ನೀವೇ ಸೃಷ್ಟಿಸಿದ ರಾಕ್ಷಸ, ತಿರುಗಿ ಬಿದ್ದಿದ್ದಾನೆ: ಮಮತಾ ಪಕ್ಷಕ್ಕೆ ಬಿಜೆಪಿ ಚಾಟಿ

ಕೋಲ್ಕತ್ತ : ಹಿಂದೂ ಸಮುದಾಯದ ಇಬ್ಬರು ಶಾಸಕರ ಮೇಲೆ ದುಷ್ಕರ್ಮಿಗಳು ದಾಳಿ ನಡೆಸಿದ್ದಾರೆ. ಆದರೆ, ಅಂತಹ ಕಿಡಿಗೇಡಿಗಳನ್ನು ಸರ್ಕಾರವು ಮತ ಗಳಿಕೆಗಾಗಿ ರಕ್ಷಿಸುತ್ತಿದೆ ಎಂದು ವಿಧಾನಸಭೆ ವಿರೋಧ ಪಕ್ಷದ ನಾಯಕ ಸುವೇಂದು ಅಧಿಕಾರಿ ಕಿಡಿಕಾರಿದ್ದಾರೆ.

ಹಿಂದೂ ಶಾಸಕರಾದ ಉಷಾ ರಾಣಿ ಮಂಡಲ್ ಹಾಗೂ ಸುಕುಮಾರ್ ಮಹತಾ ಅವರು ಆಡಳಿತ ಪಕ್ಷ ತೃಣಮೂಲ ಕಾಂಗ್ರೆಸ್ (ಟಿಎಂಸಿ) ಪಕ್ಷಕ್ಕೆ ಸೇರಿದವರು. ಕಾಳಿ ಪೂಜಾ ಮಂಟಪಗಳ ಉದ್ಘಾಟನಾ ಸಮಾರಂಭದಲ್ಲಿ ಪಾಲ್ಗೊಂಡು ವಾಪಸ್ ಆಗುತ್ತಿದ್ದ ಅವರ ಮೇಲೆ ಅಬ್ದುಲ್ ಖಲೇಕ್ ಮೊಲ್ಲಾ ಮತ್ತು ಅಬ್ದುಲ್ ಖಾದರ್ ಮೊಲ್ಲಾ ನೇತೃತ್ವದ ಪ್ರತ್ಯೇಕ ಗುಂಪುಗಳು ಗುರುವಾರ ದಾಳಿ ಮಾಡಿವೆ ಎಂದು ಸಾಮಾಜಿಕ ಮಾದ್ಯಮ ವೇದಿಕೆ ಎಕ್ಸ್/ಟ್ವಿಟರ್ನಲ್ಲಿ ಆಕ್ರೋಶ ವ್ಯಕ್ತಪಡಿಸಿದ್ದಾರೆ.

ಶಾಸಕರು ಗಾಯಗೊಂಡಿರುವ ವಿಡಿಯೊಗಳನ್ನೂ ಹಂಚಿಕೊಂಡಿರುವ ಅಧಿಕಾರಿ, 'ನೀವು ರಾಕ್ಷಸರನ್ನು ಸೃಷ್ಟಿಸಿದ್ದೀರಿ. ಇದೀಗ ಅವರು, ನಿಮ್ಮ ವಿರುದ್ಧವೇ ತಿರುಗಿಬಿದ್ದಿದ್ದಾರೆ' ಎನ್ನುವ ಮೂಲಕ ಮುಖ್ಯಮಂತ್ರಿ ಮಮತಾ ಬ್ಯಾನರ್ಜಿ ಅವರ ಪಕ್ಷದತ್ತ ಚಾಟಿ ಬೀಸಿದ್ದಾರೆ.

