ಶುಕ್ರನಲ್ಲಿ ಸಾಗರ ಸೃಷ್ಟಿಯಾಗಿರಲಿಲ್ಲ: ಅಧ್ಯಯನದಿಂದ ಬಹಿರಂಗ

ಲಂಡನ್: ಶುಕ್ರನಲ್ಲಿ ನೀರಿನ ಸಾಗರವಿದ್ದ ವಾದವನ್ನು ಹೊಸ ಅಧ್ಯಯನವೊಂದು ಅಲ್ಲಗೆಳೆದಿದೆ.

. ಜಿನೀವಾ ವಿಶ್ವವಿದ್ಯಾಲಯ (ಯುಎನ್ಐಜಿಇ) ಮತ್ತು ಸ್ವಿಟ್ಜರ್ಲೆಂಡ್ನ ‘ನ್ಯಾಷನಲ್ ಸೆಂಟರ್ ಆಫ್ ಕಾಂಪಿಟೆನ್ಸ್ ಇನ್ ರಿಸರ್ಚ್ (ಎನ್ಸಿಸಿಆರ್) ಪ್ಲಾನೆಟ್ಸ್’ ನೇತೃತ್ವದ ಖಗೋಳ ಭೌತವಿಜ್ಞಾನಿಗಳ ತಂಡವು ಭೂಮಿ ಮತ್ತು ಶುಕ್ರನ ಸಾಮ್ಯತೆಗಳ ಕುರಿತು ಅಧ್ಯಯನ ನಡೆಸಿದೆ.

. ಭೂಮಿಯ ಪ್ರಸ್ತುತ ವಾತಾವರಣ ಮತ್ತು ಭವಿಷ್ಯದ ವಿಕಾಸವನ್ನು ಅಧ್ಯಯನ ಮಾಡಲು ಬಳಸಲಾಗುವ ವಾತಾವರಣದ ಅತ್ಯಾಧುನಿಕ ಮೂರು-ಆಯಾಮದ ಮಾದರಿಗಳನ್ನು ಬಳಸಿ ವಿಜ್ಞಾನಿಗಳು ಭೂಮಿ ಮತ್ತು ಶುಕ್ರನ ವಾತಾವರಣವನ್ನು ಅಧ್ಯಯನ ಮಾಡಿದ್ದಾರೆ. ಎರಡು ಗ್ರಹಗಳ ವಾತಾವರಣವು ಕಾಲಾನಂತರದಲ್ಲಿ ಹೇಗೆ ವಿಕಸನಗೊಂಡವು, ಈ ಪ್ರಕ್ರಿಯೆಯಲ್ಲಿ ಸಾಗರಗಳು ಹೇಗೆ ರೂಪುಗೊಂಡಿರಬಹುದು ಎಂಬುದರ ಕುರಿತು ತಂಡ ಸಂಶೋಧನೆ ನಡೆಸಿದೆ.

. ‘ಶುಕ್ರನ ಮೇಲಿನ ಹವಾಮಾನ ಪರಿಸ್ಥಿತಿಗಳು ಅಲ್ಲಿನ ವಾತಾವರಣದಲ್ಲಿ ನೀರಿನ ಆವಿಯನ್ನು ಸಾಂದ್ರೀಕರಿಸಲು ಬಿಡುವುದಿಲ್ಲ ಎಂಬುದು ನಮ್ಮ ಅಧ್ಯಯನಗಳಿಂದ ಗೊತ್ತಾಗಿದೆ’ ಎಂದು ಯುಎನ್ಐಜಿಇಯ ವಿಜ್ಞಾನ ವಿಭಾಗದ, ಖಗೋಳ ಭೌತಶಾಸ್ತ್ರಜ್ಞ ಮತ್ತು ಸಂಶೋಧಕ ಮಾರ್ಟಿನ್ ಟರ್ಬೆಟ್ ತಿಳಿಸಿದ್ದಾರೆ.

. ಇದರ ಅರ್ಥವೇನೆಂದರೆ, ಶುಕ್ರನ ವಾತಾವರಣದಲ್ಲಿರುವ ನೀರು ಮಳೆಹನಿಯಾಗಿ ಅದರ ಮೇಲೆ ಬೀಳುವಷ್ಟರ ಮಟ್ಟಿಗೆ ಅಲ್ಲಿನ ತಾಪಮಾನವು ಕಡಿಮೆ ಆಗಿಯೇ ಇಲ್ಲ. ಹೀಗಾಗಿ ಮಳೆ ನೀರು ಶುಕ್ರನ ಒಡಲಲ್ಲಿ ಬಿದ್ದು ಸಾಗರ ಸೃಷ್ಟಿಯಾಗುವ ಸಾಧ್ಯತೆ ಇಲ್ಲ ಎಂದು ಅವರು ತಿಳಿಸಿದ್ದಾರೆ.

