<p><strong>ನವದೆಹಲಿ</strong>: ಕೇಂದ್ರ ಸರ್ಕಾರವು ದೇಶೀಯವಾಗಿ ಉತ್ಪಾದಿಸುವ ನೈಸರ್ಗಿಕ ಅನಿಲ ಪೂರೈಕೆಯಲ್ಲಿ ಕಡಿತಗೊಳಿಸಿರುವ ಬೆನ್ನಲ್ಲೇ, ನಗರ ಪ್ರದೇಶಗಳಿಗೆ ಅನಿಲ ಪೂರೈಸುವ ಇಂದ್ರಪ್ರಸ್ಥ ಗ್ಯಾಸ್ ಕಂಪನಿ ಮತ್ತು ಅದಾನಿ ಟೋಟಲ್ ಗ್ಯಾಸ್ ಕಂಪನಿಯು, ಸಾಂದ್ರಿಕೃತ ನೈಸರ್ಗಿಕ ಅನಿಲದ (ಸಿಎನ್ಜಿ) ದರ ಹೆಚ್ಚಿಸುವ ಸುಳಿವು ನೀಡಿವೆ.</p>.<p>ಇದಕ್ಕೆ ಪ್ರತಿಕ್ರಿಯಿಸಿರುವ ಕೇಂದ್ರ ಪೆಟ್ರೋಲಿಯಂ ಮತ್ತು ನೈಸರ್ಗಿಕ ಅನಿಲ ಸಚಿವಾಲಯ, ಸರ್ಕಾರವು ಕಂಪನಿಗಳ ಲಾಭದ ವಿರುದ್ಧವಿಲ್ಲ. ಆದರೆ, ಸಿಎನ್ಜಿ ತಯಾರಿಕೆಗೆ ಆಗುವ ವೆಚ್ಚದ ವಿವರವನ್ನು ಕಂಪನಿಗಳು ಘೋಷಿಸಬೇಕಿದೆ ಎಂದು ಹೇಳಿದೆ.</p>.<p>ಸರ್ಕಾರವು ನವೆಂಬರ್ 16ರಂದು ಕಡಿಮೆ ಬೆಲೆಯಲ್ಲಿ ನಗರ ಪ್ರದೇಶದ ಸಗಟುದಾರರಿಗೆ ನೀಡುತ್ತಿದ್ದ ನೈಸರ್ಗಿಕ ಅನಿಲ ಪೂರೈಕೆಯಲ್ಲಿ ಶೇ 20ರಷ್ಟನ್ನು ಕಡಿತಗೊಳಿಸಿತ್ತು. ಅಕ್ಟೋಬರ್ 20ರಂದು ಶೇ 21ರಷ್ಟು ಕಡಿತಗೊಳಿಸಿದೆ.</p>.<p>ಇಂದ್ರಪ್ರಸ್ಥ ಕಂಪನಿಯು ದೆಹಲಿ ಹಾಗೂ ಸುತ್ತಮುತ್ತಲಿನ ನಗರಗಳಿಗೆ ಸಿಎನ್ಜಿ ಪೂರೈಸುತ್ತದೆ. ಮಹಾನಗರ ಗ್ಯಾಸ್ ಕಂಪನಿಯು ಮುಂಬೈನಲ್ಲಿ ಸರಬರಾಜು ಮಾಡುತ್ತದೆ. ಅದಾನಿ ಕಂಪನಿಯು ಗುಜರಾತ್ ಸೇರಿ ದೇಶದ ವಿವಿಧೆಡೆ ಕಾರ್ಯಾಚರಣೆ ನಡೆಸುತ್ತದೆ. </p>.<p>ಸಗಟುದಾರರ ಸಿಎನ್ಜಿ ಉತ್ಪಾದನಾ ವೆಚ್ಚ ಮತ್ತು ಮಾರಾಟ ಬೆಲೆಯಲ್ಲಿ ಭಾರಿ ವ್ಯತ್ಯಾಸವಿದೆ ಸಚಿವಾಲಯದ ಅಧಿಕಾರಿಗಳು ತಿಳಿಸಿದ್ದಾರೆ.</p>.