'ಮಮತಾ ಬ್ಯಾನರ್ಜಿ ಅವರ ಆಡಳಿತವು ಮತ ಬ್ಯಾಂಕ್ ರಾಜಕಾರಣಕ್ಕಾಗಿ ಒಂದು ವರ್ಗದ ಜನರನ್ನು ದೀರ್ಘಕಾಲದಿಂದ ಓಲೈಸುತ್ತಾ ಬಂದಿದೆ. ಹಾಗಾಗಿ, ಆ ವರ್ಗವೂ ತಮ್ಮ ಸಂಪೂರ್ಣ ಬೆಂಬಲವನ್ನು ಟಿಎಂಸಿಗೆ ನೀಡುತ್ತಿದೆ. ಅದಕ್ಕೆ ಬದಲಾಗಿ, ರಾಜ್ಯದಲ್ಲಿರುವ ಬಹುಸಂಖ್ಯಾತರನ್ನು ಗುರಿಯಾಗಿಸಿ ದಾಳಿ ನಡೆಸಿದರೂ, ಶಿಕ್ಷೆಯಿಂದ ಮುಕ್ತರಾಗುತ್ತಾರೆ. ಇಂತಹ ಶಕ್ತಿಗಳು ಟಿಎಂಸಿ ಸರ್ಕಾರದ ಭಾಗವಾಗಿರುವುದರಿಂದ, ಪೊಲೀಸ್ ಮತ್ತು ಆಡಳಿತ ಮೂಕ ಪ್ರೇಕ್ಷಕರಂತಾಗುತ್ತವೆ. ಈ ಶಕ್ತಿಗಳು, ವಿರೋಧ ಪಕ್ಷಗಳ ನಾಯಕರ ವಿರುದ್ಧ, ಅದರಲ್ಲೂ ಚುನಾವಣೆಗಳ ಸಂದರ್ಭದಲ್ಲಿ ಶಸ್ತ್ರ ಪ್ರಯೋಗಿಸುತ್ತವೆ' ಎಂದು ದೂರಿದ್ದಾರೆ.

ಮುಂದುವರಿದು, 'ಇದೀಗ, ಅವರೇ (ಟಿಎಂಸಿ ಶಾಸಕರೇ) ಹೇಳುತ್ತಿರುವಂತೆ, ಇಂತಹ ಶಕ್ತಿಗಳು ಟಿಎಂಸಿಯಲ್ಲಿರುವ ಹಿಂದೂ ಶಾಸಕರನ್ನೇ ಗುರಿಯಾಗಿಸಲು ಪ್ರಾರಂಭಿಸಿವೆ' ಎಂದು ಕಿಡಿಕಾರಿದ್ದಾರೆ.

'ಘೋರ ದುರಂತ' ಕಾದಿದೆ ಎಂದು ರಾಜ್ಯದ ಜನರಿಗೆ ಎಚ್ಚರಿಕೆ ನೀಡಿರುವ ಅವರು, 'ಈ ರಾಕ್ಷಸರನ್ನು ಪಳಗಿಸಿ ಮತ್ತೆ ಬಾಟಲಿಯಲ್ಲಿ ಬಂಧಿಸುವುದು ಬಿಜೆಪಿಯಿಂದಷ್ಟೇ ಸಾಧ್ಯ' ಎಂದು ಹೇಳಿಕೊಂಡಿದ್ದಾರೆ.

. 'ವಾಹನದಿಂದ ಇಳಿಸಿ ಹಲ್ಲೆ' ತಮ್ಮನ್ನು ಬಲವಂತವಾಗಿ ಕಾರಿನಿಂದ ಇಳಿಸಿ ಹಲ್ಲೆ ಮಾಡಲಾಯಿತು. ಘಟನೆ ಸಂದರ್ಭದಲ್ಲಿ ಹಲವು ಬಾರಿ ಗುಂಡು ಹಾರಿಸಲಾಯಿತು ಎಂದು ಉಷಾ ರಾಣಿ ಮಂಡಲ್ ಪೊಲೀಸರಿಗೆ ತಿಳಿಸಿದ್ದಾರೆ.

ಲೋಕಸಭೆ ಚುನಾವಣೆ ಸಂದರ್ಭದಲ್ಲಿ ಕಾನೂನುಬಾಹಿರ ಚಟುವಟಿಕೆಯಲ್ಲಿ ಭಾಗಿಯಾದ ಆರೋಪದಲ್ಲಿ ಪಕ್ಷದಿಂದ ಅಮಾನತುಗೊಂಡಿರುವ ನಾಯಕರೊಬ್ಬರು ಈ ದಾಳಿಯ ಹಿಂದೆ ಇದ್ದಾರೆ ಎಂದು ಆರೊಪಿಸಿದ್ದಾರೆ.

'ಕಾಳಿ ಪೂಜಾ ಮಂಟಪ ಉದ್ಘಾಟಿಸಿ ಹಿಂದಿರುಗುತ್ತಿದ್ದಾಗ ಕೆಲವು ದುಷ್ಕರ್ಮಿಗಳು ನನ್ನ ವಾಹನದ ಮೇಲೆ ದಾಳಿ ಮಾಡಿದ್ದಾರೆ. ನಮ್ಮ ಪಕ್ಷದ ಕೆಲವು ಸದಸ್ಯರ ಮೇಲೆ ಹಲ್ಲೆ ನಡೆಸಿದ್ದಾರೆ. ಗಾಯಗೊಂಡಿರುವ ಒಬ್ಬರನ್ನು ಆಸ್ಪತ್ರೆಗೆ ದಾಖಲಿಸಲಾಗಿದೆ' ಎಂದು ಸುಕುಮಾರ್ ಹೇಳಿದ್ದಾರೆ.

