<p><strong>ನವದೆಹಲಿ:</strong> 2024ರ ಪ್ಯಾರಿಸ್ ಒಲಿಂಪಿಕ್ಸ್ನ ಮಹಿಳಾ ವಿಭಾಗದ ಕುಸ್ತಿಯಲ್ಲಿ ಚಿನ್ನ ಗೆದ್ದ ಅಲ್ಜೇರಿಯನ್ ಕುಸ್ತಿಪಟು ಇಮಾನ್ ಖಲೀಫ್ ಅವರು ಹೆಣ್ಣಲ್ಲ, ಗಂಡು ಎನ್ನುವುದು ವೈದ್ಯಕೀಯ ವರದಿಯಲ್ಲಿ ಬಹಿರಂಗವಾಗಿದೆ ಎಂದು ವರದಿಯಾಗಿದೆ. </p><p>ಇಮಾನ್ ಅವರು ಪ್ಯಾರಿಸ್ ಒಲಿಂಪಿಕ್ಸ್ನಲ್ಲಿ 66 ಕೆ.ಜಿ ವಿಭಾಗದ ಕುಸ್ತಿಯಲ್ಲಿ ಸ್ಪರ್ಧಿಸಿದ್ದರು, ಒಲಿಂಪಿಕ್ಸ್ ಮುಗಿದು ತಿಂಗಳುಗಳೇ ಕಳೆದಿವೆ. ಇದೀಗ ಇಮಾನ್ ಅವರು ಹೆಣ್ಣಲ್ಲ.. ಜೈವಿಕವಾಗಿ ಅವರು ಪುರುಷ ಎನ್ನುವ ವಿಚಾರ ಹೊರಬಿದ್ದಿದ್ದು ವಿವಾದಕ್ಕೆ ಕಾರಣವಾಗಿದೆ.</p><p>ಈ ವಿಚಾರವಾಗಿ ಭಾರತದ ಮಾಜಿ ಕ್ರಿಕೆಟ್ ಆಟಗಾರ ಹರ್ಭಜನ್ ಸಿಂಗ್ ಕೂಡ ಪ್ರತಿಕ್ರಿಯೆ ನೀಡಿದ್ದಾರೆ. ಸಾಮಾಜಿಕ ಜಾಲತಾಣದಲ್ಲಿ ಈ ಕುರಿತು ಪೋಸ್ಟ್ ಹಂಚಿಕೊಂಡಿರುವ ಹರ್ಭಜನ್ ಸಿಂಗ್, ಒಲಿಂಪಿಕ್ಸ್ ಅನ್ನು ಟ್ಯಾಗ್ ಮಾಡಿ, ‘ಇಮಾನ್ ಅವರು ಗೆದ್ದಿರುವ ಚಿನ್ನದ ಪದಕವನ್ನು ವಾಪಸ್ ಪಡೆಯಿರಿ’ ಎಂದಿದ್ದಾರೆ. </p><p>ಸೋರಿಕೆಯಾಗಿರುವ ಇಮಾನ್ ಲಿಂಗತ್ವ ಕುರಿತು ವೈದ್ಯಕೀಯ ವರದಿಯನ್ನು ಫ್ರೆಂಚ್ ಪತ್ರಕರ್ತ Djaffar Ait Aoudia ಪಡೆದುಕೊಳ್ಳುವಲ್ಲಿ ಯಶಸ್ವಿಯಾಗಿದ್ದು, ವರದಿಯಲ್ಲಿ ಇಮಾನ್ ಅವರು XY ಕ್ರೋಮೋಸೋಮ್ಗಳನ್ನು ಹೊಂದಿದ್ದಾರೆ. ಇದು 5–ಆಲ್ಫಾ ಕಿಣ್ವದ ಅಸ್ವಸ್ಥತೆಯಿಂದ ಸಂಭವಿಸುತ್ತದೆ ಎನ್ನುವ ಮಾಹಿತಿಯಿದೆ ಎಂದು ವರದಿಯಾಗಿದೆ.