<p>2023–24ನೇ ಆರ್ಥಿಕ ವರ್ಷದಲ್ಲಿ ಇಂದ್ರಪ್ರಸ್ಥ ಕಂಪನಿಯು ₹16 ಸಾವಿರ ಕೋಟಿ ವರಮಾನಗಳಿಸಿದೆ. ಒಟ್ಟಾರೆ ₹1,748 ಕೋಟಿ ನಿವ್ವಳ ಲಾಭ ಗಳಿಸಿದೆ. ಲಾಭ ಮತ್ತು ವರಮಾನದ ನಡುವಿನ ಅನುಪಾತ ಶೇ 11ರಷ್ಟಿದೆ. ಚಿಲ್ಲರೆ ಮಾರಾಟಗಾರರು ಇಷ್ಟು ಲಾಭ ಪಡೆಯಲು ಸಾಧ್ಯವೇ? ಎಂದು ಹಿರಿಯ ಅಧಿಕಾರಿಯೊಬ್ಬರು ಪ್ರಶ್ನಿಸಿದ್ದಾರೆ.</p>.<p>ಭಾರತೀಯ ತೈಲ ಕಂಪನಿಗಳು ಕೂಡ ಸಗಟು ತೈಲ ಪೂರೈಕೆ ಮಾಡುತ್ತವೆ. ಇದೇ ಅವಧಿಯಲ್ಲಿ ಈ ಕಂಪನಿಗಳ ವರಮಾನ ₹8.71 ಲಕ್ಷ ಕೋಟಿ ಆಗಿದ್ದು, ಒಟ್ಟು ₹39,617 ಕೋಟಿ ನಿವ್ವಳ ಲಾಭಗಳಿಸಿವೆ. ಲಾಭ ಮತ್ತು ವರಮಾನದ ನಡುವಿನ ಅನುಪಾತ ಶೇ 4.5ರಷ್ಟಿದೆ ಎಂದು ಹೇಳಿದ್ದಾರೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ನವದೆಹಲಿ</strong>: ಕೇಂದ್ರ ಸರ್ಕಾರವು ದೇಶೀಯವಾಗಿ ಉತ್ಪಾದಿಸುವ ನೈಸರ್ಗಿಕ ಅನಿಲ ಪೂರೈಕೆಯಲ್ಲಿ ಕಡಿತಗೊಳಿಸಿರುವ ಬೆನ್ನಲ್ಲೇ, ನಗರ ಪ್ರದೇಶಗಳಿಗೆ ಅನಿಲ ಪೂರೈಸುವ ಇಂದ್ರಪ್ರಸ್ಥ ಗ್ಯಾಸ್ ಕಂಪನಿ ಮತ್ತು ಅದಾನಿ ಟೋಟಲ್ ಗ್ಯಾಸ್ ಕಂಪನಿಯು, ಸಾಂದ್ರಿಕೃತ ನೈಸರ್ಗಿಕ ಅನಿಲದ (ಸಿಎನ್ಜಿ) ದರ ಹೆಚ್ಚಿಸುವ ಸುಳಿವು ನೀಡಿವೆ.</p>.<p>ಇದಕ್ಕೆ ಪ್ರತಿಕ್ರಿಯಿಸಿರುವ ಕೇಂದ್ರ ಪೆಟ್ರೋಲಿಯಂ ಮತ್ತು ನೈಸರ್ಗಿಕ ಅನಿಲ ಸಚಿವಾಲಯ, ಸರ್ಕಾರವು ಕಂಪನಿಗಳ ಲಾಭದ ವಿರುದ್ಧವಿಲ್ಲ. ಆದರೆ, ಸಿಎನ್ಜಿ ತಯಾರಿಕೆಗೆ ಆಗುವ ವೆಚ್ಚದ ವಿವರವನ್ನು ಕಂಪನಿಗಳು ಘೋಷಿಸಬೇಕಿದೆ ಎಂದು ಹೇಳಿದೆ.</p>.