್ಲೇ ವಿಯೆಟ್ನಾಂ ಈ ಕ್ರಮ ಕೈಗೊಂಡಿದೆ.</p>.<p>ಪಾಕಿಸ್ತಾನ ಅಂತರರಾಷ್ಟ್ರೀಯ ವಿಮಾನಯಾನ ಸಂಸ್ಥೆಯ (ಪಿಐಎ) ಪೈಲಟ್ಗಳ ಪರವಾನಗಿಯಲ್ಲಿ ಅಕ್ರಮಗಳು ನಡೆದಿದ್ದು, ಸುರಕ್ಷತಾ ವಿಷಯದಲ್ಲಿ ಗಂಭೀರ ಲೋಪಗಳಾಗುತ್ತಿವೆ ಎಂದು ಜಾಗತಿಕ ವಿಮಾನಯಾನ ಸಂಸ್ಥೆ (ಐಎಟಿಎ) ಇತ್ತೀಚೆಗೆ ಎಚ್ಚರಿಸಿತ್ತು. ಪಿಐಎ ಕೂಡ 262 ಪೈಲಟ್ಗಳನ್ನು ಅಮಾನತು ಮಾಡುವುದಾಗಿ ಕಳೆದ ವಾರದ ಕೊನೆಯಲ್ಲಿ ತಿಳಿಸಿತ್ತು.</p>.<p>ವಿಯೆಟ್ನಾಂ ನಾಗರಿಕ ವಿಮಾನಯಾನ ಸಂಸ್ಥೆಯಲ್ಲಿ ಕೆಲಸ ಮಾಡುವ ಎಲ್ಲಾ ಪಾಕಿಸ್ತಾನಿ ಪೈಲಟ್ಗಳನ್ನು ಅಮಾನತುಗೊಳಿಸುವಂತೆ ಸಿಎಎವಿ ಮುಖ್ಯಸ್ಥರು ಆದೇಶಿಸಿದ್ದಾರೆ ಎಂದು ಸೋಮವಾರ ಪ್ರಕಟಣೆಯಲ್ಲಿ ತಿಳಿಸಲಾಗಿದೆ.</p>.<p>ಮುಂದಿನ ಆದೇಶ ಬರುವವರೆಗೂ ಅಮಾನತು ಜಾರಿಯಲ್ಲಿರುತ್ತದೆ. ಪಾಕಿಸ್ತಾನದ ಅಧಿಕಾರಿಗಳೊಂದಿಗೆ ಚರ್ಚೆ ನಡೆಸಿ, ಪೈಲಟ್ಗಳ ಪೂರ್ವಾಪರಗಳನ್ನು ಪರಿಶೀಲಿಸಲಾಗುವುದು ಎಂದು ಸಿಎಎವಿ ಹೇಳಿದೆ.</p>.<p>ಪಾಕಿಸ್ತಾನದ 27 ಪೈಲಟ್ಗಳಿಗೆ ವಿಯೆಟ್ನಾಂ ಪರವಾನಗಿ ನೀಡಿತ್ತು. ಇದರಲ್ಲಿ 12 ಮಂದಿ ಕಾರ್ಯನಿರ್ವಹಿಸುತ್ತಿದ್ದು, ಇತರ 15 ಪೈಲಟ್ಗಳ ಗುತ್ತಿಗೆ ಅವಧಿ ಮುಕ್ತಾಯಗೊಂಡಿದೆ. ಇವರಲ್ಲಿ ಕೆಲವರು ಕೊರೊನಾ ಸೋಂಕು ಪಿಡುಗು ತಲೆದೋರಿದ ನಂತರ ಸಕ್ರಿಯರಾಗಿರಲಿಲ್ಲ ಎಂದು ಸಿಎಎವಿ ಮಾಹಿತಿ ನೀಡಿದೆ.</p>.<p>ವಿಯೆಟ್ನಾಂ ಮತ್ತು ಬ್ಯಾಂಬೂವಿಮಾನಯಾನ ಸಂಸ್ಥೆಗಳು ಪಾಕಿಸ್ತಾನಿ ಪೈಲಟ್ಗಳ ಸೇವೆಯನ್ನು ಬಳಸಿಕೊಳ್ಳುವುದಿಲ್ಲ ಎಂದು ಸಿಎಎವಿ ತಿಳಿಸಿದೆ.</p>.<p>ವಿಯೆಟ್ನಾಂ ಏರ್ಲೈನ್ಸ್ನಲ್ಲಿ 1,260 ಪೈಲೆಟ್ಗಳು ಇದ್ದಾರೆ. ಇವರಲ್ಲಿ ಅರ್ಧದಷ್ಟು ಮಂದಿ ವಿದೇಶಿ ಪೌರತ್ವ ಹೊಂದಿದ್ದಾರೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಹನೊಯ್: </strong>ತನ್ನ ಸ್ಥಳೀಯ ವಿಮಾನಯಾನ ಸಂಸ್ಥೆಗಳಲ್ಲಿ ಕೆಲಸ ಮಾಡುತ್ತಿರುವ ಎಲ್ಲಾ ಪಾಕಿಸ್ತಾನದಪೈಲಟ್ಗಳನ್ನು ಅಮಾನತುಗೊಳಿಸಿರುವುದಾಗಿ ವಿಯೆಟ್ನಾಂ ನಾಗರಿಕ ವಿಮಾನಯಾನ ಪ್ರಾಧಿಕಾರ (ಸಿಎಎವಿ) ತಿಳಿಸಿದೆ. ಪಾಕ್ನ ಕೆಲವು ಪೈಲಟ್ಗಳು ‘ಸಂಶಯಾಸ್ಪದ’ ಪರವಾನಗಿ ಹೊಂದಿದ್ದಾರೆಂದು ಐಎಟಿಎ ಕಳವಳ ವಕ್ಯಕ್ತಪಡಿಸಿದ ಬೆನ್ನಲ್ಲೇ ವಿಯೆಟ್ನಾಂ ಈ ಕ್ರಮ ಕೈಗೊಂಡಿದೆ.