</p><p>2023ರಲ್ಲೇ ಪ್ಯಾರಿಸ್ನ ಕ್ರೆಮ್ಲಿನ್ ಆಸ್ಪತ್ರೆ ಮತ್ತು ಅಲ್ಜಿರ್ಸ್ನಲ್ಲಿನ ಆಸ್ಪತ್ರೆಯ ತಜ್ಞ ವೈದ್ಯರು ಈ ವರದಿಯನ್ನು ಸಿದ್ಧಪಡಿಸಿದ್ದಾರೆ ಎನ್ನಲಾಗಿದೆ. ಇಮಾನ್ ಅವರ ದೇಹದಲ್ಲಿ ವೃಷಣಗಳು ಇರುವುದು ಹಾಗೂ ಗರ್ಭಕೋಶ ಇಲ್ಲದಿರುವುದೂ ಪತ್ತೆಯಾಗಿದೆ. ಇದರ ಜತೆಗೆ ಅವರ ದೇಹದಲ್ಲಿನ ಜೈವಿಕ ಗುಣಲಕ್ಷಣಗಳ ಬಗ್ಗೆ ವರದಿಯಲ್ಲಿ ವಿಸ್ತ್ರತವಾಗಿ ವಿವರಿಸಲಾಗಿದೆ ಎಂದು ವರದಿ ತಿಳಿಸಿದೆ.</p><p>2023ರಲ್ಲಿ ದೆಹಲಿಯಲ್ಲಿ ನಡೆದ ವಿಶ್ವ ಚಾಂಪಿಯನ್ಶಿಪ್ನಲ್ಲಿ ಭಾಗಿಯಾಗದಂತೆ ಅಂತರರಾಷ್ಟ್ರೀಯ ಕುಸ್ತಿ ಅಸೋಸಿಯೇಷನ್ ಇಮಾನ್ ಅವರಿಗೆ ನಿಷೇಧ ಹೇರಿತ್ತು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ನವದೆಹಲಿ:</strong> 2024ರ ಪ್ಯಾರಿಸ್ ಒಲಿಂಪಿಕ್ಸ್ನ ಮಹಿಳಾ ವಿಭಾಗದ ಕುಸ್ತಿಯಲ್ಲಿ ಚಿನ್ನ ಗೆದ್ದ ಅಲ್ಜೇರಿಯನ್ ಕುಸ್ತಿಪಟು ಇಮಾನ್ ಖಲೀಫ್ ಅವರು ಹೆಣ್ಣಲ್ಲ, ಗಂಡು ಎನ್ನುವುದು ವೈದ್ಯಕೀಯ ವರದಿಯಲ್ಲಿ ಬಹಿರಂಗವಾಗಿದೆ ಎಂದು ವರದಿಯಾಗಿದೆ. </p><p>ಇಮಾನ್ ಅವರು ಪ್ಯಾರಿಸ್ ಒಲಿಂಪಿಕ್ಸ್ನಲ್ಲಿ 66 ಕೆ.ಜಿ ವಿಭಾಗದ ಕುಸ್ತಿಯಲ್ಲಿ ಸ್ಪರ್ಧಿಸಿದ್ದರು, ಒಲಿಂಪಿಕ್ಸ್ ಮುಗಿದು ತಿಂಗಳುಗಳೇ ಕಳೆದಿವೆ. ಇದೀಗ ಇಮಾನ್ ಅವರು ಹೆಣ್ಣಲ್ಲ.. ಜೈವಿಕವಾಗಿ ಅವರು ಪುರುಷ ಎನ್ನುವ ವಿಚಾರ ಹೊರಬಿದ್ದಿದ್ದು ವಿವಾದಕ್ಕೆ ಕಾರಣವಾಗಿದೆ.