. ಶುಕ್ರನ ಬಿಸಿಯಾದ ವಾತಾವರಣದ ಕಾರಣದಿಂದಾಗಿ ನೀರು ಅನಿಲವಾಗಿ ಉಳಿದಿದೆ ಮತ್ತು ಸಾಗರ ಎಂದಿಗೂ ರೂಪುಗೊಂಡಿರಲಿಲ್ಲ ಎಂದು ವಿಜ್ಞಾನಿಗಳು ಸ್ಪಷ್ಟಪಡಿಸಿದ್ದಾರೆ. ‘ನೇಚರ್’ ಎಂಬ ನಿಯತಕಾಲಿಕೆಯಲ್ಲಿ ಅಧ್ಯಯನದ ವರದಿಯನ್ನು ಪ್ರಕಟಿಸಲಾಗಿದೆ.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಶುಕ್ರನಲ್ಲಿ ಸಾಗರ ಸೃಷ್ಟಿಯಾಗಿರಲಿಲ್ಲ: ಅಧ್ಯಯನದಿಂದ ಬಹಿರಂಗ

ಚಿನಕುರುಳಿ | ಗುರುವಾರ, ನವೆಂಬರ್ 21 2024

ಚುರುಮುರಿ: ದುಡ್ಡಿನ ದಾರಿ

ದಿನ ಭವಿಷ್ಯ: ಈ ರಾಶಿಯವರು ಉಪಕಾರ ಮಾಡದಿದ್ದರೂ ಕೆಡುಕು ಬಯಸದಿರಿ

ಅದಾನಿಯನ್ನು ಈಗಲೇ ಬಂಧಿಸಿ, ಸೆಬಿ ಮುಖ್ಯಸ್ಥರನ್ನು ತನಿಖೆಗೊಳಪಡಿಸಿ: ರಾಹುಲ್ ಗಾಂಧಿ

ಬೆಂಗಳೂರು ಮೊದಲ ಟೆಸ್ಟ್‌ಗೆ ಚಿನ್ನದ ಹೊಳಪು

Aus Vs IND Test: 24ರಂದು ಪರ್ತ್ ತಲುಪಲಿರುವ ರೋಹಿತ್ ಶರ್ಮಾ

ಚೀನಾ ಮಾಸ್ಟರ್ಸ್‌ ಬ್ಯಾಡ್ಮಿಂಟನ್: ಲಕ್ಷ್ಯ ಸೇನ್‌ ಕ್ವಾರ್ಟರ್‌ಗೆ

ಬಾಬಾ ಕೀ ಜೈ ಹೋ... ಮಾಂಜ್ರೇಕರ್‌ಗೆ ಮೊಹಮ್ಮದ್ ಶಮಿ ಮಾತಿನ ‘ತಿವಿತ’

ಒಳನೋಟ | ಪೈರಸಿ ಅಪಾರ, ದೂರು ವಿರಳ

ಒಳನೋಟ: ದಾಂಪತ್ಯ ಸಾಂಗತ್ಯಗಳ ಸುತ್ತ

ಒಳನೋಟ | ಹೆಜ್ಜೆ ಹೆಜ್ಜೆಗೂ ಎಸ್‌ಐಟಿ ತನಿಖೆ

ಒಳನೋಟ | ‘ಅಕ್ರಮ ವಲಸೆ’: ನೆಲೆ ವಿಸ್ತಾರ

ಚಿನಕುರುಳಿ | ಗುರುವಾರ, ನವೆಂಬರ್ 21 2024

ಚುರುಮುರಿ: ದುಡ್ಡಿನ ದಾರಿ

ದಿನ ಭವಿಷ್ಯ: ಈ ರಾಶಿಯವರು ಉಪಕಾರ ಮಾಡದಿದ್ದರೂ ಕೆಡುಕು ಬಯಸದಿರಿ

ಅದಾನಿಯನ್ನು ಈಗಲೇ ಬಂಧಿಸಿ, ಸೆಬಿ ಮುಖ್ಯಸ್ಥರನ್ನು ತನಿಖೆಗೊಳಪಡಿಸಿ: ರಾಹುಲ್ ಗಾಂಧಿ