<p>ಸರ್ಕಾರವು ನವೆಂಬರ್ 16ರಂದು ಕಡಿಮೆ ಬೆಲೆಯಲ್ಲಿ ನಗರ ಪ್ರದೇಶದ ಸಗಟುದಾರರಿಗೆ ನೀಡುತ್ತಿದ್ದ ನೈಸರ್ಗಿಕ ಅನಿಲ ಪೂರೈಕೆಯಲ್ಲಿ ಶೇ 20ರಷ್ಟನ್ನು ಕಡಿತಗೊಳಿಸಿತ್ತು. ಅಕ್ಟೋಬರ್ 20ರಂದು ಶೇ 21ರಷ್ಟು ಕಡಿತಗೊಳಿಸಿದೆ.</p>.<p>ಇಂದ್ರಪ್ರಸ್ಥ ಕಂಪನಿಯು ದೆಹಲಿ ಹಾಗೂ ಸುತ್ತಮುತ್ತಲಿನ ನಗರಗಳಿಗೆ ಸಿಎನ್ಜಿ ಪೂರೈಸುತ್ತದೆ. ಮಹಾನಗರ ಗ್ಯಾಸ್ ಕಂಪನಿಯು ಮುಂಬೈನಲ್ಲಿ ಸರಬರಾಜು ಮಾಡುತ್ತದೆ. ಅದಾನಿ ಕಂಪನಿಯು ಗುಜರಾತ್ ಸೇರಿ ದೇಶದ ವಿವಿಧೆಡೆ ಕಾರ್ಯಾಚರಣೆ ನಡೆಸುತ್ತದೆ. </p>.<p>ಸಗಟುದಾರರ ಸಿಎನ್ಜಿ ಉತ್ಪಾದನಾ ವೆಚ್ಚ ಮತ್ತು ಮಾರಾಟ ಬೆಲೆಯಲ್ಲಿ ಭಾರಿ ವ್ಯತ್ಯಾಸವಿದೆ ಸಚಿವಾಲಯದ ಅಧಿಕಾರಿಗಳು ತಿಳಿಸಿದ್ದಾರೆ.</p>.<p>2023–24ನೇ ಆರ್ಥಿಕ ವರ್ಷದಲ್ಲಿ ಇಂದ್ರಪ್ರಸ್ಥ ಕಂಪನಿಯು ₹16 ಸಾವಿರ ಕೋಟಿ ವರಮಾನಗಳಿಸಿದೆ. ಒಟ್ಟಾರೆ ₹1,748 ಕೋಟಿ ನಿವ್ವಳ ಲಾಭ ಗಳಿಸಿದೆ. ಲಾಭ ಮತ್ತು ವರಮಾನದ ನಡುವಿನ ಅನುಪಾತ ಶೇ 11ರಷ್ಟಿದೆ. ಚಿಲ್ಲರೆ ಮಾರಾಟಗಾರರು ಇಷ್ಟು ಲಾಭ ಪಡೆಯಲು ಸಾಧ್ಯವೇ? ಎಂದು ಹಿರಿಯ ಅಧಿಕಾರಿಯೊಬ್ಬರು ಪ್ರಶ್ನಿಸಿದ್ದಾರೆ.</p>.<p>ಭಾರತೀಯ ತೈಲ ಕಂಪನಿಗಳು ಕೂಡ ಸಗಟು ತೈಲ ಪೂರೈಕೆ ಮಾಡುತ್ತವೆ. ಇದೇ ಅವಧಿಯಲ್ಲಿ ಈ ಕಂಪನಿಗಳ ವರಮಾನ ₹8.71 ಲಕ್ಷ ಕೋಟಿ ಆಗಿದ್ದು, ಒಟ್ಟು ₹39,617 ಕೋಟಿ ನಿವ್ವಳ ಲಾಭಗಳಿಸಿವೆ. ಲಾಭ ಮತ್ತು ವರಮಾನದ ನಡುವಿನ ಅನುಪಾತ ಶೇ 4.5ರಷ್ಟಿದೆ ಎಂದು ಹೇಳಿದ್ದಾರೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