</p><p>ಈ ವಿಚಾರವಾಗಿ ಭಾರತದ ಮಾಜಿ ಕ್ರಿಕೆಟ್ ಆಟಗಾರ ಹರ್ಭಜನ್ ಸಿಂಗ್ ಕೂಡ ಪ್ರತಿಕ್ರಿಯೆ ನೀಡಿದ್ದಾರೆ. ಸಾಮಾಜಿಕ ಜಾಲತಾಣದಲ್ಲಿ ಈ ಕುರಿತು ಪೋಸ್ಟ್ ಹಂಚಿಕೊಂಡಿರುವ ಹರ್ಭಜನ್ ಸಿಂಗ್, ಒಲಿಂಪಿಕ್ಸ್ ಅನ್ನು ಟ್ಯಾಗ್ ಮಾಡಿ, ‘ಇಮಾನ್ ಅವರು ಗೆದ್ದಿರುವ ಚಿನ್ನದ ಪದಕವನ್ನು ವಾಪಸ್ ಪಡೆಯಿರಿ’ ಎಂದಿದ್ದಾರೆ. </p><p>ಸೋರಿಕೆಯಾಗಿರುವ ಇಮಾನ್ ಲಿಂಗತ್ವ ಕುರಿತು ವೈದ್ಯಕೀಯ ವರದಿಯನ್ನು ಫ್ರೆಂಚ್ ಪತ್ರಕರ್ತ Djaffar Ait Aoudia ಪಡೆದುಕೊಳ್ಳುವಲ್ಲಿ ಯಶಸ್ವಿಯಾಗಿದ್ದು, ವರದಿಯಲ್ಲಿ ಇಮಾನ್ ಅವರು XY ಕ್ರೋಮೋಸೋಮ್ಗಳನ್ನು ಹೊಂದಿದ್ದಾರೆ. ಇದು 5–ಆಲ್ಫಾ ಕಿಣ್ವದ ಅಸ್ವಸ್ಥತೆಯಿಂದ ಸಂಭವಿಸುತ್ತದೆ ಎನ್ನುವ ಮಾಹಿತಿಯಿದೆ ಎಂದು ವರದಿಯಾಗಿದೆ.</p><p>2023ರಲ್ಲೇ ಪ್ಯಾರಿಸ್ನ ಕ್ರೆಮ್ಲಿನ್ ಆಸ್ಪತ್ರೆ ಮತ್ತು ಅಲ್ಜಿರ್ಸ್ನಲ್ಲಿನ ಆಸ್ಪತ್ರೆಯ ತಜ್ಞ ವೈದ್ಯರು ಈ ವರದಿಯನ್ನು ಸಿದ್ಧಪಡಿಸಿದ್ದಾರೆ ಎನ್ನಲಾಗಿದೆ. ಇಮಾನ್ ಅವರ ದೇಹದಲ್ಲಿ ವೃಷಣಗಳು ಇರುವುದು ಹಾಗೂ ಗರ್ಭಕೋಶ ಇಲ್ಲದಿರುವುದೂ ಪತ್ತೆಯಾಗಿದೆ. ಇದರ ಜತೆಗೆ ಅವರ ದೇಹದಲ್ಲಿನ ಜೈವಿಕ ಗುಣಲಕ್ಷಣಗಳ ಬಗ್ಗೆ ವರದಿಯಲ್ಲಿ ವಿಸ್ತ್ರತವಾಗಿ ವಿವರಿಸಲಾಗಿದೆ ಎಂದು ವರದಿ ತಿಳಿಸಿದೆ.</p><p>2023ರಲ್ಲಿ ದೆಹಲಿಯಲ್ಲಿ ನಡೆದ ವಿಶ್ವ ಚಾಂಪಿಯನ್ಶಿಪ್ನಲ್ಲಿ ಭಾಗಿಯಾಗದಂತೆ ಅಂತರರಾಷ್ಟ್ರೀಯ ಕುಸ್ತಿ ಅಸೋಸಿಯೇಷನ್ ಇಮಾನ್ ಅವರಿಗೆ ನಿಷೇಧ ಹೇರಿತ್ತು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