</p>.<p>ಪಾಕಿಸ್ತಾನ ಅಂತರರಾಷ್ಟ್ರೀಯ ವಿಮಾನಯಾನ ಸಂಸ್ಥೆಯ (ಪಿಐಎ) ಪೈಲಟ್ಗಳ ಪರವಾನಗಿಯಲ್ಲಿ ಅಕ್ರಮಗಳು ನಡೆದಿದ್ದು, ಸುರಕ್ಷತಾ ವಿಷಯದಲ್ಲಿ ಗಂಭೀರ ಲೋಪಗಳಾಗುತ್ತಿವೆ ಎಂದು ಜಾಗತಿಕ ವಿಮಾನಯಾನ ಸಂಸ್ಥೆ (ಐಎಟಿಎ) ಇತ್ತೀಚೆಗೆ ಎಚ್ಚರಿಸಿತ್ತು. ಪಿಐಎ ಕೂಡ 262 ಪೈಲಟ್ಗಳನ್ನು ಅಮಾನತು ಮಾಡುವುದಾಗಿ ಕಳೆದ ವಾರದ ಕೊನೆಯಲ್ಲಿ ತಿಳಿಸಿತ್ತು.</p>.<p>ವಿಯೆಟ್ನಾಂ ನಾಗರಿಕ ವಿಮಾನಯಾನ ಸಂಸ್ಥೆಯಲ್ಲಿ ಕೆಲಸ ಮಾಡುವ ಎಲ್ಲಾ ಪಾಕಿಸ್ತಾನಿ ಪೈಲಟ್ಗಳನ್ನು ಅಮಾನತುಗೊಳಿಸುವಂತೆ ಸಿಎಎವಿ ಮುಖ್ಯಸ್ಥರು ಆದೇಶಿಸಿದ್ದಾರೆ ಎಂದು ಸೋಮವಾರ ಪ್ರಕಟಣೆಯಲ್ಲಿ ತಿಳಿಸಲಾಗಿದೆ.</p>.<p>ಮುಂದಿನ ಆದೇಶ ಬರುವವರೆಗೂ ಅಮಾನತು ಜಾರಿಯಲ್ಲಿರುತ್ತದೆ. ಪಾಕಿಸ್ತಾನದ ಅಧಿಕಾರಿಗಳೊಂದಿಗೆ ಚರ್ಚೆ ನಡೆಸಿ, ಪೈಲಟ್ಗಳ ಪೂರ್ವಾಪರಗಳನ್ನು ಪರಿಶೀಲಿಸಲಾಗುವುದು ಎಂದು ಸಿಎಎವಿ ಹೇಳಿದೆ.</p>.<p>ಪಾಕಿಸ್ತಾನದ 27 ಪೈಲಟ್ಗಳಿಗೆ ವಿಯೆಟ್ನಾಂ ಪರವಾನಗಿ ನೀಡಿತ್ತು. ಇದರಲ್ಲಿ 12 ಮಂದಿ ಕಾರ್ಯನಿರ್ವಹಿಸುತ್ತಿದ್ದು, ಇತರ 15 ಪೈಲಟ್ಗಳ ಗುತ್ತಿಗೆ ಅವಧಿ ಮುಕ್ತಾಯಗೊಂಡಿದೆ. ಇವರಲ್ಲಿ ಕೆಲವರು ಕೊರೊನಾ ಸೋಂಕು ಪಿಡುಗು ತಲೆದೋರಿದ ನಂತರ ಸಕ್ರಿಯರಾಗಿರಲಿಲ್ಲ ಎಂದು ಸಿಎಎವಿ ಮಾಹಿತಿ ನೀಡಿದೆ.</p>.<p>ವಿಯೆಟ್ನಾಂ ಮತ್ತು ಬ್ಯಾಂಬೂವಿಮಾನಯಾನ ಸಂಸ್ಥೆಗಳು ಪಾಕಿಸ್ತಾನಿ ಪೈಲಟ್ಗಳ ಸೇವೆಯನ್ನು ಬಳಸಿಕೊಳ್ಳುವುದಿಲ್ಲ ಎಂದು ಸಿಎಎವಿ ತಿಳಿಸಿದೆ.</p>.<p>ವಿಯೆಟ್ನಾಂ ಏರ್ಲೈನ್ಸ್ನಲ್ಲಿ 1,260 ಪೈಲೆಟ್ಗಳು ಇದ್ದಾರೆ. ಇವರಲ್ಲಿ ಅರ್ಧದಷ್ಟು ಮಂದಿ ವಿದೇಶಿ ಪೌರತ್ವ ಹೊಂದಿದ್ದಾರೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