ಎರಡೂ ಪ್ರಕರಣಗಳಿಗೆ ಸಂಬಂಧಿಸಿದಂತೆ ಪೊಲೀಸರು ತನಿಖೆ ಆರಂಭಿಸಿದ್ದಾರೆ. ಈವರೆಗೆ ಇಬ್ಬರನ್ನು ಬಂಧಿಸಲಾಗಿದ್ದು, ಉಳಿದ ಆರೋಪಿಗಳಿಗಾಗಿ ಬಲೆ ಬೀಸಿದ್ದಾರೆ.

ಉಷಾ ರಾಣಿ ಮಂಡಲ್ ಅವರು ಮಣಿಖನ್ ಹಾಗೂ ಸುಕುಮಾರ್ ಮಹತಾ ಅವರು ಸಂದೇಶ್ಖಾಲಿ ಕ್ಷೇತ್ರದ ಶಾಸಕರು.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ನೀವೇ ಸೃಷ್ಟಿಸಿದ ರಾಕ್ಷಸ, ತಿರುಗಿ ಬಿದ್ದಿದ್ದಾನೆ: ಮಮತಾ ಪಕ್ಷಕ್ಕೆ ಬಿಜೆಪಿ ಚಾಟಿ

ಚಿನಕುರುಳಿ | ಗುರುವಾರ, ನವೆಂಬರ್ 21 2024

ಚುರುಮುರಿ: ದುಡ್ಡಿನ ದಾರಿ

ಜಗತ್ತಿನ ಅತಿ ಕುಬ್ಜ– ಎತ್ತರದ ಮಹಿಳೆಯರ ಭೇಟಿ!

ದಿನ ಭವಿಷ್ಯ: ಈ ರಾಶಿಯವರು ಉಪಕಾರ ಮಾಡದಿದ್ದರೂ ಕೆಡುಕು ಬಯಸದಿರಿ

ಬೆಂಗಳೂರು ಮೊದಲ ಟೆಸ್ಟ್‌ಗೆ ಚಿನ್ನದ ಹೊಳಪು

Aus Vs IND Test: 24ರಂದು ಪರ್ತ್ ತಲುಪಲಿರುವ ರೋಹಿತ್ ಶರ್ಮಾ

ಚೀನಾ ಮಾಸ್ಟರ್ಸ್‌ ಬ್ಯಾಡ್ಮಿಂಟನ್: ಲಕ್ಷ್ಯ ಸೇನ್‌ ಕ್ವಾರ್ಟರ್‌ಗೆ

ಬಾಬಾ ಕೀ ಜೈ ಹೋ... ಮಾಂಜ್ರೇಕರ್‌ಗೆ ಮೊಹಮ್ಮದ್ ಶಮಿ ಮಾತಿನ ‘ತಿವಿತ’

ಒಳನೋಟ | ಪೈರಸಿ ಅಪಾರ, ದೂರು ವಿರಳ

ಒಳನೋಟ: ದಾಂಪತ್ಯ ಸಾಂಗತ್ಯಗಳ ಸುತ್ತ

ಒಳನೋಟ | ಹೆಜ್ಜೆ ಹೆಜ್ಜೆಗೂ ಎಸ್‌ಐಟಿ ತನಿಖೆ

ಒಳನೋಟ | ‘ಅಕ್ರಮ ವಲಸೆ’: ನೆಲೆ ವಿಸ್ತಾರ

ಚಿನಕುರುಳಿ | ಗುರುವಾರ, ನವೆಂಬರ್ 21 2024

ಚುರುಮುರಿ: ದುಡ್ಡಿನ ದಾರಿ

ಜಗತ್ತಿನ ಅತಿ ಕುಬ್ಜ– ಎತ್ತರದ ಮಹಿಳೆಯರ ಭೇಟಿ!

ದಿನ ಭವಿಷ್ಯ: ಈ ರಾಶಿಯವರು ಉಪಕಾರ ಮಾಡದಿದ್ದರೂ ಕೆಡುಕು ಬಯಸದಿರಿ