ದಸರಾ ಉತ್ಸವ: ಪ್ರಜಾಪ್ರಭುತ್ವದ ಆಶಯ ಬಿಂಬಿಸಲು ‘ಯೋಗ ಪುಷ್ಪ’

ಯೋಗ ದಸರೆಯನ್ನು ಅ.4ರಂದು ಜೆ.ಕೆ.ಮೈದಾನದ ಎಂಎಂಸಿ ಅಮೃತ ಮಹೋತ್ಸವ ಸಭಾಂಗಣದಲ್ಲಿ ಆರೋಗ್ಯ ಸಚಿವ ದಿನೇಶ್ ಗುಂಡೂರಾವ್ ಉದ್ಘಾಟಿಸುವರು. 40 ವರ್ಷ ಮೇಲಿನ 6 ಯೋಗಪಟುಗಳಿಗೆ ಯೋಗ ಸಿರಿ ಪ್ರಶಸ್ತಿ ಪ್ರದಾನ ಮಾಡಲಾಗುವುದು. ಗ್ರಾಮೀಣ ಯೋಗಪಟುಗಳಿಂದ ನೃತ್ಯರೂಪಕದ ಪ್ರದರ್ಶನವಿದೆ. ಯೋಗ ಸ್ಪರ್ಧೆ: ವಸ್ತುಪ್ರದರ್ಶನ ಪ್ರಾಧಿಕಾರ ಅವರಣದ ಕಾಳಿಂಗರಾವ್ ಸಭಾಂಗಣದಲ್ಲಿ ಅ.5ರಂದು ರಾಜ್ಯಮಟ್ಟದ ಯೋಗಾಸನ ಸ್ಪರ್ಧೆ ವಿವಿಧ ವಯೋಮಾನದಲ್ಲಿ 12 ವಿಭಾಗದಲ್ಲಿ ನಡೆಯಲಿದೆ. ಈಗಾಗಲೇ 700 ಮಂದಿ ನೋಂದಾಯಿಸಿದ್ದಾರೆ. ವೆಬ್‌ಸೈಟ್‌ ಲಿಂಕ್‌: https://forms.gle/eEAMrXDu4sGduCkx9 ಮೂಲಕ ಅ.2ರವರೆಗೂ ನೋಂದಾಯಿಸಬಹುದು.

‘ಯೋಗ ದಸರೆಗೆ ಸಿದ್ಧತೆ ಕೈಗೊಳ್ಳಲಾಗಿದ್ದು ₹25 ಲಕ್ಷ ಅನುದಾನಕ್ಕಾಗಿ ಜಿಲ್ಲಾಡಳಿತಕ್ಕೆ ಪ್ರಸ್ತಾವ ಸಲ್ಲಿಸಲಾಗಿದೆ’ ಎಂದು ಪುಷ್ಪಾ ತಿಳಿಸಿದರು. ‘ನಗರದಲ್ಲಿ ಹಲವು ಯೋಗ ಕೇಂದ್ರಗಳು ಮತ್ತು ಶಾಲಾ–ಕಾಲೇಜುಗಳು ಆಯೋಜನೆಗೆ ಸಹಕಾರ ನೀಡುತ್ತಿವೆ. ‘ಜನರಿಂದ ಜನರಿಗಾಗಿ ಜನರ ಯೋಗ’ ಎಂಬ ಘೋಷವಾಕ್ಯದೊಂದಿಗೆ ಆಚರಣೆ ಮಾಡಲಾಗುತ್ತದೆ’ ಎಂದರು.