ಮಾಲೂರು: ರೈತರಿಗೆ ಆದಾಯದ ಮೂಲವಾದ ಗುಲಾಬಿ

ಕಳೆದ ಮೂರು ವರ್ಷದಿಂದ ಡಚ್ ರೋಸ್ ಬೆಳೆಯುತ್ತಿದ್ದೇನೆ. ಒಂದೂ ಕಾಲು ಎಕರೆ ಜಮೀನಿನಲ್ಲಿ ನೀರು ಗೊಬ್ಬರ ಸೇರಿ ನಿರ್ವಹಣೆಗಾಗಿ ಪ್ರತಿ ತಿಂಗಳಿಗೆ ₹15–₹20 ಸಾವಿರ ಖರ್ಚು ಬರುತ್ತದೆ. ಪ್ರತಿ 20 ಹೂವು ₹25ರಿಂದ ₹40ಕ್ಕೆ ಸಿಗುತ್ತಿದೆ. ಪ್ರತಿ ತಿಂಗಳು 4 ಸಾವಿರ ಕಟ್ಟು ಮಾರುತ್ತೇವೆ.

ಪ್ರಸ್ತುತ ಹೂವಿಗಿರುವ ಬೆಲೆ ಬಗ್ಗೆ ರೈತರಲ್ಲಿ ಜಾಗೃತಿ ಮೂಡುತ್ತಿದೆ. ನೇರವಾಗಿ ಮಾರಾಟ ಮಾಡುವ ಅವಕಾಶ ಅದನ್ನು ಸಮರ್ಥವಾಗಿ ಬಳಸಿಕೊಳ್ಳುವ ಜಾಣ್ಮೆಯೂ ಮೂಡಿದೆ. ಪ್ರಮಾಣ ಎಷ್ಟೇ ಇದ್ದರೂ ರೈತರು ಹೂವನ್ನು ಮಾರುಕಟ್ಟೆಯಲ್ಲೇ ಮಾರುವುದು ಹೆಚ್ಚಿದೆ. ಹೂವು ಬೆಳೆಯುವುದು ಇಷ್ಟದ ವಿಚಾರವಾಗಿದೆ.

ಮಾಲೂರು ಬೆಂಗಳೂರಿಗೆ ಹತ್ತಿರವಿದೆ. ಹೂವಿನಿಂದ ಪ್ರತಿದಿನ ಆದಾಯ ಸಿಗುತ್ತದೆ. ತರಕಾರಿ ಬೆಳೆಗಳಿಗೆ ಹೋಲಿಸಿದರೆ ಹೂವಿನ ಬೆಲೆ ಹೆಚ್ಚು ಇರುತ್ತದೆ. ಸಾಗಣೆ ವೆಚ್ಚವೂ ಕಡಿಮೆ. ವರ್ಷದಿಂದ ವರ್ಷಕ್ಕೆ ಬಹಳ ರೈತರು ಹೂವಿನ ಬೆಳೆಯತ್ತ ಗಮನ ಹರಿಸಿದ್ದಾರೆ